Biiroo Carraa Hojii Uumuufi Ogummaa Oromiyaa

12/09/2026

Kolleejjii Poolii Teeknika Bishooftuutti Feestivaalli Ogummaa ji'a tokkoof turu gaggeeffamaa jira.

Fulbaana 02, 2019 (Komn.BCHUOO)- Kolleejjii Poolii Teeknika Bishooftuutti Feestivaalli Ogummaa ji'a tokkoof turu mataduree "Ogummaan Har'aa, Guddina Egereef," jedhuun Qaammee 5 bakka hoggansi Mootummaa Naannoo Oromiyaafi Bulchiinsa Magaalaa Bishooftuu argamanitti ifatti baname itti fufiinsaan gaggeeffamaa jira.

Diiniin Kolleejjii Poolii Teeknika Bishooftuu obbo Dabalaa Tasfaa, kolleejjichi bara 1994 irraa eegalee fedhii gabaa hojiirratti hundaa'uun lammiilee hedduu leenjisuun abbaa ogummaa taasisee hojiitti bobbaasee jiraachuu himaniiru.

Kolleejjichi qoodafudhattoota damichaa waliin hojii xiyyeeffannoon hojjeteen leenjifamtoota bara kana eebbisiise keessaa dhibbeentaa 86 ol industiriiwwan adda addaa keessatti qaxarriin carraa hojii akka argataniifi gurmiin hojiitti akka galan taasisuun kan danda'ame ta'uu ibsaniiru.

Bara 2019'ttis ogummaalee 16n simannaa leenjii idileefi leenjii gaggabaaboon lammiilee hedduu simatee ogummaa hidhachiisuun humna namaa gahumsa qabuufi dorgomaa ta'e oomishuun fedhii industirii guutuuf qophii barbaachisu hunda xumuree jiraachuu obbo Dabalaan himaniiru.

Feestivaala Ogummaa ji'a tokkoof turu kana irrattis: barattoota manneen barnootaa sadarkaa 2ffaa, eebbifamtoota yuunivarsiitii, dargaggoota barnoota addaan kutanii jiran, hojiibarbaaddota, hojjettoota industirii, hojjettoota mootummaafi hawaasa magaalichaa hirmaachisuun hojiilee kolleejjichaa daawwachiisuufi barbaachisummaa ogummaa irratti hubannoo isaanii cimsuun fedhii ogummaa'uu akka horatan taasisuuf karoorfamee hojjetamaa jiraachuus ibsaniiru.

Odeeffannoo haaraa argachuuf:
Tiiktookii keenya: https://vm.tiktok.com/ZMH3f9RdAj8Eb-l5CPk/
Feesbuukii keenya: https://www.facebook.com/BCHUOO
Teeleegraamii: https://t.me/OJCVBureau
Yuutuubii: https://www.youtube.com/
Weebsaayitii: https://www.ojocv.gov.et/
E-mail: [email protected]

11/09/2026

10/09/2026

10/09/2026

Humna namaa ogummaa'eefi gahoome: dandeettii ofiin dhaabbachuu Itoophiyaaf!

Qaammee 05, 2018 (Komn.BCHUOO)- Biiroon Carraa Hojii Uumuufi Ogummaa Oromiyaa qindoomina sekteroota Naannoo Oromiyaa garaagaraa waliin ta'uun Qaammee 05 Guyyaa Egeree mataduree "Humna Namaa Ogummaa'eefi Gahoome: Dandeettii Ofiin Dhaabbachuu Itoophiyaaf!" jedhuun magaalaa Bishooftuutti sirnoota garaagaraan kabajaa jira.

Sagantaan kunis qindeessummaa Biiroo Carraa Hojii Uumuufi Ogummaa Oromiyaa, Biiroo Pablik Sarviisiifi Misooma Qabeenya Namaa Oromiyaa, Biiroo Dargaggoofi Ispoortii Oromiyaa, Abbaa Taayitaa Saayinsiifi Teekinooloojii Oromiyaa, Biiroo Barnootaa Oromiyaafi Inistitiyuutii Pilaanii Magaalota Oromiyaatiin kan qophaa'e ta'uun ibsameera.

Saganticha irrattis mariin paanaalii mataduree "abdiidhaan gara fuulduraatti tarkaanfachuun guddina mirkaneessuu," jedhu dhiyaatee irratti marii'atamee jira.

Sirna kabaja Qaammee 5 Guyyaa Egeree gaggeeffamaa jiruun cinattis Kolleejjii Poolii Teeknika Bishooftuutti Feestivaalli Ogummaa ji'a tokkoof turu ifatti banamuun hojiileen misooma ogummaa, kalaqa teekinooloojiifi oomishaaleen garaagaraa agarsiisaaf dhiyaatanii daawwatamaa jiru.

Odeeffannoo haaraa argachuuf:
Tiiktookii keenya: https://vm.tiktok.com/ZMH3f9RdAj8Eb-l5CPk/
Feesbuukii keenya: https://www.facebook.com/BCHUOO
Teeleegraamii: https://t.me/OJCVBureau
Yuutuubii: https://www.youtube.com/
Weebsaayitii: https://www.ojocv.gov.et/
E-mail: [email protected]

09/09/2026

Baga Jalbultii Bara Haaraa 2019'tiin nagaan isin gahe.

08/09/2026

Bulchiinsa Magaalaa Cirootti sosochii misooma ogummaafi yaadama haaromee baadiyyaa irratti hooggansa magaalichaa sadarkaan jiraniif leenjiin humna raawwachiisummaa cimsu kenname.

Qaammee 03, 2018 (Komn.BCHUOO)- Godina Harargee Lixaa Bulchiinsa Magaalaa Cirootti sosochii misooma ogummaafi yaadama haaromee baadiyyaa irratti hooggansa magaalichaa sadarkaan jiraniif leenjiin humna raawwachiisummaa cimsu kennamaa jira.

Kaayyoo leenjichaa kan ibsan Kantiibaa Ittaanaafi Ittigaafatamaan Waajjira Daldalaa, Carraa Hojii Uumuufi Invastimentii Bulchiinsa Magaalaa Ciroo obbo Asaanaa Mahaammad, leenjichi yaad-rimee haaromee baadiyyaafi sosochii misooma ogummaa irratti hoggansi magaalichaa sadarkaan jiran hubannoo argatanii hojii misoomaa keessatti qabatamaan hojiirra akka oolchan taasisuurratti kan xiyyeeffate ta'uu ibsaniiru.

Leenjicharratti sanada sosochii misooma ogummaa kan dhiyeessan diiniin Kolleejjii Poolii Teeknika Carcar obbo Kadiir Abaadir, mootummaan karoora ogummaan ofdanda'uu hojiitti hiikuun carraa hojii ogummaan durfamuufi ittifufiinsa qabu uumuuf karoorfatee jiraachuu ibsaniiru.

Kolleejjichis leenjii fedhii gabaa hojiirratti hundaa'eefi qaawwa ogummaa kutaaleen hawaasaa garaagaraafi ogeeyyiin industirii qaban guutuu danda'u gahumsaafi qulqullinaan kennuun karoora ogummaan ofdanda'uu qabame milkeessuuf kutannoon kan hojjetu ta'uu himaniiru.

Karoora gama kanaan qabame milkeessuufis tumsi qooda fudhattootaafi raawwattoota damichaa sadarkaan jiranii murteessaa ta'uu obbo Kadiir eeraniiru.

Leenjicharrattis hoggantoonni sadarkaa magaalaa, bulchoonni gandaa, itti gaafatamtoonni waajjira Paartii Badhaadhinaa sadarkaa Gandaa, Itti aantonni bulchitoota gandaafi ittigaafatamtoonni bu'uuraalee misoomaa gandaa hirmaataniiru.

Odeeffannoo haaraa argachuuf:
Tiiktookii keenya: https://vm.tiktok.com/ZMH3f9RdAj8Eb-l5CPk/
Feesbuukii keenya: https://www.facebook.com/BCHUOO
Teeleegraamii: https://t.me/OJCVBureau
Yuutuubii: https://www.youtube.com/
Weebsaayitii: https://www.ojocv.gov.et/
E-mail: [email protected]

07/09/2026

Kolleejjii Leenjii Teeknikaafi Ogummaa Nageellee Arsiitti Qaammee 2 guyyaa olka'iinsaa sababeeffachuun sochiileen misooma ogummaafi kalaqa teekinooloojii cimsuun olka'iinsa biyyaa dhugoomsuuf hojjetamaa jiran daawwataman.

Qaammee 02, 2018 (Komn.BCHUOO)- Kolleejjiin Leenjii Teeknikaafi Ogummaa Nageellee Arsii Qaammee 2 guyyaa olka'iinsaa sababeeffachuun sochiilee misooma ogummaafi kalaqa teekinooloojii cimsuun olka'iinsa biyyaa dhugoomsuuf hojjechaa jiru kutaalee hawaasaa garaagaraa daawwachiise.

Haasawaa anaadhufuu kan taasisan diiniin kolleejjichaa obbo Abdii Jiruu, kolleejjichi ogummaafi dhaweessummaa dagaagsuun lammiilee oomishaawaa, kalaqaaf teekinooloojiin dorgomaa ta'aniifi olka'iinsa biyyaa mirkaneessuu danda'an horachuuf hojjechaa jiraachuu himaniiru.

Daawwannicharratti argamuun dhaamsa kan dabarsan Kantiibaan Magaalaa Nageellee Arsii obbo Mooyataa Waldee, Kolleejjichi bakka teekinoloojiin haaraan itti kalaqamu, misoomni ogummaa itti babal'atu, aadaan hojii itti dagaaguufi lammiin ogummaa horatee hojii uummachuu danda'u itti oomishamu ta'uu isaa qabatamaan argisiisaa jiraachuu himaniiru.

Sagantaa daawwannaa kanaanis hojiileen misoona ogummaa, kalaqa teekinooloojiifi sochiiwwan waliigalaa kolleejjichaa hoggansa godina Arsii Lixaa, hoggansa magaalaa Nageellee Arsii, akkasumas abbootii qabeenyaafi jiraattota magaalichaan daawwatamee jira.

Odeeffannoo haaraa argachuuf:
Tiiktookii keenya: https://vm.tiktok.com/ZMH3f9RdAj8Eb-l5CPk/
Feesbuukii keenya: https://www.facebook.com/BCHUOO
Teeleegraamii: https://t.me/OJCVBureau
Yuutuubii: https://www.youtube.com/
Weebsaayitii: https://www.ojocv.gov.et/
E-mail: [email protected]

07/09/2026

Bulchiinsa Magaalaa Shaashamanneetti sanada sosochii ogummaan ofdanda'uufi haala haaromee hojiirra oolchuun danda'amurratti hooggansa magaalichaa sadarkaan jiraniif leenjiin kenname.

Qaammee 02, 2018 (Komn.BCHUOO)- Bulchiinsa Magaalaa Shaashamanneetti sanada sosochii ogummaan ofdanda'uufi haala haaromee hojiirra oolchuun danda'amurratti hooggansa magaalichaa sadarkaan jiraniif leenjiin kennamaa jira.

Leenjicharratti barreeffama ka'umsa marii sosochii ogummaan ofdanda'uu kan dhoyeessan diiniin Kolleejjii Poolii Teeknika Shaashamannee obbo Abdurahmaan Garee, karoora ogummaan ofdanda'uu hojiirra oolchuun nama sammuun qaroomeefi ogummaan gahoome horachuun imala badhaadhinaa milkeessuuf karoorfamee jiraachuu ibsaniiru.

Magaalichatti yaadama kana qixaan hojiirra oolchuun lammiileen keenya hojii barbaaduu irraa gara hojii uumuutti; hirkattummaarraa gara ogummaan of danda'uu fi kalaqa rakkoo hawaasaa furuu danda'u maddisiisuutti akka cehan taasisuuf xiyyeeffannoon hojjatamu ta'uus himaniiru.

Leenjicharrratti argamuun dhaamsa kan dabarsan ittigaafatamaan Siyaasa Paartii Badhaadhinnaa Magaalaa Shaashamannee obbo Birhaanuu Dabalee, haaromeen yaadama duudhaa gaarii hawaasa keenya bu'uura godhachuun teekinoolojii cimsuu, ogummaa dagaagsuufi qabeenya naannoo gara carraa diinagdeetti jijjiiruun ammayyummaa baadiyaa dhugoomsu ta'uu himaniiru.

Karoora ogummaan of-danda'uufi yaadama haaromee milkeessuufis dhaabbilee leenjiifi qaamoleen qooda fudhattootaa qindoominaan hojjechuu akka qaban dhaamaniiru.

Odeeffannoo haaraa argachuuf:
Tiiktookii keenya: https://vm.tiktok.com/ZMH3f9RdAj8Eb-l5CPk/
Feesbuukii keenya: https://www.facebook.com/BCHUOO
Teeleegraamii: https://t.me/OJCVBureau
Yuutuubii: https://www.youtube.com/
Weebsaayitii: https://www.ojocv.gov.et/
E-mail: [email protected]

07/09/2026

"Haaromsa aadaa, olka'iinsa biyyaaf!"

Qaammee 02, 2018 (Komn.BCHUOO)- Biiroon Carraa Hojii Uumuufi Ogummaa Oromiyaa kabaja ayyaana bara haaraa 2019 sabeeffachuun garee agarsiisa goobeefi shinooyyee simate.

Haasawaa anaadhufuu kan taasisan Hogganaan Biiroo Carraa Hojii Uumuufi Ogummaa Oromiyaa injiner Eebbaa Garbaa, mootummaan yaadama duudhaa keenya ganamaatti haadeebinu jedhuun haaromsa aadaa hojiirra oolchaa jiruun dhaloota aadaaf biyya isaa jaalatuufi oomishtummaa guddisu horachuuf hojjechaa jiraachuu himaniiru.

Sirni goobeefi shinooyyee abdiifi hawwii simannaa bara haaraaf jiru calaqqasiisuun cinatti seenaa, aadaafi duudhaa Oromoon qabu itti fufsiisuu keessatti qooda ol'aanaacinatti waanqabuuf baga guyyaa kanaan isin gahe jedhaniiru.

Dargaggoonni sirnicha irratti hirmaatanis ogummaa gonfachuun sochii diinagdee naannicha keessatti taasifamu hundarraa fayyadamoo ta'uu akka qabanis injiner Eebbaan dhaamaniiru.

Odeeffannoo haaraa argachuuf:
Tiiktookii keenya: https://vm.tiktok.com/ZMH3f9RdAj8Eb-l5CPk/
Feesbuukii keenya: https://www.facebook.com/BCHUOO
Teeleegraamii: https://t.me/OJCVBureau
Yuutuubii: https://www.youtube.com/
Weebsaayitii: https://www.ojocv.gov.et/
E-mail: [email protected]