Poessa - Ambo Br Office

21/02/2026

With Private Organizations Employees' Social Security Administration - Poessa – I just got recognized as one of their top fans!

20/02/2026

Biyya Kanaadaatti Poolisiin magaalaa Toroontoo namni daa'ima bade tokko argitan eeruu naaf kennaa jechaa jira.

Daa'imni ganna 12 Firaa'ool jedhamu Kamisa Guraandhala 12 yeroo dhumaatiif naannawaa Pharmacy Avenue and Danforth Avenue jedhamutti mul'atee turee jedhe.

Ergasii achi buuteen isaa dhabamuu hime.

Namni argitan eeruu nuuf kennaa jedhe poolisiin magaalaa Toroontoo.

Karaawwan kanneeniin, 416-808-4100, Crime Stoppers anonymously at 416-222-TIPS (8477), or at www.222tips.com. poolisii qunnamuu dandeessu jedhe.

03/02/2026

01/11/2025

✅ 💉 “Diclo + Dexa”! Hawaasa keenyaaf Waamicha Of Qabuu!

👨‍🦳 Obbo R, nama ganna 37, furdina qaama qabu, qufaa fi garaa dhukkubbii salphaa qabee gara Hospitaala Meelba dhufe.
Duraanis Kilinika dhuunfaa irraa qorichoota akka Ceftriaxone + Diclofenac + Dexamethasone walitti makanii sirinjii tokkoon itti kennamaa ture.

Yeroo fayyaa itti dhaga’amu hunda immoo “lilmoo sana” akka deebi’ee fudhatu dubbate!

🩸 Dhiibbaan dhiigaa: 180/90 mmHg
🩸 Sukkaaraan dhiigaa (HbA1c): 10.3%
🤕 Dhukkubbii garaachaa cimaa qaba; qorannoon agarsiise — isteeroyidii fi Diclofenac yeroo dheeraaf to’annaa malee itti fayyadamuun miidhaa fidaa ture!

➡️ Kana jechuun — fayyaa yeroo gabaabaa argachuuf, balaa yeroo dheeraa ofiin uumeera!

⚠️ “Diclo + Dexa” – Miidhaa Suuta Jettuudha!

Hawaasni keenya bakka hedduutti “Diclo + Dexa” jedhu kana
akka qoricha dhukkubbii, hargansuu, alerjii, ykn marfata miira fayyaa ta’eetti fayyadama.

Namoonni hedduun maqaa garaa garaatiin ni waamu: 💬 “የንፋስ መድሀኒት”
💬 “የመገጣጠሚ መድሀኒት”
💬 “ወገብ ማንኪያ”

Garuu dhugaan jiru —
🚫 Ajaja ogeessa fayyaa malee kennamuu hin qabu.
🚫 Diclofenac fi Dexamethasone sirinjii tokko keessatti walitti makuun hin hayyamamu!
🚫 FDA fi EMA irratti qorichaa wal makamee akkasii tokkollee hin mirkanaa’in!

📊 Ragaa Qorannoo

📍 Qorannoon bara 2024 Finfinneetti gaggeeffame akka agarsiisutti —
namoota 5 keessaa tokko lilmoo ajaja ogeessa malee fayyadama; hedduun isaanii isteeroyidii (Dexamethasone) of keessaa qabu.

📍 Qorannoon bara 2023 immoo, dhaabbilee fayyaa sadarkaa duraa keessaa 37% keessatti lilmoon nageenya hin qabne akka kennamu agarsiise.

👉 Kun seenaa tokko qofaa miti — biyyatti mara keessatti babal’ataa jira!

💡 Maalif Namoonni “Diclo + Dexa” Filatu?
✅ “Lilmoon” saffisaan fayyisa jedhanii amanu.
✅ Ogeeyyiin tokko tokko maamila gammachiisuuf saffisaan furmaata kennu barbaadu.
✅ To’annoon laafaa fi ajaja malee kennamu.
✅ Miidhaan isaa yeroo gabaabaa hin mul’atu — garuu yeroo dheeraa rakkoo fida.

⚕️ Miidhaa Qorichoota Lamaan Irraa Dhufu

💢 Dexamethasone irraa:
1️⃣ Dhukkuba sukkaaraa olka’a
2️⃣ Dhiibbaa dhiigaa dabala
3️⃣ Dhangala’aa qaamaa ni qabu
4️⃣ Lafeen dadhaba (osteoporosis)
5️⃣ Nyaata dhabuu fi dadhabbii humnaa (sarkoopeeniyaa)
6️⃣ Qorichi garaachaa ni miidha; yoo Diclo waliin ta’e, ni hammaata
7️⃣ Hirriba dhabuu, yaaddoo fi miira jijjiiruu

💢 Diclofenac irraa:
1️⃣ Madaa fi dhiiguu garaachaa
2️⃣ Miidhaa kalee
3️⃣ Rakkoo onnee fi ujummoo dhiigaa

😣 Yoo walitti makamani →
Miidhaan isaanii wal dabaluu ni danda’a!
Yeroo gabaabaa dhukkubbii hir’isu, garuu yeroo dheeraa jireenya balleessa.

🚫 “Diclo + Dexa” – Qoricha Miidhaa Suuta Jechuudha!

💊 Dhukkubsatan, ogeeyyiin fayyaa fi daldaltoonni — kana irraa of haa qusatan!

✅ Maalin Itti Fayyadamuu Qabna?

💉 Lilmoon ajaja ogeesaa qofaan kennamuu qaba.
🗣 Dhukkubsataa waliin mari’achuun faayidaa fi balaa ibsuu.
🏳 Qorichoota afaaniin fudhataman, fiiziyooteraapii fi jijjiirama jireenya fayyaa buusu fayyadamuu.
🔄 Nama hundaaf hordoffii fi ilaalcha yeroo hunda godhu.
📋 Kilinika fi farmasii keessatti lilmoo wal makamaa to’achuuf odiitii fi qorannoo gaggeessuu.

🙌 Waamicha Ogeeyyii Fayyaa!
Ogummaa keenya haa kabajnu!
Hojii keenya amanamummaa fi ragaa irratti haa hundaaynu.
Yeroo gabaabaa fayyaa hin gurgurru — jireenya guutuu eegna! ❤️‍🩹

🩺💉🚫⚠️📊🩸🤕🏳🙌💪❤️‍🔥

11/10/2025

YAALAA FI ITTISA DHUKKUBBII DUGDAA (BACK PAIN)
Yeroo baayyee dhukkubbiin kun boqonnaa fudhachuu fi manatti waan sasalphaan of gargaaruun baduu ni danda'a. Yeroo tokko tokko immoo mana yaalatti yaalas barbaachisuu danda'a.
Akkamitti Ittisun danda'ama?
1, Sosochii qaamaa gochuu, sochiin qaamaa jabinnaa fi qaamni keenya akka salphaatti kottoonfatuu fi diriiru godha.
2,Nyaata madaalamaa (keessattuu nyaatni kaalsiyeemii fi Vaayitaaminii D dhan badhaadhan, fayyummaa lafee keenyaaf baayyee murteessodha); akkasumas kuduraa fi muduraa.
3,Tamboo aarsuu dhiisuu
4,Ulfaatina guddaa qabna yoo ta'e hir'isuu (Ulfaatina madaalawaa qabaachuu)
5,Yeroo Ulfaatina ol kaafnu;
*yoo danda'ame haala bira fayyadamuu ykn suuta jennee ol kaasuu
*yoo olkaasnu Ulfaatina guddaa ol kaasuu hin qabnu *yeroo kaasnu haala mijataa qopheefachuu qabna.
6, Dhaabbannaa fi teessuma keenya mijeffachuu(yeroo dheeraaf dhaabbachuu, taa'uu fi ciisuun dhukkubbii dugdaa qofaaf osoo hin taane akka waligalaatti fayyaa qaama keenyaaf gaarii waan hin taaneef, haalli hojii keessan kanaaf kan isin saaxilu yoo ta'e gidduu jidduutti dhiisuun boqonnaa fudhachuun sochii taasisuu). Yeroo teessanii fi dhaabbatanis haala dhaabbanna fi teessuma qaamaa mijataa ta'e qopheefachuu qabdu.
7,Kophee 'flat' fi kan nu hin qabne fayyadamuu (kan Koomeen isaa olka'aa hin taane)
8, Dhiphina fi Yaaddoo hamaa xiqqeessuu
9,Dugda hanga danda'ameen sukkumachuu

Yeroo kamii Mana Yaalaa Deemuu Qabna?
1.Boqonnaa gahaa fudhachuun kan nu hin dhiifne yoo ta'e
2. Hoo'i qaamaa yoo dabale ( fever)
3.Dhiitaan dugda duuba yoo jiraatee
3, Waliittii fufinsaan kan nama dhukkubu yoo ta'e
4,Dhukkubbiin miilas dabalata yoo ta'e.
5,Fincaan ykn bobbaa (udaan) too'achuu kan hin dandeenye yoo ta'e
6,Fincaan fincaa'un kan nama rakkisuu yoo ta'e.
7, Erga rukkutamanii ykn kufaanii booda yoo ta'e
8,Miilli kan nama adoodu fi sochoosuun kan hin dandeenye ;akkasumas dhukkubbiin hanga miilatti kan gahuu yoo ta'e
9,Ulfaatinni qaamaa yoo baayyee kan hir'ate yoo ta'e ( significant unexplained weight loss) fi kkf yoo jiraatan dafnee mana yaalaa deemuu qabna. Kana hunda goonee yoo nu dhiisuu baate mana yaalaa deemuun ogeessa fayyaa mariisisuun barbaachisaadha.
Galatoomaa!!!

11/10/2025

Faayidaa Maangoo Nyaachuu Irraa Argannu:
********************************************
1. Dhukkuba kaansarii hir'isuu fi fayyaa onnee keenyaa eega: Maangoon umaamaan inzaayimii 'pectin' jedhamtu of keesssaa qaba. pectin kun 'galectin' kan jedhamu waliin walitti makamuun dhibee kaansarii nurraa ittisu, irra caalaa dhiira keessatti kaansarii qaama hormaata dhiiraa ykn prostate cancer jedhamu ittisa.

Maangoon inzaayimii pectin jedhamu qabaachuun pectin kun ammoo kolesteroolii hir'isuudhaan fayyummaa onnee keenyaa eeguu keessatti ga'ee isaa taphata.

2. Dhiibbaa dhiigaa ittisa: Kunis kan danda'amu maangoon vitaaminootaa fi albuudota fayyummaa onnee fi hidda dhiiga keenyaa eegan waan qabuuf.

3. Hir'ina dhiigaa ni ittisa: Kunis kan dandaámu mangoon albuuda aayiranii(iron) sababa of keessaa qabuuf hir’ina dhiigaa hanqina albuuda iron dhabuun nutti dhufu ni ittisa.

4. Dubartoota/haadholii ulfa ta'an ni gargaara: Kunis maangoon sababa aayiranii(iron) qabuuf, dubartoonni ulfaa yeroo ulfa'anii jiranitti hanqinni albuuda iron waan isaan mudatuuf.

5. Nyaatni akka bullaa'u ykn digest ta'u taasisuu keessatti ga'ee guddaa qaba:
Kunis kan ta'u umamaan maangoon inzaayimii soorrata bulleessan waan qabuuf.

6. Fayyaa sammuu keenyaa dabaluu keessatti gaée qaba: Kunis kan danda'mu maangoon viitaaminii B6 fi Glutamine acid kan jedhamu qaba vit.B6 dalagaa sirna dhaamsa narvii keenyaa yommuu dabalu. glutamine acid kan jedhamu immoo dandeettii waa yaadachuu fi xiyyeeffannoo keenyaa dabala.

7. Maangoon dandeettii dhukkuba ittisuu qaama keenyaa dabaluu fi finnisa qaama keenya irratti akka hin baay'anne ittisuu keessattis ga'ee guddaa qaba.