تجربة اماكن, Cairo (2026)

21/03/2017

/ #حدائق
الناس الي مراحتش لسة معرض زهور الربيع في حديقة الاورمان
تلحق تروح قبل ما يخلص
الموضوع فرصة بجد المكان جميل جدا والمناظر هناك تحفة والدخول بجنيه واحد والزرع هناك رخيص جدا وفيه كل حاجة زرع بلدي ومستورد وصبار وطيور واسماك زينة وحيوانات يعنى لو ملكش فيه ممكن تشترى وتحول بلكونتك لتحفه بدل الكراكيب
المكان في حديقة الاورمان الي قدام جامعة القاهرة في الجيزة وفاتح لحد الساعة 10 بالليل

تجربة : Hasnaa Ali

18/03/2017

#تجربة سينما 4DX مول مصر:
⁃ مبدئيا لو الفيلم فيه هوا ومطر ورعد لازم تعمل حسابك في جاكت. عشان هتخرج عندك برد🤧🤧
⁃ تقعد علي الكرسي اللي انت حجزته بس. لان لو قعدت علي كرسي تاني فاضي مش هتشتغل المؤثرات بتاعته ولا يتهز💺💺
⁃ الكراسي بتتحرك مع الفيلم لو فيه حصان بيجري مثلا هتلاقيه يتهز كانك راكب الحصان. لو فيه اغنيه واستعراض هيتحرك يمين وشمال بشكل جميل وريلاكس💃💃
⁃ لو حد في الفيلم رش ميه هتيجي عليك وتحس بيها
⁃ لو في مطر طبعا هييجي عليك مع شوية هوا يمين وشمال🌨⛈⛈
⁃ لما حد يدي لحد ورده او يكون في منظر جناين وحدائق هتشم روايح حلوه جدا🌹🌹
⁃ لو حد رش علي حد ميه سخنه او وقع عليه الشاي مثلا ماتقلقش مش هيتغابوا ويرشوك بميه سخنه 😄
⁃ لو حد ضرب حد في الفيلم هتحس بالضرب بيجيلك من ضهر الكرسي بس علي خفيف👊👊
⁃ لما حد في الفيلم بيرمي سكينه علي حد او يضربه بحاجه في رجله مثلا بتحس بهوا مركز بيطلع يخبط في رجلك يحسسك بالمشهد🔪🔪
⁃ نصيحه بلاش تدخل بمشروبات سخنه مع حركة الكرسي هيقع عليك وتصوت وتعمل قلق للناس في السينما ويبقى شكلك بايخ اوي☕️☕️
⁃ في زرار في الكرسي ممكن تدوس عليه يلغي تأثيرات الميه هو بيكون طبيعي شغال
⁃ الفيلم لو عادي المؤثرات دي بتحليه وتخليه فيلم ممتع كمان لو 3D بيقى احلي واحلي
⁃ سعر الفرد ١٢٥ جنيه صباحا و ١٤٥ مساء. وفيه ابلكيشن اسمه vox سينما ممكن من خلاله تعرف المواعيد والاسعار
⁃ غالبا الافلام العربي مش هيكون ليها نصيب كبير في السينمات دي. غالبا الاكشن والاستعراضي هو اللي ينفع مع المؤثرات دي
⁃

17/03/2017

#تجربة /
من خلال البوست ده هشاركم تجربتي اليوم في مول مصر :D

⛔ اولا السينما :
فى كذا نوع سينما موجودين فى المول
⬅ سينما Gold
ودى اللى بيميزها وجود مطعم داخل السينما
يعنى حضرتك ممكن تطلب اكل جوه القاعه وتاكل عادى جدا داخل السينما
فراخ لحوم او سندوتشات زى ماتحب
وفيها كمان كراسى بتتفرد لورا علشان لو تحب تريح
اسعارها حفلات 10 و 1 الظهر ب125 جنيه
حفلات 4 لحد منتصف الليل ب150 جنيه
⬅ سينما 4dx
ودى اللى بيميزها وجود مؤثرات فيها
يعنى لو الفيلم فيه مطر وبحر وتراب
هاتحس بكل دة من خلال اجهزة بترش عليك مياه وجهاز بيطلع دخان
اسعارها حفلات 10 و 1 الظهر ب120 جنيه
حفلات 4 لحد منتصف الليل ب145 جنيه
⬅ سينما max
ودى الشاشه بتاعتها أكبر شاشه فى الشرق الاوسط
فى نوعين صفوف فيها
صفوف عاديه قدام ب90 جنيه
صفوف vip خلف ب100 جنيه
ودى اسعارها الصبح زى باليل
⬅ سينما stander
فى نوعين صفوف فيها
صفوف عاديه قدام ب75 جنيه
صفوف vip خلف ب85 جنيه
⬅ سينما kids
الأسعار 75 جنيه
ودى معموله للاطفال وبيتعرض فيها افلام انمى

⛔ ثانيا سكى مصر
المكان روووووووعه اكنك فعلا سافرت اوربا
كل حاجه اتعملت مظبوط بس لسه البطاريق مش موجودة هاتيجى الشهر اللى جاى
درجه الحرارة 4 تحت الصفر
الاسعار
300 جنيه وهاتستلم ترنج تقيل جدا وجذمه الثلج
330 جنيه تضيف عليهم جوانتى علشان الايد
480 جنيه بالاضافه للحاجات اللى ذكرتها بيسلمك مفتاح خزنه علشان تحط فيه كل حاجتك بالاضافه لو عايز تعمل تزحلاق من أعلى القمه فوق
ومافيش وقت محدد الوقت مفتووووووح اى عدد ساعات براحتك
بس فى حاجه لو خرجت برة اللى سكى ماينفعش تدخله تانى علشان كدة موافرين جوه 2 كافيه بيقدم hot chocolate وبسكويت

⛔ ثالثا منطقه الملاهى
فيها جميع انواع الالعاب الحديثه
وفيها لعبه الجاذبيه ثمنها 20 جنيه
تدخل جواها تترفع فوق الأرض وتلف بيك جامد اكنك طالع رحله للقمر بس فى شرط ان وزن الانسان مايتعداش ال75 كيلو
وفى دور تانى فى منطقه الالعاب الدور دة مخصص لو حد حب يعمل عيد ميلاد او اى مناسبه تانيه

⚠ اخر حاجه مول مصر يعتبر قطعه من اوربا
مكان رووووووووعه وهاتستمع فيه بجد
تجربة : Osos King
حصري لصفحة تجربة

لمعرفه كل تفاصيل مول مصر العنوان - المواعيد - الخدمات - المحلات - خريطة المول علي موقع تجربة / وكمان هتقدر تشارك تجربتك مع المول
https://tgrba.com/malls/Mall_of_Egypt

Address

Cairo
11247

Telephone

01009511896

Website

http://www.Tgrba.com/

Alerts

Be the first to know and let us send you an email when تجربة اماكن posts news and promotions. Your email address will not be used for any other purpose, and you can unsubscribe at any time.

تجربة اماكن