Kutaa Magaala Qiirqositti Wajjiraa Koominikeeshinii Anna 08

24/08/2026

12/06/2026

"Tajaajilaan hiika fi seera yakka malaammaltummaa gadi fageenyaan hubachuun hojjechuun irra jiraa
​Waxabajjii 04/2018
Wajjiraa Komunikeeshinii Aanaa 08

​Bulchiinsa Kutaa Magaalaa Qirqos Aanaa 08tti, Gareen Hordoffii Amala Gaarii fi Farra Malaammaltummaa, ogeeyyii fi qaama dhimmi ilaallatu waajjiraalee aanaa jalatti argamaniif mata duree "Hiika, Seera fi Labsii Malaammaltummaa" jedhuun leenjii kenneera.
​Gareen gaggeessaan Hordoffii Amala Gaarii fi Farra Malaammaltummaa Obbo Habtaamuu Shibashii baniinsa leenjichaa irratti akka jedhanitti Qaamni tajaajila kennus ta'e tajaajila fudhatu hiika fi seera malaammaltummaa sirriitti hubachuun, naamusaan gadi dhaabbachuu fi malaammaltummaa ittisuu keessatti gahee qabaan bahachuu qabu jedhaniiru.
​
Qaamni tajaajila kennu cehumsa biyyaa keessatti itti gaafatamummaa ol'aanaa waan qabuuf, naamusaan ijaaramee hojii biyya fayyadu irratti xiyyeeffachuu mala.
Obbo Habtaamuu ​ dabaluunis, leenjifamtoonni beekumsaa fi dandeettii leenjii kanarraa argatan hojii isaanii guyyaa guyyaa keessatti hojiirra oolchuun fayyadamoo akka ta'an ibsaniiru.

​Ogeessi kutichaa Obbo Lameessaa Amanuu gama isaaniitiin, leenjii waa'ee seeraa fi labsii malaammaltummaa irratti kennan kanaan, leenjichi hirmaannaa qofaan osoo hin taane jijjiirama fiduu irratti kan xiyyeeffate ta'uu eeraniiru. Akkasumas, hiika fi seera malaammaltummaa addaan baasanii hubachuun, naamusaan ijaaramanii qaama birootiifis fakkeenya ta'uun akka barbaachisu addeessaniiru.

​Ogeessi biraa kan waa'ee hiika malaammaltummaa irratti leenjii kennan Obbo Mulaakuu Bilbiilaa akka jedhanitti "Hojii naamusaan ijaarame qabu biyyaaf carraa gaariidha; faallaa kanaatiin namni naamus-gabaan immoo yaaddoo biyyaati. Hojiin hojjetamu hundi of darbee dhiibbaa biyyaalessaa waan qabuuf, qaamni hundi waa'ee malaammaltummaa hubatee biyya dhaloota dhufuuf dhaalchifamuuf yaaddoo fi itti gaafatamummaa keessoo qabaachuu akka jiru hubachiisaniiru.
​Ogeessi kun itti dabaluudhaan, dhaloota uummanni irratti mirkanaa'uu fi biyyi amanamtummaan itti kennitu uumuuf, amala gaarii naamusa irratti xiyyeeffatanii hojjechuun fi qaama malaammaltummaa balaaleffatu ijaaruun kaayyoo ijoo komishinichaa waan ta'eef, leenjii akkasii cimsuun kan itti fufan ta'uu ibsaniiru.

​Xumura irratti, hirmaattotni leenjichaa gaaffilee fi yaadolee adda addaa kan kaasan yoo ta'u, ogeeyyii kutichaa irraas yaada goolabaa kennamuun leenjichi xumurameera.
​"Finfinnee Malaammaltummaan Yaaddoo Haa Taane Ni Uumna!"
Bilbila Bilisaa Waamichaaf: 8887

12/06/2026

"Rakkoolee Bulchiinsa Gaarii Furuu fi Kenniinsa Tajaajilaa Ammayyeessuuf Waltajjiin Fuullee-fi-Fuullee Gahee Ol'aanaa Akka Qabu Ibsame"
Waxabajjii 05/2018
Bulchiinsa Kutaa Magaalaa Qirqoos Aanaa 08, Waajjira Waajjirri Kominikeeshinii fi Dhimma Dubartootaa, Daaimmanii fi Hawaasummaa waliin ta’uun waltajjii marii uummataa "Haa Walgaafannu" jedhu qopheessee gaggeessera.
​Rakkaalee bulchiinsa gaarii uummataa furuu fi kenniinsa tajaajilaa ammayyeessuuf waltajjiin fuullee-fi-fuullee gahee ol'aanaa akka qabu kan ibsan. Hogganaan Garee Hariiroo Uummataa Waajjira Kominikeeshinii Aanaa 08 Aadde Wayinshat Alii, waltajjiin kun dhimmoota faayidaa dubartootaa, daaimmanii fi maanguddootaa mirkaneessuuf hojjetaman keessatti hanqinoota mul’atan waliin ta’uun furuuf shoora guddaa akka qabu eeraniiru. Akkasumas, dubartoonni, maanguddoonni fi namoonni qaama miidhamtoonni waltajjicharratti hirmaatan dhimmoota ka’uu qaban irratti bal’inaan akka mari’atan dabalanii ibsaniiru.

​Waltajjii "Haa Walgaafannu" kana irratti, Waajjira Dhimma Dubartootaa, Daaimmanii fi Hawaasummaa Aanaa 08 keessatti Hogganaan Garee Deggarsa, Kunuunsa Mirga Daaimmanii fi Ijoollummaa Giddugaleessaa Obbo Kaastiroo Baqqalaa, dhimma dubartootaa, daaimmanii fi maanguddootaa fayyadamoo taasisuu irratti hojiiwwan ijaaramaa kanaan dura raawwataman hirmaattotaaf ifaan dhiheessaniiru. Hirmaattonnis gabaasa kana bu'uura godhachuun gaaffilee fi komiiwwan dhaabbaticha irratti qaban kaasuu isaaniitiin, hanqinoota bulchiinsa gaarii mul'atan sirreessuufi ciminoota jiran itti fufsiisuuf waltajjiin fuullee-fi-fuullee akkasii uumamun isaa hojimaataaf baay'ee murteessaa ta'uu Obbo Kaastiroon ibsaniiru.

​Hirmaattonni gama isaaniitiin, waltajjiwwan akkasii riqicha mootummaa fi uummata walitti hidhu ta'uu ibsuun, Waajjirri Dhimma Dubartootaa, Daaimmanii fi Hawaasummaa Aanaa 08 hanqinoota mul'atan akka sirreessuuf gaaffilee fi yaada isaanii haala deemoiraatawaa ta'een dhiheessaniiru.

​Gaaffilee dhaabbaticha irratti ka'aniif Hoogganoonni Garee Daaimmanii, Maanguddootaa fi Dubartootaa waajjiroichaa deebii fi ibsa kan kennan yoo ta'u, gaaffiwwan ka'an kunniin immoo fuulduratti dhaabbatichi xiyyeeffannoo kennee kan irratti hojjetu ta'uu isaa kan agarsiisan ta'uu ibsaniiru.

​Dhuma irrattis, hirmaattonni waltajjiwwan akkasii yeroo baay'ee yoo qophaa'anii fi gaaffilee uummataaf deebii kennaa yoo deeman gaarii akka ta'e yaada isaanii dabalataan dhiheessaniiru.

11/06/2026

Madaallii Kenniinsa Tajaajilaa Guyyaa Maamiltootaa Gaggeeffamee.
​Waxabajjii 03/2018 A.L.I
​Bulchiinsa Kutaa Magaala Qirqoos bulchiinsa Aanaa 08 , guyyaa abbaa dhimmaa Sababeffachuun madaallii kenniinsa tajaajilaa dhaabbilee sektaraa hundaa irratti guyyaa maamiltootaa ilaalchisee gaggeesseera.
​Madaallii kanaanis, ramaddii hojii dhaabbilee sektarootaa, adeemsa keessummeessa maamiltootaa fi hojiiwwan tajaajilamtootaaf naannawa hojii mijataa uumuuf hojjetaman irratti xiyyeeffannoon kennameera.

​Madaallii kenniinsa tajaajila guyyaa maamiltootaa kana, Waajjirri Tajaajila Ummataa fi Misooma Qabeenya Namaa Aanaa 08, Waajjira Komunikeeshinii Aanaa waliin ta'uun isaanumaan naannawaa deemanii daawwataniiru.

08/06/2026

Jiraattonni Gabaa Dilbataa irratti oomishaalee gatii madaalawaan dhihaachaa jiran irraa fayyadamaa akka jiran ibsan
​Komunikeeshinii Aanaa 08
​Jiraattonni Kutaa Magaalaa Qirqoos Aannaa 08 gabaa Dilbataa irratti oomishaalee garaa garaa gatii madaalawaan dhihaachaa jiran irraa fayyadamaa akka jiran ibsan.

​Waajjirri Kommunikeeshinii Aannaa 08 akka gabaaseetti,gabaan Dilbataa kanatti kuduraalee fi muduraaleen garaa garaa dhihaachaa jiraachuu isaanii fi jiraattonnis gabaa kana irratti soorata isaanii bitachaa akka jiran hubateera.

​Jiraattonni gabaa kana irratti argaman akka ibsanitti, oomishaaleen garaa garaa gatii madaalawaan dhihaachuu isaanii fi kunis gatiin oomishaalee yeroo gara yerootti dabalaa jiru tasgabbaa’uuf gumaacha olaanaa akka qabu dubbataniiru.

​Dabalataan, fayyadamtoonni gabaa kana irratti keessattuu kuduraalee fi muduraalee soorata guyya-guyyaa fi bu’uuraa ta’an argachaa akka jiran ibsanii, hojiin kun cimtee itti fufuu akka qabu dhaamaniiru.

​Ta’us, jiraattonni yaada isaanii kenneen akka ibsanitti, guyyaa har’aa yeroo darbe irraa haala adda ta’een gatiin Quluubii diimaa baay’ee dabaluu isaanii fi dhiheessiin isaas gabaa keessa akka hin jirre eeruun, qaamni dhimmi ilaallatu rakkoo kanaaf furmaata akka kennuuf gaafataniiru.

​Dhumarrattis, jiraattonni gabaa kana irratti hirmaatan, fayyadamummaa hawaasaa caalaatti guddisuuf gabaan Dilbataa kun kilaastaroota hunda keessatti iddoo hawaasni salphaatti itti fayyadamuu danda’utti babal’achuu akka qabu yaadachiisaniiru.

08/06/2026

Jiraattonni Kutaa Magaalaa Qirqoos, Aanna 08 gabaa Dilbataa irratti oomishaalee garaa garaa gatii madaalawaan dhihaachaa jiran irraa fayyadamaa akka jiran ibsan.

05/06/2026

Haadholiin Deeggarsa Nyaata Madaalawaa Argatan Mootummaa Galateeffatan.
​ 28/09, 2018
Wajjiraa Koomunikeeshinii Aanna 08
Bulchiinsa kutaa magaala Qirqoositii Aanna 08 Waajira Dhimma Hojjettootaa, Hawwaasummaa, Dubartootaa fi Daa'imman Hogganaan Garee Mirkaneessa Mirga, Nageenya, Deeggarsaa fi Kunuunsa Daa'immanii akkasumas Guddina Daaimmanii Duraa Obbo Kaastiroo Baqqalaa akka jedhanitti; yeroon guddina daa'immanii inni jalqabaa erga gadameessa keessa jirani qabee hamma waggaa ja'aatti argamu dha. Yeroon kun daa'imman keessatti guddina ariifataa fi guutuu ta'e kan itti agarsiisan waan ta'eef, daa'imman hunduu qaamaan, sammuun, afaaniin, quunnamtiidhaan, jireenya hawwaasummaatiin akkasumas dhimma yaadaa fi miiraatiin (psychological and emotiona) guddina fayyaalessa qabaachuu akka danda'aniif yeroo mara kunuunsa dhibee ittisuu fi nyaata madaalawaa fedhii isaanii irratti hundaa'e argachuu qabu.

​Obbo Kaastroo dabaluudhaan, Aanna 08 keessatti haadhoonni deeggarsa nyaata madaalawaa argatan keessaa 26 haadholii ulfaa yoo ta'an, 36 immoo haadholii harma hoosisani dha. Walumaagala tajaajilamtoonni 62 ji'aan deeggarsi kun akka taasifamuuf ibsaniiru.

​Gama biraatiin, Obbo Tasfaayee akka jedhanitti, tajaajilamtoonni haadholii utuu hin dhufin dura nyaanni sun kiiloodhaan safaramee fi qophaa'ee waan eeguuf, akkuma dhufaniin battalumatti keessummeessuuf haalli mijeeffameera. Kunuunsi guddina daa'immanii duraa, umrii caqasame kana keessatti utubbaawwan guddinaa afraan haala guutuu ta'een akka guddatan gochuun, daa'imman guddina guutuu fi dandeettii dhalootaa isaanii akka milkeessan kan gargaaru dha jedhaniiru.

​Aadde Saaraan gama isaaniitiin akka ibsanitti, daa'imman deeggarsa nyaata madaalawaa argatan kunniin hojjaa fi ulfaatinna isaaniitiin, qaama isaaniitiin akka umrii isaaniitti jijjiirama guddinaa agarsiisuu qabu; kunis cimina qaamaa fi qaxaleenummaa agarsiisa. Guddina maashaalee guguddoo fayyadamanii socho'uu fi maashaalee xixiqqoo fayyadamanii nyaachuu, mi'a qabachuu

29/05/2026

Bulchiinsaa Kutaa Magaala Qirqoostti Waajjira Aanaa 08 Sagantaa Deeggarsa Maaddii Gidduu Galeessa Godhate Gaggeesse.

​Bulchiinsaa Kutaa Magaala Qirqoos Aanaa 08 ayyaana Iid Al-Adhaa (Arafaah) ilaalchisee, lammiilee harka qalleeyyii taaniif sagantaa deeggarsa maaddii gaggeessera.

​Ayyaanota yommuu kabajnu warra dhaban gargaaruun ta'uu akka qabu hubachuun, bulchiinsi aanichaa hawaasa obboloota Muslimaa harka qalleeyyii ta'aniif deeggarsa oolmaa ayyaanaa ta'u gumaacheera. Hojii gaariin kun ayyanichi nagaa, gammachuu fi deeggarsa waloo keessatti akka dabarsu gochuu malees, waliigaltee keenya guddisuu fi tokkummaa keenya calaqqisiisuu keessatti gahee olaana qaba.

​Lammiileen deeggarsi taasifameefis deeggarsa bulchiinsi aanichaa isaaniif godheef galateeffatanii, hordoftoota amantaa Musliimaa hundaaf ayyaana Arafaa gaarii fi eebbifamaa akka ta'u dhaamsa isaanii dabarsaniiru.