Goshu Endalamaw Wondimagegn

10/09/2026

"በአዲሱ ዓመት ከተማችን የኢንቨስትመንት፣ የቱሪዝምና የኢንዱስትሪ መዳረሻነቷ ይበልጥ የሚጎለብትበት፣ የተጀመሩ ታላላቅ የልማት ስራዎች ተጠናቀው ለህዝብ አገልግሎት የሚበቁበት፣ የአብሮነት፣ የመተሳሰብ እና የወንድማማችነት እሴቶቻችን የሚጠነክሩበት እንዲሆን እመኛለሁ"

ለመላው የኢትዮጵያ ሕዝባችን እና ለውቢቷ ባሕር ዳር ከተማ ነዋሪዎች በሙሉ
በቅድሚያ እንኳን ከአሮጌው ዘመን ወደ አዲሱ የምስራች ዘመን በሰላም፣ በጤና እና በህይወት አሸጋገራችሁ! እንኳን ለ2019 ዓ.ም አዲስ ዓመት የዘመን መለወጫ በዓል በሰላም አደረሳችሁ! ፣ ዓመቱ የሠላም ፤የጤና ፤ የአንድነትና የእድገት እንዲሆንልን ምኞቴን መግለጽ እወዳለሁ፡፡

ሀገራችን ኢትዮጵያ የበርካታ ውብ ባህሎች፣ የከበሩ በዓላት እና የህብረ-ብሔራዊ አንድነት መገኛ ናት። የአዲስ ዓመት በዓል ደግሞ ሁሉም ሃይማኖቶች፣ ብሔር ብሔረሰቦችና ማህበረሰቦች በአንድነት በፍቅርና በደስታ የሚያከብሩት ትልቅ የጋራ እሴታችን ነው። አዲስ ዘመን ሲመጣ ሁልጊዜም አዲስ ተስፋን፣ ፍቅርን፣ ሰላምንና ስኬትን ይዞልን እንደሚመጣ ሙሉ እምነት አለን።

ባሳለፍነው ዓመት የከተማችንን ሰላምና ፀጥታ ከማስከበር ጎን ለጎን፣ ውቢቷን ባህር ዳር ለነዋሪዎቿ፣ ለባለሀብቶችና ለቱሪስቶች ይበልጥ ማራኪና ምቹ ለማድረግ ከ 20 ሺ በላይ ዜጎች የቤት መስሪያ ቦታ፣ የኮሪደር ልማት እና የፅዳትና ውበት ስራዎችን በስኬት አከናውነናል። ይህ የተጀመረው የልማትና የስማርት ባህር ዳር ጉዞ፣ በአዲሱ ዓመትም ተጠናክሮ የሚቀጥል ይሆናል።

እነሆ ከፊታችን 365 ገጾች ያሉት አንድ ትልቅ መዝገብ ተከፍቷል፡፡ ምንም አልተጻፈበትም፡፡ በዚህ መዝገብ ላይ የኢትዮጵያን ብልጽግና እንጻፍበት፡፡ እኛ የኢትዮጵያን ብልጽግና ካልጻፍንበት ሌሎች የኢትዮጵያን ድካም ይጽፉበታል፡፡ መሽቀዳደም አለብን፡፡ እሽቅድድሙ ከጊዜ ጋር ነው፡፡ ከድህነትና ከኋላ ቀርነት ጋር ነው፡፡

በመጨረሻም
በአዲሱ ዓመት ሁላችንም በአንድነት እና በሕብረት በመቆም ለመጭው ትውልድ መልካም ነገር በመስራት ከተረጀነት ወደ ምርታማነት የምንሸጋገርበት የስኬት እና የብልጽግና ዓመት ይሆን ዘንድ ከልብ እመኛለሁ ፡፡
በድጋሚ እንኳን ለ2019 አዲስ አመት በሰላምና በጤና አደረሳችሁ ፤ አደረሰን

መልካም አዲስ ዓመት!

ጉሹ እንዳላማው
የባሕር ዳር ከተማ አስተዳደር ከንቲባ

10/09/2026

እንኳን ለአዲሱ ዓመት በሰላም አደረሳችሁ!!

አዲስ ዓመት የበለጠ ተስፋ የምንሰንቅንበት፣ ቂምና ጥላቻን በይቅርታ ሽረን በአብሮነት የምንሻገርበት ጊዜ ይሁንልን።

አዲሱ ዓመት ለመጪው ትውልድ አሻራ የምናስቀምጥበት፤ ያለንን ዕምቅ የመልማት ፀጋ ከሕዝባችን አቅም ጋር አቀናጅተን በመጠቀም ልማታችን የምናፋጥንበት ዓመት ይሆናል።

ዘላቂ ሰላማችን አፅንተን፤ አብሮነታችንና ትብብራችንን ካጠናከርን ከፊት ለፊታችን አዲስ ድልና ስኬት ይጠብቀናል። ለዚህም ቃላችን ጠብቀን የተሻለ ዘመን ለመፍጠር አልቀን እንሰራለን።

ስለሆነም ያአጋጠሙንን ሳንካዎች ተሻግረን፤ ጉድለቶቻችንን አርመን፤ ስኬቶቻችንን የሞራል ስንቅ አድርገን በ2019 የላቀ ውጤት ለማምጣት በቁጭት እንተጋለን።

አዲሱ ዓመት ሁሉም ኢትዮጵያውያን ትብብራችን እና አብሮነታችን የበለጠ የሚጠናከርበት፤ የእድገትና የብልፅግና ዘመን እንዲሆንልን እመኛለሁ።

መልካም አዲስ ዓመት!

10/09/2026

10/09/2026

እንኳን ለ2019 አዲስ ዓመት አደረሳችሁ

ኢትዮጵያ ታላላቅ ተግባራትን የከወነችበት 2018 ተሰናበተ። አዲሱ 2019 ዓመት ያለፉትን ዓመታት ተግባራት የምናጸናበትና የምናሰፋበት፤ አዳዲሶቹን ደግሞ የምንወጥንበት ዓመት ነው። ባሳለፍነው ዓመት ሀገራዊ ምክክሩን ማሳካታችን ቀጣዩ ዓመት በሁሉም ረገድ የተሻለ እንዲሆን አድርጎታል። የምክክሩንም ውጤት ከወዲሁ ማጣጣም ጀምረናል።

ቀጣዩ 2019 የፖለቲካው ምኅዳር የበለጠ ይሰፋል። የማክሮ ኢኮኖሚ ማሻሻያው የተሻለ ፍሬ ያፈራል። በግብርና፣ በኢንዱስትሪ እና በዲጂታል ዘርፎች ያመጣናቸው ውጤቶች የኢትዮጵያን መሪነት ያጠናክሩታል። የባሕር በር ለማግኘት የጀመርነው ጥረት ፍሬ ማፍራት ይጀመራል። ብዙዎች ዐማጽያን በሰላምም በሌላም መንገድ ወደቀናው ጎዳና ይመጣሉ። በ2019 የኢትዮጵያ ታሪክ የበለጠ ማርሹን ይቀይራል።

መንግሥት፣ ሕዝብና የፖለቲካ ኃይሎች በብሔራዊ ጥቅማችን ላይ አንድነት ፈጥረን የኢትዮጵያን እመርታ እውን እናድርግ።

2019 የሰላም ፣ የብልጽግና እና የእመርታ ይሁንልን።

07/09/2026

06/09/2026

31/08/2026

በስራ የተገለጠ ተጨማሪ ውበት!The new face of Bahir Dar city!