مزرعة محمد عيسى

26/02/2026

26/02/2026

25/02/2026

25/02/2026

25/02/2026

🌧️🍓 الفراولة في الأجواء المتقلبة والأمطار
نركز على إيه؟
بما إن الجو الفترة دي متقلب مع تقلبات الجو (دفء نهار + برودة ليل + أمطار)الرطوبة العالية بتفتح الباب لأعفان الثمار والجذور والبياض الدقيقي. النجاح هنا = تصريف كويس + وقف ري مدروس + برنامج وقائي علاجي سريع

1- العفن الرمادي (Botrytis)
أخطر مرض وقت المطر
الأعراض: بقع بنية على الزهرة/الثمرة تتحول لزغب رمادي، خسائر سريعة في الثمار القابلة للتسويق
يتنشط مع: رطوبة > 90% + تزاحم خضري + تلامس الثمار مع الملش المبتل
:-العلاج للنباتات في طور الإزهار/العقد (رش ورقي للفدان)
اختر مادة واحدة في الرشة وبدّل في الرشة التالية لتجنب المقاومة
سيبرودينيل + فلوديوكسونيل
300 جم / 600 لتر ماء / فدان
أو
بوسكاليد 50%
300–400 جم / 600 لتر ماء / فدان
أو
إيزوفينام
40–50 سم³ / 100 لتر ماء
(يعادل 240–300 سم³ / 600 لتر / فدان)
تكرار كل 7–10 أيام في ظروف الرطوبة المرتفعة
يفضّل الرش صباحًا بعد جفاف الندى

2-البياض الدقيقي
الأعراض: التفاف حواف الورق لأعلى + طبقة دقيقية بيضاء أسفل الورقة + تشوه ثمار
ينتشر مع: فرق حرارة بين الليل والنهار.
:- العلاج (رش للفدان)
بينكونازول 10%
50 سم³ / 100 لتر
= 300 سم³ / 600 لتر / فدان
أو
ميكلوبوتانيل
40 سم³ / 100 لتر
= 240 سم³ / فدان
أو
كبريت ميكروني
250 جم / 100 لتر
= 1.5 كجم / فدان

:- لا يُستخدم لو الحرارة أقل من 15° أو أعلى من 28°

3-أعفان الجذور والتاج (فيتوفثورا – ريزوكتونيا)
الأعراض: ذبول مفاجئ رغم وجود رطوبة – اسمرار قاعدة النبات – ضعف نمو.
تظهر بعد: الغمر أو سوء الصرف بعد المطر.
:- العلاج مع الرية (من خلال شبكة الري للفدان)
فوسيتيل ألومنيوم 80%
2.5 كجم / فدان مع الرية
أو
حمض فوسفوروز (فوسفور أسيد 40%)
2 لتر / فدان حقنًا في الشبكة
أو
ميتالاكسيل
⬅️250 جم / فدان مع الرية
تكرر المعاملة بعد 10–14 يوم حسب شدة الإصابة

:- أهم من العلاج:
تحسين الصرف فورًا

4-برنامج عملي بعد أي مطرة مباشرة (وقائي للفدان)
اليوم التالي للمطر
رش نحاس هيدروكسيد 250 جم / 100 لتر
= 1.5 كجم / فدان (وقائي بكتيري/فطري)
بعد 3 أيام:
رش مادة ضد البوتريتس (من المجموعة المذكورة أعلى).
إضافة دعم تغذوي:
كالسيوم بورون 1 لتر / فدان رشًا
أحماض أمينية 500 سم³ / فدان لتقليل الإجهاد
إدارة الري في الجو المتقلب (مهم جدًا)
:- أوقف الري 24–48 ساعة بعد المطر
:- افحص رطوبة التربة على عمق 15–20 سم قبل تشغيل الشبكة.
:- قلل زمن الرية التالية 30% لو الأرض تقيلة.
:- تجنب زيادة الأزوت لأنه يزود قابلية الإصابة

:-خلاصة
في فترة المطر
الرطوبة العالية = سباق مع الفطريات
لو بدأت وقائي بدري هتوفر نص تكلفة العلاج، وتحافظ على صلابة الثمرة وجودة التصدير

07/10/2025

29/09/2025

اصابه علي نبات الفراوله
هنشوف مع بعض دوره حياه الحشره واعراض الاصابه تعرفها ازاي ف الارض عندك واي افضل المواد المستخدمه للمكافحه وامتا تبداء تدخل ف المكافحه قبل ما تظهر الاصابه عندك
ــــــــــــــــــــــــــــــــــــــــــــــــــــــــــــــــــــــــــــــــ
خلينا نبداء بالمواد الفعاله التي تعمل علي مكافحه الحشره بشكل جيد
١ـ من اشهر المواد المعروفه ماده ( فبرونيل ) مبيد فول استوب
٢ـ اميداكلوبريد
٣ـ ثياميثوكسام
٤ـ سبينوساد (تريسر)
٥ـ سبنتورام (رادينت)
٦ـ دايموثويت ( مركب روجر) لاكن تاخد بالك لان الماده دي حاميه شويه
٧ـ كلوروبيرفوس
٨ ـ سبيروتترامات ( موفينتو)
٩ـ فلونيكاميد
١٠ـ بيتاسفلوثرين( بولدوك)

ويفضل عند الرش الخلط بين مادتين للحصول علي كفاءة اعلي بس تاخد بالك وانتا بتخلط من المود اوف اكشن بتاع كل ماده لان فيه مواد لا تقبل الخلط مع بعضها ودي هيفيدك فيها المهندس اللي معاك
ــــــــــــــــــــــــــــــــــــــــــــــــــــــــــــــــــــــــــــــــــــ
نتكلم بعد كدا عن اعراض الاصابه ودوره حياه الحشره

التربس يتبع رتبه هدبيات الاجنحه ويعبر التربس من الحشرات الخادشه الماصه وليست من النوع الثاقبه الماصه بمعني ان الحشره اجزاء فمها بتقوم بخدش سطح النبات والتغذيه علي العصاره النباتيه الخارجه من النبات ودا بيدي فرصه لفطر العفن الهبابي انه ينمو علي سطح النبات ودا العرض اللي انتا بتشوفه علي الورقه ف ارضه بتشوف سواد بين العروق ف الورقه الجديده

المشكله الاكبر ان الحشره البالغه قادره علي الطيران والتغذيه علي نبات اخري ودا بيدي فرصه اكبر انها تنتشر بشكل كبير وسريع ف اي ارض
ــــــــــــــــــــــــــــــــــــــــــــــــــــــــــــــــــــ
بالنسبه لمعاد المكافحه ف افضل وقت مع حضرتك انك تبداء تكافح من بعد الزراعه ب ١٥ يوم مع خروج القلب الجديد للشتله عند حضرتك ومتنتظرش ظهور الاصابه ف ارضك
وتكرر الرش بشكل دوري مره كل اسبوع وايضا من الاصابات المنتشره ف الاراضي هيا اصابه الانتثراكنوز واصابات التبقع ودي لازم تاخد بالك منها وتبداء تكافحها بدري
ايضا بعض المشاكل المنتشره دلوقي هي ظهور إصابات بنيماتودا التقصف بشكل كبير فخد بالك وكافح صح ومتبخلش علي ارضك ف اول ٤٠ يوم
وانشاء الله هيكون لينا كلام تفصيلي لكل اصابه من الاصابات