20/08/2023
🫧🫧🫧🫧🫧🫧🫧🫧🫧
-اشهر 10 أسئلة يسألها المتعاملون مع الشهر العقارى ✍✍
1-هل الشهر العقاري بيشتغل السبت ؟
=نعم يعمل كل يوم من ايام الاسبوع
2- عاوز اعمل توكيل لواحد لازم اخده معى؟
=لا خد بطاقتك اصل وتكون سارية واسم وعنوان الوكيل والرقم القومي بتاعه وكمان متنساش الرسوم✋
3 -انا واحد عملي توكيل وضاع هعرف اطلع غيره؟
=لو مميكن ومسجل على السيستم الموظف هيعمل بحث و هيطلع رقمه ، ولو يدوى طالما ضاع ومفيش صورة منه حاول تفتكر تاريخه مثلا عشان تسهل على الموظفين مهمة البحث عنه في الدفاتر ويطلعولك نسخة منه✋
4- لو واحد عملي توكيل يقدر يلغيه وانا مش موجود؟
= الاصل انه من حقه يلغيه لوحده
-الا اذا كان التوكيل مكتوب فيه كلمة (البيع للنفس)
وهنا يوجد اكثر من رأى ( يجوز الغاؤه ) اذا كان التوكيل رسمى عام شامل وفيه البيع للنفس وللغير
احدث تعليمات صادرة فى هذا الشأن ****
اما التوكيل الخاص وبه عبارة ( لايجوز الالغاء الا بحضورالطرفين ...)✋
فلا يجوز الغاؤه الا بحضور الطرفين
5-هي رسوم تسجيل عقد السيارة....كام؟؟
=الرسوم دي بتتحدد حسب الماركة والموديل وثابته في جميع المكاتب لانها بقانون مجلس شعب ..اطمن
-والرسم لو زاد عن ٥٠٠ جنية الدفع بالفيزا✋
6_ لو انا والدي مريض مش هيقدر يروح المكتب ومحتاج يعمل توكيل...اعمل إيه؟
= تجيب تقرير من المستشفى بحالته الصحية
-بتقدم طلب انتقال لرئيس اقرب مكتب توثيق
- سدد رسوم الانتقال ورسوم التوكيل
وفيه موثق بيروح معاك البيت ويعمله الاجراء✋
7 – ايه الفرق بين عقد السيارة والتوكيل؟
=التوكيل مش نقل ملكية التوكيل بتمشي به وتبيع به لغيرك او لنفسك بعقد في اي وقت عادي .
لكن لوحبيت تنقل ملكية [ الرخصة] لابد تعمل عقد
- اما العقد بينقل ملكية
وهو افضل للبائع لانه بيخلصه من العربية واى مخالفات وضرائب وتامينات ،
وافضل للمشتري لانه ناقل للملكية نقل نهائي ومضمون✋
8- هل شرط المشتري يوقع على عقد السيارة ؟
=لا مش شرط المهم توقيع البائع
اما المشتري فممكن يوقع فى المرور✋
9- امال ايه حكاية ان العقد له مدة؟
=مفيش حاجة اسمها العقد له مدة لان العقد مؤبد
-لكن المشترى لولم يوقع على العقد بيروح ينقل الملكية فى المرور فى اى وقت
- اما لو وقع على عقد البيع لازم ينقل فى المرور خلال شهر من تاريخ تحرير عقد البيع ✋
10- زوجي عاوزني اعمله توكيل في كل شيء؟
= الأفضل اعملى توكيل على اد المصلحة سواء [ عام او خاص ]
وممكن عن طريق بوابة مصر الرقمية 🔚⤵️✅📳💯
