¿Qué es el sitio web?

PSdeG Moraña

Casa
España
Moraña
PSdeG Moraña

Páxina oficial do PsdeG de Moraña.

22/08/2026

🎶 Hoxe acompañamos á Banda de Música Nova Lira de Moraña na celebración do seu 40 aniversario, nunha xornada especial nos arredores do Santuario dos Milagres de Amil.

Foi un concerto con moita historia detrás, no que tamén volveron tocar persoas que formaron parte da banda hai anos e que se sumaron a esta celebración.

Catro décadas dan para moitos recordos, moita música e moita xente que foi deixando a súa pegada na Nova Lira.

👏 Parabéns por estes 40 anos e por seguir formando parte da vida de Moraña.

20/08/2026

🎶 O vindeiro 22 de agosto estaremos acompañando á Banda de Música Nova Lira de Moraña na celebración do seu 40 aniversario, nos arredores do Santuario dos Milagres de Amil.

Unha data moi especial para celebrar catro décadas de música e historia no noso concello.

Parabéns por estes 40 anos e que sexan moitos máis! 👏🎺

15/08/2026

📚 Onte tivemos a oportunidade de asistir á presentación do traballo “Toponimia do Concello de Moraña. Unha primeira aproximación”, de José Ramón Couto Fariña.

Un traballo moi interesante e necesario, no que se recollen máis de 2.000 topónimos e microtopónimos do noso concello para coñecer mellor a súa orixe, o seu significado e, sobre todo, evitar que moitos deles se perdan co paso do tempo.

Nomes como Amil, Chaián, Grixó, Sabadín ou A Espedregueira forman parte da nosa historia e da nosa identidade, e conservar esa memoria tamén é conservar unha parte de Moraña.

Moi interesante tamén o proxecto do CPI Santa Lucía para achegar este patrimonio ás novas xeracións e conseguir que estes nomes sigan vivos no futuro.

👏 Parabéns a todas as persoas que colaboraron para facer posible esta iniciativa.

10/08/2026

📅 A nosa proposta para os festivos locais de Moraña

No último pleno, desde o PSOE de Moraña propuxemos que un dos dous festivos locais quedase fixado sempre no luns posterior á Festa do Carneiro ao Espeto, mantendo o outro festivo local.

A proposta non saíu adiante.

Nós defendémola porque cremos que se adapta mellor á realidade de Moraña. Despois da fin de semana do Carneiro, boa parte da hostalaría e do comercio xa pecha ese luns por descanso e a actividade no centro é moi reducida. Ademais, permitiría contar cunha data estable todos os anos.

Podemos seguir facendo sempre o mesmo simplemente porque “sempre se fixo así”, ou podemos pensar se hai opcións que beneficien máis aos traballadores, aos negocios e á propia veciñanza.

Desde o PSdeG Moraña preferimos o segundo: analizar, propoñer e intentar mellorar as cousas, aínda que iso implique saír da comodidade e cambiar costumes que levan anos repetíndose.

Seguiremos facendo propostas pensadas na realidade de Moraña, aínda que non sempre sexan as máis cómodas.

05/08/2026

Estamos fartos.

Estes días, no centro de saúde de Moraña hai dúas médicas de vacacións e outra de baixa. Para cubrir esta situación, envíase un único substituto durante apenas catro horas, algo claramente insuficiente para atender a toda a veciñanza.

O resultado é que moitos pacientes están sendo derivados a Cuntis ou Caldas para recibir unha atención médica que deberían ter no seu propio concello. Non é algo puntual: levamos anos escoitando promesas, pero a situación repítese e nunca chega unha solución real.

Para as fotos, os actos e os anuncios, o alcalde sempre aparece. Pero cando Moraña queda sen médicos, non vemos unha reclamación pública, un comunicado firme nin unha esixencia clara á Xunta. Parece que resulta máis fácil gardar silencio que molestar ao goberno do seu propio partido.

O alcalde está para defender os intereses de todos e todas, tamén cando iso implica reclamar diante da Xunta.

Menos fotos e menos promesas. Moraña necesita médicos e un alcalde que defenda o seu centro de saúde.

25/07/2026

💙🤍 Feliz Día de Galicia!

Un 25 de xullo que en Moraña vivimos dun xeito especial, coincidindo ademais coas nosas Festas do Carneiro ao Espeto.

Que desfrutedes deste día, das festas e de Moraña.
Feliz Día de Galicia e feliz Carneiro! 💙🐏

20/07/2026

📸 Fin de semana de moita actividade en Moraña.

Os concelleiros do PSOE de Moraña participamos no V Interparroquial, asistimos ao V Certame de Corais, á XII Carreira Carneiro ao Espeto e á tradicional misa de Santa Xusta.

E para rematar o domingo, volvemos a Santa Xusta para vivir a final do Mundial e celebrar o segundo título mundial de España. 🇪🇸🏆

Un fin de semana para estar coa xente e participar nas distintas actividades do noso concello.

16/07/2026

🇪🇸⚽ Este domingo, todos coa selección!

Alegrámonos de que finalmente Moraña vaia contar cunha pantalla xigante para seguir a final do Mundial entre España e Arxentina.

Hai apenas uns días, desde o PSOE de Moraña propoñiamos precisamente esta iniciativa, convencidos de que un acontecemento así merecía vivirse todos xuntos. Hoxe é unha satisfacción ver que será unha realidade.

👏 Parabéns á Comisión de Festas de Santa Xusta por impulsar esta proposta e por seguir enchendo de vida as festas.

14/07/2026

🇪🇸 España está na final do Mundial!

Este domingo 19 de xullo, ás 21:00 horas, xogará o partido polo título.

Desde o PSOE de Moraña pedímoslle ao goberno local que instale unha pantalla xigante para que toda a veciñanza poida ver a final xunta no noso concello.

Un acontecemento así merece vivirse tamén desde Moraña. ⚽

13/07/2026

🐎 O pasado domingo tivemos a oportunidade de asistir á tradicional Rapa das Bestas de Amil, unha das celebracións máis singulares e emblemáticas do noso concello.

Compartimos este vídeo da baixada das bestas cara ao curro, un momento que cada ano reúne a numerosos veciños e visitantes e que forma parte do noso patrimonio, da nosa cultura e das nosas tradicións.

👏 Parabéns á organización e a todas as persoas que manteñen viva esta tradición, transmitíndoa de xeración en xeración e facendo que siga sendo un dos grandes sinais de identidade de Moraña.

Dirección

Moraña

Página web

https://instagram.com/psoemorana?utm_medium=copy_link, https://instagram.com/psoemorana?utm_medium=copy_link

Notificaciones

Sé el primero en enterarse y déjanos enviarle un correo electrónico cuando PSdeG Moraña publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.