الحملة العالمية امسك فلول المصريين بالخارج

ناس ..مسكو فى رقاب العباد 30 سنه .. ما سابوش ايديهم غير وهى طالعه بلحمنا ودمنا
شهدا وناس ماتت فى معتقلات .. وناس ماتت من الجوع والامراض اللى ملو البلد بيها .. وناس انتحرت من الاكتئاب
واحوال اقتصاديه زفت .. واحوال سياسيه نيله ..
كل ده وعاوزين يرجعو تانى ؟؟؟؟
يعملو ايه .؟؟ يرجعولنا خوفنا تانى ؟
كفايه بقى .. زهقنا ..

عشان كده عملنا الحملة العالمية امسك فلول المصريين بالخارج

تطبيق سهل وبسيط و قاعده بيانات عريضه .. تقدر انت تملاها بالبيانات بتاعت الفلول اللى تعرفها
تعرف حد من الفلول فى البلد إلي إنت عايش فيها .. عارف ومتاكد انه لو مارس العمل السياسى هيفسده
وعارف ومتاكد انه بيحب دور البطولة بس وإنه يتكلم بإسم المصرين في البلد إلي إنت عايش فيها أو بيحب السلطة أو عايز يستغل المصريين في إنه يوصل لأي مكان يقدر يجيب منه مصالح بس لنفسه أو عشان ياخد صورة جب سعادة الوزير أو السفير أو الغفير
واحد انت متاكد انه بتاع مصلحته هو وبس !!
يبقى تدخل اسمه ..

وتقدر لو تعرف حد من الفلول اللى موجودين فى القائمه وتعرف عنه مقال مثلا يثبت الصفه دى عليه .. حطه فى تعليق
واعمل لايك لان كل ما الفل بياخد عدد تعليقات اكتر .. كل ما هيزيد تاكيد الناس لانه فعلا منتمى للفئه دى من النااس

بس لازم نراعى حاجه

راعى ربنا وانت بتسجل .. مش تكون متضايق من واحد تدخل وتسجل اسمه لان هيتم عمل تصويت عليهم .. و تاكيد المصريين بالخارج دى اذا كانو ا دول فلول بجد او لا
وبدعوكم لدخول الصفحه.. ومشاركتنا بالفلول اللى تعرفوها ومش موجوده .. وتعليقاتكم على اللى موجودين
شارككونا بايجابيه .. عايزين نبنى بلدنا صح بقى
بدون اى بقايا ولا فلول

لو حقيقي بتحب مصر .. دلوقتي تقدر تبحث و تشارك معلوماتك عن فلول الحزب الوطني في كل شبر خارج مصر.. إدخل جرب .. إبحث .. تابع .. إقفش .. سَجِّلْ فلول الحزب الوطني و ساهم في حماية مصر من فسادهم تاني