Monte Xalo

Casa
España
Culleredo
Monte Xalo

O pulmón verde da Coruña. Un proxecto do Castelo Conta e a Comunidade de Montes Veciñais de Castelo.

02/09/2026

⛰️ Sabías que no monte Xalo hai unha pedra que durante anos serviu como división natural entre Carral, Castelo e Culleredo?

🪨 A Pedra Mazafacha é unha das formacións graníticas máis coñecidas da serra. As súas grandes dimensións e a súa altura facían que destacase na paisaxe e chamase a atención de quen pasara por alí.

📲 Descubre a historia deste lugar e de moitos outros puntos de interese coa aplicación Monte Xalo, dispoñible para iOS e Android.

25/08/2026

🌿 Un monte veciñal é un monte que vive da parroquia

Así o explica un veciño de Castelo, cando fala do papel da comunidade na xestión forestal e coidado do Monte Xalo.

As comunidades de montes teñen un papel fundamental na conservación deste territorio: manter o monte en boas condicións, facer unha xestión activa e responsable e pensar tamén no futuro das vindeiras xeracións.

Unha maneira de entender o territorio que ten moito que ver co que vivimos estes días no . Un festival que tamén se fai desde a implicación da veciñanza: das persoas que coidan os espazos, que os comparten e que fan posible que a parroquia siga sendo un lugar vivo.

Coidar o monte é tamén coidar o lugar no que vivimos 🌳

📲 Descubre o Monte Xalo, a súa historia, os seus camiños e todo o que agocha coa aplicación Monte Xalo, dispoñible para iOS e Android.

20/08/2026

⛰️ Sabías que no monte Xalo se agocha un dos restos prehistóricos máis antigos da contorna?

🪨 A mámoa do Chan de Castelo é un monumento funerario do Neolítico, construído hai máis de 8.000 anos. Este conxunto de terra e pedras, duns 24 metros de diámetro, servía como espazo destinado aos rituais funerarios

✨ O paso do tempo fixo das súas e, hoxe, o que queda destas mámoas son pequenos restos agochados entre a natureza do monte.

📲 Descubre a historia deste lugar e de moitos outros puntos coa aplicación Monte Xalo, dispoñible para iOS e Android.

12/08/2026

⛰️ Sabías que unha parte do Monte Xalo que durante anos estivo ocupada por eucaliptos hoxe é un bosque de árbores autóctonas?

🌳 Grazas a un proceso de recuperación iniciado hai máis de 17 anos, este espazo volveu encherse de castiñeiros, freixos e outras especies propias do monte galego. Con elas, tamén regresou pouco a pouco a biodiversidade, convertendo esta zona nun exemplo de como a natureza é capaz de recuperarse cando se lle dá tempo e coidados.

📲 Descubre a historia deste lugar e moitos outros puntos de interese coa app Monte Xalo, dispoñible para iOS e Android.

29/07/2026

⛰️ Ao longo dos séculos, o vento, a choiva e o paso do tempo foron moldeando unha paisaxe granítica única, chea de formas curiosas e lugares sorprendentes. Aquí conviven pedras abaladoiras, formacións esculpidas pola erosión, antigas construcións, petróglifos e rochas arredor das que naceron lendas transmitidas de xeración en xeración.

🌿 Cada pedra conta unha parte da historia do Xalo: da súa formación xeolóxica, das persoas que o habitaron e do imaxinario popular que aínda hoxe permanece vivo.

📲 Descubre todos estes recunchos na app Monte Xalo

23/07/2026

⛰️ Sabías de onde vén o nome das Pedras do Castelo?

Manuel Ruibal, investigador experto no Monte Xalo, explícanos unha das claves deste lugar tan singular. Entre as pedras aparece unha gran cantidade de tellón, unha pista que indica que aquí existiu unha antiga atalaia desde a que se controlaba unha ampla extensión do territorio.

🌿 Un espazo cun enorme valor xeolóxico, histórico e paisaxístico.

📲 Descubre este e moitos outros puntos de interese coa app Monte Xalo, dispoñible para iOS e Android.

10/07/2026

⛰️ O Monte Xalo xa cabe no teu móbil.

Xa está dispoñible a aplicación Monte Xalo, unha nova maneira de descubrir, percorrer e entender este espazo tan emblemático da comarca coruñesa.

🌿 A través dun mapa interactivo poderás explorar decenas de puntos de interese, seguir rutas para camiñar, correr ou ir en bicicleta, descubrir lendas, patrimonio, biodiversidade, fotografías, audios e vídeos, ademais de crear os teus propios plans para vivir o monte ao teu ritmo.

Esta aplicación nace do compromiso do tecido asociativo de Castelo e do traballo da Comunidade de Montes Veciñais de Castelo na conservación e xestión sostible do monte comunal. Un proxecto pensado para compartir o patrimonio natural, histórico e cultural do Xalo e para achegar a súa historia a todas as persoas que o percorren.

📲 Xa dispoñible para iOS e Android.

Todo o monte no teu móbil.

📸 Aigi Boga

Dirección

Lugar Castelo/Folgueira, S/n
Culleredo
15139

Teléfono

+34689882972

Página web

http://www.montexalo.gal/

Notificaciones

Sé el primero en enterarse y déjanos enviarle un correo electrónico cuando Monte Xalo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.