Somali Prosperity Party-ብልጽግና

Somali Prosperity Party-ብልጽግና This is the Somali Prosperity party (SPP) page to communicate with supporters and fans where ever they are.
(12)

Hoggaamiyeyaasha BRICS ayaa xaqiijiyay inay si xooggan u taageerayaan diyaar-garowga ay Itoobiya ugu jirto martigelinta ...
15/09/2026

Hoggaamiyeyaasha BRICS ayaa xaqiijiyay inay si xooggan u taageerayaan diyaar-garowga ay Itoobiya ugu jirto martigelinta Shirka Isbeddelka Cimilada ee COP32.

Waa ka go'naansho wada-jir ah oo lagu dardar-gelinayo tallaabooyinka cimilada adduunka, laguna xoojinayo iskaashiga caalamiga ah!


Madaxweynaha DDS, Mudane Mustafe Muxummed Cumar iyo Wasiirka Xafiiska Xirfadaha iyo Shaqo-abuurka, Mudane Xuseen Gaydh, ...
14/09/2026

Madaxweynaha DDS, Mudane Mustafe Muxummed Cumar iyo Wasiirka Xafiiska Xirfadaha iyo Shaqo-abuurka, Mudane Xuseen Gaydh, ayaa dhagax-dhigay mashruuca dhismaha Kulliyadda Xirfadaha iyo Farsamada Gacanta ee Qabribayax.

Dhismaha kuliyaddan oo ay ku baxayso lacag ka badan 482 Milyan oo birr ayuu qorshuhu yahay in lagu soo gunnaanado muddo 24 billood ah ( 2 sano), waxaana fulinaya Xafiiska Xirfadaha iyo Shaqo-abuurka DDS.

Kulliyaddan ayaa qayb ka ah dadaallada lagu xoojinayo waxbarashada xirfadaha iyo farsamada gacanta, iyadoo bulshada deegaanka, gaar ahaan dhallinyarada, loo abuurayo fursado ay ku helaan aqoon iyo xirfado shaqo oo suuqa shaqada waafaqsan.

Kulliyadda marka la dhammaystiro waxay sida oo kale door muhiim ah ka qaadan doontaa kobcinta shaqo-abuurka, dhiirrigelinta hal-abuurka, iskaa-u-shaqaysiga iyo diyaarinta xoog shaqaale xirfad leh oo ka qayb qaata horumarka dhaqaale iyo bulsho ee degmada Qabribayax iyo nawaaxigeeda.

Cusbitaalka Darajada Koowaad ee Qabri-bayax ayaa u dallaci doona heerka Cusbitaal Guud kaddib ballaadhintiisa oo maanta ...
14/09/2026

Cusbitaalka Darajada Koowaad ee Qabri-bayax ayaa u dallaci doona heerka Cusbitaal Guud kaddib ballaadhintiisa oo maanta dhagax-dhiggiisu dhacay.

Madaxweynaha DDS, Mudane Mustafe Muxummed Cumar, iyo Wasiirka Xafiiska Caafimaadka DDS, Dr. Muuse Axmed, ayaa dhagax-dhigay mashruuca ballaadhinta Cusbitaalka Darajada Koowaad ee Qabri-bayax, kaas oo lagu biirinayo dhismaha waaxda hooyada iyo dhallaanka, taas oo marka la dhammeeyo ka dhigi doonta Cusbitaal Guud (General Hospital).

Dhismaha waaxdan ayaa qayb muhiim ah ka qaadan doonta xoojinta adeegyada caafimaadka hooyada iyo dhallaanka, gaar ahaan daryeelka hooyooyinka xilliga uurka, dhalmada iyo umusha kaddib iyo sidoo kale adeegyada caafimaad ee dhallaanka.

Dhismahan oo ah G+1 dabaq ah ayaa waxaa ku baxaya lacag dhan 240 milyan oo birr, waxaana la qorsheeyay in uu socdo muddo 18 bilood ah. Ballaadhinta cusbitaalkan waxaa fulinaya Xafiiska Caafimaadka DDS.

Marka la hirgeliyo, waaxdu waxay bulshada degmada Qabri-bayax iyo nawaaxigeeda u fududayn doontaa helitaanka adeegyo caafimaad oo muhiim ah oo la xidhiidha hooyada iyo dhallaanka, iyadoo yaraynaysa baahida ay bulshadu u qabto in ay adeegyo noocan ah u raadsato deegaanno ka fog.

Ugu dambayn, mashruucan ayaa xoojin doona dadaallada lagu horumarinayo tayada iyo helitaanka adeegyada caafimaadka, gaar ahaan adeegyada badbaadinta nolosha hooyada iyo dhallaanka, kuwaas oo muhiim u ah caafimaadka iyo badqabka qoysaska iyo bulshada guud ahaan.

Jigjiga: Garabka dhalinyarada ee iskaashiga xafiisyada heer deegaan ee Xisbiga Barwaaqo ee Soomaalida ayaa magaalada Jig...
13/09/2026

Jigjiga: Garabka dhalinyarada ee iskaashiga xafiisyada heer deegaan ee Xisbiga Barwaaqo ee Soomaalida ayaa magaalada Jigjiga ku qabtay munaasabad ballaadhan oo lagu taageerayo 1,000 arday oo la gaadhsiiyay agab waxbarasho.

Munaasabaddan oo qayb ka ah barnaamijyada tabarucaadka ee bilaha xagaaga ayaa agabka waxbarashada lagu gaadhsiiyay 1,000 arday oo laga soo kala xulay 12 dugsi oo ka tirsan maamulka magaalada Jigjiga.

Madaxa Arrimaha Siyaasadda iyo Kobcinta Awoodda ee Xisbiga Barwaaqo ee Soomaalida Mudane C/raxmaan Axmed Xasan oo munaasabadda furay ayaa sheegay in barnaamijkani uu qayb ka yahay dadaallada tabarucaadka ee lagu taageerayo bulshada, gaar ahaan ardayda si ay ugu diyaargaroobaan waxbarashada.

Tallaabadan ayaa ku soo beegantay xilli ay ardaydu isu diyaarinayaan dib ugu laabashada dugsiyada, iyadoo la filayo in sanad dugsiyeedka 2019-ka T.I uu dhawaan bilaabmo, taas oo sidoo kale muujinaya doorka ay dhalinyaradu ka qaadan karaan taageerada bulshada iyo waxbarashada.

12/09/2026

Ra’ysal wasaaraha JDFI, Abiy Axmed , oo ka qaybgalaya Shir-madaxeedka 18-aad ee BRICS ee ka socda magaalada New Delhi, ayaa kulamo laba-geesood ah la yeeshay madax iyo hoggaamiyeyaal ka qaybgalaya shirwaynaha

Kulamadani ayaa diirada lagu saaray xoojinta xidhiidhka iyo iskaashiga laba-geesoodka ah ee Itoobiya iyo dalalkaasi ay leeyihiin, iyadoo la isla eegay sidii loo sii horumarin lahaa iskaashiga dhinacyada dhaqaalaha, ganacsiga, maalgashiga, tamarta, warshadaha iyo horumarinta kaabeyaasha dhaqaalaha.

Madaxda ka qaybgalaysa shirkan uu la kulmayo raysla wasaaruhu ayaa kala ah Madaxweynaha Ruushka Vladimir Putin, Raysal Wasaaraha Hindiya Narendra Modi, Madaxweynaha Iran Masoud Pezeshkian iyo Amiirka Abu Dhabi Sheikh Khaled bin Mohamed bin Zayed Al Nahyan.

Itoobiya iyo dalalkan ayaa leh xidhiidh diblomaasiyadeed iyo dhaqaale oo muhiim ah, iyadoo kulamada laba-geesoodka ahi ay fursad u yihiin in la xoojiyo iskaashiga iyo danaha labada dhinac.

Raysal Wasaare Abiy Axmed ayaa sidoo kale shirkan kaga hadlay muhiimada ay leedahay in dalalka BRICS ay iska kaashadaan abuurista fursado dhaqaale, maalgashi iyo horumar waara.

Shir-madaxeedka 18-aad BRICS ee ka socda caasimada Hindiya ee New Delhi , ayaa ka qaybgalayaan hoggaamiyeyaal ka kala socda dalalka xubnaha ka ah iyo dalalka iskaashiga la leh BRICS.

Raysal Wasaaraha JDFI Abiy Axmed (Ph.D), ayaa gaadhay magaalada New Delhi ee caasimadda dalka Hindiya, si uu uga qayb ga...
12/09/2026

Raysal Wasaaraha JDFI Abiy Axmed (Ph.D), ayaa gaadhay magaalada New Delhi ee caasimadda dalka Hindiya, si uu uga qayb galo Shir-madaxeedka 18-aad ururka BRICS.

Wafdi ka socda Itoobiya oo uu hoggaaminayo Raysal wasaare Abiy Axmed(Ph.D), ayaa la filayaa in inta uu socdo shirwaynahu ay ka qayb galaan wadahadalo laba-geesood ah oo lagu xoojinayo iskaashiga gobolka iyo kan caalamiga ah.

11/09/2026

Madaxa Xafiiska Xisbiga Barwaaqo ee DDS oo Shacabka Ugu Hambalyeeyay Sannadka Cusub

Madaxa Xafiiska Xisbiga Barwaaqo ee Deegaanka Soomaalida, Inj. Maxamed Shaalle Isaaq, ayaa shacabka ugu hambalyeeyay munaasabadda Sannadka Cusub ee Itoobiya 2019 T.I.

11/09/2026

Madaxweynaha Dowlad Deegaanka Soomaalida, , Mudane Mustafe Muxummed Cumar ayaa shacabka ugu hambalyeeyay munaasabadda Sannadka Cusub ee Itoobiya 2019 T.I.

Madaxweynaha ayaa dhammaan shacabka u rajeeyay in sannadka cusub uu noqdo sannad ku suntan nabad, caafimaad, jacayl, barwaaqo iyo horumar.

Mudane Mustafe Muxummed ayaa shacabka u diray farriin ku saabsan hambalyada munaasabadda, isagoo ku celceliyay rajada ah in sannadka cusub uu noqdo mid ay bulshada ku gaadho guulo iyo horumar wanaagsan.

Sannad Cusub oo wanaagsan!

Address

Jijiga

Opening Hours

Monday 09:00 - 17:30
Tuesday 09:00 - 17:30
Wednesday 08:00 - 17:30
Thursday 08:00 - 17:30
Friday 08:00 - 17:30

Telephone

+251257752911

Website

Alerts

Be the first to know and let us send you an email when Somali Prosperity Party-ብልጽግና posts news and promotions. Your email address will not be used for any other purpose, and you can unsubscribe at any time.

Shortcuts

Share

Category