Lidhja Demokratike e Kosovës, Dega e parë Lindore-CH

18/06/2026

Përshëndetje Kryesi e Degës së Parë të LDK-së në Zvicër,

Zgjedhjet kanë përfunduar dhe të gjithë e dimë rezultatin.

Në emër të Kryesisë së Degës dhe në emrin tim personal, ju përshëndes dhe njëkohësisht ju falënderoj të gjithëve për punën dhe angazhimin që secili prej jush ka dhënë në mbështetje të LDK-së.

Megjithatë, do t’ju lutesha që së bashku të ulemi dhe të analizojmë të gjitha të mirat dhe të metat, si dhe gjithçka që ka ndodhur deri më sot në Degën tonë, por edhe në LDK në përgjithësi. Le të bëjmë një analizë të sinqertë dhe gjithëpërfshirëse për periudhën nga 9 shkurti 2025 e deri më sot. Kjo analizë është e domosdoshme për Degën tonë dhe për të mirën e LDK-së.

Vetëm të bashkuar mund t’ia dalim përballë çdo sfide dhe vështirësie. Jo të ndarë dhe të përçarë. Prandaj nuk është e dobishme që disa anëtarë të largohen nga grupi (chat-i) i Degës, i cili është krijuar në Kuvendin e Degës dhe vazhdon të jetë kanali zyrtar i komunikimit dhe informimit. Aty secili ka të drejtë të shprehë mendimet e veta të lira, për aq kohë sa ato i shërbejnë debatit konstruktiv dhe nuk e dëmtojnë Degën tonë apo LDK-në në përgjithësi.

Politika nuk matet vetëm me aktivitetin gjatë fushatës apo para zgjedhjeve. Ajo matet me përkushtimin e vazhdueshëm ndaj qytetarëve dhe ndaj subjektit politik, edhe kur nuk ka interes personal apo vëmendje publike.

LDK-ja është ndërtuar mbi qëndrueshmëri, përgjegjësi dhe punë afatgjatë. Prandaj nuk mund të ecim përpara me një qasje ku aktivizohemi vetëm kur ka interes apo përfitim, ndërsa tërhiqemi sapo kalon momenti.

Kjo nuk është një kritikë personale ndaj askujt. Është një thirrje për më shumë përgjegjësi, vazhdimësi dhe angazhim në funksion të forcimit të Degës sonë dhe të LDK-së. Qytetarët kanë nevojë për përfaqësues që janë të pranishëm dhe aktivë në çdo kohë, jo vetëm kur ka interes politik.

Ju falënderoj edhe një herë për kontributin tuaj dhe ju ftoj që së bashku të vazhdojmë punën për forcimin e Degës sonë dhe të LDK-së.

Me respekt,

Sekretari i Degës së Parë të LDK-së në Zvicër

Miftar Rama

13/06/2026

11/06/2026

KUR NJË POPULL HUMB SHPRESËN
E RINISË SE VET

A PO VOTOJM KUNDËR TË ARDHMËS
SË FËMIJËVE TANË?

Po a ka kund bre si ne në botë, apo në ndonjë shtet të gjithë rruzullit tokësor, që del në zgjedhje e voton kundër të ardhmes së fëmijëve të vet? Kjo, sipas meje, po ndodh vetëm në Kosovën tonë.

Një popull që për vite me radhë i jep besim një qeverie e cila premtoi ndryshim të madh, premtoi zhvillim, mirëqenie, drejtësi, luftë kundër korrupsionit, vende pune, perspektivë për rininë dhe një jetë më të mirë për çdo familje. Por sot, pas kaq vitesh, shumë qytetarë ndihen të zhgënjyer dhe pyesin veten: ku mbetën ato premtime?

Na u tha se do të ndërtohej një Kosovë e fortë, një Kosovë që do të ecte me hapa të sigurt drejt zhvillimit. Na u tha se kriminelët do të përfundonin në burg, se korrupsioni do të luftohej pa kompromis dhe se rinia do ta gjente të ardhmen në vendin e vet. Por sot, mijëra të rinj vazhdojnë të largohen nga Kosova në kërkim të një jete më të mirë.

Si mundet një prind, një nënë apo një baba, të mos shqetësohet kur sheh fëmijën e vet pa perspektivë, pa shpresë dhe pa mundësi për të ndërtuar jetën në vendin e vet? Si mund të mos dhembë zemra kur shohim se ëndrrat e rinisë po shuhen dita-ditës?

Sot përballemi me çmime më të larta, me kosto më të lartë të jetesës, me faturat e energjisë që rëndojnë familjet, me probleme në arsim dhe shëndetësi, me mungesë investimesh të mjaftueshme në sport, kulturë dhe aktivitete për fëmijët tanë. Shumë qytetarë mendojnë se nuk është bërë sa duhet për ndërtimin e perspektivës së re ekonomike dhe sociale.

Rinia vazhdon të largohet. Fshatrat dhe qytetet po zbrazen. Familjet po ndahen. Shumë të rinj nuk largohen sepse nuk e duan Kosovën, por sepse nuk shohin mundësi për të jetuar me dinjitet në vendin e tyre.

Po ashtu, shumë qytetarë janë të shqetësuar për raportet me partnerët ndërkombëtarë, për izolimin politik dhe për mungesën e rezultateve konkrete në fusha të rëndësishme për zhvillimin e shtetit.

Prandaj, unë pyes: a duhet të votojmë me emocione apo me përgjegjësi? A duhet të votojmë për premtime apo për rezultate? A duhet të mendojmë për interesat partiake apo për të ardhmen e fëmijëve tanë?

Kosova është shtëpia jonë e përbashkët. Fëmijët tanë meritojnë arsim më të mirë, shëndetësi më cilësore, vende pune, siguri, zhvillim ekonomik dhe shpresë për të ardhmen. Ata meritojnë një Kosovë ku nuk detyrohen të largohen për të ndërtuar jetën e tyre.

Le të mendojmë mirë para çdo vote, sepse vota jonë nuk është vetëm për sot. Vota jonë është për të ardhmen e fëmijëve tanë, për të ardhmen e Kosovës dhe për brezat që do të vijnë pas nesh.

Me Respekt,
Miftar Rama
Veprimtar nga Zvicëra!

10/06/2026

PSE RINIA E KOSOVËS NUK
PO DEL NË VOTIME?

Një nga shqetësimet më të mëdha që kam sot si qytetar është pjesëmarrja e ulët e të rinjve në proceset zgjedhore. Vota është themeli i demokracisë, por fatkeqësisht shumë të rinj nuk po e shfrytëzojnë këtë të drejtë dhe përgjegjësi qytetare.
Mendoj se një nga arsyet kryesore të këtij fenomeni është mungesa e edukimit qytetar dhe institucional tek gjeneratat e reja. Nëse të rinjtë nuk vetëdijesohen mjaftueshëm nga familja dhe prindërit për rëndësinë e votës, atëherë shkolla duhet ta marrë një pjesë të kësaj përgjegjësie.
Do të ishte me rëndësi të veçantë që në shkollat tona të ekzistonte të paktën një lëndë mësimore në javë, ku nxënësit të mësojnë më shumë për shtetin e tyre, institucionet, demokracinë, të drejtat dhe detyrimet qytetare. Në këtë lëndë duhet të trajtohen me korrektësi e kaluara e Kosovës, sakrificat për liri, e tashmja dhe sfidat me të cilat përballemi, si dhe vizioni për të ardhmen e shtetit tonë.
Vetëm duke e njohur historinë tonë dhe duke kuptuar rëndësinë e pjesëmarrjes në proceset demokratike, rinia do të jetë më e vetëdijshme për rolin e saj në ndërtimin e së ardhmes së Kosovës.
Vota nuk është vetëm një e drejtë. Ajo është një përgjegjësi ndaj shtetit, ndaj shoqërisë dhe ndaj brezave që do të vijnë pas nesh.
Rinia e Kosovës duhet të jetë pjesë aktive e vendimmarrjes, sepse e ardhmja e vendit u takon pikërisht atyre.

Me respekt,
Miftar Rama, Zvicër

05/06/2026

TE DASHUR VEPRIMTAR,
ANËTARË DHE KRYESI E MBËSHTETËS SË LDK-së
KUDO QË JINI! ✅✌️

Ka ardhur momenti kur secili prej nesh duhet të marrë përgjegjësinë që i takon. Nuk është më koha për të qëndruar anash, por për t’u angazhuar me të gjitha forcat për shtëpinë tonë politike dhe për të ardhmen e Republikës së Kosovës.

LDK-ja nuk është thjesht një subjekt politik. Ajo është themeli i shtetformimit të Kosovës, lëvizja që ndërtoi shpresën në kohët më të vështira dhe që i dha vendit vizion, urtësi dhe orientim perëndimor. Kjo trashëgimi e madhe na obligon të gjithëve që sot të jemi në lartësinë e përgjegjësisë.

Çdo votë ka peshë. Çdo derë që trokasim, çdo qytetar që bindim dhe çdo ditë që investojmë në këtë betejë demokratike është një hap më afër fitores. Nuk mund të presim që dikush tjetër ta bëjë punën tonë. Secili prej nesh është ambasador i LDK-së dhe zëri i ndryshimit që i duhet Kosovës.

Prandaj, dilni në terren, bisedoni me familjarë, miq, fqinj e bashkëpunëtorë. Flisni për vlerat që përfaqëson LDK-ja, për vizionin e saj dhe për të ardhmen që dëshirojmë të ndërtojmë së bashku. Historia nuk i kujton ata që heshtën, por ata që vepruan në momentet vendimtare.

Sot më shumë se kurrë, Kosova ka nevojë për mençuri, përvojë, përgjegjësi dhe vizion. Ka nevojë për LDK-në.

Prandaj, u bëjmë thirrje të gjithë qytetarëve, pa dallim, të gjithë atyre që ia duan të mirën Kosovës, zhvillimin, stabilitetin, integrimin euro-atlantik dhe një të ardhme më të mirë për brezat që vijnë:

✅ Votoni Lidhjen Demokratike të Kosovës – LDK-në!

Le të bashkohemi rreth vlerave që na kanë mbajtur gjithmonë të fortë. Le të punojmë së bashku për fitoren dhe për një Kosovë më të zhvilluar, më të drejtë dhe më të sigurt.

Bashkë për Kosovën.
Bashkë për LDK-në.
Bashkë drejt fitores!

Me Respekt. Sekretari i LDK-së Dega e 1-rë ne Zvicër!
MIFTR RAMA! ✅✅✌️✌️