بانيو الخضراء

26/06/2026

الحمد لله الذي بنعمته تتم الصالحات.
بفضل الله، ثم بفضل استجابة الخيرين والغيورين على منطقتنا، انطلقت عملية سقي الأشجار.

نتقدم بجزيل الشكر لكل من ساهم، ولو بكلمة أو مشاركة أو دعم أو تبرع. فكل مساهمة كان لها أثر في نجاح هذه المبادرة.

نسأل الله أن يجعل ذلك في ميزان حسنات الجميع، وأن يبارك في كل يد امتدت لفعل الخير.

بانيو الخضراء... مسؤوليتنا جميعًا. 🌱🤝
#معًا_نحيي_أشجارنا

24/06/2026

🚨 والله عيب وعار علينا كامل... 🌳🚨

منطقة كاملة، مئات السكان، وما قدرناش نسقو شوية أشجار راهي تموت قدام عينينا من شدة الحرارة.

واش راهو صاري بينا؟ كل واحد يقول الأمر ما يخصنيش، وكل واحد يستنى الآخر يديرها

🌳 هاذ الأشجار ماشي ملك لواحد، راهي ملك للمنطقة كاملة، راهي تعطينا الظل والهواء والجمال.

اليوم راهي تستغيث بينا، وغدوة كي تموت كامل ما يفيدناش الندم.

📢 رسالة لكل واحد فينا: ما تقولش ما يخصنيش، راهي مسؤولية جماعية، والخير يبدأ بخطوة صغيرة.

والله مؤسف بزاف نشوفو الأشجار اللي غرسناها بالتعب والجهد راهي تذبل وتموت بسبب نقص السقي، وما كان حتى واحد استفسر ولا سأل كيفاش يقدر يساهم.

🤲 ما نخلوش تعب الناس يروح هباء، وما نخلوش بانيو تفقد خضرتها.

كل واحد يقدر يدير حاجة، حتى المساهمة البسيطة تقدر تنقذ حياة شجرة.

🌿 بانيو الخضراء مسؤولية الجميع، ماشي مسؤولية أشخاص برك.

08/06/2026

الحمد لله على نعمة الغيث 🌧️🤲

اللهم اجعلها أمطار خير وبركة، وسقيا رحمة لا سقيا عذاب، اللهم أنبت بها الزرع وأحي بها الأرض بعد موتها، وارزق عبادك من واسع فضلك.

بعد صلاة الفجر، نحمد الله على هذه النعمة ونسأله أن يديم الخير على بلادنا وأهلنا.

🌿

01/06/2026

💚💚

سقي الأشجار في بانيو من طرف البلدية بالتنسيق مع بانيو الخضراء 💚🌴
يعطيكم الصحة ولكن نتمنى تستمر المبادرة على الاقل مرة في الأسبوع 👏🏻👏🏻

26/05/2026

15/05/2026

أستاذنا عمي عمر و حنا نفتاخرو بيه ❤️
يسقي فالشجر بقارورة ماء بصمت، والمشهد كامل يهدر على ناس الخير لي يخدمو من قلبهم

13/05/2026

الأشجار لي تغرسات راهي أمانة في أعناقنا
وباش تبقى خضراء وتعيش، رانا محتاجين توفير 4 خزانات ماء (سيتيرنا) للسقي.

نداء لأهل الخير والمحسنين، اللي يقدر يتكفل بخزان أو يساهم حتى بالقليل مرحبا بيه 🤍
بفضل تعاونكم نقدروا نحافظوا على الجمال والخضرة في منطقتنا 🌳💧

📩 للتواصل والمساهمة راسلوا الصفحة
ربي يجعلها صدقة جارية وفي ميزان حسناتكم 🤲

#بانيو الخضراء

08/05/2026

بقلوب مؤمنة بقضاء الله وقدره، تلقينا نبأ وفاة المرحوم
حشروف عثمان بن محمد، عن عمر ناهز 52 سنة.

تشيع الجنازة بعد صلاة الجمعة إلى مقبرة بانيو،
والعزاء في منزله المقابل للطريق الوطني رقم 45.

نسأل الله تعالى أن يتغمد الفقيد بواسع رحمته ومغفرته،
وأن يسكنه فسيح جناته، ويرزق أهله وذويه جميل الصبر والسلوان.

﴿ إِنَّا لِلّهِ وَإِنَّـا إِلَيْهِ رَاجِعونَ ﴾

30/04/2026

🌧️💚
الحمد لله على أمطار الخير
اللهم اجعلها سقيا رحمة وبركة

#بانيو الخضراء 🌿

28/04/2026

الحمد لله على نعمة المطر 🌧️🌿
اللهم اجعله غيث خير وبركة ورحمة للبلاد والعباد 🤍