Koominikeeshinii Kuta Magaala Gullallee Anaa 1

10/09/2026

06/09/2026

Sirna Kabaja Aadaa Goobee fi Shinooyyee kutaa Magaalaa Gullallee Keessatti.

Kutaa Magaalaa Gullalleetti sirni kabaja aadaa Goobee fi Shinoyee haala ho’aa fi miidhagaan gaggeeffame.

Sirna kanarratti hirmaattonni aadaa fi duudhaa dhalootaa irraa dhalootatti darbu kabajuu fi dagaagsuun barbaachisaa ta’uu ibsan. Akkasumas, aadaan kun tokkummaa hawaasaa cimsuu, seenaa fi eenyummaa dhalootaa tiksuu keessatti gahee olaanaa qabaachuu himaniiru.

Sirni kabajaa kun aadaa fi duudhaa dhalootaa kunuunsuun, dhaloota dhufuuf dabarsuuf murteessaa ta’uu hirmaattonni ibsaniiru.

12/08/2026

Sagantaa Addaa Kenniinsa Tajaajila Mootummaa Jiraattota Kutaa Magaalaa Gullalleetiif

Qindoomina Komishinii Pabliik Sarviisii Mootummaa Federaalaatiin jiraattota Kutaa Magaalaa Gullallee Aanaa 1 naannoo Shiromeda keessatti tajaajila mootummaa bakka tokkotti walitti hidhamee kennamu qophiin guutuun taasifameera.

Haaluma kanaan, Hagayya 05 hanga Hagayya 06, 2018 (ganama sa'aatii 2:30 hanga galgala sa'aatii 11:00tti) tajaajiloonni bu'uuraa armaan gadii bakka tokkotti kan kennaman ta'uun ibsameera:

👉 Galmee Eenyummaa Biyyaalessaa:

👉Tajaajila Immigireeshinii fi Lammummaa:

👉Tajaajila Mirkaneessa Sanadootaa fi Galmeessuu:

👉Tajaajila Ministeera Galiiwwanii:

👉Tajaajila Abbaa Taayitaa Barnootaa fi Leenjii:

👉Tajaajila "Hulu" fi Tajaajiloota biroo:

Jiraattonni naannoo sanaa guyyootaa fi sa'aatii murtaa'e kanaan gubbatti argamuun tajaajila saffisaa fi qulqullina qabu kana akka fayyadamtan afeeramtaniirtu.

07/08/2026

Turtii Muummichi Ministiraa Abiyyi Ahimad (PhD) Oromiyaa Biroodkaastingi Neetwoork waliin taasisan.Kutaa 1ffaa har'a galgala sa'aatii 2:30tti nu eegaa.

06/08/2026

Hojiin tola ooltummaa rakkoo furuu irra darbee hawaasummaa cimsaa jira – Komishinar Asraat Nugusee
‎
Kominikeeshiniu Gullallee‎–Adoolessa 30/2018
‎
‎Bulchiinsi Magaalaa Finfinnee hojiiwwan tola ooltummaa fi misoomaa bal'inaan magaalattii keessatti eegaleen, jireenya jiraattotaa jijjiiruu qofa osoo hin taane, aadaa wal tumsuu fi wal gargaaruu daran cimsaa jira.
‎
‎Waggoota darban keessatti hojiiwwan tajaajila tola ooltummaa gaggeeffamaniin Birrii biiliyoona 55.7 olitti tilmaamamu walitti qabamee hawaasni akka wal deeggaruu fi wal gargaaru taasifamuu Komishiniin Hirmaannaa Hawaasaa fi Tajaajila Tola Ooltummaa Magaalaa Finfinnee beeksiseera.
‎
‎Kunis hawaasni rakkoo isaa humna ofiitiin hiikachuu akka danda'u carraa bal'aa uumeera.
‎
‎Komishinarr Itti Aantuu Komishinichaa Komishinar Asraat Nugusee, AMN waliin turtii taasisaniin, hojiiwwan tola ooltummaa rakkoolee hawaasummaafi dinagdee furuu qofa osoo hin taane, hawaasummaafi dhaloota cimaa ijaaraa jiraachuu ibsaniiru.
‎
‎Hojiiwwan tola ooltummaan hojjetamaniin manneen dullooman suphamanii jireenyaaf mijatoo ta'an ijaaramanii, akkasumas qe'een gaarummaa hundeeffamaniiru.
‎
‎Kana malees, tajaajilli yaala fayyaa bilisaa, arjooma dhiigaa fi sagantaaleen maaddii qooduu bal'inaan raawwatamuun dhiibbaa jireenyaa lammiilee hedduu irra ture salphisuun danda'ameera.
‎
‎Kunis hawaasa keessatti hidhata, waliin jireenyaa fi obbolummaa daran cimsuu keessatti gahee olaanaa taphateera.

‎Komishinichi hojii tola ooltummaa gannaa bara kanaaf dameewwan hojii 18 adda baasuun, jechuunis Waxabajjii 30, 2018 irraa eegalee hanga Fulbaanaatti karoora qopheessee hojii jalqabeera.

‎Karoora kanaan Birrii biiliyoona 9.8 tilmaamamu walitti qabuun, jiraattota magaalattii miliyoona 3.3 ta'an fayyadamoo gochuu fi lammiilee miliyoona 2.6 ta'an hojii tola ooltummaa keessatti hirmaachisuuf kaayyeffatee hojjetamaa jira.

Komishinarr Itti Aantuu Komishinichaa Komishinar Asraat Nugusee akka jedhanitti, wal gargaaruufi wal deeggaruun aadaa Itoophiyaanotaa akkasumas bu'uura amantaalee hundaati. Kanaafis duudhaa gaarii kana caalmaatti cimsanii itti fufsiisuun murteessaa ta'uu hubachiisaniiru.

04/08/2026

Ani dhaabaan jira! Isiniis bakka jirtanitti biqiltuu dhaabaa – MM Abiyyi Ahimad (PhD)

Ministirri Muummee FDRI Abiyyi Ahimad (PhD) karoora aduu tokkoon biqiltuu Miliyoona 800 dhaabuuf eegalle milkeessurra darbinee seenaa haaraa galmeessuu qabna jedhan.

Dooktar Abiyyi waaree boodas Tulluu Eekkaarratti biqiltuu erga dhaabanii booda haala waliigalaa oolmaa guyyaa har’aa hanga sa’atii kanaatti jiru akka ibsanitti lammiileen Miliyoona 21 ol hirmaachuun biqiltuun Miliyoonni 650 ol harka Itoophiyaanotaan dhaabamuu ibsaniiru.

Ministirri Muummee ergaa isaaniitin dadhabbiin duuba boqonnaa gaariin akka jiru ibsuun ofii isaanillee kutannoofi xiiqiin dhaabaan jiraachuu ibsuun Itoophiyaanotni hundi bakka jirtanitti biqiltuu dhaabaa jechuun dubbataniiru.

Dooktar Abiyyi sa’atii hafee keessatti karoora aduu tokkoon biqiltuu Miliyoona 800 milkeessuu ni dandeenyaa kaasuun garuu kutannoo hunda keenyaa barbaada jedhaniiru.

Ministirri Muummee FDRI Abiyyi Ahimad (PhD) har’a hojiin guddaan Itoophiyaanotarraa eegamu biqiltuu dhaabuu tahuu hubachiisuun ani bakkan jirtutti kutannoofi xiiqiin biqiltuu dhaabaan jira! Isiniis bakka jirtanitti biqiltuu dhaabaa jechuun lammiilee biyyattiif imaanaa gudunfaniiru.

03/08/2026

Itoophiyaa Magariisaaf Abdii Haa Dhaabnu!

Sagantaan biqiltuu dhaabbii biqiltuu miiliyoona 800 marsaa 8ffaa kutaa magaalaa Gullallee naannoo filatamaa ta’etti gaggeeffamaa kan jiru yoo ta’u, ummanni lafa magariisa isaa dhaabaa jira.

03/08/2026

Abdii Haa Dhaabnu!

Biqiltuun dhaabamu qophaa'era!

Biqiltuu Miliyoona 800 Aduu Tokkotti!

Kominikeeshinii Gullallee- Adoolessa 27/2018