teenses pola igualdade

03/09/2026

💜 ADEUS, GLORIA STEINEM
Hoxe despedimos a Gloria Steinem, unha das grandes referentes do feminismo contemporáneo.
Xornalista, escritora e activista, dedicou a súa vida a defender os dereitos das mulleres, cuestionar as desigualdades e abrir camiños para as xeracións que viñeron detrás.
Desde Teenses pola Igualdade queremos lembrar e agradecer o legado dunha muller que nos ensinou que levantar a voz, organizarse e cuestionar o establecido pode transformar a sociedade.
As referentes marchan, pero as súas ideas permanecen. 💜
Grazas, Gloria, por abrir camiños. Seguiremos andando por eles.

La escritora y periodista, referente de la revolución por los derechos de las mujeres, ha fallecido en su casa de Nueva York

08/06/2026

Hai palabras que emocionan porque saben captar a esencia do vivido. Hoxe queremos agradecer a Juan Blanco Valdés a súa fermosa columna sobre o Café Literario organizado por Teenses pola Igualdade con motivo das Letras Galegas e dedicado á figura de Begoña Caamaño.

Naquela tarde compartimos moito máis ca unha conversa sobre literatura. Compartimos reflexións, experiencias, preocupacións e esperanzas arredor da cultura, da igualdade e do papel que o pensamento crítico debe seguir tendo na nosa sociedade. E fixémolo desde o respecto, a escoita e a vontade de atopar puntos de encontro.

Que alguén destaque precisamente eses valores nun momento no que tantas veces predominan a confrontación e o ruído é unha satisfacción enorme para a nosa asociación. Porque ese é o espírito co que traballamos cada día: crear espazos onde o diálogo sexa posible, onde as diferenzas non separen e onde a cultura sirva para unir.

Grazas a todas as persoas que participastes e fixestes deste Café Literario unha experiencia tan especial. E grazas a Juan Blanco Valdés por deixarnos este fermoso recordo escrito dunha tarde que permanecerá na nosa memoria.

Un principio moi proveitoso para evitar desagradables trasacordos ou mesmo inimizades perennes é aquel que os nosos maiores nos aprenderon: na mesa non se fala de política, unha brillante imaxe para evidenciar o pouco intelixente que resulta teimar nas diferenzas en espazos reservados para o encon...

03/06/2026

📚 11 LECTURAS PARA UN VERÁN EN IGUALDADE 📚

A biblioteca de Teenses pola Igualdade incorpora once novos títulos grazas á xenerosa doazón realizada polo Servizo de Publicacións da Universidade de Santiago de Compostela.

Esta achega chega despois da participación de Juan L. Blanco Valdés, director de Publicacións da USC, no noso Café Literario das Letras Galegas, celebrado no mes de maio.

Son libros que nos achegan á literatura, á memoria, ao pensamento, á educación, ao traballo e á presenza das mulleres na sociedade.

📖 Títulos dispoñibles en préstamo:

• Caídas. Achegamento ao Patronato de Protección á Muller en Galicia
• Escribir para quen. Relecturas posibles de Luísa Villalta
• Xela Arias. A literatura e a vida, por elección
• Nun lugar de Galicia. María Victoria Moreno
• As mulleres e o mar
• Mujer, vida y memoria en la Compostela medieval
• Concepción Arenal. O visitador do preso
• Xohana Torres. Da viúva de vivo á muller navegante
• Luisa Cuesta Gutiérrez. Primeira profesora da Universidade de Santiago de Compostela
• Begoña Caamaño: mudar o mundo
• Canta ti, cantarei eu. A poesía popular oral

Coa chegada do verán, animamos ás persoas socias a aproveitar estes tempos de lectura para descubrir novas voces, recuperar memorias e seguir construíndo igualdade tamén a través dos libros.

📩 Para solicitar algún exemplar en préstamo, contactade coa asociación.

Boas lecturas! 💜

01/06/2026

Desde a Sección de Igualdade e Dereitos Civís da Deputación da Coruña temos o pracer de convidarte á quinta edición do congreso MEMORIA DIVERSA, unha cita xa consolidada e que se converteu nun referente para a recuperación e dignificación da historia do colectivo LGBTIQA+ en Galicia.

Esta nova edición terá lugar o vindeiro sábado 6 de xuño de 2026 no Espazo de Intervención Cultural "A Normal" (Paseo de Ronda, 47, A Coruña). O acceso é totalmente libre e de balde ata completar o aforo.

A xornada deste ano propón unha fonda reflexión arredor do papel da Igrexa como institución clave na construción histórica das normas sociais sobre o corpo, o s**o e o xénero. A través de perspectivas históricas, activistas, culturais e divulgativas, o programa analizará os mecanismos de control, represión e, sobre todo, as estratexias de resistencia fronte á diversidade sexual e de xénero durante a Ditadura e a Transición.

23/05/2026

💭 PENSAMENTO PARA O FIN DE SEMANA

No noso Café Literario de onte xoves, polo Día das Letras Galegas, falamos de filosofía, de reflexión, de como o pensamento nos move á acción. E fixémolo da man dunha muller imprescindible: Begoña Caamaño, a figura homenaxeada este ano.

Unha das nosas poñentes, coa emoción de quen a coñeceu e a admira, dixo algo que non puidemos esquecer:

“Begoña estaría furiosa se vise o fraccionamento do feminismo de hoxe.”

E quedamos cunha idea que non nos abandona:

🔹 A igualdade non se constrúe só con discursos. Constrúese con presenza.

Contamos con persoas que viñeron, que dialogaron, que se comprometeron. Contamos tamén con quen non puido asistir, pero tivo o xesto de comunicárnolo. E aprendemos que o silencio tamén di cousas... ás veces di máis ca calquera declaración pública.

O feminismo é acción. É aparecer. É responder a unha invitación, aínda que sexa para dicir que non.

Bo fin de semana. Que este sexa un tempo para pensar en que tipo de compromiso queremos ver —e dar— pola igualdade. 💜

22/05/2026

Xa podedes escoitar a interesante conversa de onte, xoves 21 de maio, sobre literatura, a figura de Begoña Caamaño, e moito máis grazas A Xente de Teo

22/05/2026

21/05/2026