https://www.facebook.com/372257285980693/

Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት

Home
Ethiopia
Wendo
Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት

Contact information, map and directions, contact form, opening hours, services, ratings, photos, videos and announcements from Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት, Public & Government Service, wondo genete, Wendo.

02/06/2026

Wondo gennetete quchumi gashshooti,7kki gobboomu deerri doorshi quchumi gede keeruninna keeraatunni doorshu dimokirasaawe ikkinno garinni gumulamasi xawinsi.

Soodo guuratenni fulte qansichimmate qeechansa fulture quchumu teessaano hattono konne looso keerunni gumulamanno gede qineessitu bissa baalantera addintanni jawu ayirrinyinna galati noosita xawisinno. Wondo gennetete quchumi qaru kantiibi injineeri Temesgeen Terrefehu sokkasinni.

31/05/2026

Aliyye Sidaami Zoone Wondo Gennetete Quchumi Gashshooti 7kki gobboomu deerrinni assinanni doorsha keerancho,coicha,adhamooshu noohanna co"o keeraancho ikke gumulamanno gede qixxaawosi gumulinnota xawinsi.

Quchumunnihu qaru kantiibi Ayirradu injineer Temesgeeni Terrefehu sokkasinni: gobbate deerrinni harinsanniha 7kki gobboomu doorsha quchuminke deerrinni afantanno huuro uuyinanni baychubbara doorshu:-
keerancho,coicha,qansichu qoosso agarantinoha,dimokiraasicha, adhamooshu noohanna co"o keeraancho ikke gumulamanno gede quchumu gashshooti qixxaawosi gumulinnota xawinsino.

Ga'a barra onkoleessa 24/09/2018M.D soodo guurate 12:00nni fulle huuro aatenni gobba sufisiisate baalunku qeechanke fullo yitanno sokkano saayisinno.

Wo/Ge/Qu/Ga/Mo/Ko/Ha/Bo/Mine.
Onkoleessa 23/09/2018M.D

20/05/2026

Jireenyu paarte sa'u dirrara loosinno kaajjado latishshu loossa ku'latenni taayixe assinanni 7kki gobboomu doorshira doore'e yitanni maanifeesitose egensiisatenna kakkaooshshu bare harisidhanni afantanno.

SDQM, Aliyye sidaami zoone wondo gennetete quchumu gashoootinna wondo gennetete woradi gashshooti mitteenni halamatenni 7kki gobboomu doorshira jireenyu paarte doorshu malaatese, manifestosenna doorshu barra egensiisirate kaajjado kakkaooshshu dira harisidhu.

Dargaho leelle sokkasi saysinohu barru wosinchi Sidaamu dagoomu qoqqowi mootimma doogonna latishshinna hodhishshu biiro sooreessi ayirradu kalaa Gosaye Godaanihu sokkasinni jireenyu paarte roorenkanni sidaami dagara galataanchonna ayimmate xa'monke qoltino paarteeti yiinno.

Ledoteno tenne paarte doodhatenni mootimma uurrisira latishshanna ajuujja sufisiisa ikkase kayse onkoleessa 24/9/2018M.D assineemmo doorshira miillankenna irkisaanonke baala guuratenni fulte barrihunni lee sa'aate geeshsha doodhine ka'neemmo gede kaajjado feeffatonna quqquxo heedhankera hasiissano yee coyrino.

Aliyye sidaami zoone gashshooti 2kki gashshaanchinna baadiyyete latishshi biddishshi sooreessi ayirradu kalaa dureesi ledamohu togoonni ikkitine doorsha'ne jireenyu paarte assira'nenni paartenkera lowo galati nooseta xawise doodhineemmo yaannara mitte huurono ba'annokki gede malaatenke sindete nadala ikkase seekkitine amadanna huwata hasiissano'ne yee coyirino.

Wondo gennetete quchumu kantiibi ayirradu injineeri Temesgeen Terrefehu isino sokkasinni ayirrado wondo gennetete quchuminna woradu teessano tenne galataanchonna diishote gede jawaata loosaasincho jireenyu paarte doodha gobbate utuwimma agarsiisa ikkase kayise doorshu barra wole haja heedhanonke ikkihura baalunku kaardenke amaxxine barru barra guurate fulle jireenya doodha afate afaati yiinno.

Xaphooma miillate millimillote bare qeexaaluninna lekkate millimmo doogimarohonna olluubbate assineenna bare gumulantino.

Wo/Ge/Qu/Ga/Mo/Ko/Ha/Bo/mine. Onkoleessa 12/

19/05/2026

Jaawaata gobba ijaarate meentunna wedellu qeechi fakkanna ikkasi xawinsi.

Aliyye sidaami zoone Wondo gennetete quchumi gashshooti, jireenyu paarte wedellunna meentu goli 7kki gobboomu doorsha''Tophiya lawishshaame gobba''Yaanno adawarshu qaalinni millimillote bare harisidhu.

Barete dargaho leelte sokkansa saysinori ,Aliyye sidaami zoone dagoomitte hajubba biddishshi sooreette Ayirrado dukko Dinqineshi Daggifetinna wondo gennetete quchumi jireenyu paarte polotiku handaari sooreessi ayirradu Kalaa Mokoninni Mangashiha ikkanna; jireenyu paarte miilla 7kki gobboomu deerri doorshi keeraanchonna coicha ikkanno gede wedellunna meentu beeqqo jawa ikkase xawinsoonni.

Ayirradu kalaa mokoninni Mangashihu jireenyu paarte hanqafaanchonna mallaaddanokki paarte ikkase kayise tenne paarte wedellu,meentunna miillate qeechi jawa ikkasinni baalunku adhinoommo doirshu kaarde loosu aana hossano gede sokkasi saysino.

Jireenyu paarte sau dirrara loosino fakkanna latishshu loossanna jajjabbaanna pirojekitubba yannatenni hanaffe yannatenni gumula rosicho assidhino jawaatanna dagate uurritino paarte ikkase xawise,jireenyu paarte loosino loosa dagoomu illera leeltino loosa ikkasenni Ijireenya doorratenni hananfoonni latishshubbanna gobbate utuwimma buuxisiissa hasiissano yitino.

Doorshinke malaati sindete/qamadete nadalaati.
Jireenya doodhatenni afirikaho albisaancho gobba kalaqa hasiissanota wedellu goli sooreessi kalaa Ashaagire Abebbehu xawisino.
Xaphooma paartete miilla malaatensa egensiisidhanni lekkate harinsho assiteenna gambooshshu gumulamino.

Wo/Ge/Qu/Ga/Mo/Ko/Ha/Bo/Mine.
Onkoleessa 11/9/2018M. D
Wondo gennete.

07/05/2026

Honsu (9) Agani Miillate konforaansenna 7kki gobboomu dorishira Ane doore'e yitanno miillimillote bare jireenyu paarte harisidhu.

SDQM Aliyye sidaami zoone wondo gennetete quchumi gashshooti jireenyu paarte 9 agani miillate konforaansenna doorshu malaate egensiisirate amanyoote harisidhu.

Dargaho leellite bare faajjetenni hanafisiissinnori Aliyye sidaami zoone qaru gashaanchi ayirradu kalaa Tsaadiqu Baxisohunna Aliyye sidaami zoone jireenyu paarte sinu borro mini sooreessi ayirradu kalaa Abebbe Yittadeguha ikkitanna insano sokkansanni jireenyu paarte hanqafaanchonna loosse leellishshatenni lawishsha ikka dandiitanno paarte ikkase kulte Aanteteno dooramummoro dagankera xaanni roore hashsha barra loosatenni gobbanke wolootta afiriku gobbanni albisaancho assate paartenke illacha tuge loosanni afantanno yitino.

Konni daafira aanano onkoleessa 24 assinanni gobboomu doorshira loonsoommo loosininna xaano loosate noonke ajuujjanke sufisiisate jireenyu paarte doorenke yaatenni hedonsa miillatenna dagoomu bissara doorshu malaatinke sindete nadalati yaatenni umonsa egensiisirate looso loossinno.

Jireenyu paarte addi addi gobbate ikkitanno ajuujjanna lowo dagate yawo noose paarte ikkasenni dagate ikkitanno, qarra tirtanno xiinxallonna xiinxaawo assatenni sai dirira mootimmate loosaasine heeshsho woyyeessate jawa damoozu lexxo assatenni dagate qarra tirtanno paarte ikkankenni doortinanninketa dihulluullameemmo yiinohu wondo gennetete quchumi gashshooti qaru kantiibi injineeri Temesgen Terrefeho.

Aantete wondo gennetete jireenyu paarte sinu borro mini sooreessi ayirradu kalaa Hussein kadirihu dagankenna miillanke isera ikkitanno paarte balaxxe affinno daafiranna doorateno badhe higanokki daafira xaanni kayse wodaninni galaxi'neemmo'ne yaatenni galatasi dagatenna miillate xawisino.

Xaphooma miilla jireenyu paarte doorre yaatenni addi addi adawarshu qaallanna koifiyyanna tisherte hattono;jakeetanna xila laweemeri aana sindete nadali malaati noo uduunne uddiratenni bare hari

04/05/2026

Kalqete deerrinni Daddalu amaale mini 4kki doycho Baazaarete reqecco wondo gennetete quchumira faajjetenni hanafisiinsoonni.

Aliyye sidaami zoone wondo gennetete quchumi gashshooti,daddalunna dikkote latishshi borro mini Ela piromooshiine ledo halamatenni 4kki doycho daddalu amaalete mini (chamber) kalqate daddalu baazaare wondo gennetete quchumira 15 barrira keeshsh*tannota faajjetenni hanafisiissinnota xawissu.

Dargaho leelle affiifa'note hasaawa assinohu Aliyye sidaami zoone qaru gashaanchi ayirradu kalaa Tsaadiqu Baxisoha ikkanna baazaare qixxeesinoonnihu dikko geisatenna silaancho laalcho addi addi jajjabba quchummanni rosichu noonsa daddalaano maamara bobbaasatenni heeshshote olto ajishate hende ikkase xawisino.

Wondo gennetete quchumi qaru kantiibi ayirradu injineeri Temesgen Terrefehu baazaare mittu mereershinni batinye fabirku laalchonna wole addi addi laalchubba bikkamino waaginni mittu baychinni afiratenna dagate hodhishshu mommodubba gatisate kaa'ltanno daafira hajo la'annonsa bissa ledo halamatenni qixeesinoonni baazaarete leellisho ikkase huwachiishshino.

Batirinnokki waaginni borrote mini (Ela promotion) ledo halamatenni addi addi laalcho babbaxitino quchumummanni gamba yitino maamaratenni tantanantino wedella mittu waatira laalchonsa shiqishanno assinoonta wondo gennetete quchumi gashshooti daddalunna dikkote latishshi borro mini sooreessi kalaa Amanueeli Laalohu xawisino.

Baazaarete qixxaawo aantanno 15 barrubbarra suffannotano kalaa amanueel laalohu xawisinno.

Wo/Ge/Qu/Ga/Mo/Ko/Ha/Bo/Mine
Dotteessa 26/8/2018M, D
Wondo gennet.

23/04/2026

Bazaarete reqecco harinsoonnihu interipiraazootta jawaachishshate ikkase xawinsi.

Aliyye sidaami zoone wondo gennetete quchumi gashshooti loosu loosaasinetenna tekinoloojete latishshi borro mini 2018M. D interipiraazootu baazaarete reqecco millimillote bare faajjetenni harinsoonnita xawinsoonni.

Dargaho leelle afiifa'note hasaawa assinohu Aliyye sidaami zoone jireenyu paarte sinu borro mini sooreessi Ayirradu kalaa Abebe Yitadeguha ikkanna daddalaano bissa mitto baycho abbite laalchonsa hirtano woyte afidhanno horora aleenni adhite hadhano rosichi ga'ansa jawa egenno kalaqannoha ikkasi kule kalanqoonni injo horonsidhe dikkote xuruursha kalaqirateno kaayyo ikkinnota xawisinno.

Wondo gennetete quchumi gashshooti qaru kantiibi ayirradu Temesgen Terrefehu wedellu maammarunni waaxante loosuro umonsano gobbano soorra dandiitanota xawisino.

Bazaare qixaabbinohu interipiraazotu maammara borrote mini ledo halamatenni ikkinota borrote mini sooreessi kalaa Yoseef Eeyamohu xawisino.

Kalaa yoseefi ledoteno:bazaare sasu barrira suffannoha ikkasi kayse interpiraazotu loosidhino laalchonsa mittu baychira shiqqi assite dagate bikkamino waaginni shiqisha mitto widoonni dikko geisate looso ikkasi huwachiishshino.

Xaphooma addi addi maammara laalchonsa dikkote waaginni dirre leellanno garinni dagate shiqishshani noota mite mite interipirazooti coydhino.
Wo/Ge/Qu/Ga/Mo/Ko/Ha/Bo/Mine
Dotteessa 15/8/2018M, D
Wondo gennete

11/04/2026

Quchuminke kiristinnu ama'no teessaano, Hawalle 2018M.D kiristoosi Ka'ote ayaanira keerunni iillishinke/iillishi'ne.

Ayaanu keerunniha, baxilunniha kaa'lamanihanna jireenyunniha ikkankera halcheemmo.

Dancha Ayaana!

injineer Temesgen Terefe
Wondo Genet Quchumi Gash/ Kantiiba.

🟰🟰🟰🟰

መላው የከተማችን የክርስትና እምነት ተከታዮች ፤ እንኳን ለ2018ዓ.ም የክርስቶስ ትንሳኤ በዓል በሰላም አደረሰን/አደረሳችሁ፡፡

በዓሉ የሰላም፤የፍቅር ፤የጤና፤ የመተሳሰብና የብልጽግና እንዲሆንላችሁ እመኛለሁ።

መልካም በዓል!

እንጂነር ተመስገን ተረፈ
የወንዶ ገነት ከተማ አስተዳደር ከንቲባ

09/04/2026

Korkaatiweello waagu lexxo assitino daddallaano aana kaajjado qaafo adhinoonnita xawisi.

Aliyye sidaami zoone wondo gennetete quchumu gashshooti, daddalunna dikkote latishshi borro mini techo barra assinno seerimale waagu lexxo qorqorshinni daga gawajjitanno gede assitino daddallu bissa aana kaajjado qaafo adhinoonnita borrote mini sooreessi kalaa Amanueeli Laalohu xawisino.

Daddalunna dikkote latishshi borro mini assino xiinxallonni saibbo waagu lexxo assitino daddallaanote bissara,yaanno Hoteellate, suuqatenna hattono chirchaaronna jimila hirtanno daddaalaano wodho agadhino garinni geexaanote kiise gawajjanno ikki garinni hiranna hirama hasiissanota xawinsoonni.

Qaafo adhate gadachamoonihu dagoomu bissa seerimale doogonni miicama hasiissanonsa ikki daafira ikkanna kulleenna giwe seejjama hooginno daddalaanchi aaninni fajjo adhate geeshsha ha'nannita borrote mini sooreessi lede huwachiishino.

Gexaano geexidhanno woyte suuqete albano ikko hoteellate leellano baycho meeno borreessante ofolla noosehura balaxe waagu lexxo noonso dino yitannota buuxa hasiissano.

Xaphooma assinoonni qorqorshsha addi addi bissa ledo halamatenni harinsoonniha ikkanna dagano laalcho maaxe waaga leddara wo'naalanohu heeriro mashalaqe hajo la"ano bissara aa hasiissanota xawisino.

Wo/Ge/Qu/Ga/Mo/Ko/Ha/Bo/Mine.
Barra 01/08/2018M.D

07/04/2026

Hiikkonne loosono Mixotenni loosa hasiissanota pilaanete latishshi borro mini xawisi.

Aliyye sidaami zoone wondo gennetete quchumi gashshooti, pilaanete latishshi borro mini sooreessi kalaa Ashenaaf Argohu hiikkonne loosono mixotenni irkinse loosa woyyaawino guma maareekisiisanota xawise,
Borrote minna mixote ogeeyye slaancho mixo mixiratenni lifixa loossa loosa hasiissanota huwachiishshino.

Aantete pilaanete latishshi borro mini mixote handaari dayrektoorete kalaa Kadiri Hayyamohu isi widoonni mixo wodhonna sirnya agartino garinni slaancho mixo mixiratenni woyyaawino guma maareekisiisanna gumulsiisa hasiissano yiinno.

Qajeelshu umma Mixote qixaawonna ripoortete aana slaanchimma lainohunni pilaanete latishshi borro mini mixote ogeeyyera qajeeshsha uyinoonni.

Mixote ogeeyye lifixa looso loosatenna borrote minna woyyaabbinota assate mixote dayrekitooretera jawu qeechi hee'ranota xawinsoonni.

Wo/Ge/Qu/Ga/Mo/Ko/Ha/Bo/Mine.

Badheessa 29/7/2018M. D
Wondo gennete.

Address

Wondo Genete
Wendo

Website

facebook.com

Alerts

Be the first to know and let us send you an email when Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Wendo?