07/07/2026
ኣብ ክላስተር መቐለ ንዝርከቡ 149 ተፈናቐልቲ ወገናት 745 ሽሕ ብር ሓገዝ ኣበርኪታ‼️
-------------
ኣርሚ 26፣ ሎሚ 30 ሰነ 2018 ዓ/ም ኣብ ሰለስተ ማእኸላት መዕቆቢ ተመዛበልቲ ክላስተር መቐለ ንዝርከቡ 149 ተመዛበልቲ ወገናት ዑደት ድሕሪ ምክያዳ ሓገዝ ገንዘብ ኣበርኪታ።
ኣብቲ ስነ ስርዓት ርኽክብ ሓገዝ ዝተረኸበ ሓለፊ ሎጅስቲክ ኣርሚ 26 ተጋዳላይ ገብረስላሰ ወልዱ (ወዲ ምፅላል)፣ ኣባላት ሰራዊት ትግራይ ዝኾኑ ኣባላት ኣርሚ 26 ኣብ ጎኒ ህዝቡ ምህላው ንምግላፅ ካብታ ዝርከቡ ኣዋፂኡ ሓገዝ ከም ዝለኣኸ ተዛሪቡ። ከምሰራዊት ፀበባ ተፈናቓሊ ተቐንጢጡ ተመዛባሊ ናብ መረበቱ ክምለስን ግዝኣታዊ ሓድነት ክረጋገፅን ልኡኹትኡ ከምዝፍፅም እውን ኣረጋጊፁ።
ካብ ሕድሕድ ኣባል ኣርምና ኣርሚ 26 (ስሑል) ካብታ ዝበልዓ 282(ክልተ ሚኢትን ሰማንያን ክልተን) ብር ብምዉፃእ ዝገደደ ማሕበራዊ ፀገም ዘለዎም ኣብ ከተማ መቐለ ኣብ ሰለስተ ማእኸላት መፅለሊ ን149 ተመዛበልቲ ንነፍሲ ወከፍ ተመዛበልቲ ሓሙሽተ ሽሕ ብር ብምክፋል 745 ሽሕ ብር ሓገዝ ተኸፋፊሉ።
ሓገዝ ዝረኸቡ ተፈናቐልቲ ብግዲኦም፣ ሰራዊት ትግራይ ረኺቡ ዘይኮነስ፣ ዝረግፆን ዝኽደኖን ስኢኑ እናሃለወ ካብታ ቁጣሮ ቀለቡ ብምሃቡ ኣመስጊኖም። እቲ ሓገዝ ካብ ዘለዎም ከቢድ ፀገም ናብ መረበቶም ክምለሱ ዝከኣሎ ኩሉ ከምዝገብር መርአያ ሓገዝ ምዃኑ እውን ገሊፆም።
©ወይን
እንዳ 26 ስሑል TDF
