የሣዉላ ከተማ አስተዳደር ገቢዎች ጽ/ቤት/Sawla Town Administration Revenue Office

  • Home
  • Ethiopia
  • Gofa
  • የሣዉላ ከተማ አስተዳደር ገቢዎች ጽ/ቤት/Sawla Town Administration Revenue Office

የሣዉላ ከተማ አስተዳደር ገቢዎች ጽ/ቤት/Sawla Town Administration Revenue Office አስተማማኝ የልማት አቅም እንፈጥራለን !!!

የሻጮች ደረሰኝ አለመስጠትና ገዥዎች ደረሰኝ አለመቀበልን ለመቀነስ የደረሰኝ ሎተሪ ሥርዓት ለመዘርጋት የተደረገ ጥናትም ቀርቦ በአተገባበሩ ላይ ውይይት ተደርጓል።የሣዉላ ከተማ አስተዳደር ገቢዎ...
31/08/2026

የሻጮች ደረሰኝ አለመስጠትና ገዥዎች ደረሰኝ አለመቀበልን ለመቀነስ የደረሰኝ ሎተሪ ሥርዓት ለመዘርጋት የተደረገ ጥናትም ቀርቦ በአተገባበሩ ላይ ውይይት ተደርጓል።

የሣዉላ ከተማ አስተዳደር ገቢዎች ጽ/ቤት/Sawla Town Administration Revenue Office

https://www.facebook.com/100068832205640/posts/1372746538363073/?mibextid=rS40aB7S9Ucbxw6v

29/08/2026

ስሸጡ ደረሰኝ ይስጡ ሲገዙ ደረሰኝ ይቀበሉ
መልዕክት ዛሬ በሣውላ ከተማ ገቢዎች ጽ/ቤት በከተማው ውስጥ ለውስጥ እና በቅዳሜ ገቢያ ላይ ለሸማቾች እና ለግብር ከፋዮች የቅስቀሳ እና የማነቃቃት ስራ ተሰረቷዋል ።

ለታክስ ከፋይነት መመዝገብ ያለባቸው እነማን ናቸው?ማንኛውም ሰው ማንኛውንም የንግድ ሥራ ከመጀመሩ በፊት ቀደም ብሎ በታክስ ከፋይነት መመዝገብ ይኖርበታል። ለዚህም አስቀድሞ የተመዘገበ ካልሆነ...
27/08/2026

ለታክስ ከፋይነት መመዝገብ ያለባቸው እነማን ናቸው?
ማንኛውም ሰው ማንኛውንም የንግድ ሥራ ከመጀመሩ በፊት ቀደም ብሎ በታክስ ከፋይነት መመዝገብ ይኖርበታል። ለዚህም አስቀድሞ የተመዘገበ ካልሆነ በስተቀር በታክስ ሕግ መሠረት ታክስ የመክፈል ኃላፊነት ያለበት ሰው በባለሥልጣኑ ዘንድ ለመመዝገብ ማመልከት አለበት፡፡
• ለታክስ ከፋይነት መመዝገብ ያለባቸው …
👉 በንግድ ወይም በሙያ ሥራ (መቀጠርን ሳይጨምር) የተሰማራ ግለሰብ፣
👉 ቤት በማከራየት ገቢ የሚያገኝ ግለሰብ፣
👉 ተቀጣሪ፣
👉 የመንግሥት የልማት ድርጅት፣
👉 የመንግሥት ባለበጀት መሥሪያ ቤት፣
👉 መንግሥታዊ ያልሆኑ ድርጅቶች፣
👉 የሃይማኖት ተቋማት፣
👉 የንግድ ማህበር፣
👉 በኢትዮጵያ ነዋሪ ባልሆነ ኩባንያ በቋሚነት የሚሠራ ድርጅት፣
👉 የወጪ መጋራት ተጠቃሚዎች፣
👉 በጋራ ሃብትነት ያልተመዘገበ ሃብት ያላቸው ሰዎች፣
👉 ባለ ልዩ መብት፣
👉 በመንግሥታት መካከል የሚደረግ ስምምነት በጽሕፈት ቤት ማቋቋሚያ ስምምነት የሚቋቋም ድርጅት እንዲሁም
👉 የኩባንያ አክሲዮን ባለድርሻ ናቸው።
የሣዉላ ከተማ አስተዳደር ገቢዎች ጽ/ቤት/Sawla Town Administration Revenue Office

በተሻሻለው የፌደራል ታክስ አስተዳደር አዋጅ ቁጥር 1434/2018 በአንቀፅ 125 ንዑስ አንቀጽ 1 መሠረት ለገዢው የታክስ ደረሰኝ ባልሰጡ ግብር ከፋዮች ላይ በእያንዳንዱ ደረሰኝ ብዛት ብር ...
26/08/2026

በተሻሻለው የፌደራል ታክስ አስተዳደር አዋጅ ቁጥር 1434/2018 በአንቀፅ 125 ንዑስ አንቀጽ 1 መሠረት ለገዢው የታክስ ደረሰኝ ባልሰጡ ግብር ከፋዮች ላይ በእያንዳንዱ ደረሰኝ ብዛት ብር 100,000 (አንድ መቶ ሺህ ብር) ቅጣት እንደሚጣል ተደንግጓል፡፡

በዚህም መሰረት የፌደራል ታክስ አስተዳደር አዋጅ ማሻሻያ ቁጥር 1434/2018 በነጋሪት ጋዜጣ ከወጣበት ቀን ሐምሌ 30/2018 ጀምሮ በክልሉ ተግባራዊ እንዲደረግ ተወስኗል።

የጎፋ ዞን አስተዳደር ምክር ቤት ከ5.6 ቢሊዮን ብር በላይ የሆነ የ2019 ዓ.ም ረቂቅ በጀትን አፀደቀለበለጠ መረጃhttps://www.facebook.com/share/1DTLLWVi6b/
08/08/2026

የጎፋ ዞን አስተዳደር ምክር ቤት ከ5.6 ቢሊዮን ብር በላይ የሆነ የ2019 ዓ.ም ረቂቅ በጀትን አፀደቀ
ለበለጠ መረጃ
https://www.facebook.com/share/1DTLLWVi6b/

04/08/2026

የደረጃ 'ለ' ግብር ከፋዮች የክፍያ ማጠናቀቂያ ቀን ሐምሌ 30 ሊደርስ 2 ቀን ብቻ ቀርተዋል።

ያለተጨማሪ ቅጣት እና ወለድ ግዴታዎን ይወጡ።

የደቡብ ኢትዮጵያ ክልል ገቢዎች ቢሮ

30/07/2026

ተቀናሽ የማይደረጉ ወጪዎች እና ኪሳራዎች

▫️ የካፒታልነት ባህርይ ያላቸው ወጪዎች፤
▫️ የኩባንያ አክሲዮን ወይም የሽርክና ማህበር መሠረት የሆነውን ካፒታል ለማሳደግ የሚወጣ ወጪ፤
▫️ ከተቀጣሪው የወር ደመወዝ 15% (አሥራ አምስት መቶኛ) በላይ በፈቃደኝነት የሚደረግ የጡረታ ወይም የፕሮቪደንት ፈንድ መዋጮ፤
▫️ የአክሲዮን ድርሻ እና የትርፍ ድርሻ ክፍፍል፤
▫️ በመድን፣ በካሳ ወይም በዋስትና ውል መሠረት የተመለሰ ወይም ሊመለስ የሚችል ወጪ ወይም ኪሳራ፤
▫️ ማንኛውንም ሕግ ወይም ውል በመጣስ የሚጣል የገንዘብ ቅጣት ወይም የሚከፈል ካሳ፤
▫️ ግብር ከፋዩ በሂሳብ መዝገቡ የሚይዘው በወቅቱ ወጪ ያልተደረገ ነገር ግን ለወደፊት በግብር ዓመቱ ለሚከሰቱ ወጪዎች ወይም ኪሳራዎች መጠባበቂያ ይሆን ዘንድ የሚያዝ ገንዘብ ወይም የመጠባበቂያ ሂሣብ፤
▫️ ግብር ከፋዩ ለራሱ የሚያወጣው የግል ውጪ፤
▫️ በገቢ ግብር አዋጅ ወይም በውጭ ሀገር የታክስ ሕግ መሠረት የተከፈለ የገቢ ግብር ወይም ተመላሽ የሚደረግ የተጨማሪ እሴት ታክስ፤
▫️ መሥሪያ ቤቱን ወክሎ በተለያዩ ቦታዎች ለሚገኝ ተቀጣሪ ከተቀጣሪው ከመቀጠር የሚገኝ ገቢ 10% (አሥር በመቶ) በላይ የሚከፈል የኃላፊነት አበል፤
▫️ ከሚከተሉት በስተቀር ለመዝናኛ የሚወጣ ወጪ፤
ሀ. የግብር ከፋዩ የንግድ ሥራ የመዝናኛ አገልግሎት መስጠት ሲሆን፤ወይም
ለ. ተቀናሽ እንዲደረግ በሚፈቅደው ልክ በማዕድን ማውጣት፣ በማኑፋክቸሪንግ ወይም በግብርና ሥራ የተሠማራ ቀጣሪ ሠራተኞቹን ለማዝናናት የሚያወጣው ወጪ፤
▫️ ለበጎ አድራጎት ከሚሰጥ ስጦታ ውጭ የሚደረግ ስጦታ ወይም እርዳታ፤
▫️ ግብር ከፋዩ አንድን የንግድ ሥራ ሀብት ግንኙነት ላለው ሰው ሲያስተላልፍ የሚደርስ ኪሳራ፤
▫️ ማናቸውም ግብር ከፋይ ወደ ባንክ ሂሳብ ገቢ ከሚደረግ ቼክ፤ ወደ ባንክ ሂሳብ ገቢ ከሚደረግ የባንክ ድራፍት፤ ከአንድ የባንክ ሂሳብ ወደሌላ የባንክ ሂሳብ እና ወይም በኢትዮጵያ ብሔራዊ ባንክ ፈቃድ በተሰጣቸው የክፍያ መፈፀሚያ መንገዶች ገንዘብ ከማስተላለፍ ውጪ በአንድ ቀን ውስጥ ለአንድ ሰው ከብር 50,000 (ሃምሳ ሺህ ብር) በላይ በሆነ ጥሬ ገንዘብ የፈጸመው ወይም የፈጸማቸው ክፍያዎች፤

የደረጃ ሀ ግብር ከፋዮች አመታዊ ግብር የሚከፈለው መቼ ነው?የደረጃ “ሀ” ግብር ከፋዮች ዓመታዊ የንግድ ትርፍ ግብር ሂሳብ መዝገብ አቅርቦ መክፈል ያለባቸው በጀት ዓመቱ ከተጠናቀቀ ከሐምሌ 1...
19/07/2026

የደረጃ ሀ ግብር ከፋዮች አመታዊ ግብር የሚከፈለው መቼ ነው?
የደረጃ “ሀ” ግብር ከፋዮች ዓመታዊ የንግድ ትርፍ ግብር ሂሳብ መዝገብ አቅርቦ መክፈል ያለባቸው በጀት ዓመቱ ከተጠናቀቀ ከሐምሌ 1 እስከ ጥቅምት 30 ድረስ ባለው ጊዜ ይሆናል፡፡ ነገር ግን ከተያዘው የግብር ዓመት በፊት በነበረው የግብር ዓመት የከፈሉትን ግብር 25% (ሃያ አምስት በመቶ) የሂሳብ ሪፖርት ከሚያቀርቡበት ወር መጨረሻ ጀምሮ በየሶስት ወሩ የሶስት ወሩ በተጠናቀቀ በ30 ቀናት ውስጥ አስቀድመው እንደሚከፍሉ በተቀመጠው መሠረት፡-
1ኛ ዙር ክፍያው ከየካቲት 1 እስከ 30 ሲሆን ከሐምሌ 1 እስከ መስከረም 30 ድረስ የተከፈለ ቅድመ ግብር (withholding) ካለ ተቀናሽ ይደረጋል፡፡
2ኛ ዙር ክፍያ ከግንቦት 1 እስከ 30 ሲሆን ከጥቅምት 1 እሰከ ታህሳስ 30 ድረስ የተከፈለ ቅድመ ግብር (withholding) ካለ ተቀናሽ ይደረጋል፡፡
3ኛ ዙር ክፍያ ከነሐሴ 1 እስከ 30 ሲሆን ከጥር 1 እሰከ መጋቢት 30 ድረስ የተከፈለ ቅድመ ግብር (withholding) ካለ ተቀናሽ ይደረጋል፡፡
በመጨረሻ በሂሳብ ሪፖርቱ መሠረት ሊከፍሉት ከሚገባው ግብር ላይ በየሦስት ወሩ የከፈሉት ቅድመ ግብር ተቀንሶ ቀሪውን እስከ ጥቅምት 30 ድረስ ባለው ጊዜ የሚከፍሉ ሲሆን በዚህ ጊዜ ከሚያዝያ 1 እስከ ሰኔ 30 ድረስ የተከፈለ ቅድመ ግብር (withholding) ካለ ተቀናሽ የሚደረግ ይሆናል፡፡
የሂሳብ ሪፖርት በሚያቀርቡበት ወቅት የግብር ስሌት ሲከናወን በየሶስት ወሩ የከፈሉት ቅድመ ግብር ሊከፈል ከሚገባው የበለጠ ሆኖ የተገኘ እንደሆነ በብልጫ የከፈሉት ሂሳብ ተመላሽ ይደረጋል፡፡ የተመላሹ ክፊያ የሚፈፀመው በተጨማሪ እሴት ታክስ አዋጅ መሠረት ለተመላሽ ተቀንሶ ከሚያዘው ሂሳብ ላይ ይሆናል፡፡
በዚህ መሠረት የ2018 ግብራቸውን ከሐምሌ 01 ቀን 2018 ዓ/ም እስከ ጥቅምት 30 ቀን 2019 ዓ/ም ድረስ መክፈል ይጠበቅባቸዋል፡፡
በ2018 ግብር ዘመን አዲስ የደረጃ “ሀ” ግብር ከፋይ የሆኑ ግብር ከፋዮች ዓመታዊ ግብራቸውን ከሐምሌ 01 ቀን 2018 ዓ/ም እስከ ጥቅምት 30 ቀን 2019 ዓ/ም ድረስ ባለው ጊዜ ዉስጥ ሂሳብ መዝገባቸውን በማቅረብ መክፈል ይጠበቅባቸዋል፡፡
South Ethiopia Region Revenue Bureau /የደቡብ ኢትዮጵያ ክልል ገቢዎች ቢሮ/ Gofa Zone Revenue Department

ማንኛውም መዝገብ የሚይዝ ታክስ ከፋይ የታክስ ሂሳብ መዝገብ ለማዘጋጀት የሚያስፈልጉ የሚከተሉትን ሰነዶችን መያዝ ያለበት ሲሆን ቢሮው ሲጠየቅም፡-👉 የታክስ ከፋይነት መለያ ቁጥር የምስክር ወረ...
19/07/2026

ማንኛውም መዝገብ የሚይዝ ታክስ ከፋይ የታክስ ሂሳብ መዝገብ ለማዘጋጀት የሚያስፈልጉ የሚከተሉትን ሰነዶችን መያዝ ያለበት ሲሆን ቢሮው ሲጠየቅም፡-
👉 የታክስ ከፋይነት መለያ ቁጥር የምስክር ወረቀት፣
👉 የንግድ ምዝገባ ምስክር ወረቀት፣
👉 የንግድ ሥራ ፍቃድ፣
👉 የሙያ ፈቃድ፣
👉 የተጨማሪ እሴት ታክስ ተመዝጋቢ ከሆነ የተጨማሪ እሴት ታክስ ምዝገባ የምስክር ወረቀት፣
👉 ከተከፋይ ሂሳብ ላይ ታክስ ቀንሶ እንዲያስቀር ግዴታ የተጣለበት ከሆነ የምዝገባ ምስክር ወረቀት እና ተቀናሽ የተደረገውን ግብር የሚያሳይ ሰነድ፣
👉 በውል መሠረት ለሚፈፀሙ ሥራዎች የተረጋገጠ ውል ሰነድ፣ የክፍያ ማረጋገጫ ምስክር ወረቀት(Payment Certificat)፣ የልኬት ማስረጃ(Bill of Quantity)፣ በ3ኛ ወገን ሊረጋገጥ የሚቻል መረጃ፣ በአንድ የግብር ዘመን ለማይጠናቀቅ ሥራ በዉሉ መሰረት በግብር ዓመቱ የተጠናቀቀ ሥራ መጠን መቶኛ (Percentage Completed) የሚያሳይ መረጃ እና እንደ አስፈላጊነቱ አግባብነት ያላቸው ሌሎች ሰነዶች፣
👉 ክፍያ የፈጸመው ባንክ፣ ክፍያ ለመፈጸም ማረጋገጫ የሰጠበት የባንክ ፈቃድ፣
👉 ለድርጀት ታክስ ከፋዮች በሚመለከተው አካል የጸደቀውና የተመዘገበ ካፒታል መጠን የሚገልጽ፣ የድርጅቱ መመስረቻ ጽሑፍ፣ የመተዳደሪያ ደንብ እና ሌሎች በንግድ ህግ መሰረት የሚዘጋጁ ሰነዶች፣
👉 ከደንበኛ እና አቅራቢ የሚሰጥ ሕጋዊ የግብይት ደረሰኝ ወይም ታክስ የተከፈለበት ህጋዊ ሰነድ፣
👉 የሠንጠረዥ "ሀ" ታክስ ከፋይ ቀጥሮ የሚያሰራቸውን ሠራተኞች ሙሉ ስምና አድራሻ፣ የታክስ ከፋይነት መለያ ቁጥር፣ ለእያንዳንዱ ሠራተኛ የተከፈለ የደመወዝ መጠን፣ የተቀነሰውን የሥራ ግብር መጠን፣ ከግብር ነጻ የተደረገውን ገቢ፣ በከፋይና በሚመለከታቸው ኃላፊዎች ፊርማ የተረጋገጠ እና የድርጅቱ ሕጋዊ ማህተም ያረፈበት የክፍያ ሰነድ (Payroll)፣
👉 የንግድ ሥራ ሀብት የተሰራበት፣ የተገነባበት ወይም የተገዛበት ትክክለኛ ዋጋ ያልተገኘለት ከሆነ የንግድ ሥራ ሀብት የመገመት ሥልጣን በህግ ከተሰጠው አካል የተገኘ ትክክለኛ ወቅታዊ የተሰራበት፣ የተገነባበት ወይም የተገዛበት የገበያ ዋጋ መግለጫ፣
👉 በታክስ ዘመኑ የተወገደ የንግድ ሥራ ሀብት የሽያጭ ዋጋ፣ በተፈጥሮ አደጋ ለወደመ ወይም በሌላ ከቁጥጥር ዉጪ በሆነ ምክንያት ለውጥ ላጋጠመውና የካሳ ክፍያ የተከፈለ ከሆነ የክፍያው ማስረጃ፣
👉 የታክስ እፎይታ ወይም ከታክስ ነጻ መብት ያለው ግብር ከፋይ ይህንኑ የሚያረጋግጥ ማስረጃ፣
👉 የታክስ ስሌት የተዘጋጀው በተፈቀደለት የሂሳብ ባለሙያ ወይም በዉጭ ኦዲተር ሲሆን ለሂሳብ ባለሙያው ወይም ለኦዲተር የተሰጠ የሙያ ፈቃድና የአገልግሎት ክፍያ የተፈጸመበት ደረሰኝ፣
👉 የታክስ ስሌት የተዘጋጀው በተቀጣሪ ባለሙያ ወይም ራሱ ግብር ከፋይ ከሆነ ትክክለኛ የትምህርት ማስረጃ ተያይዞ መቅረብ አለበት፡፡
👉 ታክስ ከፋዩ ታክሱን ያስታወቀበት የታክስ ማስታወቂያ እና ታክስ የከፈለበት ሰነድ፣
👉 የተጨማሪ እሴት ታክስ የሚከፈልባቸው፣ ከተጨማሪ እሴት ታክስ ነጻ የሆኑ ወይም በዘሮ መጣኔ ያላቸው አቅርቦቶችና የሽያጭ ዋጋ ዝርዝር እንዲሁም በተጨማሪ እሴት ታክስ ማስታወቂያ እና በዓመታዊ ገቢ ማስታወቂያ መካከል ላለ ልዩነት የተሰራ የማስታረቂያ የልዩነት ሂሳብ ሪፖርት፣
👉 የተለያዩ ፕሮጀክቶች እየተከናወኑ ከሆነ በእያንዳንዱ ፕሮጀክት የወጣ ወጪና ገቢ ተለይቶ የተመዘገበበት ሰነድ እንዲሁም፤
👉 የታክስ ሂሳብ መዝገቡን ትክክለኛነት ለማረጋገጥ የሚያስፈልግ ማንኛውም ሌላ ሰነድ ማቅረብ ይኖርበታል፡፡
South Ethiopia Region Revenue Bureau /የደቡብ ኢትዮጵያ ክልል ገቢዎች ቢሮ/
Gofa Zone Revenue Department

ርዕሰ መስተዳድር ጥላሁን ከበደ በተገኙበት ክልል አቀፍ የበጀት ቀመርና ተያያዥ ጉዳዮች ላይ ሚመክር የውይይት መድረክ በሳውላ ከተማ ተካሂዷል ርዕሰ መስተዳድር ጥላሁን ከበደ በተገኙበት የ201...
14/07/2026

ርዕሰ መስተዳድር ጥላሁን ከበደ በተገኙበት ክልል አቀፍ የበጀት ቀመርና ተያያዥ ጉዳዮች ላይ ሚመክር የውይይት መድረክ በሳውላ ከተማ ተካሂዷል
ርዕሰ መስተዳድር ጥላሁን ከበደ በተገኙበት የ2019 በጀት ዓመት የሀብት ማከፋፈያ ቀመር ዝግጅትን በተመለከተ ከባለድርሻ አካላት ጋር በሳውላ ከተማ የውይይት መድረክ ተካሂዷል።
ርዕሰ መስተዳደር ጥላሁን ከበደ በመድረኩ የሀብት ማከፋፈያ ቀመሩ በአገራዊ ስታቲስቲክስ መረጃዎች እና በየቢሮዎች የተደራጁ ትክክለኛ መረጃዎች ላይ ተመስርቶ መዘጋጀት እንዳለበት ገልጸዋል።
የክልሉ መንግስት የበጀት ቀመሩን ታዓማኒ እንዲሆን ለማስቻል በየዓመቱ መረጃ እስከ ታችኛው መዋቅር ድረስ ወርዶ በመሰብሰብ፥ ፍታሃዊ የሀብት ክፍፍል እንዲኖር ለማስቻል ለሚያደርገው ጥረት መድረኩ የሚያግዝ መሆኑንም ገልጸዋል።
የበጀት ቀመር ዝግጅቱ የክልላችንን ህገ-መንግስት ታሳቢ ያደረገ፣ ግልፀኝነት ላይ የተመሰረተ፣ ታአማኒ መረጃን የያዘ፣ ተጠያቂነት ያለው እና ሙልዑነትን መርሆ ያደረገ እንዲሁም በጋራ ተደጋግፎ ማደግን ያገናዘበ ሊሆን ይገባል ሲሉ ርዕሰ መስተዳድሩ አስገንዝበዋል።
ወጪን በመቀነስ ገቢን በመጨመር የጋራ ተጠቃሚነታችንን በማስፋት ልማቶችን እንሰራለን" ያሉት ርዕሰ መስተዳድሩ ፣ የበጀት ቀመር ሲዘጋጅ ያለፉት ዓመታት የበጀት አጠቃቀም ጠንካራና ደካማ ጎኖች በጥልቀት መገምገም እንዳለባቸው ጠቁመዋል።
የገቢ ምንጮችን በማስፋት፣ አላስፈላጊ ወጪዎችን በመቀነስ እና የህዝብ ሀብትን በቁጠባና በተጠያቂነት በመጠቀም የልማት ውጤቶችን ማፋጠን እንደሚቻልም አስገንዝበዋል።
የደቡብ ኢትዮጵያ ክልል ፕላን ቢሮ ኃላፊ አቶ ፍቅረስላሴ ቤዛ በበኩላቸው፣ የተሳካ የበጀት ስርዓት መሰረቱ ትክክለኛ መረጃን በአግባቡ መሰብሰብ፣ ማደራጀት እና ለውሳኔ ሰጪዎች በወቅቱ ማቅረብ መሆኑን ገልጸዋል።
በጀት ገንዘብን ብቻ ሳይሆን የሰው ኃይልን፣ የተፈጥሮ ሀብትን እና ሌሎች የልማት አቅሞችን በአግባቡ የማስተዳደር ሂደት መሆኑንም ጠቁመዋል።
በውይይቱ የተሳተፉ ባለድርሻ አካላትም የመረጃ ጥራትን ማሻሻል፣ የሀብት ክፍፍልን ፍትሃዊ ማድረግ፣ የገቢ ምንጮችን ማስፋት እና የህዝብ ሀብትን በአግባቡ በመጠቀም ዘላቂ ልማትን ማረጋገጥ እንደሚገባ አጽንኦት ሰጥተዋል።

Address

Gofa, Sawla , Ethiopia �
Gofa

Website

Alerts

Be the first to know and let us send you an email when የሣዉላ ከተማ አስተዳደር ገቢዎች ጽ/ቤት/Sawla Town Administration Revenue Office posts news and promotions. Your email address will not be used for any other purpose, and you can unsubscribe at any time.

Shortcuts

Share

Category