مشروع المرأة الفاضلة

مشروع المرأة الفاضلة مشروع مجتمعي نتاج برنامج "مواطنون فاعلون" يهدف إلى تمك?

مشروع المرأة الفاضلة لتنمية المراة من مختلف الأعمار و الثقافات

نسلط الضوء على المرأة من مختلف الثقافات و الأعمار إيمانا منا بدوروها فى المجتمع و بكونها نواة الأسرة. فالمرأة عبر العصور القديمة تميزت بمشاركتها الفاعلة في شتى المجالات؛ فلعبت دور الشاعرة والملكة والفقيهة والمحاربة والفنانة. وما زالت المرأة حتى العصر الحالي تتعب وتكد في سبيل بناء الأسرة ورعاية البيت و تحقيق أحلامها, و على الرغم من ذ

لك, فهي بؤرة العديد من الظواهر الخاطئة و العادات الظالمة فى مجتماعتنا الشرقية مثل الزواج المبكر, ختان الإناث, زواج القاصرات و الحرمان من التعليم. و من هنا جاء هدفنا كمشروع "المرأة الفاضلة" من تمكين المرأة فى المجتمع المصري و تعزيز تأثيرها كإمرأة واعية, مثقفه و عاملة.

خطتنا:
- إقامة جلسات تووعوية للمرأة حول بعض العادات الخاطئة المتبعة فى مجتمعنا الشرقى (مثل ختان الإناث, الزواج المبكر, و زواج القاصرات) و حول بعد الأمراض (مثل سرطان الثدى , الإيدز و فيرس سي).
- تفعيل مبدارات تعليمية للمرأة فى المناطق الفقيرة مثل عمل فصول محو أمية للفتيات فى هذه المناطق.
- تدريب الفتيات من خلال الورش العمل حول بعض الحرف اليدوية (مثل الخزف, التريكو و الخياطه) لتمكينها كإمرأة عاملة.

شعارنا :
تمكين إمرأة فاضلة فى المجتمع هو خلق لمجتمع فاضل
"إن عقل المرأة إذا ذبل ومات فَقَد ذبل عقل الامة كلها ومات_ توفيق الحكيم"

في أطار سعينا الحثيث لعقد الشراكات و العمل في مجالات جديدة متصله بأهداف مشروع المرأة الفاضلة نعلن عن شراكه جديدة مع مؤسس...
27/01/2018

في أطار سعينا الحثيث لعقد الشراكات و العمل في مجالات جديدة متصله بأهداف مشروع المرأة الفاضلة نعلن عن شراكه جديدة مع مؤسستي اينار مصر و مؤسسه طفرة للتدريب والاستشارات وريادة الأعمال , ونقدم بدايات هذا التعاون بتدريب
طفرة للتدريب وريادة الأعمال Leap l
Fadilia Foundation - مؤسسة فاضليا
Active Citizens – British Council

الايفنت يقدم بدعم كبير من المؤسستين والمشروع وبخصم خاص في حاله استخدام الكود الترويجي الخاص بنا :MF2018
تفاصيل الايفنت :
https://www.facebook.com/events/550831778627751/

18/12/2017

السلام الوطني المصري
فاعليات يوم التطوع العالمي
من ضمن فاعليات اليوم يكرم مشروع المرأة الفاضله

الأثر فقط يبقي التطوع ليس منه ، ولكن هو واجب تجاه مجتمعنا وإنسانيتنا ، بشويه تنظيم نقدر نوفق بين الشغل والدراسه والتطوع ...
17/12/2017

الأثر فقط يبقي
التطوع ليس منه ، ولكن هو واجب تجاه مجتمعنا وإنسانيتنا ، بشويه تنظيم نقدر نوفق بين الشغل والدراسه والتطوع ونخليها أسلوب لحياتنا.
مشروع المرأة الفاضله هو جزء من رساله عالميه للتطوع، بدأنا فكرتنا وبنطورها بشبابنا العظيم ، مجهود سنين وشهور واسابيع بيتلاشي لما بنبدأ نخدم مجتمعنا ونحس بأثر ..
شكرا لكل متطوع شكرا ليكم يا شباب ، المشروع بيكم أنتم..
حسام محمد عبدالستار
مدير البرامج
أحد مؤسسي المشروع

انا كنت في الاول فاهمه إن التطوع تضيع وقت ايام الكليه وفي اخر سنه ليا الفكره دي اتغيرت تماما اكتشفت اني ناقصني حاجات كتي...
13/12/2017

انا كنت في الاول فاهمه إن التطوع تضيع وقت ايام الكليه وفي اخر سنه ليا الفكره دي اتغيرت تماما اكتشفت اني ناقصني حاجات كتيير وان الكليه مش أدتني كل حاجه بدأت فكره التطوع مع رساله حسيت فعلاا اني مش عايشه كدا وخلاص لا انا ليا هدف وأهميه وبقدر اساعد غيري بعدها سمعت عن مشروع المراه الفاضله فكره المشروع عجبتني جداا وكان نفسي اشارك في حاجه زي كدا وفعلاا بقيت فرد من العيله تجربه حلوه اتعلمت ومازلت بتعلم منها حاجات كتيير بجد هيا علتي التانيه شعور حلو اووي لما تحس انك بتساهم في تصحيح عادات ونظره مجتمع لسه عندنا الشغف اننا نوصل لحلمنا ونوصل رسالتنا لمصر كلها.
مستمرييين
التطوع بدايه حياه
حلم المرأه الفاضله بيتحقق



لحد فترة قريبه مكنتش مهتمه بأي حاجة "تطوع" وفكرة انا هستفاد منه ايه اصلا.. بس لما اتطوعت فعلا ولاقيت أن كفايه احساس التط...
13/12/2017

لحد فترة قريبه مكنتش مهتمه بأي حاجة "تطوع" وفكرة انا هستفاد منه ايه اصلا.. بس لما اتطوعت فعلا ولاقيت أن كفايه احساس التطوع نفسه بجميع أشكاله وان انت بتغير حاجة فعلا ف حياة ناس ممكن تكون متعرفهمش ولا هتشوفهم تاني عرفت ان التطوع ده حتى لو حاجة بسيطة بيحسسك اد ايه انت مهم وليك دور 💙



حضرت يعني ايه ختان ومشاكله الاجتماعية والنفسيه الواقعه علي البنت حسيت اكثر وعن قرب بمدي معاناة البنت اللي بتجبر علي الز...
12/12/2017

حضرت يعني ايه ختان ومشاكله الاجتماعية والنفسيه الواقعه علي البنت حسيت اكثر وعن قرب بمدي معاناة البنت اللي بتجبر علي الزواج المبكر واللي بيسببه لها من مشكلات وتحطم نفسية البنت المختونه وانها بتفضل فاكره دا ودائما دائما لازم ندعم كل بنت بيقع عليها الظلم والقهر بالشكل .
اللي غير في دة هو التطوع
منارحسين عبدالحليم محمد

لمدة تلت سنين توقفت عن العمل التطوعي علشان حسّيت إن كل اللي بنعمله ما بيأثرش و إن مجهودنا التطوعي بيضيع وسط مشاكل البلد ...
11/12/2017

لمدة تلت سنين توقفت عن العمل التطوعي علشان حسّيت إن كل اللي بنعمله ما بيأثرش و إن مجهودنا التطوعي بيضيع وسط مشاكل البلد الكتير.

بس مره كنت بزور مكان إتطوعت فيه بالصدفة، لقيت البنات اللي كنت بتطوع معاهم لِسه فاكرني و إن كلامي معاهم لِسَّه تأثيره موجود..
أيقنت وقتها إن يكفيني من التطوع إني أكون سبب في تغير حياة إنسان واحد ممكن يكون سبب في تغيير العالم.
ما تبطلوش تطوع علشان العالم هيبقي وحش جدا من غيركم❤




«اتمني لو كل امرأه تستفيد من هذه المشروع يساعدها ويسعدها بشكل مباشر أو غير مباشر..و يساهم في أنها تكون امرأه فاضله💜 »
10/12/2017

«اتمني لو كل امرأه تستفيد من هذه المشروع
يساعدها ويسعدها بشكل مباشر أو غير مباشر..و يساهم في أنها تكون امرأه فاضله💜 »

حكايتى مع التطوع عموما انا مكنتش مقتنع اصلا بحاجه اسمها تطوع و كنت شايفه انه تضييع وقت بس انا كنت غلطان عشان كنت بحكم عل...
10/12/2017

حكايتى مع التطوع عموما انا مكنتش مقتنع اصلا بحاجه اسمها تطوع و كنت شايفه انه تضييع وقت بس انا كنت غلطان عشان كنت بحكم عليه من غير ما اجرب ... أول مره تطوعت كنت مع مجموعه شباب نساعد الأطفال فى أماكن معينة قد ايه وقتها عرفت و فهمت ان فيه ناس محتاجه لكل حاجه بتقدمها من معلومة أو خدمه و قد ايه ده بياثر فيك و شخصيتك عشان بيحسسك أن انت مسئول و عندك رساله لازم توصلها للناس ... و ده طبعا للى قررت اعمله مع مشروع المرأه الفاضلة و انى أوصل رسالتهم لناس محتاجين فعلا لكل معلومه بتتقدملهم لمجرد انهم معندهمش المصدر الصح للمعلومة و قدرت أفهم من خلال المشروع أن فعلا مافيش ناس جاهلة أو ناس مش عاوزة تسمع بس فيه ناس مش عارفين يسمعوا مين أو يصدقوا مين

مهند خطاب

التطوع بيغير فيك اكتر مانت بتغير اللي حواليك، كونك بتساعد وشايف أنك بتغير أو بتقدم رسالة بتخليك مسئول أن الرسالة دي تكمل...
09/12/2017

التطوع بيغير فيك اكتر مانت بتغير اللي حواليك، كونك بتساعد وشايف أنك بتغير أو بتقدم رسالة بتخليك مسئول أن الرسالة دي تكمل وتبقى ف أحسن صورة،" مشروع المرأة الفاضلة" بيخلينا دايما مسئوليين اننا نهتم بعنصر مهم ف المجتمع وهو "المرأة" ف الموضوعات والقضايا اللي تساعدها وتغيرها للأحسن..
استفدت كتير من سواء أفكار، معلومات كانو بس ساعدونا احنا كمان كجزء من الكيان دا ، شغف وحماس الناس للي بيقدموه كان مهم جداً أن المشروع يحقق أهدافه.
هدير أشرف

أعتقد دوماً أنّ التطوّع هو من مَتن العطاء ، حين يكون الأمر يتطلب جهدك ووقتك الذي هو من عمرك فتبذل في ذلك ممّا في وسعك بس...
09/12/2017

أعتقد دوماً أنّ التطوّع هو من مَتن العطاء ، حين يكون الأمر يتطلب جهدك ووقتك الذي هو من عمرك فتبذل في ذلك ممّا في وسعك بسعادة ورضا .
مشروع ( ) الفكرة التي عاصرتها جنيناً ومن خضام المشاركة والتطوّع وُلدت الفكرة كاملة فرأيت الأمر ويكأن هذا طفلٌ لي ينمو وكُلما إزداد تقدُّما ونُضجاً زادني شرفاً .
لرُبما لم تسع الفرصة أن أُشرف على الفكرة بشكلٍ يليق بها لكن كان فخري الدائم هو أنّ الأمر لم يقتصر على إيماني الشخصي بها بل إنّ الفكرة صارت بالقوة التي تدفعها وحدها للأمام غير مرتكزة على أشخاص أو مرتكزة على وجودي بشكلٍ كامل .
أظن أن عزائي في عدم المشاركة الكاملة هو كون الأمر يسير بإيمان الفكرة وقوّتها .
شكراً لكُل القائمين على هذا المشروع .. شكراً لكُلِ مَن يُعطي من فِكره وعُمرْه .
- هناء سيد جبر
* أحد مؤسسي مشروع المرأة الفاضلة


02/12/2017

تم إرسال إيميلات القبول للسادة المتقدمين ، رجاء مراجعه إيميلاتكم الشخصيه .

Address

Office No. 411, 4th Floor, The Greek Campus, American University In Building No. 171 EL Tahrir Street, Off El Tahrir Square Governorate
Cairo

Website

Alerts

Be the first to know and let us send you an email when مشروع المرأة الفاضلة posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to مشروع المرأة الفاضلة:

Shortcuts

Share