Alatti Cuukkote Woradi Jireenyu Paarte Dagate Xaadooshshe

17/07/2025

16/07/2025

14/07/2025

Alatta Cuukote Woradi Jireenyu Paarte Miillaninna Irkisaanonni Ijaarranni Keeshinoonni Paartete Si/Bo Mini Ijaara Jeefinsi.
***************************************

Wodiidi Sidaami Zoone Alatta Cuukote Woradi Jireenyu Paarte Si/Bo Mini Ijaara Jeefinse Wodiidi Sidaami Zoone Jireenyu Paarteranna Zoonete Gashsootira Saysate/Rikikkibe/ Assate Amuraate Zoonetenna Quchumi Albiidi Massagaano, Kontirakiterootu Noowa Assinoonni.

Amuraatu aana leelle sokkasi saysinohu wodiidi sidaami zoone gashshooti qaru gashshaanchi ayirradu kalaa Mangashi Fiitamohu, Qoqqowu jireenyu paarte burqissino balaxote hedonni Qoqqowu deerrinni safote kincho worate 2nki yannara hananfe loosu giddora e'noonni jireenyu paarte ijaari konni deerrinni rahote keefamasi latishsha hananfe harancho yanna giddo jeefisa dandiinannita xawisanoho yino.

Ledoteno gashshaanchu Alatta Cuukote quchumi jireenyu paarte Si/Bo mininna quchumu gashshooti xaabata dagate beeqonni hananfoonni ijaara qoqqowunna zoonete deerrinni 2nkiha ikke albise jeefisatenni zoonete gashshootiranna paarteete qulfe saysate amuraaate assa'nenni hawalle hagiidhitinoonni yee konne looso kaajjite jeeffissu bissa wo'mantera galatasi shiqishino.

Balaxxe hedo dagginota woraqatu aaninni uullara dirrisate xaaddino jifo baalanta qeelatenni konni deerrira iillinshoonnita xawisinohu wodiidi sidaami zoone Ji/Pa sinu borro mini sooreessi kalaa Berrihuni Baraasihu Hashsha barra yitukkinni qeechansa fultu bissa woradu gashshaanchi, paartete massagaano, ijaaru kontiraakterichi hattono ijaara kaajjilunni gumulame konne deerra iillanno gede irkisatenni qeechansa fultu bissara galatasi shiqishino.

Alatta Cuukote woradi jireenyu paarte sinu borro mini qoqqowu deerrinni safote kincho 2nki yannara worrinte gede 2nkiha ikke jeefisatenni albise leelle qulfe saysinota kule konne looso jawaantetenni jeeffisse togo illete leellishshu woradu gashshootinna woradu jireenyu paartera galatasi shiqishino.

10/07/2025

Loosu kaayyo kalaqoonni loosse guma abbitino wedellira Yenya gize yaamanatanno Uurnsha afansha uyitu.
**************************************
Maaja 3,2017 m.d alatti cuukkote woradi jireenyu paarte dagate xaadooshshe.

Mery-Joy Ethiopia yinanni pirojecte Alatti cuukkote woradi loosunna loosassinete tekinolojete borro mininna meentu wedellu dagoommite hajo borro mini ledo halamatenni alba looso kalanqeenna jawaatte loosse guma abbitino wedellira afansha uyiitino.

Ledotenno xaphoma 53 wedellira hegerera ikkanno qajeelsha uyitano.Afansha affidhinno Interpirayiize;-

👉Kayyo mittu barri caacuri Interpirayiize Dongora
👉Gudumaale quuphu maamara Dongora Interipirayiize
👉 Guma iilachishino Interpirayiize Qosoricha,

Interpirayiizete massgaanno giddoni tanatantan tanatanotenni massagaanchu kalaa Tesiya qoshorichu Olliinni, massagaanchu sheleleyni,massagaancho Tayechi loosu rosichissa daafira qajeelishu beeqanora rosichosi beekino.

07/07/2025

Alatti Cuukkote Woradi gashshooti eote Biilloonyi sinu borro mini 2017 m.d giwiru diri deera "A" "B" "C" Giwiraano giwire gamba assate millmillote bare harrisanni hee'noonni.
*************************************
Ella,30,2017 m.d alatti cuukkote woradi jireenyu paarte dagate xaadooshshe.

Ayirradu kalaa Toribi Toshehu Affii fanote hassawa assanni "giwiru mootimmate iillete diikkichoti" yee hedosi worinoha ikkanna 2017/18 mootimmate giwire womati daddalaanno baatano woyite Teele-biretenni sasu barri giddo baate guda hasiissanota sokasi sayiisino.

Alatti cuukkute woradi eote biilloonyi sinu borro mini sooreessi ayirradu kalaa Katami Arigawu barete ripoorte shiqishinoha ikkanna,daddalaano yinoonni yanna giddo baate qorichante baate gata noossatanna diru gire baanteemmo woyi Fayiida ayimmate karide horonsi'ne Teele-birete baata hasiissanota xawisinno.

Aanteteno, woyyewo garri giwire baatinoorirra afanasha uyinanta kayiisoonnoha ikkanna woradu giddo heedhanno daddalaanno Biirote dage teele bireete baata daddallu fajonsa haaronsira noosata xawisoonni.

05/07/2025

Alatti cuukkote woradi jireenyu paarte 2017 M.D 4kki doycho xaphooma miillate konforaanse harinssanni hee'noonni.
****************************************
Ella,28/ 2017 M.D Alatti cuukkote woradi jireenyu paarte dagate xaadooshshe

Harunseno, woradunnihu ji/pa/si/bo/mini politikunna dhuku kaajjilli soreessi kalaa Degisewu Garrohu bare hanafano gefe raga Amadisiisino.

Aantetrno, woradunnihu ji/pa/si/borro mini sooreessi Ayiradu kalaa Birhanu Tunsiisihu 2017 M.D nni loosamino looso lainohunni hala'lado hedo xawisino.

Harunseno,woradunnihu Qaru Gashshaanchi Ayirradu kalaa Torbi Toshehu 2017 M.D nni duuchunku Qinaanbe sumuumme kalaqi'ne loosu giddora e'ne hala'lado latishshubba loosatenni woradanke albisaancho assinoommo yitano sokka sayiisino, ledoteno, ji/pa/boro mini ijaara baalanti bissa halamatenni ijaarame gumulate deerra iillinoha ikkanna shiimu barri gedensaanni zoonete angara sayiinse uyiinemoha ikkano yaatenni xaano ikkiro Albilite lowo loosi agadhanonketa de'noonike yitano sokka kule halantu bissa baalantera woradu su'minni lowo galati noonke yitano sokka sayiise bare fajjete hanafinota xawisino.

Aantete ,2017 M.D nni loosamino loosi ripoorte woradu partete miidiyu sooreessi kalaa Desti Henokuhu xawadu garinni shiqishanni noota buuxa dandinoommo.

Bere, woradu Qaru Gashshaanchi Ayirradu kalaa Torbi Toshehuna partete sooreessi kalaaBirhanu Tunsiisihu ledo halamatenni massagana minu Qaxaqa'eessu agaramino agarinni hasaawanni leelano.

05/07/2025

04/07/2025

Alatta Cuukote Quchumi Jireenyu Paarte Si/Bo Mini Ijaari Jeefameenna Zoonete Gashshootira Saysisate Amuraate Harinsi
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️


Wodiidi Sidaami Zoone Alatta Cuukote Quchumi Jireenyu Paarte Si/Bo Mini Ijaara Gumuleenna Wodiidi Sidaami Zoone Jireenyu Paarteranna Zoonete Gashsootira Saysate/Rikikibe/ Assate Amuraate Zoonetenna Quchumi Albiidi Massagaano Noowa Assinoonni.

Sidaamu Dagoomi Qoqqowi jireenyu paarte albisa hedonni jireenyu paarte umise ijaara afira noose yitanno balaxotenna kaimu hedonni jireenyu paarte miillanninna irkisaanonni hattono dagate beeqqonni umi yannara Alatta cuukote quchumira safote kincho woratenni looso hananfoonnita qaagiisinohu wodiidi sidaami zoone gashshooti qaru gashshaanchi kalaa Mangashi Fiitamohu Alatta Cuukote quchumi jireenyu paarte Si/Bo mininna quchumu gashshooti albise jeefisate zoonete gashshootira qulfe saysate amuraaate assa'nenni hawalle hagiidhitinoonni yee konne looso kaajjite jeeffissu bissa wo'mantera galatasi shiqishino.

Jireenyu paarte paarte ikkite looso hanaffu kawa haammata soorro dagginotanna tenne soorro sufisate injiitino basera loossanno gede hattono paarte umise mine afidhe wo'ma wolqanni ribbise loosate injo kalaqanose gede qoqqowu jireenyu paartenni burqitino hedonni hananfoonni loosi konni deerrinni loosame illete lellinota xawisinohu wodiidi sidaami zoone Ji/Pa sinu borro mini sooreessi kalaa Berrihuni Baraasihu Alatta Cuukote quchumi jireenyu paarte sinu borro mini safote kincho woratenni qoqqowu deerrinni umi yannara assininte gede xaano umikkiha ikke jeefisatenni albise leelle qulfe saysinota kule konne looso jawaantetenni jeeffisse togo illete leellishshu quchumu gashshootinna quchumu jireenyu paartera galatasi shiqishino.

Oodote bue;- wodiidi sidaami zoone jireenyu paarte xuqu xaadinti.

03/07/2025

jireenyu mittimma 4ki doyicho xaphooma miillate Konoforaanse harisanni hee'noonni.
**************************************
Ella 25,2017 m.d alatti cuukkote woradi jireenyu paarte dagate xaadooshshe.

Alatti cuukkote woradi jireenyu paarte 2017 m.d 4ki doyicho xaphooma miillate konofraanse harisaanni hee'noonni.

Bare masaganni noori Borrote minna Massagaanno nna jireeynu mittimma massagaanno bare amadinoha ikkanna.

Konfraansete 2017 m.d mixote jeefo noo deera ripoorte handaaru handaarunni shiqanni nooha ikkanna miilla hedonssa kayiise hasabanni afantawo.

Xaphishshahonno, haaro miilla konfraasete mereero shiqeenna kaajjinshe sa'noniha ikkanna miillano diru jeefora paartete loossa gumllunna dagate beeqonni ijaaronni hee'noonni ijaari danchu deerirra heerasi miilla hagireessa xawisenna bare xaphi asinoonni.

02/07/2025

Wodiidi Sidaami Zoone Gashshooti Hundaanni Sa'u 5 Dirrara Loonsoonni Latishshu Loossa Towaanyo Assinanni Hee'noonni
〰️〰️〰️〰️〰️〰️〰️〰️〰️〰️〰️〰️〰️〰️


Wodiidi Sidaami Zoone Gashshooti Hundaanni Sa'u 5 Dirrara Loonsoonni Latishshu Loossa Amaalete Mini Miilla, Dagate Mereerinni Filantino Bissa, Qoqqowunna Zoonete Massagaano Hattono Towaanyo Assini Woraddanna Quchumma Massagaano Leeltinowa Towaanyo Assinanni Hee'noonni.

Towaanyote yannara maatete jireenya, woyyabbino saadate jiro, irshunna kalaqamu jiro handaari loossa, industirete latishsha, babbaxitino safilatote loossa, dagate beeqqonni ijaarranni hee'noonni jireenyu paarte ijaarra haattono sa'u 5 dirrara loonsoonni xaphooma latishshu loossa illaalinsoonni.

Zoonete hundaanni xaggete hegersinanni latishshi loossa sai 5 diri kawa loosantinota towaanyote aana illaallisa dandiinoonniha ikkanna way tuqishshi, doogotenna hodhishshu handaari loossa baxxinohunni maatete jireenyanna gutu jireenya dagate mereero hegersate loonsoonni loossa towaanyo assinoonni.

Dagoomittete handaarinni rosu hiqqamme sissate kaiminni daggino soorro, fayyimmate handaarinni, manna illachishshino owaantenna latishshu loossanni danchu gumi mareekaminota towaanyote aana buuxate dandiinoonni.

Oodote bue;-Wodiidi Sidaami Zoone jireeyu paarte b/mine

01/07/2025

ከሲዳማ ቡና ስፖርት ክለብ ቦርድ የተሰጠ መግለጫ::
ተጫውተን አሸንፈናል!

ሰኔ 24/2017 የሲዳማ ክልል ኮሚዩኒኬሽን ጉዳዮች ቢሮ

የኢትዮጵያ እግር ኳስ ፈዴሬሽን የሥራ አስፈፃሚ ኮሚቴ አባላት በዛሬው ቀን የሰጠው ተገቢነት የለሌው ውሳኔ እጅግ አሳዝኖናል።

ብርቅዬ የክለባችን ተጫዋቾች በጨዋታ ሜዳ የገጠሙትን ሁሉንም ከጨዋታ ብልጫ ጋር በማሸነፍ የ2017 ዓ.ም የኢትዮጵያ ዋንጫ ማሸነፉ የአደባባይ ምስጥር ነዉ። ይሁን እንጂ የሊግ ካምፓኒ ያወጣውን የፋይናንስ ደንብ አላከበራችሁም በሚል በክለቡና በተጫዋቾች ላይ ቅጣት ተጥሎባቸዋል ቢባልም ክለቡ ያነሳዉ ዋንጫ የኢትዮጵያ ጥሎ ማለፍ በ48 ክለቦች መካከል የተደረገው መሆኑ ዕሙን ነው።
የሲዳማ ቡና ስፖርት ክለብ የታገዱ ተጫዋቾችን አሰልፎ ከሆነ በጥሎ ማለፉ ያሸነፋቸው ክለቦች በሙሉ ፎርፈ አግኝተው ጉዳያቸው እንደገና መታየት አለበት እንደ ማለትም ይሆናል ።ስለዚህ እርስ በርስ የሚጣረሱ ሀሳቦችን በማገናኘት ውጤቱን ለመቀማት መሞከር ተገቢና ህግን የተከተለ ውሳኔ ነው ብለን አናምንም።

ፌዴሬሽኑም ዉሳኔውን ከህግጋቱ ጋር በማገናዘብ እንደገና እንዲያጠነዉ ቅሬታችንን እናሰማለን። ጀግኖች ተጫዋቾቻችን የህዝባችን የሁልጊዜ ባለውለታዎቻችን ስለሆናችሁ አሁንም ህዝቡ የስፖርቱ ቤተሰብ ከጎናችሁ መሆኑን እንገልፃለን ።
ህዝባችን በፌደሬሽኑ ውሳኔ የተከፋ ቢሆንም የአፊኒ ባህል ያለው ታላቅ ህዝብ ስለሆነ ክስተቶችን በመረጋጋት መርምሮ በተገቢው እንዲያጠነውና ሂደቱን በትዕግሥት እንዲጠባበቅ በአክብሮት እየጠየቅን የተነፈግነው ፍትህ እስኪረጋገጥ ድረስ ጉዳዩን እስከ ፊፋ ገላጋይ ፍርድ ቤት ድረስ በይግባኝ ወስደን ለጉዳዩ ተገቢው እልባት እስኪሰጥ ድረስ የክለቡ ቦርድ ቁርጠኛ መሆኑን እያረጋገጥን መላው ህዝባችን፣ የስፖርቱ ቤተሰቦችና አፍቃሪያን በትዕግሥት እንድጠባበቅ እና ከክለቡ ጎን እንዲቆም የአክብሮት ጥሪያችንን እናስተላልፋለን።

ለበለጠ መረጃ
➚ድረ ገጽ፦ https://sidamanrsps.gov.et
➚ፌስቡክ፡- Sidama National Regional State Communication Affairs Bureau
➚ዩትዩብ፦https://youtube.com/.bureau?si=r5EAWg8x4kXmLqQN
➚WhatsApp https://whatsapp.com/channel/0029VadMPA2DDmFbMwfTjG3l
➚ቴሌግራም፦ https://t.me/SidamaCommunicationbureau