07/10/2021
ለጉመር ወረዳ ነዋሪዎች በሙሉ
ይህንን እድል እንዳያመልጦዎት ስናበስር በታላቅ ደስታ ነው!!!
በቅድሚያ ለክልል ማዕድን ኢነርጂይ ኤጀንሲ እና የክልሉ የባዩ ጋዝ ፕሮግራም ማስተባበሪያ ዩኒቲ ለዞንና ለወረዳው ይህንን ቴክኖሎጂ ህብረተሰቡን እንዲጠቀመው አሰተዋጽኦ ለሚያደርጉ ተቋማት ሁሉ ላቅ ያለ ምስጋና እያቀረብን በሀገራችን ላይ እየተስፋፋ ያለው የባዮ ጋዝ ቴክኖሎጂ በወረዳችን እንዲስፋፋ ህብረተሰቡን በዚህ ቴክኖሎጂ ተጠቃሚ ይሆን ዘንድ ቴክኖሎጂው እንደ ወረዳችን አዲስ እንደመሆኑ ህብረተሰቡ ቴክኖሎጂው አመኖበት ተረድቶና ተገንዝቦ በራሱ ተነሳሽነት እንደሚሰራና እንደሚጠቀመው በሙሉ እምነት ተስፋ እያደረገ የክልል የባዮጋዝ ኘሮግራም በዘንድሮ አመት በያዘው በጀት ለህብረተሰቡ ሰረቶ ማሰያ ሙሉ የግንበኛ ክፍያ በመሸፈን የቴክኖሎጂው ሙሉ እቃ አቅርቦትና የመስመር ዝርጋታን ጨመሮ ለህብረተሰቡ እያቀረበ መሆኑን እያሳወቅን ይህንን ቴክኖሎጂ ለመጠቀም ፍላጎት ያለው አርሶ አደር ቴክኖሎጂ እንዲጠቀመው እየመከረን 8 ኩንታል ሲምንቶ 3.5-4 ሜ.ኩ አሻዋ እንደ አሻዋው ጥራት 1.5ሜ.ኩ ጠጠር ማዘጋጀትና ማቅረብ የሚችል አርሶ አደር በወረዳው ባለው ውሃና ማዕድን ኢነርጂይ ፅ/ቤት እንዲመዘገቡና እድሉንም እንዳያመልጦት እያሳሰብን
ስለ ቴክኖሎጂው በጥቂቱ
✡ባዮ ጋዝ ምንድነው?
ባዩ ጋዝ ማለት ኦክሲጂን በሌለበት በባክቴሪያዎች አማካኝነት ህይወት ካላቸው ነገሮች የሚገኝ ብስባሽ እና የእንስሳት ቅሪት አካላት(organic matters) በኬሚካል ኡደት የሚለቀቅ ጋዝ ነው
ባዮ ጋዝ የተባለበት ምክንያት የሚበሰብሱ አካለት ንጥረ ነገሮች ህይወት ካልቸው ነገሮች ስለሚገኝ ነው የኦክሲጂን አልባ ኬሚካል ኡደት ተከትሎ የሚመጣውና የሚቀጣጠለው ጋዝ ባዮ ጋዝ ይባላል
1 ሜ ኩብ ባዬ ጋዝ
10 ኪ ግ ኩበት ከሚሰጠው
5 ኪ ግ እንጨት ከሚሰጠው
2 ኪ ግ የእንጨት ከሰል ከሚሰጠው ሀይል/ኢነርጂይ ጋር እኩል ሲሆን
በተጨማሪም 1ሜ ኩ ባዮ ጋዝ 1.25 ኪሎ ዋት የኤልክትሪክ ሀይል ማመንጨት ይችላል፡፡
✡ለምን ለምን አገልግሎት ይውላል?
❖ለመብራት/lighting -በቂ የብርሃን አገልግሎት ይሰጣል
❖ለምድጃ-የተለያዮ ምግቦች ለማብሰልና ቡና ሻይ ለማፍላት
❖ለማዳበሪያ-የተፈጥሮ- ለመሬት ለምነትና ምርታማነት የሚውል ለአፈር ማዳበሪያነት
✡ሌላኛው ጠቀሜታው?
✔የማገዶ የሚወጣውን ወጪ ይቀንሳል
✔በጭስ አማካኝነት የሚመጡ በሽታዎች ይቀንሳል
✔ለሴቶችና ልጆች የስራ ጫና ይቀንሳል ጊዜና ጉልበትም ይቆጥባል
✔ለአርሶ አደሩ ምርትና ምርታማነት ይጨምራል
✔የአፈር ለምነት ይጨምራል-ባዮስለሪ
✔ለኬሚካል የሚወጣው ማዳበሪያ ወጪ ይቀንሳል ..ሌሎች ሌሎችም
