My name is Kira ✨
Tour Guide (English)🥰
Unsterblich zu sein bedeutet, eine Idee zu werden, denn Ideen vergehen nicht🤙
01/06/2026
Salah El-Din citadel 💙
28/04/2026
القاهرة المعزية هو مزيج بساطة الشعب المصري مع روعة البنيان و العمارة الاسلامية، مفتون بجمال القاهرة بجد ❤️
08/03/2026
اجابة سؤال امبارح
غزوة حنين فى قول الله تعالى فى سورة التوبة: {لَقَدْ نَصَرَكُمُ اللَّهُ فِي مَوَاطِنَ كَثِيرَةٍ ۙ وَيَوْمَ حُنَيْنٍ ۙ إِذْ أَعْجَبَتْكُمْ كَثْرَتُكُمْ فَلَمْ تُغْنِ عَنكُمْ شَيْئًا وَضَاقَتْ عَلَيْكُمُ الْأَرْضُ بِمَا رَحُبَتْ ثُمَّ وَلَّيْتُم مُّدْبِرِينَ}
سؤال النهاردة ما الذي طلبه سيدنا عيسي من الله لتطمئن به قلوب الذين آمنوا؟
07/03/2026
اجابة سؤال امبارح كانت مجمع البحرين
الآية هي: {وَإِذْ قَالَ مُوسَىٰ لِفَتَاهُ لَا أَبْرَحُ حَتَّىٰ أَبْلُغَ مَجْمَعَ الْبَحْرَيْنِ أَوْ أَمْضِيَ حُقُبًا} [الكهف: 60]
سؤال النهاردة ايه هي الغزوة اللي ظن المسلمين انهم فائزين وغرتهم عددهم الكبير ؟
06/03/2026
اجابة سؤال امبارح،
الثلاثة المخلفين من غزوة تبوك هم كعب بن مالك و مرارة بن الربيع وهلال بن أمية رضي الله عنهم
{وَعَلَى الثَّلَاثَةِ الَّذِينَ خُلِّفُوا حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا ۚ إِنَّ اللَّهَ هُوَ التَّوَّابُ الرَّحِيمُ} [التوبة: 118]
سؤال النهاردة ماذا كان يريد سيدنا موسي بلوغه هو وفتاه؟ واذكر الاية الكريمة
05/03/2026
زي م وعدنا ان النهاردة ان شاء الله هنبدأ المسابقة، شروط المسابقة ان السؤال هيكون ليه اجابتين زي مثلا ايه هي الغزوة التي انتصر بها الرسول ﷺ بدون حرب وكم عامها ؟ هنقول انها فتح مكة وكانت عام ٨ هجريا، نظام اختيار الفايزين هيبقي اول ٤ اجابات صحيحة وان شاء الصدقات هتشمل كل المجاوبين في ال١٥ سؤال اللي هينزلوا بإذن الله.
السؤال الاول ما اسم الثلاثه المخلفين من غزوة تبوك مع ذكر الآيه التي حكم الله بها عليهم؟
04/03/2026
*14 رمضان _ الفوازير الرمضانية*
حكاية فوازير رمضان، لم تكن فوازير رمضان في البداية تلفزيونية، بل كانت فقرة في برنامج إذاعي للإذاعية الكبيرة آمال فهمي، تعتمد على استضافة نجوم (مثل أم كلثوم) وقراءة سطور ليتعرف الجمهور على الصوت.
الانتقال للتلفزيون (1961 - 1967): انتقلت إلى الشاشة كفوازير للأمثال ("على رأي المثل")، ثم بدأت الانطلاقة الحقيقية مع ثلاثي أضواء المسرح (سمير غانم، جورج سيدهم، الضيف أحمد) في الستينيات.
وبعدها عصر العمالقة (نيللي وشريهان): شهدت السبعينيات والثمانينيات طفرة بتقديم نيللي لفوازير غنائية واستعراضية (مثل "صورة و30 فزورة")، تلاها إبداع شريهان في "ألف ليلة وليلة" و"حاجات ومحتاجات".
فطوطة وعمو فؤاد: برز الفنان سمير غانم بشخصية "فطوطة" الشهيرة عام 1982، بينما قدم الفنان فؤاد المهندس فوازير "عمو فؤاد" للأطفال.
الفوازير دايما كانت جزء من طفولتنا وحياتنا وعشان دي حاجة بنتميز بيها فأنا هنعمل مسابقة دينية هيبقي فيها ٤ فايزين هيطلع عنهم صدقات بإذن الله فاتابعوا معانا الفوازير❤️
04/03/2026
*13 رمضان _ لمتنا بتكمل بمشاريبنا*
تكملة لمشاريب رمضان معانا النهاردة ملك المشروبات الرمضانية وهو السوبيا بدايته كانت في أواخر الدولة الأيوبية وبداية عصر المماليك يعني من ٨٠٠ سنة تقريبا والسبب في ظهوره ان الوضع الاقتصادي وقتها كان ضعيف وبيت المال مكنش بيكفي الفقرا والمحتاجين لدرجة ان حصة الفرد في الدقيق كانت بتنقص وبيزودوا من السمنة والسكر والرز، وقتها الهند كانت بتدعم الدولة بجوز الهند والتوابل ومن هنا جت فكرة المشروب من المكونات اللي موجودة الدقيق وجوز الهند والسكر والمايه، في البداية كان مشروب الاغنياء بس بعد كدة بقى لكل الناس ولحد النهاردة الناس بتحبه وبتشربه في مصر مكوناته زودوا عليها عن زمان مع المايه وجوز الهند اللبن والفانيليا، ولما انتشرت السوبيا ووصلت البلاد العربية زي الحجاز في جدة ومكة والمدينة المنورة ضافوا ليها لمستهم العربية وعملوها من الشعير ومن الخبز المجفف أو الشوفان وضافوا عليها السكر وحب الهيل والقرفة والزبيب وبعد ما بيجمعوا المكونات بيخلطوها بمقادير قد بعضها وبتتقدم للصايمين❤️
02/03/2026
*12رمضان_ رمضان بيحب اللمة*
بعيدا عن محتوي البيدج التاريخي، فا رمضان و المشي ليلا في حواري القاهرة التي يملأها حالة من البهجة و الطمأنينة وتحمل في طياتها السعادة بقدوم ااشهر الكريم ولا يتكلف الناس بأفعالهم وصحبة تري راحتك النفسية بجوارهم متعة لا يعرفها عاشقين التزاحم والضوضاء وبعيدا كل البعد عن كل هذا فالقاهرة هي المدينه التي لا تقبل بالبوح عن اسرارها الا لشخص منها ولن يعرف احدنا حلاوتها الا بالبحث عن ذاتها.
جرب كدا تجمع صحابك او عيلتك او ناس انت بتحبهم وتروح تفطر في مكان يملؤه الحياة في كل مكان ، محظوظ من عاش حياته كلها بالقاهرة الفاطمية❤️
01/03/2026
*11رمضان_يا عرقسوس شفا وخمير*
زي م اتكلمنا عن حلويات مهمة في شهر رمضان عمرنا م ننسي المشروبات و اللي الصراحة هتبقي معانا بشكل منفصل لان كل مشروب ليه قصة وحكاية ويستاهل يبقي ليه يوم لوحدوا حرفيا ونروح لملك المشروبات الرمضانية اللي لازم يبقي موجود علي اي سفرة وقت الفطار نروح للعرقسوس. العرقسوس لغويا كلمة متكونه من مقطعين عرق = جذر و سوس = متأصل وتاريخها يرجع لعصر قدماء المصريين وبدليل ان جذور العرقسوس اتلقت في مقبرة توت عنخ امون سنه ١٩٢٢م وكان بيتم استخدام الجذور العرقسوس كدواء لأمراض الكبد و الامعاء وكتب ابن سينا عن العرقسوس: (إن عصارته تنفع فى الجروح، وهو يلين قصبة الرئة وينقيها، وينفع الرئة والحلق، وينقى الصوت، ويسكن العطش، وينفع فى التهاب المعدة والأمعاء)، وفي الوقت الفاطمي العرقسوس انتشر بين طوائف الشعب كلهم وبقت فيه مهنة لبائع العرقسوس من الوقت دا لحد يومنا هذا، العرقسوس ايوة طعموا فيه مرارة شوية بس من يتذوق المرارة دي يجد حلاوة العرقسوس❤️
Address
Al Abageyah, Qesm Al Khalifah، Cairo Governorate, Egypt
Be the first to know and let us send you an email when Egypt With Kira posts news and promotions. Your email address will not be used for any other purpose, and you can unsubscribe at any time.
