09/06/2026
Sifrâ Daqaarak Gurraqleh Awdak Baxsi Makaftal Saytun Maqab leeh Cugayso Dooqaysen.
Waysuk 02/2018 I.l.l.:- Qafar Rakaakayak Ciggiila Prezixentiiy Ardi Biiroh Saqal Gifta Qumar Nuur Qarba kee World Vision itiyoppiyah Awlaytoh tan Gifti Karmen Till Sifra Daqaarak Gurraqleh Awdak Baxsi Makaftal World Vision Kee Jappanak Afa Caagiidah Malaak itta luk Cattiimak Bicsen Saytun Maqab leeh Cugayso Dooqaysen.
Ta Dooqaysoh Aracal Rakaakayak Ciggiila Naharsi Saqalaay Ardi Biiro Saqal Gifta Qumar Nuur Qarba Milaagi Doolat Dacarsittoh Xiinah Ayyuntih Mano Diggowtuh Saytun Maqab leel Baxaabaxsa le Taamoomi Abak yemeetem Ascassuk, Asaaku Kaadu Sifra Daqaarak Gurraqleh Awdak Baxsi Makaftal leek taqabit Sugeh yan Ayyunta Yayfoofeenimih taama Tekkeh tanim Qaddoyse.
Ta taama Abteh tan World Vision kee Jappaanak Afa Caagiidah Malaakah Gadda gacisak Fooca fan ta Bisle taamoomi Diggoysak Gexaanam Faxximtam yescesse.
World Visionik Itiyoppiyah Awlaytoh tan Gifti Karmen Till World Vision Qafar Rakaakayal Baxaabaxsa le Taamoomi Abak Geytimtam Kassiisak, Asaaku Ta Dariifah Ayyuntak Edde Sugeh yan Saytun Maqab leeh taqabi kaleenih yaniinim kee Fooca fan tannah tan taamoomi diggoysak gexe loonum tescesse.
Sifra Daqaarak Naharsi Saqal Gifta Qali Qarba Ta Makaftih Ayyunti Der Uduurah Lee Bakarroytih Taqbiy luk Sugeeni World Vision kee Jappanak Afa Caagiidah Malaak lih Cattiimak raaqiseenih yaniinim Diggoysak, Ta Taama Abteh tan World Vision kee Jappaanak Afa Caagiidah malaakah sinni kee Ayyunti migaaqal gadda gacisak, Fooca Fan ta bisle qokolitte diggoysak gexaanam faxximtam yescesse.
Afar National Regional State President Office
