A Casa das Redes SCG

24/08/2026

🥁 O 2 DE SETEMBRO ABRIMOS AS PORTAS DA ESCOLA TRADICIONAL DE NIGRÁN!

E queremos facelo como mellor sabemos: con música, encontro e comunidade a través de unha FOLIADA 🥰

De 19:00 a 22:00h, vémonos no Muíño de Porto do Molle para presentar a Escola, coñecernos, tocar, bailar e pasar unha tarde xuntas arredor da música tradicional.

A idea é sinxela: podes vir aínda que non saibas tocar nada, podes traer o teu instrumento se xa tocas e podes sumarte á foliada se che apetece. Queremos que sexa unha xornada aberta a toda a veciñanza, teñas a idade que teñas e veñas con experiencia ou simplemente con curiosidade.

E si: imos ter barra!

Ademais, ese mesmo día poderás informarte e matricularte na Escola Tradicional de Nigrán para este novo curso.

📅 2 de setembro de 2026
🕖 19:00 – 22:00 h
📍 Muíño de Porto do Molle, Nigrán

Trae o instrumento, trae ganas de foliada ou simplemente ven coñecernos.

Organiza A Casa das Redes coa colaboración do Concello de Nigrán

💙 O 2 de setembro comezamos. E queremos que o Muíño soe.

22/08/2026

Se a vida che da limóns, 🍋

Hoxe arranca o festiletras festival de base en Couto onde se mestura arte, cultura, literatura e aldeanía 💖 e nós co corazón cheo de traballar man a man coa na coordinación do campo de voluntariado Ali, Xaz 💛

Coas voluntarias levamos toda a semana enredando pola aldea colaborando e facendo parte deste soño de festival. Da súa man este vídeo marabilloso que pon en valor todo o traballo destas 44 edicións do Festiletras ✨🌿

Grazas as veciñas de Couto por recibirnos, coidarnos e sumarnos a facer parte do seu saber-facer ✨

21/08/2026

VOLVEMOS! NOVO CURSO OFICIAL DE MONITOR/A DE TEMPO LIBRE EN NIGRÁN

Despois do éxito da edición intensiva que vivimos este verán quedamos con ganas de máis.

Foron días de convivencia, aprendizaxe, dinámicas, xogos, debates, proxectos, natureza e moitísimas horas compartidas. E, sobre todo, confirmamos algo no que cremos moito: un curso de monitor/a pode ser unha formación oficial e rigorosa sen deixar de ser unha experiencia que se vive de verdade.

Por iso, en setembro abrimos unha nova edición do Curso Oficial de Monitor/a de Actividades de Tempo Libre de A Casa das Redes,recoñecido pola Xunta de Galicia, esta vez en formato de fins de semana para poder compatibilizalo con estudos ou traballo.

📍 Centro 3ªIdade A Ramallosa – Nigrán
📅 Do 18 de setembro ao 18 de decembro
🕓 Venres de 16:00 a 21:00 h
🕘 Sábados de 09:00 a 14:00 h e de 15:00 a 20:00 h
Inscricións: https://forms.gle/91EVzRrgqpfUzEB66

📩 Máis info: [email protected]

20/08/2026

🏳️‍🌈 AQUÍ TAMÉN PASOU. AQUÍ TAMÉN (RE)CONSTRUÍMOS A HISTORIA. 🏳️‍🌈

Durante moito tempo moitas de nós medramos baixo o imaxinario de que as nosas vidas só existían nas grandes cidades. Que para ser, para amar ou para transitarmos sen medo había que fuxir, había que sexiliarse. Pero o Val Miñor tamén ten memoria q***r, tamén ten orgullo e ten historias que merecen ser recollidas, valorizadas e contadas.

Despois do traballo realizado nos obradoiros e unidades didácticas cos máis novos na campaña ''Baiona Diversa: Memoria, voz e rúa'', damos un paso máis: queremos rescatar do esquecemento todas esas vivencias que teñen como escenario Nigrán, Gondomar e Baiona e como argumento as realidades diversas que atravesan o territorio do Val Miñor.

📢 BUSCAMOS A TÚA VOZ E A TÚA MEMORIA

📸 Tés fotos antigas, cartas ou gardas recordos de como se vivía a diversidade no Val Miñor hai anos?

💬 Viviches aquí a túa identidade ou lembras como era o ambiente, os lugares de encontro ou as festas?

📖 Guardas unha historia de amor, de resistencia ou de desamor (túa ou de alguén que xa non está)?

Non deixemos que a historia a escriban sempre outros. As nosas vidas, as nosas loitas e os nosos afectos son parte fundamental do patrimonio humano, emocional e cultural do Val Miñor.

📥 COMO PARTICIPAR?
Podes compartir connosco o teu relato ou material. A través de:

💬 Escríbenos polo instagram ou facebook
📧 Correo electrónico: [email protected]
📱 WhatsApp: 604 00 81 64

(Podes facelo de xeito totalmente ANÓNIMO se o prefires)

Porque aquí tamén pasou. Porque aquí tamén estamos. E por qué decidir quedarnos nas nosas vilas é un acto político e de amor a nosa comunidade. Axúdanos a reconstruír a nosa memoria colectiva! ✊🏼✨

19/08/2026

VOLTAMOS! 🤗

✨ NOVO CURSO OFICIAL DE MONITOR/A DE TEMPO LIBRE EN NIGRÁN 📣

Despois do éxito da edición intensiva que vivimos este verán quedamos con ganas de máis 🌞 (así somos) 👀

Foron días de convivencia, aprendizaxe, dinámicas, xogos, debates, proxectos, natureza e moitísimas horas compartidas. E, sobre todo, confirmamos algo no que cremos moito: un curso de monitor/a pode ser unha formación oficial e rigorosa sen deixar de ser unha experiencia que se vive de verdade.

Por iso, en setembro abrimos unha nova edición do 💖Curso Oficial de Monitor/a de Actividades de Tempo Libre de A Casa das Redes 🌿 recoñecido pola Xunta de Galicia, esta vez en formato de fins de semana para poder compatibilizalo con estudos ou traballo.

📍 Centro 3ªIdade A Ramallosa – Nigrán
📅 Do 18 de setembro ao 18 de decembro
🕓 Venres de 16:00h a 21:00h
🕘 Sábados de 09:00h a 14:00h e de 15:00h a 20:00h
Inscricións: https://forms.gle/91EVzRrgqpfUzEB66 (ou no link da nosa bio)

📩 Máis info: [email protected]

18/08/2026

🫂🥹💖🌿

A Casa das Redes pone en marcha, en colaboración con el Concello de Nigrán, una nueva escuela para aprender música tradicional en un espacio bien poco habitual.

18/08/2026

Ai ai ai.. xa metade de agosto e sem contarvos que pasou en Xullo 🫶🏾✨🥹🧚🏼‍♂️

Na casa do maior celebramos a icónica festiña do verán coas veciñas, amigas, netas e a comunidade de Viladesuso 🥳

Dámaris Sánchez Otero estivo de feliz feliz aniversario 🎉

Xunto con 𝓙𝓸𝓼𝓮 𝓑𝓪𝓻𝓻𝓪 🥀 estivemos por Madrid da man da marabillosa Paula Iglesias Campos coñecendo de primeira man a articulación do orgullo LGBTIQA+ con Federación Estatal LGTBI+ 🏳️‍🌈 e COGAM Colectivo LGTBI+ Madrid dende esa base rabiosa e organizada 🏳️‍🌈🫂 🪭 e de paso estivemos de visita por el resu e en Espacio de intercambio y creación con miradas sociales vendo a furiosa performance de “Apátrida” de Maria Galindo e “Autónoma” de Geoconda Jacome Villacres 🫶🏾

E como non, xuntándonos coas amigas da para seguir construíndo as culturas vivas comunitarias no território con Resucitadero Yoelkis Torres Tapanes Alicia Es Martínez Juan Espacio de intercambio y creación con miradas sociales 🪷

Estivemos visitando a aldea do Couto para acompañar o campo de voluntariado Ali Xaz, e coñecendo o que vai ser o Festiletras 🍋 (e moi contentas de facer dende aquí esta publicación 🥰🫶🏾🧚🏼‍♂️)

Deu certo a primeira edición do Campo de voluntariado “Memoria do mar” coas amigas de Filmes de Pedra . ✨ Onde durante 12 días recolhemos a voz de Lita, Fina, Ito, Suso e Tono 🥹 desenvolvendo unha labor de documentación histórica de base ben ben linda 💙

Estivemos nas festas do Carme de Baiona e en Moaña co Punto Lila, Diverso e Seguro 💜🫂

E lanzamos o que vai ser a Festa Comuneira do vindeiro 28 de Agosto en Montes de Couso 🌻 un eventiño para mestutar cultura, autonomía, autoxestión e comunidade 💖 (non o perdas)

E xa en Agosto, con moito que cotarvos 🌝

Desfrutade o verán, das amigas, da comunidade e do mar amigues 🌊

🌞

13/08/2026

🥁 NOVA ESCOLA DE MÚSICA TRADICIONAL EN NIGRÁN

Gústache a música tradicional? Queres aprender desde cero, compartir, tocar, bailar e formar parte dun grupo?

Chega a Escola de Música Tradicional de Nigrán, un espazo para achegarnos á nosa música e á nosa cultura dun xeito práctico, divertido e comunitario.

Poderás iniciarte en:

• Pandeireta
• Pandeiro
• Percusión miúda
• Charrasco
• Baile tradicional
• Obradoiros mensuais e actividades especiais

Non é necesario ter experiencia previa. Se sempre tiveches ganas de aprender pero nunca atopaches o momento, esta pode ser a túa oportunidade.

Queremos crear un espazo onde aprender, compartir saberes e facer comunidade arredor da música tradicional. E, sobre todo, facer que a tradición siga viva pasando dunhas mans a outras.

📍 Nigrán

📝 Máis información e inscricións:
https://forms.gle/yMHX5T7fzQZfuPta6

📩 Contacto:
[email protected]

Se coñeces a alguén a quen lle poida interesar, comparte!

30/07/2026

24/07/2026

💖

Un tributo a la gente del mar de Baiona.