MANIFESTO FUNDACIONAL
Padrón é un pobo cheo de historia, cultura, berce do Xacobeo, espazos naturais, produtos coñecidos internacionalmente como os pementos de Herbón, un mercado dominical dos máis populares de Galicia, un gran tecido empresarial, comercio, museos, un núcleo urbano cheo de posibilidades, parroquias con encanto e cunha situación xeográfica estratéxica. Vemos como todas estas grand
es virtudes do noso concello, en vez de axudar a prosperar e medrar, cada día van a menos; algunhas lastran o porvir do pobo e non son aproveitadas para o gozo e benestar da xente. É por iso que un grupo de VECIÑOS con distintas ideoloxías decide dar o paso de crear este proxecto para que entre todos poidamos dar a Padrón o impulso que necesita. A nosa finalidade é administrar e xestionar os recursos do noso concello de xeito honesto, transparente e eficaz, para iso é necesario xente nova, con novas ideas, ilusión, dedicación e capacidade de traballo. Dende VECIÑOS de Padrón estamos a sentar as bases para que ti sexas fundamental neste proxecto; queremos a unión de todos/ás para lograr un Padrón mellor.
