Mostafa Nageh

14/07/2026

13/07/2026

بقالي يوم ومن ساعة ما شوفت فيديو حريق العمرانية وأنا مش قادر أتخطاه.

مش قادر أتخطى استنجاد الأهالي بالناس، شوفت مناظر مرعبة، تخيلت الناس دي كانت حاسه بايه قبل ما تفارق الحياه.

عشان كدا بعد إذنك الحاجات اللي هقولك عليها دي لازم تكون في بيتك ولا غنى عنها، وأهم بكتير أوى من النيش وال ٢٠٠ فوطة وال ٥٠٠ معلقة…الخ.

1. طفاية حريق من ٦ لـ ١٠ كيلو، ولازم تكون في مكان واضح وسهل الوصول ليه، واتفرج على فيديو تشوف طريقة استخدامها.

2. بطانية إطفاء حرائق، وخليها دايما جمب المطبخ، ودي وظيفتها انها بتخمد النار لو اتحطت فوقها مباشرة عكس البطانية العادية.

3. حساس دخان، ودا مهم جدا عشان لو حصل لاقدر الله حاجه وانت نايم تديك تنبيه وتصحيك ويبقى عندك وقت تتصرف.

4. حساس الغاز، ودا عشان لو حصل لاقدر الله أي تسريب في الغاز الحساس دا هيلقطه ويديلك تنبيه ان فيه تسريب.

5. حاول لو انت ساكن في دور عالي تجيب سلم مصنوع من الخشب والحبال عشان تستخدمه في حالات الطواريء وخليه جمب البلكونة.

إحنا بنعيش موجات حرارة غير مسبوقة، ودا بيزود إحتمالية حدوث الحرائق.

الموضوع مش رفاهية دي أولوية إبدأ فيها من دلوقتي، الموضوع أمان ليك ولأهلك.

ربنا يحفظ الجميع، ويرحم كل من فقدناه، ويحفظ بيوتنا من كل سوء

09/07/2026

في أكتوبر 2015… مرتب 5000 جنيه كان يساوي 641 دولار.

وفي 2026… مرتب 20,000 جنيه بقى يساوي حوالي 380 دولار بس.

فـ يا صديقي…
أنت لا مقصّر، ولا بطيء، ولا فاشل.

إنت ضحية ظروف أكبر منك… خارجة عن إرادتك تمامًا.

فالرزق بيد الله، والفرج يأتي من حيث لا نحتسب.

09/07/2026

لو مش متابع اللي بيحصل.. شوف مصر بتعملها ازاي ‼️

= مصر خسرت ظلم، والمنتخب راجع النهاردة من أمريكا، بس اللي بيحصل من المصريين لحد دي الوقت لا يمكن يحصل من شعب غير الشعب المصري.. لا يمكن يكون بقوة وجبروت شعب غير الشعب المصري.

⛔️ أقولك حصل إيه بيحصل إيه:

المصريين قربوا يقفلوا صفحة الاتحاد الدولي لكرة القدم بمعدل قرّب من ٦٠٠ ألف بلاغ عن الصفحة.. و٧٠٠ ألف أغضبني.. وحملة منظمة وغير مسبوقة في تاريخ الفيفا بتعليقات كفيلة تقفل مقر الفيفا نفسه مش صفحته بس.

المصريين عملوا بقى ما هو أكبر من كدة.. جابوا الحساب الشخصي للحكم الفاسد بتاع ماتش مصر مع الأرجنتين.. ومسحوا بكرامة أهله الأرض بكل لغات العالم.. فالحكم اضطر يقفل الحساب خالص.. وراح عمل حساب جديد.. جابوا الحساب الجديد بتاعه وخلوه عايش في جحيم.. راح قافل الحساب التاني واختفى تماما من على جميع وسائل التواصل الاجتماعي.

هل سكتوا على كدة؟!.. ده فضلوا يبحثوا ويبحثوا لحد ما جابوا رقم تليفونه الشخصي في فرنسا من موقع linked in.. وعملوا له تعميم بصورته.. ورسايل دولية بشكل لا يمكن تخيله.. ودي الوقت بيبحثوا عن عنوان سكنه علشان يبلغوا بيه المصريين المقيمين في فرنسا علشان يوصلوا لمقر السكن ويندم ندم عمره على اليوم اللي جامل فيه الأرجنتين ضد مصر.

ممكن تشوف ده عادي وممكن تشوف ده ولا له أي تلاتين لازمة طالما مصر خرجت من البطولة واللي حصل حصل.. بس اللي بيحصل ده لا هو عادي ولا قليل.. بالعكس له قيمة وقيمة كبيرة.. لأن كل اللي بحكيه لحضرتك ده مرصود من وكالات أنباء ووسائل إعلام دولية.. ومرصود من الفيفا وهيئة التحكيم في الاتحاد الدولي لكرة القدم وجميع الحسابات الدولية للأندية والمنتخبات العالمية الكبرى.. عرفت قيمة اللي بيحصل.

اللي بيحصل بيوصل رسايل لازم توصل للعالم كله: احنا لا شعب ضعيف ولا بياخد على قفاه ولا بيقبل حد يجي عليه ولا حد هيعرف يعمل معاه الغلط وكأنه معملش حاجة ولا حد يفكر إنك قليل الحيلة وبيقبل بالأمر الواقع أو إنك قليل فعادي الكبير ياخد حقك وانت تاخد الفتات.

صحيح المصريين معروفين في العالم إنهم شعب طيب وابن نكتة وبيداوي مشاكله بالضحك والهزار.. لكن نفس العالم كان لازم يعرف ويشوف بعينه إن نفس الشعب الودود الحبوب ده هو اللي لما حد غريب يجي عليه وعلى بلده هيبقى جبار ومستعد يجيلك لحد باب بيتك ياخد حقه منك مهما كنت مين.. هيمسح بيك الأرض.

هات لي شعب في العالم ممكن يعمل كدة.. غير مصر 🇪🇬

23/06/2026

المعلق الجزائـري الجمـيل المثقـف حفيظ دراجي يحرجنـا جميعًا .. ويقرّ بالحقيقة التي نتغافل عنها ونخـشى الاعتـراف بهـا : 🗣️💔

👇🏻👇🏻

16/06/2026

ميزة حسام حسن إنه مش مدرب جبان، ده عمل ضد بلجيكا 🇧🇪 حاجة معملهاش مدرب لمنتخب مصر 🇪🇬 من ١٥ سنة!

في مدربين عندهم روح لكن مافيش مخاطرة، لكن حسام حسن عنده روح ومخاطرة وقلبه مش موجود أصلًا!

مصر 🇪🇬 ضد بلجيكا بدأت الماتش بتهاجم بـ٤ لاعبين، صلاح ومرموش، مع زيكو وإمام وآخر ٢ كان لهم مهام دفاعية أكثر، ومنطقية جدًا

لكن في الوقت اللي بلجيكا تعادلت فيه، وكانت طايحة في الملعب، ومن الطبيعي إن احنا اللي نبقى عايزين نحافظ على النقطة، ومتبقي ١٥ دقيقة على نقطة مكسبنهاش بقالنا ٣٦ سنة!

حسام حسن قرر إن مصر تهاجم بمرموش وحمزة مع زيزو وحمدي فتحي (مؤقتا) ثم إبراهيم عادل، مع تحرر محمد هاني وفتوح (ثم كريم حافظ).. يعني ٦ لاعبين صريحة!

من الآخر.. الراجل كان بيلعب على المكسب لحد الثانية الأخيرة، وضغط بلجيكا وأجبرهم إنهم يكونوا هما اللي بيدافعوا للحفاظ على النقطة

مرة تانية، مافيش مدرب لمصر (في نفس ظروف المباراة) عمل كدة حتى ضد منافسين أقل من بلجيكا!

احنا نقدر نلعب كورة، وكنا قبل كدة نقدر بس كانت محتاجة شوية ثقة وشجاعة واجتهاد، وده متوفر حاليًا

أنا متفائل بنسخة منتخب مصر في مونديال ٢٠٢٦