Silte Zone Government Communication Affairs Department

Silte Zone Government Communication Affairs Department Welcome to the official page of the Silte Zone Government Communication Affairs Department.
(2)

We serve as the official communication body for the Silte Zone. Our department operates under the Central Ethiopia Regional Government (C/E/R/G). The Silte Zone Government Communication Affairs Department plays a vital role in fostering transparent and effective communication between the local government and the community.

በየደረጃው ያለው አመራር ህዝቡን ይበልጥ ተጠቃሚ ለማድረግ ያለመታከት ሊሰራ ይገባል፦ ክቡር እንደሻው ጣሰው (ዶ/ር)ወራቤ፣ ግንቦት 26/2018 (ስልጤ ዞን መንግስት ኮሙኒኬሽን)የማዕከላዊ ኢ...
03/06/2026

በየደረጃው ያለው አመራር ህዝቡን ይበልጥ ተጠቃሚ ለማድረግ ያለመታከት ሊሰራ ይገባል፦ ክቡር እንደሻው ጣሰው (ዶ/ር)

ወራቤ፣ ግንቦት 26/2018 (ስልጤ ዞን መንግስት ኮሙኒኬሽን)

የማዕከላዊ ኢትዮጵያ ክልል ርዕሰ መስተዳድር ክቡር እንደሻው ጣሰው (ዶ/ር) በወራቤ ከተማ ከሰንበት እስከ ሰንበት ዘመናዊ የገበያ ማዕከልና መሶብ የአንድ ማዕከል አገልግሎትን መርቀው ስራ አስጀምረዋል።

መርሃ ግብሩ ላይ መልዕክት ያስተላለፉት ርዕሰ መስተዳድሩ ሀገራችን 7ኛውን ጠቅላላ ምርጫ ፍጹም ሰላማዊና ውጤታማ በሆነ መንገድ ማከናወኗን በማንሳት ምርጫውን በማሳካት ሂደት የድርሻቸውን ለተወጡ ሁሉ ምስጋናቸውን አቅርበዋል።

ከምርጫው በፊት በርካታ ውጤታማ ፕሮጀክቶች ተመርቀው ለአገልግሎት መብቃታቸውን ያስታወሱት ርዕሰ መስተዳድሩ ይኼው ተግባር ተጠናክሮ ሌሎች ፕሮጀክቶችን የማስመረቅ መርሃ ግብር መቀጠሉን ተናግረዋል።

በምርጫ ማግስት ፕሮጀክቶችን ማስመረቅና ተግባራትን አጠናክሮ ማስቀጠል አዲስ ባህልና ልምምድ መሆኑን በማንሳት ይህ ልምድ የህዝብን ተጠቃሚነት በላቀ ደረጃ ለማረጋገጥ ከተወሰደ ቁርጠኝነትና ከተሰሩ ተከታታይ ስራዎች የተገኘ ውጤት መሆኑን አመላክተዋል።

በወራቤ ከተማ የተመረቀው ዘመናዊ የገበያ ማዕከል የአቅርቦትን እጥረትን በመፍታት የህብረተሰቡን የገበያ አማራጭ ለማስፋትቫ እንደሚያግዝ ርዕሰ መስተዳድሩ ተናግረዋል።

በሌላም በኩል በከተማዋ የተመረቀው የመሶብ የአንድ ማዕከል አገልግሎት የአገልግሎት አሰጣጥን ለማዘመን የተጀመረው ሀገራዊ ኢንሼቲቭ አካል መሆኑንና በቀጣይ ቀናት የሆሳዕናና ወልቂጤ ማዕከላትን ጨምሮ በሌሎች የክልሉ ከተሞች አገልግሎቱን የማስጀመር ስራ እንደሚሰራ አስረድተዋል።

በሁሉም ዘርፎች የተጀመሩ የተቀናጁ የልማት ስራዎች ተጠናክረው እንደሚቀጥሉ የገለጹት ዶ/ር እንደሻው በየደረጃው ያለው አመራር ለህዝብ ተጠቃሚነት ያለመታከት እንዲሰራ አሳስበዋል።

የስልጤ ዞንና የወራቤ ከተማ አስተዳደር አመራር አካላት ለተሻለ ለውጥ ያላቸውን ቁርጠኝነት በማድነቅ የተጀመሩ ሰፋፊ ስራዎች ይበልጥ ጎልብተው እንዲቀጥሉ ርዕሰ መስተዳድሩ ጠይቀዋል።

የወራቤ ከተማ መሶብ የአንድ ማዕከል አገልግሎት መስጫ በርዕሰ መስተዳድር እንደሻው ጣሰው (ዶ/ር) ተመረቀ።ወራቤ፣ ግንቦት 26/2018 (ስልጤ ዞን መንግስት ኮሙኒኬሽን)በወራቤ ከተማ የተገነባ...
03/06/2026

የወራቤ ከተማ መሶብ የአንድ ማዕከል አገልግሎት መስጫ በርዕሰ መስተዳድር እንደሻው ጣሰው (ዶ/ር) ተመረቀ።

ወራቤ፣ ግንቦት 26/2018 (ስልጤ ዞን መንግስት ኮሙኒኬሽን)

በወራቤ ከተማ የተገነባው የመሶብ የአንድ ማዕከል አገልግሎት መስጫ በማዕከላዊ ኢትዮጵያ ክልል ርዕሰ መስተዳድር እንደሻው ጣሰው (ዶ/ር) ተመርቆ አገልግሎት መስጠት ጀምሯል።

የአንድ ማዕከል አገልግሎት መስጫው ወደ ስራ መግባት በከተማ አስተዳደሩ የሚሰጡ ተመጋጋቢና ተያያዥ አገልግሎቶችን በተቀናጀ አኳሃን በማቅረብ የተገልጋዩን ጊዜና ወጪ በመቆጠብ ውጤታማነትን ለማሳደግ እንደሚያግዝ ተገልጿል።

በምረቃ መርሃ ግብሩ ላይ የማዕከላዊ ኢትዮጵያ ክልል ህዝብ ተወካዮች ምክር ቤት አፈ ጉባኤ ክብርት ወ/ሮ ፋጤ ስርሞሎ፣ የክልሉ ምክትል ርዕሰ መስተዳድር የትምህርት ቢሮ ሀላፊና የማህበራዊ ክላስተር አስተባባሪ ክቡር አቶ አንተነህ ፍቃዱ፣ የስልጤ ዞን ዋና አስተዳዳሪ ክቡር አቶ ዘይኔ ቢልካና ሌሎች የክልል፣ የዞንና የከተማ አስተዳደሩ የስራ ሀላፊዎች እንዲሁም የማህበረሰብ ክፍሎች ተገኝተዋል።

ርዕስ መስተዳድር እንደሻው ጣሰው (ዶ/ር) በወራቤ ከተማ የተገነባውን "ከሰንበት እስከ ሰንበት" ዘመናዊ የገበያ ማዕከል አስመረቁ።ወራቤ፣ ግንቦት 26/2018 (ስልጤ ዞን መንግስት ኮሙኒኬሽን...
03/06/2026

ርዕስ መስተዳድር እንደሻው ጣሰው (ዶ/ር) በወራቤ ከተማ የተገነባውን "ከሰንበት እስከ ሰንበት" ዘመናዊ የገበያ ማዕከል አስመረቁ።

ወራቤ፣ ግንቦት 26/2018 (ስልጤ ዞን መንግስት ኮሙኒኬሽን)

የማዕከላዊ ኢትዮጵያ ክልል ርዕስ መስተዳድር እንደሻው ጣሰው (ዶ/ር) በስልጤ ዞን ወራቤ ከተማ የተገነባውን "ከሰንበት እስከ ሰንበት" ዘመናዊ የገበያ ማዕከል አስመርቀው ስራ አስጀምረዋል።

ከ15 ሚሊየን ብር በላይ ወጪ የተደረገበት ይህ ዘመናዊ የገበያ ማዕከል በማዕከላዊ ኢትዮጵያ ክልል ንግድና ገበያ ልማት ቢሮ እንዲሁም ስልጤ ዞንና ወራቤ ከተማ አስተዳደር ትብብር መገንባቱ ተጠቁሟል።

የማዕከሉ ወደ አገልግሎት መግባት የሳምንቱን ሙሉ ቀናት የተደራጀና የተመቸ የገበያና የአቅርቦት ስርዓት በማስፈን የማህበረሰቡን የገበያ ፍላጎት ተደራሽ እንደሚያደርግ በምርቃ መርሃ ግብሩ ላይ ተገልጿል።

በምረቃ መርሃ ግብሩ ላይ የማዕከላዊ ኢትዮጵያ ክልል ህዝብ ተወካዮች ምክር ቤት አፈ ጉባኤ ክብርት ወ/ሮ ፋጤ ስርሞሎ፣ የክልሉ ምክትል ርዕሰ መስተዳድር የትምህርት ቢሮ ሀላፊና የማህበራዊ ክላስተር አስተባባሪ ክቡር አቶ አንተነህ ፍቃዱ፣ የስልጤ ዞን ዋና አስተዳዳሪ ክቡር አቶ ዘይኔ ቢልካና ሌሎች የክልል፣ የዞንና የከተማ አስተዳደሩ የስራ ሀላፊዎች እንዲሁም የማህበረሰብ ክፍሎች ተገኝተዋል።

የአውሮፓ ኅብረትና አጋር ሀገራት የ7ኛውን ጠቅላላ ምርጫ ሒደት አደነቁ******ግንቦት፣ 25/2018 የአውሮፓ ኅብረት እና አጋር ሀገራት ግንቦት 24/2018 ዓ.ም የተካሄደውን 7ኛውን ጠቅላ...
03/06/2026

የአውሮፓ ኅብረትና አጋር ሀገራት የ7ኛውን ጠቅላላ ምርጫ ሒደት አደነቁ
******
ግንቦት፣ 25/2018 የአውሮፓ ኅብረት እና አጋር ሀገራት ግንቦት 24/2018 ዓ.ም የተካሄደውን 7ኛውን ጠቅላላ ምርጫ አድንቋል፡፡

ምርጫውን አስመልክቶ መቀመጫቸውን አዲስ አበባ ካደረጉ የኅብረቱ አባል ሀገራትና በኢትዮጵያ የካናዳ፣ የኖርዌይ እና ስዊዘርላንድ ኤምባሲዎች የጋራ መግለጫ አውጥተዋል፡፡

ሀገራቱ በመግለጫቸው የኢትዮጵያ ብሔራዊ ምርጫ ቦርድ፣ የምርጫ አስፈጻሚዎች፣ የፖለቲካ ፓርቲዎች፣ እጩዎችና የሲቪል ተቋማት ጠቅላላ ምርጫው በስኬት እንዲካሄድ ያደረጉትን አስተዋጽኦ አድንቀዋል፡፡

የአፍሪካ ኅብረት እና የምስራቅ አፍሪካ የልማት በይነ መንግስታት (ኢጋድ) በምርጫው ላይ ለነበራቸው የታዛቢነት ሚና እውቅና እንደሚሰጡም ሀገራቱ አረጋግጠዋል፡፡FBC

በካርዳችን ያጸናናትን ሀገር በአንድነታችን እንገንባትየአንድ ሀገር ህልውና እና ጥንካሬ መሰረቱ የህዝቡ አንድነት፤ ትብብርና ቁርጠኝነት ነው። ሰኞ ዕለት መላው የኢትዮጵያ ህዝብ በ7ኛው ጠቅላ...
03/06/2026

በካርዳችን ያጸናናትን ሀገር በአንድነታችን እንገንባት

የአንድ ሀገር ህልውና እና ጥንካሬ መሰረቱ የህዝቡ አንድነት፤ ትብብርና ቁርጠኝነት ነው። ሰኞ ዕለት መላው የኢትዮጵያ ህዝብ በ7ኛው ጠቅላላ ምርጫ ያሳየው ታሪካዊ ተሳትፎ የዚሁ እውነት ህያው ማረጋገጫ ነው።

የራሳቸውን ፍላጎት በራሳቸው ለመወሰን፣ የወደፊት የ5 ዓመት እጣ ፈንታቸውን በራሳቸዉ እጅ ለመጻፍ ከ54 ሚሊዮን በላይ ኢትዮጵያውያን በነቂስ ወጥተው ድምጻቸውን ሰጥተዋል።

ይህ ቁጥር ዝም ብሎ ስታቲስቲክስ ሳይሆን የህዝባችንን ፍጹም መነሳሳትና ለሀገረ መንግስት ግንባታ ያለውን ጽኑ አቋም ፍንትው አድርጎ ያሳየ ታላቅ ኩራት ነው።

ከወዲያ ማዶ ሆኖ ማውራት ለነጋሪው ቀላል ነው፤ እንደሚባለው ሀገርን ማቅናትና ዲሞክራሲን መገንባት በወሬ ሳይሆን በተግባርና በጽናት የሚገኝ መሆኑን መራጩ ህዝብ በግልጽ አስመስክሯል።

ማለዳው ገና ሳይቀድ፣ ንጋቱ ሳይተካ ጀምሮ በየምርጫ ጣቢያው የተሰለፈው ህዝብ ያሳየው ትዕግስት የሚደነቅ ነው። የጠዋቱ ቅዝቃዜና ብርድ፣ የቀትሩ አስገዳጅ ጸሀይም ሆነ ከባዱ ዝናብ ሳይበግረው፤ ረጃጅም ሰልፎችንና የአካል ድካምን ተቋቁሞ ከሌሊት እስከ ሌሊት የቆመው ለራሱ ጥቅም ብቻ አልነበረም።

ይልቁንም፣ "የቆረጠ አይመለስም" እንደሚባለው የነገዋን ኢትዮጵያ ለማጽናት፣ ጠንካራና የማይናወጥ ሀገረ መንግስት ለመገንባት ባለው ጽኑ ህልም እንጂ።

ይህ ጽናት ህዝቡ የሀገር ጉዳይ ከምንም ነገር እንደሚቀድም ብሄራዊ ጥቅም እና ሉዓላዊነት የሚከበሩት ደግሞ በዜጎች ንቁ ተሳትፎ መሆኑን ያሳየበት የታሪክ አሻራ ነው።

ህዝቡ ፍላጎቱን በምርጫ ካርዱ መግለጹ የዲሞክራሲ ባህላችን ከቃል ባለፈ ወደ ተግባር እየተሸጋገረ ለመምጣቱ ትልቅ ማሳያ ነው። "ስልጣን የህዝብ ነው" የሚለው መርህ መሬት የረገጠው፣ ዜጎች ያለ ምንም ስጋትና በከፍተኛ ተነሳሽነት መብታቸውን ሲጠቀሙ ነው።

በ7ኛው ጠቅላላ ምርጫ የታየው ታሪካዊ ክስተት ኢትዮጵያ መምረጧን ብቻ ሳይሆን በልጆቿ ጽናት መጽናቷንና ወደፊት መራመዷን ጭምር ያበሰረ ነው።

አሁን የምርጫው ውጤት እስኪገለጽ ድረስ ባለው ወቅት፣ ሁላችንም ልባችንን ሰብስበን፣ የተጀመረውን የሰላምና የዲሞክራሲ ጉዞ ማገዝ ይኖርብናል። ምክንያቱም "በአንድ እጅ አያጨበጭቡም" እና ሀገርን የመስራት፣ ተቋማትን የማጠንከርና ሰላምን የማስፈን ኃላፊነት የሁላችንም የጋራ የቤት ስራ ነው።

የህዝብ ስልጣን ባለቤትነት የሚረጋገጠው በዚህ መልኩ በካርድ በሚሰጥ ድምጽ እና በሚታይ ቁርጠኝነት ነው። ትናንት የፈሰሰው ድካምና መስዋዕትነት፣ ዛሬ ለምናየው የነጻነት አየር መሰረት ሆኗል። ህዝባችን ያሳየው ታላቅ የሀገር ፍቅር የነገዋን የበለጸገች ኢትዮጵያ ለመገንባት መተኪያ የሌለው የሞራል ስንቅ ነው።

አሁን ኑ፣ እጅ ለእጅ ተያይዘን፣ በምርጫ ካርዳችን ያጸናናትን ሀገር በስራችንና በአንድነታችን እንገንባት።
ኢትዮጵያ በልጆቿ ጽናትና ፍቅር ለዘላለም ትኑር!

ኢቢሲ

ሰባተኛው ሀገራዊ ምርጫ ሰላማዊ ሆኖ እንዲጠናቀቅ የባለ ድርሻ አካላት ቅንጅት የጎላ እንደነበረ ተገለፀ።ግንቦት 25/2018በስልጤ ዞን ቅበት ምርጫ ክልል ምስራቅ ስልጢ ወረዳ የተካሄደው ሰባተ...
02/06/2026

ሰባተኛው ሀገራዊ ምርጫ ሰላማዊ ሆኖ እንዲጠናቀቅ የባለ ድርሻ አካላት ቅንጅት የጎላ እንደነበረ ተገለፀ።

ግንቦት 25/2018
በስልጤ ዞን ቅበት ምርጫ ክልል ምስራቅ ስልጢ ወረዳ የተካሄደው ሰባተኛው ሀገራዊ ምርጫ ፍፁም ሰላማዊ ሆኖ እንዲጠናቀቅ የባለ ድርሻ አካላት ቅንጅት የላቀ እንደነበረ ተገልፆዋል።

ሰባተኛው ሀገራዊ ምርጫ በሰላም ኢንዲጠናቀቅ ላደረጉ መዋቅሮችና ክላስተር የእውቅና መድረክ ተካሄደ።

በወረዳው በተካሄደው ሀገራዊ ምርጫ ላይ ህብረተሰቡ ከማለዳው ጀምሮ በምርጫ ሂደቱ ያሳየው ተሳትፎ ለሀገር ግንባታ ያለው ቁርጠኝነት በግልፅ የታየበት መሆኑን የማ/ኢ/ክ/ ስነ ምግባር ኮሚሽን ም/ኮሚሽነር አቶ ኑሪ ከዲር ተናግረዋል።

አቶ ኑረዲን በማከልም በወረዳው ሁሉም ምርጫ ጣቢያዎች ለታየው ሰላማዊ የድምፅ አሰጣጥ በየደረጃው ለሚገኙ ባለ ድርሻ አካላት ምስጋና አቅርበዋል።

የስልጤ ዞን ባህል ቱሪዝም መምሪያ ሀላፊ ዶ/ር ይርዳው ናሲር በበኩላቸው በምርጫ ሂደቱ ላይ የነበረው የተቀናጀ አሰራር ለድምፅ አሰጣጡ የፈጠረው ሰላማዊነት ከፍተኛ መሆኑን በማንሳት በቀጣይም በሌሎች የልማት ስራዎች መታከል አለበት ብለዋል።

የስልጤ ዞን ጤና መምሪያ ሀላፊ አቶ ሸምሴ ሀይረዲን በበኩላቸው ምርጫው ሰላማዊ ሆኖ እንዲጠናቀቅ ከቅድመ ዝግጅት ጀምሮ በተደረገ ጥረት ለድምፅ አሰጣጡ ሰላማዊነት የላቀ መሰረት የጣለ መሆኑን ተናግረዋል።

የምስራቅ ስልጢ ወረዳ ዋና አስተዳዳሪ አቶ ሳሎ ፋኔ በበኩላቸው ህዝቡ በስድስተኛው ሀገራዊ ምርጫ ያደረገው ተሳትፎ በልማት መታጀቡን በመግለፅ በሰባተኛው ምርጫም የለመዳው ድምፅ በተገቢው መስጠቱን አንስተዋል።

በሳባተኛው ሀገራዊ ምርጫ የወረዳው ህዝብ ያደረገውን ንቁ ተሳትፎና የሰጠውን ድምፅ በልማትና መልካም አስተዳደር ስራዎች በተገቢው ምላሽ በመስጠት ተጠቃሚነቱን ይበልጥ ለማረጋገጥ በትኩረት የሚሰራ መሆኑን አቶ ሳሎ ተናግረዋል።

የወረዳው መንግስት ዋና ተጠሪ አቶ ኡለዲን ዳሪ በበኩላቸው በየደረጃው ያለው አመራር የምርጫው ፍትሃዊና ሰላማነት ለማረጋገጥ ያደረገው ጥረት ስኬታማ መሆኑን በማንሳት በቀጣይም በልማት ስራዎች መድገምና ብልፅግናን ማረጋገጥ ያስፈልጋል ብለዋል።

በእውቅና መርሃ ግብሩ የማ/ኢ/ክ/ስነ ምግባር ኮሚሽን ም/ኮሚሽናር አቶ ኑሪ ከዲር፣የስልጤ ዞን ባህል ቱሪዝም መምሪያ ሀላፊ ዶ/ር ይርዳው ናሲር፣የዞኑ ጤና መምሪያ ሀላፊ አቶ ሸምሴ ሀይረዲን፣የምስራቅ ስልጢ ወረዳ ዋና አስተዳዳሪ አቶ ሳሎ ፋኔ፣የወረዳው መንግስት ዋና ተጠሪ አቶ ኡለዲን ዳሪን ጨምሮ አጠቃላይ የወረዳና የቀበሌ አመራርና ባለ ድርሻ አካላት ተገኝተዋል።

መረጃው የምስራቅ ስልጢ ወረዳ መንግስት ኮሙኒኬሽን ነው።

7ኛው ጠቅላላ ምርጫ በስኬት ተጠናቅቋል - ብሔራዊ ምርጫ ቦርድ***ግንቦት 25፣ 2018 7ኛው ጠቅላላ ምርጫ በስኬት ተጠናቅቋል አለ የኢትዮጵያ ብሔራዊ ምርጫ ቦርድ።7ኛውን ጠቅላላ ምርጫ አስ...
02/06/2026

7ኛው ጠቅላላ ምርጫ በስኬት ተጠናቅቋል - ብሔራዊ ምርጫ ቦርድ
***
ግንቦት 25፣ 2018 7ኛው ጠቅላላ ምርጫ በስኬት ተጠናቅቋል አለ የኢትዮጵያ ብሔራዊ ምርጫ ቦርድ።

7ኛውን ጠቅላላ ምርጫ አስመልክቶ የኢትዮጵያ ብሔራዊ ምርጫ ቦርድ ሰብሳቢ ሜላትወርቅ ኃይሉ በሰጡት መግለጫ÷ በግንቦት 24 ቀን ከጠዋቱ 12 ሰዓት ጀምሮ ድምጽ ሲሰጥ የዋለው 7ኛው ጠቅላላ ምርጫ በስኬት ተጠናቅቋል ብለዋል።

በድምጽ ምስጫ ሂደቱ በአዲስ አበባ ከተማ በጣም ረጃጅም ሰልፎች እንደነበሩ አንስተው÷ በሲዳማ፣ ጋምቤላ፣ አማራ፣ ሶማሌ ክልሎች የድምጽ ቆጠራ አለመጠናቀቁን ገልጸዋል።

በዚህም የመራጮች ቁጥር እስካሁን ተጠቃልሎ አለመግባቱን ተናገረዋል።

ቦርዱ የተለያዩ ቅሬታዎች በተለያየ መንገድ ሲያስተናግድ መቆየቱን አንስተው÷ በሕግ ክፍል በኩል በቀጥታ እንዲሁም የፖለቲካ ፓርቲ የስራ ክፍል አማካይኝነት በቅድመ ማስጠንቀቂያ 6412 ስልክ ቁጥር የመጡ ጥቆማና ቅሬታዎች እንደነበሩ አመልክተዋል።

በዚህም ጥቆማውን በመከተል ከስር ከስር አስፈላጊውን የእርምት ርምጃ ቦርዱ ሲሰጥ መቆየቱን እንዲሁም የማጣራት፣ የማረጋገጥና ማስረጃ ማጠናቀር በሚገባቸው ጉዳዮች ላይ እየሰራ እንደሚገኝ ገልጸዋል።

በተለያዩ ቦታዎች የምርጫ ውጤት በምርጫ ጣቢያ ደረጃ ተዳምሮ ያለቁት ለሕዝብ በይፋ መለጠፉን ገልጸው፤ ወደ ምርጫ ክልል የመጡ ውጤቶችን የማዳመር ስራ እየተከናወነ እንደሚገኝ ጠቁመዋል።
ኤፍ ኤም ሲ

የጠቅላይ ሚኒስትሩ አደራ፦ የሕዝብን ድምፅ በተግባር የመመለስ ኃላፊነት*************የኢትዮጵያ ሕዝብ ታሪክን በደማቅ ቀለም ዳግም ጽፏል።በ7ኛው ጠቅላላ ምርጫ የታየው ትዕይንት ተራ የመ...
02/06/2026

የጠቅላይ ሚኒስትሩ አደራ፦ የሕዝብን ድምፅ በተግባር የመመለስ ኃላፊነት
*************
የኢትዮጵያ ሕዝብ ታሪክን በደማቅ ቀለም ዳግም ጽፏል።

በ7ኛው ጠቅላላ ምርጫ የታየው ትዕይንት ተራ የመምረጥና የመመረጥ ሂደት ሳይሆን፣ የማይበገረው የኢትዮጵያውያን ጽናት፣ ጥልቅ ሀገር ወዳድነትና የዴሞክራሲ ጥማት የታተመበት የታሪክ ምዕራፍ ነው።

ጠቅላይ ሚኒስትር ዐቢይ አሕመድ (ዶ/ር) መራጩን ሕዝብ፣ “ይህ ሕዝብ ድንቅ ነው፣ ይህ ሕዝብ ተዓምረኛ ነው፤ ከፈጣሪ በቀር የዚህን ሕዝብ የልብ ትርታና የጽናት ጥልቀት አሟልቶ ሊረዳ የሚችል ምድራዊ ኃይል የለም” ሲሉ ገልጸውታል።

ትናንት በድምፅ መስጫው ዕለት የታየው ትዕይንት፣ ለዓለም ትልቅ ትምህርት የሰጠ ነበር።

ጠቅላይ ሚኒስትሩ እንዳሉትም፣ ዜጎቻችን የሌሊቱ ቅዝቃዜና ጨለማ ሳይበግራቸው፣ የቀትሩ ፀሐይና ድንገተኛው ዝናብ ሳይከለክላቸው፣ ረጃጅም ሰልፎችና የእግር ድካም ሳይገታቸው በነቂስ ወጥተው መርጠዋል።

እናቶች ሕፃናትን አዝለው፣ አዛውንቶች በምርኩዝ ተደግፈው፣ አካል ጉዳተኞችና ሕመምተኞች በፅኑ ተስፋ ተሞልተው ለፈለጉት ዕጩ በነፃነት ድምፃቸውን ሰጥተዋል።

የጠላት ጩኸትና ማስፈራሪያ ሳይበግረው፣ በብዙ ውጣ ውረዶች መካከል የታየው ይህ የመራጮች ጽናት ለኢትዮጵያ ሕልውና የተከፈለ ታላቅ የዴሞክራሲ መሥዋዕትነት ነው።

በዚህ ታሪካዊ ሂደት ውስጥ አሸናፊው ማንም ይሁን ማን፣ ዋነኛው ድል አድራጊ የኢትዮጵያ ሕዝብ ነው። በመሆኑም፣ በምርጫው አሸንፎ ሀገርን ለመምራት ዕድሉን የሚያገኝ ማንኛውም አካል የሚሸከመው አደራ እጅግ ከባድና ቅዱስ ነው።

ለዚህ ታላቅ ሕዝብ ክብር የሚመጥን አገልግሎት መስጠት የሞራል ግዴታ ነው። የጠቅላይ ሚኒስትሩ "አደራ" ግልጽ ነው፤ "ያከበራችሁን ሕዝብ አክብሩ፤ በታመነው ልክ ተገኝታችሁ በንጽሕናና በቅንነት አገልግሉ!" የሚል።

ይህን ታላቅ ሕዝብ ማገልገል ትልቅ መታደል ነው። ሕዝቡ በከፍተኛ ትዕግሥትና ብርታት የሰጠውን ድምፅ ወደ ተጨባጭ ልማት፣ ሰላምና ብልጽግና መለወጥ ከተመራጮች የሚጠበቅ ታሪካዊ ግዴታ ነው።

ለዚህም፣ ኢትዮጵያን በአፍሪካ ብቻ ሳይሆን በዓለም አርዓያ የሚያደርጉ የተጀመሩ የልማት ሥራዎች፣ የኢኮኖሚ ማሻሻያዎችና የዴሞክራሲ ግንባታ ጥረቶች ተጠናክረው እንዲቀጥሉ ማድረግ ብቸኛው አማራጭ ነው።

ኢትዮጵያ ተፎካካሪ የፖለቲካ ፓርቲዎችን እንደ ባላንጣ ሳይሆን እንደ አንድ ቡድን ተጫዋች በማየት፣ ከታችኛው እርከን እስከ ፌደራል ተቋማት በአመራር በማሳተፍ እና በማቀፍ የጀመረችውን አዲስ የፖለቲካ ባህል ማጠናከር ለሁለንተናዊ ዕድገት ወሳኝ ነው።

ካለንበት ነባራዊ ሁኔታ ተነስተን ወደ ላቀ ደረጃ ለመሸጋገር "ተግቶ መሥራትና ሳይሰንፉ መሮጥ" የግድ ይላል።

ከአካባቢ ጥበቃና ከአረንጓዴ ዐሻራ እስከ ግዙፍ የኢኮኖሚ ግንባታዎች፣ ከማኅበራዊ ፍትሕ እስከ ተቋማዊ ሪፎርሞች የተጀመሩ ስኬታማ ሥራዎች የሕዝባችንን የነገ ተስፋ የሚያለመልሙ ናቸው።

አዲሱ መንግሥት እነዚህን ጅምሮች በማስቀጠልና በማሳደግ የሕዝቡን የኑሮ ጫና የሚቀንሱ፣ ሰላምን የሚያረጋግጡና የኢትዮጵያን ክብር ከፍ የሚያደርጉ ሥራዎች ላይ ማተኮር ይኖርበታል።EBC

02/06/2026

ከኢትዮጵያ ምርጫ ቦርድ የተሰጠ መግለጫ

02/06/2026

በ7ኛው ሀገራዊ ምርጫ ሂደት የተፎካካሪ ፓርቲዎች የጋራ ምክርቤት ትዝብት በማዕከላዊ ኢትዮጵያ ክልል፣

(የመኢክመኮ)

Address

Werabe
Werabe

Website

Alerts

Be the first to know and let us send you an email when Silte Zone Government Communication Affairs Department posts news and promotions. Your email address will not be used for any other purpose, and you can unsubscribe at any time.

Shortcuts

Share

Category