Mana Murtii Ol'aanaa Godina Horroo Guduruu Wallaggaa

09/05/2026

የፕሮግራም ጥቆማ
(ዛሬ ምሽት 3:00 ሰዓት ላይ)
------------------------
(ግንቦት 1 ቀን 2018 ኦ/ጠ/ፍ/ቤት)-የኦሮሚያ ጠቅላይ ፍርድ ቤት ከEBC ጋር በመተባበር በኦሮሚያ ፍርድ ቤቶች የዳኝነት አገልግሎት አሰጣጥን ቀልጣፋ ተደራሽና ጥራት ያለዉ እንዲሆን ለማስቻል እየተሰሩ በሚገኙ ስራዎችና እየተተገበሩ ባሉ ሪፎርሞች ዙሪያ ያዘጋጀዉ ዶክሜንተሪ ዛሬ ምሽት 3:00 ላይ በአማርኛ ቋንቋ ይተላለፋል። በመሆኑም እንድትከታተሉ እንጋብዛለን።

04/05/2026

𝐁𝐞𝐞𝐤𝐬𝐢𝐬𝐚 𝐁𝐮’𝐚𝐚 𝐐𝐚𝐛𝐱𝐢𝐢 𝐖𝐚𝐥𝐢𝐢𝐠𝐚𝐥𝐚𝐚 𝐎𝐟𝐢𝐢𝐬𝐚𝐫𝐚 𝐒𝐞𝐞𝐫𝐚𝐚 𝐌𝐌𝐀

Manni Murtii Ol’aanaa Godina Horroo Guduruu Wallaggaa waamamaa gita hojii Ofiisara Seeraa Mana Murtii Aanaalee Godinichaaf beeksisa qacarri baasee kan ture ta’uu fi dorgomtoonni Waamamaa Gita Hojii Ofiisara Seeraa MMAf dorgoman haala naamusa isaanii ilaalchisee yaadni Uummataa guyyaa hojii walitti aanan kudhaniif qilleensarra kan turee fi yaadni ummataa dorgomtoota ilaalchisee kennamees karaa Koree Foo’annoo fi Filannoo Godina ilaalamuun cuunfaan bu’aan waliigala waamamaa Gita Hojii Ofiisara Seeraa akkaataa gabatee armaan gadiin ifoomee jira.

04/05/2026

𝐁𝐞𝐞𝐤𝐬𝐢𝐬𝐚 𝐁𝐮’𝐚𝐚 𝐐𝐚𝐛𝐱𝐢𝐢 𝐖𝐚𝐥𝐢𝐢𝐠𝐚𝐥𝐚𝐚 𝐀𝐛𝐮𝐤𝐚𝐚𝐭𝐨𝐨 𝐈𝐭𝐭𝐢𝐬𝐚𝐚 𝐌𝐌𝐀

Manni Murtii Ol’aanaa Godina Horroo Guduruu Wallaggaa waamamaa gita hojii Abukaatoo Ittisaa Mana Murtii Aanaalee Godinichaaf beeksisa qacarri baasee kan ture ta’uu fi dorgomtoonni Waamamaa Gita Hojii Abukaatoo Ittisaa MMAf dorgoman ilaalchisee haala naamusa isaanii yaadni Uummataa guyyaa hojii walitti aanan kudhaniif qilleensarra kan turee fi yaadni ummataa dorgomtoota ilaalchisee kennamees karaa Koree Foo’annoo fi Filannoo Godina ilaalamuun cuunfaan bu’aan waliigala waamamaa Gita Hojii Abukaatoo Ittisaa akkaataa gabatee armaan gadiin ifoomee jira.

25/04/2026

𝐆𝐚𝐦𝐚𝐚𝐠𝐠𝐚𝐦𝐧𝐢 𝐆𝐚𝐛𝐚𝐚𝐬𝐚 𝐑𝐚𝐚𝐰𝐰𝐢𝐢 𝐇𝐨𝐣𝐢𝐢 𝐁𝐚𝐚𝐭𝐢𝐢 𝐒𝐚𝐠𝐚𝐥𝐢𝐢 𝐛𝐚𝐫𝐚 𝟐𝟎𝟏𝟖 𝐌𝐚𝐧𝐧𝐞𝐞𝐧 𝐌𝐮𝐫𝐭𝐢𝐢 𝐆𝐇𝐆𝐖 𝐠𝐮𝐲𝐲𝐚𝐚 𝟐𝐟 𝐭𝐮𝐫𝐞 𝐠𝐨𝐨𝐥𝐚𝐛𝐚𝐦𝐞.
(Eebila 17/2018, MMOGHGW, 𝐒𝐡𝐚𝐚𝐦𝐛𝐮𝐮)

Manni Murtii Ol'aanaa Godina Horroo Guduruu Wallaggaa gamaaggama gabaasa raawwii hojii baatii Sagalii bara 2018 guyyaa 2f (16-17/08/2018) gaggeessaa ture goolabee jira.
Waltajjicha kabaajamoo obbo Imaanaa Fiqaaduu BB Pirezidaantii MMOGHGW haasaa saaqinsaa taasisuun kan eegalame yoo ta’u; haasaan saaqinsaa erga taasifamee booda pirezidaantonni MMA hundi tartibaan gabaasaa raawwii hojii baatii sagalii kan Mana Murtii Aanaa isaanii dhiyeessaniiru. Itti aansuu dhaan gaaffii fi yaada hirmaattoota waltajjicha irraa fuudhuun, dhuma irratti Cuunfaa fi Duubdeebiin Gabaasa Raawwii Hojii Baatii Sagalii kan Manneen Murtii Aanaa GHGW Kilaastara Lixaa kabajamoo obbo Laggasaa Kabbadaa Qindeessaa Garee Naamusaa fi Inispeekshinii MMOGHGW fi walitti qabaa koree kilaastara lixaatiin akkasumas, kan Manneen Murtii Aanaalee Kilaastara Bahaa kabajamoo obbo Dirribsaa Ejjetaa Qindeessaa Kenninsa Tajaajila Abbaa Seerummaa MMOGHW fi walitti qabaa koree kilaastara bahaatiin dhiyaateera. Waltajjicha irratti gamaaggamni bal’aan erga taasifameen booda ciminoonni argaman akka itti fufanii fi hanqinoota kurmaan kana keessatti mul’atan immoo kurmaana 4ffaattis akka deebi’anii hin mudanneef, irratti akka hojjetamuuf akeekkachiifameera. Dhuma waltajjichaa irratti kallattiin hojii fuula duraa kennamuun goolabameera.
Hirmaattonni Waltajjichaa: Koree Bulchiinsaa MMO, Inispeektaroota Garee Naamusaa fi Inispeekshinii MMO, Pr MMA, Dursitoota Garee Qophii, Karoora, Hordoffii fi Gamaaggamaa MMA ti.

Kominikeeshinii MMOGHGW

23/04/2026

𝐌𝐚𝐧𝐧𝐢 𝐌𝐮𝐫𝐭𝐢𝐢 𝐎𝐥’𝐚𝐚𝐧𝐚𝐚 𝐆𝐨𝐝𝐢𝐧𝐚 𝐇𝐨𝐫𝐫𝐨𝐨 𝐆𝐮𝐝𝐮𝐫𝐮𝐮 𝐖𝐚𝐥𝐥𝐚𝐠𝐠𝐚𝐚 𝐏𝐢𝐫𝐞𝐳𝐢𝐝𝐚𝐚𝐧𝐭𝐨𝐭𝐚 𝐌𝐌𝐀 𝐟𝐢 𝐊𝐨𝐫𝐞𝐞 𝐁𝐮𝐥𝐜𝐡𝐢𝐢𝐧𝐬𝐚𝐚 𝐌𝐌𝐎 𝐰𝐚𝐥𝐢𝐢𝐧 𝐦𝐚𝐫𝐢𝐢 𝐭𝐚𝐚𝐬𝐢𝐬𝐞.
(Eebila 15/2018, MMOGHGW, 𝐒𝐡𝐚𝐚𝐦𝐛𝐮𝐮)
BB Pirezidaantii MMOGHGW kabajamoo obbo Imaanaa Fiqaaduu Pirezidaantota MMA tiin baga nagaan dhuftan jechuun dhimmoota irratti marii’ataman tartiibaan ibsaniiru. Dhimmoonni irratti marii’atamanis:
1. Raawwii Hojii Baatii tokkoo
2. Dambii Xiinxalaa fi Sadarkeessaa Naamusaa Hawaasa Manneen Murtii Oromiyaa Lakk. 13/2017 fi qophii xiinxaala Naamusaa Hawaasa Manneen Murtii godinichaa irratti;
3. Qindoomina fi Naamusaa Hooggansaa fi Hawaasa Manneen Murtii fi
4. Duubdeebii MMWO Raawwii Hojii Baatii 9 irratti kenne irratti yommuu ta’an; dhimmoota eeraman kana irratti haala bareedaa fi hawwataa ta’een marii’atamaa tureera

21/04/2026

𝐁𝐞𝐞𝐤𝐬𝐢𝐬𝐚 𝐃𝐨𝐫𝐠𝐨𝐦𝐭𝐨𝐨𝐭𝐚 𝐘𝐚𝐚𝐝𝐚 𝐔𝐮𝐦𝐦𝐚𝐭𝐚𝐚𝐟 𝐃𝐡𝐢𝐲𝐚𝐚𝐭𝐚𝐧
Dorgommii waamama Gita hojii Abukaatoo Ittisaa fi O/seeraa MMA irratti Manni Murtii Ol’aanaa Godina Horroo Guduruu Wallaggaatti taasifamaa tureen qabxiin qormaata barreeffamaa fi af-gaaffii adda bahe jira. Akkaataa qajeelfama Foo’annoo fi Filannoo lakk.17/2015 keewwata 24’n yaadni Uummataa naamusa dorgomtootaa ilaalchisee guyyaa hojii walitti aanan kudhaniif waan kennamuuf dorgomtoonni maqaan isaanii gabatee armaan gadii keessatti ibsame naamusa isaanii ilaalchisee odeeffannoo fi eeruu garagaraa kan qabdan lakk bilbilaa 0576660905/0913133895 ykn 0913220992 irratti bilbilaa SMS fi toora telegraamiin akka nuuf barreessitan ykn Mana Murtii Ol’aanaa Godina Horroo Guduruu Wallaggaa kutaa Pirezidaantii ykn kutaa Itti Gaafatamaa Inispeekshiniitti qaamaan argamuun eeruu dhugaa irratti hundaa’e akka kennitan kabajaan isin gaafanna.

11/04/2026

𝐁𝐀𝐆𝐀 𝐆𝐄𝐄𝐒𝐒𝐀𝐍!
Manni Murtii Ol'aanaa Godina Horroo Guduruu Wallaggaa, hordoftoota amantaa Kiristaanaa maraan baga ayyaana yaadannoo du'aa ka'uu Yesuus Kiristoosiin isin gahe jechaa, ayyaanichi kan nagaa, kan gammachuu fi kan Jaalalaa akka isiniif ta'u hawwii qabu ibsa.
Ayyaana Gaarii !!

06/04/2026

01/04/2026

𝐁𝐞𝐞𝐤𝐬𝐢𝐬𝐚 𝐖𝐚𝐚𝐦𝐢𝐜𝐡𝐚 𝐐𝐨𝐫𝐦𝐚𝐚𝐭𝐚 𝐁𝐚𝐫𝐫𝐞𝐞𝐟𝐟𝐚𝐦𝐚𝐚
𝐖𝐚𝐚𝐦𝐚𝐦𝐚𝐚 𝐆𝐢𝐭𝐚 𝐇𝐨𝐣𝐢𝐢 𝐎𝐟𝐢𝐢𝐬𝐚𝐫𝐚 𝐒𝐞𝐞𝐫𝐚𝐚 𝐌𝐚𝐧𝐚 𝐌𝐮𝐫𝐭𝐢𝐢 𝐀𝐚𝐧𝐚𝐚

Manni Murtii Ol’aanaa Godina Horroo Guduruu Wallaggaa gita hojii banaa Ofiisara Seeraa MMA baajetaan deeggarame jiru irratti dorgomtoota ulaagaalee ka’umsaa guutan beeksisa qacaraan wal-dorgomsiisee dorgomtoota qabxii ol’aanaa galmeessan filatee muuchisuun Manneen Murtii Aanaalee Godinichaatti ramaduudhaan hojjechiisuuf beeksisa qacarri baasuun dorgomtoota galmeessaa turuun isaa ni yaadatama.
Haaluma kanaan KFFG dorgomtoota bu’uura beeksisa baheen ulaagaa guutanii galmaa’an maqaan isaanii gabatee armaan gadii keessatti barreeffame calallii itti aanutti ykn qormaata barreeffamaaf akka darban murteessee jira.

Pdf isaa argachuuf https://t.me/MMOGHGWallaggaa/2257

01/04/2026

𝐁𝐞𝐞𝐤𝐬𝐢𝐬𝐚 𝐖𝐚𝐚𝐦𝐢𝐜𝐡𝐚 𝐐𝐨𝐫𝐦𝐚𝐚𝐭𝐚 𝐁𝐚𝐫𝐫𝐞𝐞𝐟𝐟𝐚𝐦𝐚𝐚
𝐖𝐚𝐚𝐦𝐚𝐦𝐚𝐚 𝐆𝐢𝐭𝐚 𝐇𝐨𝐣𝐢𝐢 𝐀𝐛𝐮𝐤𝐚𝐚𝐭𝐨𝐨 𝐈𝐭𝐭𝐢𝐬𝐚𝐚 𝐌𝐚𝐧𝐚 𝐌𝐮𝐫𝐭𝐢𝐢 𝐀𝐚𝐧𝐚𝐚

Manni Murtii Ol’aanaa Godina Horroo Guduruu Wallaggaa gita hojii banaa Abukaatoo Ittisaa MMA baajetaan deeggarame jiru irratti dorgomtoota ulaagaalee ka’umsaa guutan, beeksisa qacaraan wal-dorgomsiisee dorgomtoota qabxii ol’aanaa galmeessan filatee muuchisuun Manneen Murtii Aanaalee Godinichaatti ramaduudhaan hojjechiisuuf beeksisa qacarri baasuun dorgomtoota galmeessaa turuun isaa ni yaadatama.
Haaluma kanaan KFFG dorgomtoota bu’uura beeksisa baheen ulaagaa guutanii galmaa’an maqaan isaanii gabatee armaan gadii keessatti barreeffame calallii itti aanutti ykn qormaata barreeffamaaf akka darban murteessee jira.

Pdf isaa argachuuf https://t.me/MMOGHGWallaggaa/2255