Terra Galega Coristanco

27/01/2022

Hoxe temos pleno ordinario correspondente ao mes de xaneiro. Trataranse, entre outras cousas, as obras do Plan Provincial (POS-22). O máis sorprendente é que foron todas propostas de forma unipersoal polo concelleiro do PSOE e aceptadas cegamente polo alcalde (levamos 3 anos e desde a alcaldía non propuxeron ningunha obra para Coristanco). Parece que a sintonía entre estos dous grupos funciona á perfección en Coristanco, do contrario non se entende como o candidato do PSOE non quixo agardar a consensuar co resto da oposición tal proposta, cando presentou no seu momento a moción sobre ditas obras. Curiosidades da política.

03/12/2021

O pasado xoves celebrouse o pleno ordinario correspondente ao mes de novembro. TeGa preguntou varias cuestións, entre as que destaca os atrancos que teñen moitos lugares no acceso ás redes informáticas de alta velocidade, en especial nas rúas do centro de San Roque.
Outra cuestion debatida foi a moción presentada unilateralmente polo PSOE, na que plantexaba unha serie de obras a incluir no Plan de Obras da Deputación. A postura de TeGa foi que se retirase da orde do día para consensualas cos restantes partidos e membros da oposición, como se acordara o pasado ano. Sorprendentemente, o voceiro do partido socialista non quixo retirala e saiu adiante co apoio do PP de Coristanco e Abrahan Gerpe. Os restantes partidos votamos en contra.
O sentido negativo do nosos voto foi fundamentado en:

1. Non é normal que un só concelleiro queira impoñer todas as obras que se fagan ao longo do ano con cargo ao POS da Deputación. Casi 1 millón de euros en obras.

2. Non é normal que o PP apoie a proposta do PSOE, deixando de lado aos demáis partidos. Nos derradeiros plenos xa vimos asistindo a certo acercamento de posturas entre os dous partidos.

3. Con esta iniciativa, rachouse os acordos que había o ano pasado sobre o consenso á hora de diseñar as obras que precisa Coristanco. Agora quedarán moitas do ano pasado sin rematar, por dispoñer as do ano pasado de varias fases de execución.

4. Sabendo que todas as obras son necesarias, un só candidato non debe actuar impoñendo os criterios do seu parecer, cando os demáis poden presentar propostas mellorables e tan lícitas como as que saíron adiante.

5. Calquera partido ou candidato podería presentar unha batería de propostas sin acordar cos outros membros da corporación, e intentar impoñelas como así fixo o candidato do PSOE.

6. Convocáronnos a unha xuntanza posterior ao pleno, pero para debatir ditas obras propostas polo PSOE e apoiadas polo PP, pero en ningún caso se falou de obras e servizos que propuxéramos os demáis partidos: o pescado xa estaba vendido!. Creemos que xa está vendido fai tempo.

30/09/2021

Despois dun ano e medio, o alcalde de Coristanco celebra hoxe o pleno ás 20.00 h permitindo que as veciñas e veciños asistan ao mismo. Esta situacion insostible viñámola expoñendo desde TeGa, queixándonos das medidas antidemocraticas que este alcalde estaba aplicando por non dar publicidade aos debates plenarios, nin deixar que se fixeran con presencia de público ou da prensa.

19/09/2021

Como xa ven sendo costume neste alcalde, demoniza a Terra Galega de todos os males que lle pasa ao concello, mentras alaba a casi a totalidade da oposición. Pois ben, foi Terra Galega a que levou ao pleno do concello a moción na que se destinase a todas as parroquias do concello o diñeiro xerado dos recursos de ditas parroquias, e foi precisamente o alcalde e demáis membros do PP, os que votaron en contra desa medida. Ahí estaba incluído a venta de madeira, licenzas e impostos dos parques eólicos, licenzas de industrias, etc.

El alcalde, Juan García, dice que habrá adjudicaciones de obras en los próximos días

29/07/2021

O alcalde o PSOE e o BNG de Coristanco tumban a moción que TeGa presentou sobre a ampliación da pista de Nogueira e o acondicionamento do lugar: axardinamento, arranxo de taludes, aparcadoiros, nova iluminación, soterrado de cableados.... En fin.

29/07/2021

Neste momento estase retransmitindo o pleno do concello de Coristanco correspondente ao mes de xullo. Grazas ao empeño de Terra Galega, as veciñas e veciños de Coristanco poderán seguir desde a casa este e os seguintes plenos que aquí se celebren.

24/06/2021

Outro pleno máis no concello de Coristanco, facéndose a porta pechada e sin posibilidade de que as veciñas e veciños poidan escoitarnos. Non teñen posibilidade de saber os temas que se tratan e as posturas de cada grupo. Agora estamos debatindo unha moción sobre a tarifa elèctrica. Moción xeneralista. Neste caso TeGa propuxo ao alcalde que desde o concello identifiquen aquelas vivendas de Coristanco, con dereito ao bono social eléctrico, que lles preste axuda suficiente para que ningunha veciña ou veciño de Coristanco quede sin disfrutar da posibilidade de acollerse a el e así aforrar parte da factura elèctrica. Esperemos que desde o concello a través dos Servizos Sociais, poñan este servizo de acompañamento para cumplir con este fin.

09/06/2021

Cando na labor de oposición o alcalde alaba o que fas, algo raro pasa. A oposición desde a labor constructiva está para controlar a labor de goberno, e correxir o que un cree que está mal. Non podemos estar satisfeitos cando o que goberna nos da a noraboa. Menos mal que non todos somos iguais. TeGa seguirá na liña que lle toca estar: oposición responsable e firme

27/05/2021

Celebrando pleno municipal en Coristanco. Hai cousas que non se entenden ben á hora de votar propostas de alcaldía: o PP presenta uns proxectos de obras que a oposición descoñece por importe de 1.338.919,99 €. Increiblemente as saca adiante co apoio ou abstención de varios dos partidos da oposición.
TeGa pedíulle que antes de traelas a pleno, as informara aos demáis grupos, como non o quixo facer, rexeitamos a súa proposta.

16/05/2021

O noso máis sentido pésame á familia e aos veciños e veciñas de Laxe polo finamento de José Manuel Mouzo Castiñeira exalcalde de Laxe. Un amigo e un gran político. D.E.P.

15/05/2021

Ata hai un tempo, coñecíase as celebracións patronais das parroquias por dous motivos: a limpeza das cunetas a cargo do tractor do concello, e a colocación dos arcos lumínicos ao longo das estradas principais da vila. Este fin de semana hai dúas festas que inician o calendario do verán: a de Santa Ana da Rabadeira e a de Santa Marta de Traba. Agradecerlle" ao alcalde e en especial á concelleira de cultura que nin fixeran unha cousa nin outra. Estarán moi ocupados en confeccionar as nóminas.

29/04/2021

Estamos celebrando un novo pleno en . Neste caso é o pleno ordinario do mes de abril. Por suposto, os veciños e veciñas de Coristanco non teñen opción de saber o que nel se debate e eso leva sucedendo máis dun ano. Sacamos adiante unha moción para que se retransmitan os plenos e sigue censurando a transparencia. Credes que merecedes esto?.