22/10/2020
Gamaaggama gabaasaa (12/2/2013)
***********
Manni hojii Abbaa Alangaa godina Arsii Lixaa wal tajjii gaafa guyyaa 12/2/2013 tti gaggeesseen gabaasa raawwii hojii kurmaana 1ffaa kan bara 2013 gamaaggameera. Gamaaggama gaabaasaa Kanaan gabaasni aanota sadii fi kan godinaa kan dhiyaateera. Kana malees yaadrimee karoora bu’aa irratti xiyyeeffate (RBM) irratti ibsi hubannoo kan kenname yoo ta’u karoora waggaa shanii fi waggaa tokkoo irrattis mari’atameera.
Akka waliigalaatti dhimmootni wal tajjii kana irratti irratti xiyyeeffatame hojiiwwan xiyyeeffannoo barbaadan kanneen akka yakkoota dubartootaa fi daa’imman irratti raawwatamanii, kabajamuu mirga lammiilee, galmeewwan murtii saffisaa (RTD), galmeewwan balaa konkolaataa, yakkoota godaansa seeraan alaa, hojiiwwan hojjetaman ummatatti beeksisuu fi duubdeebii fudhachuu (hojiiwwan kominikeeshinii cimsuu) fi kkf. Irratti xiyyeeffannaan hojjetamuu akka qabu kallattii waliigalaa irratti waliigalamee wal tajjiin milkaa’inaan xumurameera.
=======
Suursochiidhaan 'youtube' Mana Hojii keenya irraa daawwadhaa!
