25/07/2026
🔵
الفرق بين مخرجين عظماء زي عاطف الطيب و سمير سيف
و مخرج علي ما تفرج زي محمد سامي كبييييير اوي
عاطف الطيب و سمير سيف كان البطل بتاع الفيلم هو الفكرة مش الممثلين
يعني مثلا سواق الاتوبيس عاطف الطيب كان بطل الحدوتة هي الورشة " مصر " و الفكرة اللي عايز يروج لها ان مش هينقذها من البيع غير فريقين فريق بيمثل العلم " صفاء السبع و زوجها " و شخص مخلص عارف قيمتها ومش لازم يكون بيه بكرافتة ده شخص بسيط و عادي و شبه كل الناس لدرجة انه اختار مهنته سواق اتوبيس " و فيها رمزية القيادة .. اللي معاه الدريكسيون " .. حتي في مشهد النهاية العظيم عاطف الطيب اختار المكان امام مجمع التحرير " رمز الدولة " و القائد دوره انه يمسك الحرامي و يقتص منه للضحية " مشهد ااه يا ولاد الكلللللب .. اعظم مشاهد عاطف الطيب 👏🏻 "
سمير سيف لما قدم الراقصة و السياسي
كان بردو البطولة المطلقة هو الفكرة ... ايهما انفع للبوليتاريا السياسي الفاسد اللي وصل للوزارة عن طريق القوادة و القرون و سرقة الالف جنيه من الرقاصة " انا اعرف حد اختلس 13 مليون جنيه في 2017 و بقا وزيرة عااادي 🤷🏻♀️🤷🏻♀️ " ف النموذج بالفعل موجود
او رقاصة مكملتش تعليمها لكنها عايزة تقدم خير بلا مقابل غير مقابل معنوي
البوليتاريا هنا ممكن يلتفوا حوالين مين 🤔
و تجلت الفكرة في الحوار الغير واقعي اللي طفحناه الحقيقة احنا گ مصريين من من سنة 79 و اللي قاله عبد الحميد بيه للمذيعة فاطمة فؤاد 👈🏻 المواطن هو من يتحمل العبء الاكبر من الاصلاح و احب اشكر المواطن علي تحمله و صبره ونأمل لمزيد من التقدم الديباجة الحمضانة دي 😒
و حوار الراقصة للسياسي .. لما سألته ليه انا عاصية و انت شريف 👈🏻 هو انا في الانتخابات وعدت الناس بمستقبل مشرق و جه بكرة مطلعلوش شمس
سمير سيف اختصر معاناة المصريين من زمان وعرض مستمر بقا في الفارق بين الوعود الكاذبة و الواقع
و ان هو ده مقياس الفساد
مش الرقص لوحده هو الفساد .. السياسة كمان لو العامة معرفوش يحققوا منها مكاسب تتحول الي فساد 👌🏻
لما نيجي بقا لمحمد سامي
هنلاقيه بيعتمد علي فكرة خلق الصراع بين جناحين الاتنين اوسخ من بعض
تتعاطف مع رقاصة منحلة و لا مع تاجر مخدرات
تتعاطف مع تاجر اثار لسه متسجنش و لا تاجر مخدرات رد سجون
تتعاطف مع نصاب نرجسي و لا مع زوجة نسيت انها متجوزة و دخلت في علاقة حب
الصراع بين القذارة
و عشان دي سلعة فاسدة .. بيقدم الملابس المثيرة و الالفاظ القبيحة و الاضاءة المختلفة و ال AI
انما المحصلة طبق خبيزة عليه كريم شانتيه 🤷🏻♀️🤷🏻♀️
📌 ليه الطيب و سمير سيف قدموا بطولة للفكرة و سامي قدم البطولة للقرون الالماظ
السبب بسيط 👈🏻 الطيب و سمير سيف اصحاب قضية .. مؤمنين بفكرة ان الفن رسالة و انك تقدر تساعد مجتمع بالفن
بيقدموا السيناريو اللي مقتنعين بيه
سامي المسألة كلها سبوبة و اجندة .. بيجيلوا التعليمات في فكرة قذرة يشربها للمجتمع و هو بيصيغها في شكل مسلسل 🤷🏻♀️🤷🏻♀️
عشان دايما تفضل گ متلقي المقارنات اللي في عقلك الباطن بين القذر و الاقذر 👌🏻👌🏻
ده كده مقدمة .. نخووووش في الموضوع بقا 😂
🔘 المناخ السياسي الفاسد لا يخلق معارضة
ده البشمهندس چان چاك روسو اللي بيقول مش انا
اومال بيخلق ايه يا حج روسو
قال 👈🏻 يخلق حالة من السراب متمثلة في صراع مختلق ابطال ذلك الصراع فئة منبوذة 👌🏻
چان چاك روسو من اعظم مفكري الثورة الفرنسية بالرغم انه مات قبلها ب 11 سنة .. لكن افكاره كانت مشعل نور لها
و كتابه العقد الاجتماعي من اعظم الموروثات الادبية السياسية
" هنذاكره مع بعض الاسبوع الجي و همتحنكم فيه و اللي هيجيب ملحق هو حر 🙄 "
🔸نطبق بقا كلام الراجل الطيب ده علي واقعنا
الاخوان مش معارضة
لأن كل الفئات المجتمعية علي خلاف مع الاخوان لدرجة العداوة .. و هما نفسهم انكشفوا للناس
و تم حلبهم گ فزاعة
اوعي الاخوان .. حاسب الاخوان .. متتكلمش احسن تبقا اخوان .. متعترضش عشان هيقولوا عليك اخوان .. احنا بندفع تمن اننا نجينا مصر من الاخوان
خلاااص يعني اتحلبوا حرفيا
و بدأ الناس تسأل .. طب لما هما سبب كل اللي احنا فيه :
▪ معدمتش اللي في السجون ليه
▪مجبتش يحيي موسي ليه .. ما انت جبت محمود فتحي
▪سايبنهم في وظايفهم في الجامعات و المجالس المحلية و النقابات ليييييه
▪الناس اللي اتقبض عليها في احداث الشغب و العنف بعد فض رابعة دخلوا المعتقلات و طلعوا منها بعد سنة و لا اتنين علي وظايفهم ليييييه
و مفيش اجابات طبعا
او الاجابة الساذجة 👈🏻 اصل دي سياسة عليا 🙄
♦هل انا بقا عندي معارضة في البلد اصلا 🤔
لأ طبعا
لان استحقاقاتها السياسية قامت علي فيزيتا من 70 ل 100 مليون جنيه تيكيت عضوية البرلمان
استحقاقات فاسدة يا فندم 🤷🏻♀️🤷🏻♀️
و اصلا هل اللي معظمهم جهلة دول عارفين يعني ايه معارضة او ايه تصنيفاتها 🤔
" عليا النعمة اللي بيصنفوا نفسهم سياسيين ما يعرفوا ان المعارضة تصنيفات و كلهم نفس قطعية نواب برلمان فيلم الجردل و الكنكة بتاع عادل امام 😒"
المعارضة يا عزيزي تصنيفات :
▪المعارضة الانتقادية
المصطلح ده سياسيا معناه الناس اللي هما خلق ليعترض
مفيش حاجة عجباه
لأه .. لأه .. لأه علي طول الخط
▪المعارضة الثورية
و مش لازم ثورية يعني يلا نعمل ثورة
المقصود بيها الحدة في الرفض و عدم قبول الحلول الوسطي
▪المعارضة المنضبطة
و دول الناس اللي خلافهم مش مع اشخاص انما مع اجراءات
يعني هو مش رافض للحاكم .. هو رافض لقرارات الحاكم
رئيس الوزرا مش جوز امه اللي بيكرهه .. لكن هو ضد فشل رئيس الوزرا
▪المعارضة المسعرة
يعني اللي لها سعر " مرتزقة يعني " و بتشتغل للي يدفع و ميهماش مصلحة وطن و لا شعب
هي بتصفي حسابات شخصية
المفروض ان التصنيفات دي بتكون في شكل جماعات
لكن المناخ السياسي الفاسد مبيوحدش ابدا صفوف المعارضة
لأنه بيخلط الحابل بالنابل
المناخ السياسي السليم بيكون فيه شريحتين فقط
المعارضة الثورية و المنضبطة
و دول اللي بيخلقوا جهة تحاسب الحكومة ... و تداول السلطة بيخلي المعارضة يوما ما اغلبية و الاغلبية معارضة و الجميع يعمل لمصلحة الوطن 👌🏻👌🏻
🔹 في ظل حلب فزاعة الاخوان بقا و الخوف من ظهور معارضة منضبطة
المخرج العبيط يتكلف ب ايه 👈🏻 صناعة معارضة منفرة
زي ما قال چان چاك روسو : صراع بين المنبوذين
ف نجيبوا واحدة الله اعلم بيها
نديها سيناريو لكلام مطاريد الاخوان
و نقولها سيري يا نورماندي تووو
ويطلع بقا تريند سيدة الساحل
تفكير المخرج العبيط انه هيحقق مكاسب ايه :
▪شايفييين ادي المعارضين يا اخوان يا هايدي زيدان
اللعب علي النبذ المجتمعي
كده كده المجتمع نابذ الاخوان و كاره سلسفيلهم
و ده مجتمع له اهواءه بردو
ف هينفر من الست اللي مطلعة صدرها كله من البرا .. و النبي ياحجة البطيختين اللي مصدراهم دول جابولي ضيق تنفس و انا بتغرج كانوا خابطين في منخيري 😏😏
▪تسول التعاطف و ابتزاز المشاعر
شايفين الالفاظ
شايفين سب الدين و الخوض في الاعراض
هاااا عايزين تعترضوا و تبقوا زي معتز مطر و لا زي هايدي زيدان
يا بني عشان تبقا وطني لازم تبقا احمد موسي و نشأت الديهي
▪معارضة اهي و حرية و قاعدة في الساحل بتعبر عن رأيها
" ده مش رأي سياسي يا باشا .. زي شر.....شحة 😎 "
سذاجة و عبط و تصرفات غير مسئولة
مبدئيا كده :
▪سيدة المجتمع مبتعملش فيديوهات بالمايوه البكيني .. لان سيدات المجتمع بتفهم في الاتيكيت و توقيتات الملابس
اللي بتعمل فيديوهات يشوفها ملايين بالبكيني ..دي بتفرجنا علي الكرنبتين بهدف التشتيت الذهني
▪سيدة المجتمع مش بتولع السيجارة زي الاسطي شفتورة ابو حنكورة السمكري
هو الباشا المخرج متفرجش علي فاتن حمامة و لا مديحة يسري قبل كده " شوية تفاصيل كده بس بتبوظ العمل السينمائي و الله 🤷🏻♀️"
▪نصرف شوية و نجيب دهب حقيقي .. و بعد ما نقول فيررركش الشمس راحت مننا
نبقوا نخدوه منها
انما جنزير علي علوكة سواق التوكتوك ده .. بلدي اوووي يا حسين 😎
و مين اصلا سيدة المجتمع اللي هتلبس الطبقات دي من الدهب .. دي الزوجة التانية لجزار بتكيد ضرتها 😂
▪الالفاظ و سب الدين و الخوض في اعراض النساء و التشهير الاخلاقي بالنساء
للاسف ده اسلوب لجانكم انتوا
المعارضة المنضبطة دايما بتطالب النقاش بالحجة و الادلة
انما الشرشحة معروف مين اللي بيستخدمها 🤷🏻♀️🤷🏻♀️
يعني 5 و لا 6 فيديوهات لسيدة البطيخ العاري
* منقاشتيش قضية اللاجئين و تغيير التركيبة الديموغرافية للمصريين
* مجبتيش سيرة المعاشات و ذل اصحاب المعاشات
* مهاجمتيش الحكومة عشان العدادات الكودية اللي فشخت الناس
* فين نضال الكرنبتين و الشفاتير اللي منقوعين في الفيلر من ازمة رغيف العيش
بس كل الالفاظ و التجريح الغرض منه تسول المشاعر ليس الا
و عارفين ان الاخوان هيلقفوها و يزيطوا وراها 👌🏻
لكن الحقيقة لقطتها من اول مشهد و قعدت اضحك
نفس السيستم بتاع نيرمين عادل
طب نتعلم بقا
نيرمين خلعت علي كندا لجوء و لقطتها ال MI 6 و شغلها في الشرشحة مقابل شمة كوكايين
و عشان تسكتوها روحتوا جبتوا الشمامة التانية بتاعت مصر الجديدة و مقدرتش عليها عشان ملطوطة روووخرة
ف محدش لم نيرمين وخرسها الا المحترمين اللي طول عمرهم بيساندوا الدولة
نسكتوا بقا
ابداااا .. نجيب ريكلام و تتقيف و تتنجر و خد يا عم المعارضة اهي و بتشتم و بتسب الدين و براحة راحتها و محدش هيجي ناحيتها " غطا حلة الضغط 😎 "
مين قال ان في مخلوق محترم في البلد دي سواء داعم للاجراءات علي طول الخط وبيهز دماغه .. و لا رافض و بينتقد و بيهاجم
هيقبل الخوض في السيدة انتصار السيسي و لا في الابنة
قبل ما تكون زوجة الرئيس و بنته ف هما نساء مصريات .. لاااا نقبل الخوض فيهم
" احنا عارفين طبعا الخوض في الاعراض ده مين بيلجأ له 🤷🏻♀️"
بس يا غبي ده مش تفريغ
ده فتح مجال للتجرؤ علي السيدة الاولي المحترمة
مين قال ان في معارض شريف ممكن يقبل سب الرئيس
ايه السفالة و الجنان ده
لكنه فعل خارج من جاهل اتولد و اتربي في الجهل السياسي .. ميعرفش ايه الفرق بين المعارضة و الشر....شحة 😒😒
وطبعا المشهد اللي جي
نهار داخلي خارجي : سيديهاتك عندي يا بنت ال..... و ال...... و تييييييت
و زوبيح بوستات : الدكر يرد علي هايدي زيدان و يفحمها
شاهد قبل الحذف
فضيحة فانتوش الفاشيا و سيدة الساحل
مع شوية بهارات من المصطلحات الوطنية
و بوستات و فيديوهات رايحة و جاية و سكريبت دوار
اتمني من وزارة الداخلية المحترمة بسرعة إلقاء القبض علي الريكيلام دي
بتهمة سب و قذف اعراض سيدتين مصريتين " السيدة الفاضلة المحترمة الام المصرية انتصار عامر زوجة الرئيس و السيدة اية السيسي كريمته
و دي تهمة تسجنها 3 سنين مرتاح
و يا ريت اللي شبكنا يخلصنا
و تتلم الليلة و متتكررش تاني عشان عيب و ميصحش
اسرة الرئيس و حرمة بيته مش مادة تلاعب و لا ابتزاز يا مهزئين
عزيزي المخرج الفاشل/ تحية طيبة و بعد
ابقا روح زيارة لقبر صفوت الشريف
و حضر عفريته
و قوله هي بتتعمل ازاي
بس علي الله العفريت ميتفش عليك و يقولك بوظت الشغلانة يا جحش 😏😏
ابقوا استنضفوا العصافير عشان تسلكوا اللي جي .... انما توصل لدرجة الريكلام
و رحلة كفاح من السراير للمعارضة
أمك كان قائد طابية .. يااااااي تبقا مش من مستوايا 😎😎
كتبته
دكتورة چيلان قاسم
