28/05/2026
🟢 𝙐𝘾𝙄𝙉 𝙂𝙖𝙡𝙞𝙘𝙞𝙖 𝙧𝙚𝙞𝙫𝙞𝙣𝙙𝙞𝙘𝙖 𝙤 𝙢𝙪𝙣𝙞𝙘𝙞𝙥𝙖𝙡𝙞𝙨𝙢𝙤 𝙘𝙤𝙢𝙤 𝙚𝙞𝙭𝙤 𝙘𝙡𝙖𝙫𝙚 𝙥𝙖𝙧𝙖 𝙤 𝙛𝙪𝙩𝙪𝙧𝙤 𝙙𝙤 𝙥𝙖í𝙨
A formación UCIN Galicia pon en valor o papel dos concellos como motor fundamental do desenvolvemento social, económico e territorial de Galicia, defendendo un modelo claramente municipalista baseado na proximidade coa cidadanía e na autonomía local.
Baixo o lema “Somos Municipalistas”, a organización destaca unha batería de demandas centradas en fortalecer os gobernos locais e garantir servizos públicos de calidade para toda a veciñanza.
Entre as principais reivindicacións de UCIN Galicia figuran:
🔹 Financiamento xusto para os concellos, reclamando un reparto máis equitativo dos recursos públicos.
🔹 Maior autonomía local, permitindo que os municipios teñan máis capacidade de decisión e xestión.
🔹 Defensa dos servizos públicos de proximidade, garantindo atención eficiente e accesible para toda a cidadanía.
🔹 Compromiso coa sustentabilidade e o futuro do rural, apoiando a transición ecolóxica e afrontando o reto demográfico.
🔹 Diálogo e cooperación institucional, apostando pola unión entre administracións para construír unha Galicia máis forte e cohesionada.
Desde UCIN Galicia aseguramos que “os concellos son o corazón de Galicia” e reivindican unha política centrada nas necesidades reais da veciñanza, afastada da confrontación e máis próxima ao territorio.
A formación reafirma así a súa aposta por “estar sempre ao lado dos concellos e da cidadanía”, defendendo o municipalismo como ferramenta esencial para impulsar unha Galicia máis xusta, próxima e con futuro.
