Concello De Campo Lameiro

Casa
España
Campo Lameiro
Concello De Campo Lameiro

Páxina oficial do Concello de Campo Lameiro. Toda a información e actualidade do Concello

11/06/2026

ESTABLECEMENTOS COLABORADORES ONDE PODES ADQUIRIR OS TICKETS PARA A CELEBRACIÓN DA NOITE DE SAN XOÁN

O Concello de O Campo Lameiro informa de que xa están á venda os tickets para a celebración do San Xoán 2026 nos establecementos colaboradores.

Prezo do ticket: 10 €

Inclúe:

✅ Sardiñas.

✅ Pan.

✅ Churrasco.

Os tickets poden adquirirse nos seguintes establecementos:

👉 Bar Kallejas.

👉 Estación de Servizo Peineto.

👉 Estanco-Bar O Peto.

👉 Bar Casa Silva.

👉 Perruquería Yoli.

👉 Panadería Mipa.

👉 Casa Quiben.

Os tickets estarán á venda ata a noite do día 21 de xuño.

Animámosvos a participar e g***r desta celebración tradicional en boa compañía.

09/06/2026

🎉 ESTE SÁBADO DÍA 13 CELÉBRÁNSE AS FESTAS NA HONRA DE SAN ANTONIO DE PENALBA 🎉

Xa está todo preparado para celebrar unha das citas máis especiais do ano en honra a San Antonio. Unha xornada chea de tradición, música, fe e festa para compartir con familiares, amigos e veciños.

🎺 Pola mañá, pasarrúas coa Charanga Mil9.

⛪ Misas rezadas ás 10:00, 11:00 e 12:00 horas.

🙏 Ás 13:00 h, misa cantada con procesión e as tradicionais poxas.

🍻 Ao remate, sesión vermú amenizada pola Charanga Mil9, que tamén estará durante toda a tarde.

🕯️ Ás 20:00 h, misa de despedida dos romeiros e posterior procesión.

🎶 Pola noite, gran verbena coas actuacións de:

✨ Trío Soprano.

✨ Dolce Vita.

🎧 E para rematar a festa, DJ Tony.

☔ En caso de choiva haberá carpa.

🍽️ Servizo de bar a cargo de Asador O Xavique e polbo a cargo de Fuchela.

05/06/2026

📍🔥 NOITE DE SAN XOÁN 2026 EN O CAMPO LAMEIRO 🔥📍

O vindeiro 23 de xuño, a partir das 21:30 horas, a Praza do Concello acollerá a celebración da Noite de San Xoán.

🌭 Haberá sardiñas, pan de millo e churrasco, ademais de viño do país gratuíto para acompañar esta noite tan especial.

🎶 Durante a velada contaremos tamén con actuación musical (pendente de confirmar).

🍷 Ademais, haberá servizo de bar a prezos populares.

🎟️ Prezo dos tickets: 10 €

Os tickets poderán adquirirse nos establecementos colaboradores do municipio ata o 21 de xuño.

🔥 Convidámosvos a participar nesta festa de convivencia, tradición e celebración do San Xoán.

Agardámosvos para compartir unha noite máxica! ✨

05/06/2026

🚨🚨 AVISO DO CONCELLO DE O CAMPO LAMEIRO 🚨🚨

🚧 CULUMPIO FÓRA DE SERVIZO TEMPORALMENTE 🚧

O Concello de O Campo Lameiro informa á veciñanza de que o culumpio tipo niño situado no parque infantil permanece precintado e fóra de servizo debido aos danos detectados nun dos seus elementos estruturais de soporte.

Por motivos de seguridade, non estará permitido o seu uso ata que sexa reparado e se comprobe que reúne todas as garantías para a súa utilización.

Os servizos municipais precintaron o columpio e procederán á súa reparación coa maior brevidade posible.

Pregamos á cidadanía, especialmente ás familias e ás nenas e nenos usuarios do parque, que respecten o precintado e a sinalización instalada, evitando o uso do elemento ata novo aviso.

O Concello pide desculpas polas molestias ocasionadas e agradecemos a colaboración de todos e todas.

28/05/2026

🎉 𝗙𝗥𝗔𝗚𝗔𝗦 CELEBRA ESTE SÁBADO AS FESTAS NA HONRA DA INMACULADA CONCEPCIÓN

O vindeiro 📅 30 de maio, a parroquia de Fragas celebrará as súas grandes festas na honra da Inmaculada Concepción cun programa cheo de música, tradición e ambiente para todas as idades.

✨ Programación destacada:

🎺 Pasarrúas e sesión vermut coa Charanga OT.

⛪ Misa cantada e procesión acompañada pola coral Cánticos de Amil.

🎶 Verbena nocturna coa orquestra MAGOS

💃 E para rematar a festa… discoteca móbil Dolce Vita.

Desde o Concello de O Campo Lameiro animamos a toda a veciñanza e visitantes a achegarse e desfrutar dunha xornada de convivencia, festa e tradición nun entorno único.

👏 Parabéns á Comisión de Festas e ás persoas colaboradoras polo seu traballo e dedicación para manter vivas as nosas celebracións populares.

27/05/2026

🌿💧 XA ESTÁ EN MARCHA UNHA NOVA EDICIÓN DO PROGRAMA "BENESTAR EN BALNEARIOS" DA XUNTA DE GALICIA

As persoas maiores de 60 anos, ou pensionistas maiores de 55, poden desfrutar de estadías de 10 días e 9 noites en réxime de pensión completa en distintos balnearios de Galicia, entre os meses de xullo e decembro. O programa inclúe tratamentos termais e actividades de animación sociocultural.

📅 Prazo de solicitude:

Do 27 de maio ao 26 de xuño de 2026.

👥 Pode solicitarse tamén con acompañante e, no caso de ter fillos/as cun grao de discapacidade igual ou superior ao 33 %, estes tamén poden participar.

💶 As tarifas están subvencionadas pola Xunta de Galicia, con prezos reducidos entre 31 e 44 euros por noite, segundo o establecemento elixido.

📝 As solicitudes poden presentarse:

✔️ A través da sede electrónica da Xunta (procedemento BS607A).

✔️ Presencialmente nas oficinas de rexistro ou en Correos.

ℹ️ Máis información:

Programa Benestar en Balnearios:

https://politicasocial.xunta.gal/gl/recursos/plans-e-programas/benestar-en-balnearios

26/05/2026

O CONCELLO DE O CAMPO LAMEIRO ABRE O PRAZO DE INSCRICIÓN PARA O PROGRAMA CONCILIA+ 2026

Co obxectivo de facilitar a conciliación familiar durante os meses de verán, o Concello pon en marcha unha nova edición do Programa Concilia+ 2026, dirixido a nenas e nenos de entre 3 e 12 anos (xa escolarizados/as), con actividades de lecer e atención especializada. ☀️🎨⚽

🗓️ Prazo de inscrición: ata o 15 de xuño ás 14:00 horas.

📍 Inscricións: no Concello (de 9:00 a 14:00 h) ou a través da sede electrónica.

📅 Datas e horario:

✔️ Meses de xullo e agosto.

✔️ De luns a venres, de 9:00 a 14:00 horas.

👧👦 Prazas limitadas:

➡️ 20 prazas en xullo.

➡️ 20 prazas en agosto.

💶 Custos:

• Empadroados/as: 12,50 € por quincena.

• Dous irmáns: 22,50 € por quincena.

• Non empadroados/as: 20 € por quincena.

📄 Documentación necesaria:

• Fotografía da/o menor.

• DNI, libro de familia ou certificado de nacemento.

• Tarxeta sanitaria.

📌 Máis información e bases completas no Concello e na web municipal.

MÁIS INFORMACIÓN:

https://campolameiro.org/o-concello-de-o-campo-lameiro-abre-o-prazo-de-inscricion-para-o-programa-concilia-2026/

25/05/2026

O CAMPO LAMEIRO HOMENAXEOU A DIGNA FERRO, DE COUSO, E JAIME MONTEAGUDO, DE FRAGAS, NA XXVI XUNTANZA DA 3ª IDADE

O Concello de O Campo Lameiro celebrou este domingo a XXVI Xuntanza da 3ª Idade, unha das citas máis entrañables e agardadas do ano, que reuniu a veciños e veciñas nunha xornada marcada pola convivencia, os reencontros e a homenaxe ás persoas maiores do municipio.

A celebración comezou cunha misa solemne na Igrexa Parroquial de San Miguel, acompañada pola música da Coral Polifónica de O Campo Lameiro, para continuar despois cun animado xantar de confraternidade no pavillón municipal.

Un dos momentos máis emotivos da xornada foi a homenaxe a dúas persoas que representan a memoria viva e o exemplo dunha xeración que construíu o presente do concello co seu esforzo, traballo e dedicación. Nesta edición recibiron este recoñecemento Digna Ferro, da parroquia de San Cristóbal de Couso, de 94 anos, e Jaime Monteagudo, da parroquia de Santa Mariña de Fragas, de 93 anos.

O alcalde de O Campo Lameiro, Carlos Costa, destacou durante o acto “a importancia de seguir coidando e recoñecendo ás persoas maiores, que son un exemplo de vida e unha parte esencial da identidade do noso municipio”. Ademais, agradeceu a participación de todos os asistentes e puxo en valor unha celebración que “cada ano reforza os lazos de unión entre xeracións e mantén viva unha tradición moi querida por todos”.

24/05/2026

🌸🎶 O CONCERTO DE PRIMAVERA EN O CAMPO LAMEIRO ENCHEU A IGREXA DE EMOCIÓN E MÚSICA 🎶🌸

A Igrexa Parroquial de O Campo Lameiro converteuse a pasada fin de semana nun espazo de encontro, emoción e cultura co exitoso Concerto de Primavera organizado pola Coral Polifónica de O Campo Lameiro en colaboración co Concello.

Numeroso público achegouse para desfrutar dunha tarde inesquecible na que a música coral foi a gran protagonista, creando unha atmosfera especial chea de sensibilidade, convivencia e aplausos. As actuacións do Coro Cuquiños do Campus de Ourense, do Coro Universitario do Campus de Ourense, do Grupo Diamond e da Coral Polifónica de O Campo Lameiro emocionaron ás persoas asistentes cun repertorio coidado e interpretado con enorme entrega.

O concerto deixou momentos moi especiais, demostrando unha vez máis o importante papel da música como punto de unión entre xeracións e como motor cultural do noso municipio. A igrexa encheuse de harmonía, voces e sentimento nun evento que destacou tanto pola calidade musical como pola gran acollida do público.

Dende a organización agradécese a participación das agrupacións, así como a asistencia e o apoio de toda a veciñanza, que contribuíu a facer desta cita un auténtico éxito. O Campo Lameiro volveu vivir unha tarde máxica na que a primavera soou máis viva ca nunca.

ESCOITA AQUÍ:

https://youtu.be/00L_nTWuVhk?si=ilG0Nhd-QrG-pYc3

17/05/2026

O CONCELLO DE O CAMPO LAMEIRO CELEBRA O DÍA DAS LETRAS GALEGAS COS USUARIOS DO CENTRO DE ESTANCIA

O Concello de O Campo Lameiro súmase aos actos de celebración do Día das Letras Galegas compartindo este vídeo realizado polos usuarios do Centro de Estancia como xeito de reivindicar e agradecer aos nosos maiores os seus esforzos por conservar e legar o noso idioma de xeración en xeración.

Fagamos que a celebración do Día das Letras Galegas se prolongue ao longo dos 365 días do ano.

Desde O Campo Lameiro, Feliz Día das Letras Galegas!!

Dirección

O Lameiro
Campo Lameiro
36110

Página web

http://www.campolameiro.org/

Notificaciones

Sé el primero en enterarse y déjanos enviarle un correo electrónico cuando Concello De Campo Lameiro publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.