Eslam Abeid Lawyer -إسلام عبيد المحامي

13/05/2026

بيتقال للمحامي “مِتر” لأن الكلمة أصلها فرنسي Maître
وتُنطق “ميتر” أو “متر”، ومعناها:
“الأستاذ” أو “صاحب المهنة الرفيعة”.
واللقب ده كان بيُستخدم في فرنسا للمحامين والقضاة، وانتقل لمصر مع التأثر بالنظام القانوني الفرنسي، خصوصًا إن جزء كبير من القوانين والإجراءات المصرية متأثر بالقانون الفرنسي.
فعشان كده لحد دلوقتي ناس كتير في الوسط القانوني تقول: “يا متر”
كنوع من الاحترام للمحامي.⚖️❤️

05/05/2026

لو بتشتري شقة، هل انت متأكد انك ماشي صح قانونًيا؟

*غلطات صغیرة ممكن تضیع شقة و تعب عمرك*
1 اولهم انك تشتري العقار، سواء كان شقة او قطعة ارض بعقد ابتدائي من غير تسجيل كدا انت تقريبا بترمي فلوس في الارض و مش ضامن حقك، لازم العقد يكون مسجل و موثق في الشهر العقاري توثيق نهائي ، وتعمل توكيالت رسمية ودا طبعا البائع بيكون ملزم ينزل معاك الشهر
العقاري لاتمام اجراءات نقل الملكية(و اجراءات التسجيل في الشهر العقاري اتكلمنا عنها في بوست سابق)
2 ثاني غلطة ممكن تضيع حقك ، هي انك تدفع عربون من ثمن الوحدة من غير ايصال قانوني واضح، لازم يباشا لو هتدفع عربون تكتب ايصال بانك دفعت عربون من ثمن الوحدة قدره (كذا كذا...) وتكتب فيه بياتات الوحدة وطبعا لازم يكون موقع من الطرفين و اتنين شهود.
3 ثالث غلطة هي ، عدم مراجعة تسلسل الملكية ، مراجعة تسلسل الملكية للعقار دي حاجة مهمة جدا مينفعش تتجاهلها ولازم تجيب تاريخ تسلسل ملكية العقار وتراجع عقود البيع و التوكيلات وتشوفها سليمة ولة لا.
4 رابع غلطة هي انك تتجاهل الاستعلام عن العقار في الجهاز او الحي التابع ليه العقار، لازم تكشف وتتأكد ان الشقة اللي هتشتريها مفيش عليها اي مخالفات ولا اي مشاكل كبيرة .
5 خامسا هي تجاهل بند الغرامات في العقد ، لازم تكتب بند توضح فيه الغرامات في حالة عدم التزام البائع او اخلاله ببنود العقد.
6 التعامل مع سماسرة العقارات بدون توثيق، ودا طبعا خطر جدا مينفعش تتعامل مع سمسار من غير اي اثبات رسمي او مكتوب يحدد العلاقة بينك و بينه، زي مثلا انك تديله عمولة كاش من غير ايصال ، او انك تعتمد علي كلامه ان الشقة تمام قانونيامن غير ورق يثبت، ويقولك انا مسؤول عن كل حاجة من غير عقد او تفويض رسمي ، المشكلة هنا ممكن يختفي بعد ما ياخد الفلوس او ممكن يضحك عليك في السعر او العمولة وممكن الشقة يكون فيها مشاكل قانونية وهو مش مسؤول وهنا بيبقي صعب جدا تثبت حقك لو حصل نزاع.

"متخليش غلطة بسيطة تكلفك كتير، استشارة قانونية صغيرة ممكن تحمي استثمارك كله"
ابعتلنا رسالة و احنا نساعدك خطوة بحطوة

إسلام عبيد
المحامي ⚖️
Whatsapp: 01155894488

27/04/2026

هتسجل شقتك في الشهر العقاري؟ القانون الجديد سهلها عليك جدًا
ناس كتير كانت بتخاف من خطوة التسجيل بسبب التعقيدات والوقت الطويل… لكن مع القانون رقم 9 لسنة 2022 الموضوع بقى أبسط بكتير

خليني أوضح لك الصورة ببساطة:
إيه المطلوب علشان تسجل؟ مش لازم سلسلة ملكية معقدة زي زمان دلوقتي تقدر تسجل لو معاك: عقد بيع (حتى لو ابتدائي) أو حكم قضائيأو حتى لو واضع إيدك على الشقة بقالك 5 سنين وعندك مرافق (كهرباء – مياه – غاز)

هتقدم إيه؟ الموضوع بسيط:
بطاقة الرقم القومي
العقد أو المستند اللي معاك
بيانات الشقة
طلب تسجيل

طيب الرسوم كام؟ القانون حددها بشكل واضح وثابت: شقق صغيرة: حوالي 500 جنيهلو متوسطة: 1000 لـ 1500 جنيه لو كبيرة: لحد 2000 جنيه وبحد أقصى شامل حوالي 3900 جنيه

هتستنى قد إيه؟
أول رد بيجيلك خلال 24 ساعة( قبول او رفض او تأجيل)
والتسجيل كله بيخلص في مدة أقصاها 37 يوم
أهم حاجة اتغيرت فعلاً مفيش تعقيد في تسلسل الملكية الاعتراف بوضع اليد وقت محدد بدل ما الموضوع يفضل مفتوح الرسوم بقت معروفة وواضحة

الخلاصة لو معاك شقة أو عقار ومش مسجله… دلوقتي هو أفضل وقت تبدأ الإجراءات بقت واضحة، والتكلفة مش زي زمان، والأهم إنك بتحمي حقك قانونًا

لو محتاج تعرف موقفك القانوني أو تبدأ إجراءات التسجيل، ابعتلي وأنا أساعدك خطوة بخطوة.

إسلام عبيد ⚖️

06/04/2026

قانونك في دقيقة⚖️
سؤال مهم ؟؟
لو حد شتمك على واتساب أو فيسبوك… تعمل إيه؟
القانون قال كلمته:المادة 302 عقوبات بتعريف القذف (اتهام يضر السمعة)و المادة 303 عقوبات بتقول القذف = حبس وغرامة و المادة 306 عقوبات بتقول
السب = جريمة حتى بدون اتهام مباشر
والمادة 25 من قانون 175 لسنة 2018 بتقول
الإهانة أو المضايقة أونلاين = حبس + غرامة
يعني ببساطة اللي يشتمك ورا الشاشة…القانون يجيبه قدامها ⚖️🇪🇬
👌🏼نصيحة مهمة:
خد Screenshot و احتفظ بالدليل وابدأ الإجراءات.

إسلام عبيد
محامي ⚖️

19/03/2026

🌙✨ عيد فطر مبارك ✨🌙

كل عام وأنتم بخير وسعادة 🤍
نسأل الله أن يتقبل منا ومنكم صالح الأعمال، وأن يجعل أيامكم كلها أفراح وراحة بال، عيدكم فرحة، وقلوبكم مليانة رضا، وربنا يديم عليكم الصحة والرزق والبركة 🙏

🎉 عيد سعيد عليكم وعلى كل أحبابكم 🎉

02/03/2026

02/03/2026

🌙 القطايف والقانون ⚖️
معلومة خفيفة وسريعة بعد السحور ⬇️
سؤال النهارده:
سوري لاجئ في مصر… معندوش إقامة سارية
قالك نكتبها عرفي وخلاص 👀
ينفع؟ آه.
آمن؟ لأ ❌
تعالى نفهم ليه 👇
📌 أولًا: العرفي مش موثق رسمي
يعني مفيش قسيمة زواج
ولو حصل خلاف… الزوجة تدخل في دعوى إثبات علاقة زوجية
وممكن الموضوع يطول سنين.
📌 ثانيًا: العرفي ما بيديش إقامة
في ناس فاكرة إن الجواز يحميه من الترحيل
الحقيقة؟
لو إقامته مخالفة… العرفي مش هينقذه.
📌 ثالثًا: لو حصل حمل
تسجيل الطفل هيحتاج إثبات زواج
وساعتها ندخل في دعاوى نسب وتعقيدات قانونية
كان ممكن تتفادى من الأول.
📌 رابعًا: أخطر نقطة
لو حصل خلاف
ممكن الزوج ينكر
والإثبات يبقى عبء على الزوجة.

💡 الخلاصة
الزواج مش ورقة وخلاص.لو الأجنبي وضعه مش قانوني
الأصح يصلّحه الأول وبعدها يتوثق الزواج رسمي علشان الحقوق تبقى محمية.
القانون واضح 👌
العرفي حل مؤقت…بس مخاطره دايمًا أكبر من فايدته.

إسلام عبيد ⚖️

24/02/2026

🌙 القطايف والقانون ⚖️
🏭 حلقة النهارده عنوانها:
"ما تشغلش دماغك علي الضرائب"
ورشة ولا مصنع؟ وإيه الفرق قدام الضرائب؟
🍽️ الحدوتة بعد الفطار
واحد فتح مكان صغير بيصنّع فرش أحذية 👞
حاطط ماكينة قص وفوم وبيبيع لتجار جملة. كتب في الورق: "ورشة" لكن بينتج 50 ألف زوج في الشهر 😅

السؤال بقى 👇
هل الاسم اللي في الورق هو اللي بيمشي؟
ولا النشاط الحقيقي هو اللي يتحاسب عليه؟

⚖️ القانون بيقول إيه؟
اللي بيحدد هو طبيعة النشاط الفعلية مش اللافتة المعلقة على الباب.
الجهات اللي بتراجع النشاط:
مصلحة الضرائب المصرية/الهيئة العامة للتنمية الصناعية
لو النشاط إنتاج صناعي بكميات تجارية→ ممكن يُعاد
تصنيفه كمصنع حتى لو مكتوب ورشة.

🔥 إمتى تعتبر مصنع؟
✔ خط إنتاج✔ عمالة منتظمة✔ توريد لتجار جملة
✔ استهلاك كهرباء صناعي عالي✔ تصنيع منتج جديد من خامات

🔧 إمتى تعتبر ورشة؟
✔ شغل يدوي محدود✔ إنتاج بسيط✔ مفيش خط إنتاج صناعي✔ حجم مبيعات صغير

🎯 الخلاصة القانونية
لو النشاط كبر عن طاقته الورقية القانون هيكبره رسميًا.
يعني مش فكرة توفر شوية إجراءات…
الفكرة إنك تحمي نفسك من إعادة التقدير الضريبي أو مشاكل تهرب.

🧠 سؤال الحلقة:
لو بدأت بورشة صغيرة…وكبرت بعد سنةهل الأفضل تعدل وضعك؟ولا تسيبه زي ما هو؟
جاوبني في التعليقات 👇
إسلام عبيد
محاميكم ⚖️

23/02/2026

🌙 القطايف والقانون ⚖️

“صورت خناقة ونزلتها على فيسبوك… إنت كده صح ولا في مشكلة؟”
تخيل معايا 👇
واقف في الشارع… خناقة شغالة 🔥طلعت موبايلك صورت الفيديو ونزلته على فيسبوك وكتبت:
“شوفوا البلطجة في منطقتنا!”
عملت الصح؟
ولا دخلت نفسك في قصة قانونية؟ 🤔
⚖️ القانون بيقول إيه؟
أولاً: لو الفيديو فيه أشخاص واضحين القانون المصري بيحمي الحياة الخاصة حتى لو الواقعة حصلت في مكان عام.
📌 نشر صورة شخص بدون إذنه
ممكن يدخل تحت:
جريمة اعتداء على الخصوصية أو سب وقذف لو علّقت عليه باتهام
ثانياً: لو كتبت اتهام مباشر
“ده بلطجي”
“ده حرامي”
هنا الموضوع يدخل في دائرة
🔹 جريمة القذف طبقًا لـ قانون العقوبات المصري
لأنك نسبت له واقعة لو صح تستوجب عقاب.
ثالثاً: طب لو كنت بتنشر للفضح أو التحذير؟
النية لوحدها مش كفاية.
القانون بيبص على:
هل فيه بلاغ رسمي؟ هل الواقعة مثبتة؟
هل النشر كان ضرورة ولا تشهير؟
🍽️ الخلاصة قبل ما تاخد آخر قطمة قطايف:
مش كل حاجة تتصور تتنشر.
ومش كل حاجة تتنشر تبقى “خدمة مجتمع”.
أوقات أقرب قسم شرطة أأمن من أقرب زرار “Post”.

إسلام عبيد
محاميكم ⚖️

22/02/2026

🌙 القطايف والقانون ⚖️
معلومة خفيفة وسريعة بعد الفطار ⬇️

سؤال خفيف…
لو حد ضرب صاروخ في الشارع 🎆
ودخل بلكونتك وولّع في هدومك…نقول حصل خير؟
ولا تعمل إيه؟

القانون واضح:
أي ضرر بسبب إهمال = تعويض، وممكن مسؤولية جنائية كمان لو فيه خطورة.

الفرحة مش جريمة…بس الأذى جريمة ⚖️

إسلام عبيد
مُحاميكم ⚖️