02/06/2026
https://vt.tiktok.com/ZSxTsujAY/..
ይግባኝ ! ፪
ይግባኝ ለሥላሴ ፥ ለአጋእዝተ ዓለም ፤
ሰማየ ሰማያት ፥ ላለው በአርያም ፤
ምንም ሳላንዛዛ ፥ መግቢያና ሐተታ ፤
በአጭሩ አቀርባለሁ፥ ጥያቄ አቤቱታ ።
የምንሰማውና የምናየው ሁሉም ፤
ከአእምሮ በላይ ነው ፥
. . . ሕማም ማስከተሉም፤
በዚህ በእኛ ዘመን እየሆነ ያለው ፤
የአጼዎቹ ጊዜ አይወዳደረው ፤
ወያኔና ደርግም አይስተካከለው ፤
ከግራኝ በባሰ ፣ ከጣሊያን በከፋ ፣
ከዮዲት ጉዲትም ፥ከድርቡሽ በሰፋ ፤
ስንቱ ተቃጠለ ፥ ስንት ሰው ነደደ ፤
እልፍ ሰው ተገድሎ ፥ ቀሪው ተሰደደ ፤
የምድራዊው ችሎት፥ ፍርድ ተንጋደደ፤
አቤት የምንለው ፥ ስለሌለ ሰሚ ፤
ደረሰብን በደል ፥ ዘግናኝ አስቀያሚ ፤
መዶሻ ሚዛኑ ፥ የሹሙ መፈንጫ ፤
ሕጉ የላላ ነው ፥ ወንጀለኛ መቅጫ ።
የንብረቱ መውደም ፣ የቤቱም ፈረሳ ፤
የልባችን ቁስል ፥ መቼም ሳይረሳ ፤
ሀገር ሳትጠበን ፥ ሁሉም ተርፎ ሞልቶ ፤
ሀብትና ንብረቱ ፣ ጥሪቱ ፥
. . . ተነጥቆ ወይም ተቀምቶ ፤
የቀረ ሰው የለም ፥ ተገፍቶ ተገፍቶ ፤
እንጨቆረር ይሁን? ወይም ገጠር ገብቶ ።
ጌታ ሆይ! ፈጣሪ ፥ ልዑል እግዚአብሔር ፤
እንባችንን አብስ ፥ ሳይውል ወይ ሳያድር ።
ግልባጭ ለገልባጭ ፤ / ካለ
ይግባኝ ! ለአምላክ ፤
ብቻ በፈጠነ መፍትሔውን ላክ ::
መጨረሻ ላይም ፥ አለኝ መፈክር ፤
ቁመቱ ያጠረ ፥ ቅጥነቱ እንደ ክር ፤
የሀገር አፍራሹን ፥ አናቱን አፍርሳት !
አቃጥሎ ፈጀን ፥ የአመድ ልጅ እሳት ፤
አስከፍቶት ይሆን? ይግባኙ ለአራጄ ፤
ተናግሬስ ይሆን? በጣሙን ነድጄ!
ከሆነም አልፈራም ፥ ይኼውና እጄ ።
ሚሊዮን በለጠ አሰፋ፤ 18/9/2018
https://vt.tiktok.com/ZSxTxBsaF/
