Ambasada e Republikës së Kosovës në Bernë

13/06/2026

12 Qershori – Dita e Çlirimit 🇽🇰

Në një atmosferë të ngrohtë dhe festive në Bern, nën organizimin e Ambasadës së Republikës së Kosovës në Bern, më 12 qershor u shënua Dita e Çlirimit të Kosovës.

Koncerti “Kultura Muzikore e Kosovës – Tradita dhe Zhvillimi”, i realizuar nga ansambli Neo Dardanus, solli në skenë një program të pasur artistik. Në këtë koncert mori pjesë një grup artistësh të udhëhequr nga mjeshtri Valton Beqiri, me pjesëtarë të Filharmonisë së Kosovës dhe të Ansamblit “Shota”, si dhe sopranoja e mrekullueshme Zana Abazi Ramadani. Aktiviteti mblodhi ambasadorë dhe diplomatë të akredituar, përfaqësues institucionesh, qytetarë zviceranë, si dhe shumë bashkatdhetarë nga diaspora jonë. Të pranishëm ishin edhe Ministrja e Industrisë, Ndërmarrësisë, Tregtisë dhe Inovacionit, znj. Mimoza Kusari-Lila, ndërsa aktiviteti u zhvillua nën përkujdesjen e Ambasadorit Mentor Latifi dhe me kontributin e çmuar të z. Werner Schmitt.

Nëpërmjet tingujve të muzikës dhe interpretimit artistik, sollëm në Bern një pjesë të shpirtit dhe traditës sonë, duke promovuar trashëgiminë kulturore të Kosovës dhe vlerat që na mbajnë të lidhur me njëri-tjetrin, pavarësisht vendit ku jetojmë. Kjo mbrëmje përkujtimore ishte një dëshmi se liria, mirënjohja dhe krenaria për rrugëtimin e vendit tonë mbeten burim frymëzimi dhe përgjegjësie për brezat që vijnë.

Për përkrahje në organizimin e eventit, falenderojmë Air Prishtina, Intertours, Restaurant Oliv dhe kompaninë ASHA.

04/06/2026

📢 Njoftim për qytetarët e Republikës së Kosovës në Zvicër

Ambasada e Republikës së Kosovës në Zvicër, njofton të gjithë qytetarët e Republikës së Kosovës se të cilët janë regjistruar parapraksht, se votimi fizik në kuadër të procesit zgjedhor do të mbahet më 6 qershor 2026 (e shtunë) në Ambasadën e Republikës së Kosovës në Bernë, si dhe në Konsullatat e Republikës së Kosovës në Gjenevë dhe Cyrih.

Të drejtë vote kanë vetëm qytetarët që janë regjistruar paraprakisht për votim fizik në përfaqësitë diplomatike të Republikës së Kosovës.

Me këtë rast, njoftojmë mërgatën tonë se Komisioni Qendror i Zgjedhjeve (KQZ) ka miratuar vendimin që qytetarët e Republikës së Kosovës të mund të votojnë edhe me dokumente të skaduara të identifikimit të Republikës së Kosovës në qendrat e votimit në përfaqësitë diplomatike. Ky vendim vlen vetëm për qytetarët që janë regjistruar paraprakisht për votim fizik në përfaqësitë diplomatike.

Dokumentet e pranueshme të identifikimit janë:

Pasaporta e Republikës së Kosovës
Letërnjoftimi i Republikës së Kosovës
Leja e vozitjes e Republikës së Kosovës
Ky vendim u mundëson bashkatdhetarëve tanë të ushtrojnë të drejtën e tyre kushtetuese për të votuar, edhe në rastet kur dokumentet e identifikimit kanë kaluar afatin e vlefshmërisë.

Për shkak të numrit të madh të qytetarëve që pritet të marrin pjesë në votim, rekomandojmë përdorimin e transportit publik, me qëllim të shmangies së pritjeve dhe vështirësive në qarkullim dhe parkim.

Procesi i votimit do të zhvillohet më 6 qershor 2026 (e shtune).

Pjesëmarrja juaj është zëri juaj. Shfrytëzojeni të drejtën për të votuar!

03/06/2026

📢 Njoftim i rëndësishëm për votimin në përfaqësi diplomatike!

Komisioni Qendror i Zgjedhjeve (KQZ) ka miratuar vendimin që qytetarët e Republikës së Kosovës të cilët janë të regjistruar për votim në përfaqësi diplomatike, të mund të votojnë me dokumente të skaduara të Kosovës në qendrat e votimit në përfaqësitë diplomatike.

✅ Ky vendim u mundëson bashkatdhetarëve tanë në diasporë të ushtrojnë të drejtën e tyre kushtetuese për të votuar, edhe në rastet kur dokumentet e identifikimit kanë kaluar afatin e vlefshmërisë.

🗳️ Vendimi vlen për procesin zgjedhor që do të zhvillohet në përfaqësitë diplomatike më 6 qershor 2026.

01/06/2026

🎶 Zbuloni Magjinë e Muzikës Kosovare në Bernë! 🇽🇰🇨🇭

Me rastin e Ditës së Çlirimit, jeni të ftuar në një mbrëmje të paharrueshme që feston tingujt dhe identitetin tonë!
Ambasada e Kosovës në Bernë sjell eventin e jashtëzakonshëm "KULTURA MUZIKORE E KOSOVËS - TRADITA DHE ZHVILLIMI". Ejani të përjetoni një rrugëtim unik muzikor që ndërthur thellësinë e traditës sonë me elegancën e zhvillimit artistik.

📅 E premte, 12 qershor 2026

⏰ 20:00 (Dyert hapen prej 19:30)

📍 Yehudi Menuhin Forum Bern, Helvetiapl. 6, 3005 Bern, Zvicër

🎟️ Bileta është falas, por rezervimi është i obligueshëm. Rezervoni biletën tuaj tani: https://www.ticketino.com/en/Event/THE-MUSICAL-CULTURE-OF-KOSOVA/215071

Mos e humbisni këtë festë të vërtetë të kulturës dhe muzikës në zemër të Zvicrës! Siguroni vendin tuaj dhe bëhuni pjesë e kësaj eksperience emocionuese.

#

____________________________

🎶 Experience the Captivating Sounds of Kosova in Bern! 🇽🇰🇨🇭

On the occasion of Kosova Liberation Day, our Embassy in Bern invites you to a unique and unforgettable evening: "THE MUSICAL CULTURE OF KOSOVA: TRADITION AND DEVELOPMENT".

Immerse yourself in a beautiful musical journey that bridges the deep roots of Kosova's heritage with its elegant contemporary evolution. Whether you are a world music enthusiast or simply looking for an inspiring cultural experience, this is an event you will not want to miss!

📅 Friday, June 12, 2026
⏰ 8 p.m. (Doors open at 7:30pm)
📍 Yehudi Menuhin Forum Bern, Helvetiapl. 6, 3005 Bern, Switzerland

🎟️ Tickets are free of charge, but advance booking is required. Please reserve your ticket now: https://www.ticketino.com/en/Event/THE-MUSICAL-CULTURE-OF-KOSOVA/215071

Spaces are limited for this special cultural celebration. Secure your spot and join us for an extraordinary night of music and connection!

____________________________

🎶 Erleben Sie die faszinierenden Klänge Kosovas in Bern! 🇽🇰🇨🇭

Anlässlich des Tages der Befreiung Kosovas lädt Sie unsere Botschaft zu einem einzigartigen und unvergesslichen Abend ein: „DIE MUSIKALISCHE KULTUR KOSOVAS: TRADITION UND ENTWICKLUNG“.

Tauchen Sie ein in eine wunderschöne musikalische Reise, die die tiefen Wurzeln des kulturellen Erbes Kosovas mit seiner eleganten zeitgenössischen Entwicklung verbindet. Ob Sie Liebhaber von Weltmusik sind oder einfach ein inspirierendes kulturelles Erlebnis suchen – dieses Event sollten Sie nicht verpassen!

📅 Freitag, 12. Juni 2026
⏰ 20:00 Uhr (Türöffnung um 19:30 Uhr)
📍 Yehudi Menuhin Forum Bern, Helvetiapl. 6, 3005 Bern, Schweiz

🎟️ Der Eintritt ist kostenlos, jedoch ist eine vorherige Reservation erforderlich. Bitte reservieren Sie Ihr Ticket jetzt: https://www.ticketino.com/en/Event/THE-MUSICAL-CULTURE-OF-KOSOVA/215071

Die Plätze für dieses besondere kulturelle Fest sind begrenzt. Sichern Sie sich Ihren Platz und erleben Sie mit uns einen aussergewöhnlichen Abend voller Musik und Begegnungen!

31/05/2026

23/05/2026

VËREJTJE!

Zarfi i votimeve per zgjedhjet e parakohshme, i cili duhet të dorëzohet në kutinë postare (KQZ-ZGJEDHJET, POSTFACH, 3024 Bern), për shkak të madhësisë së tij duhet të ketë pullë postare me vlerë prej 2 CHF.

22/05/2026

Të nderuar bashkatdhetarë në Zvicër,

Adresa e vetme ku duhet dërguar zarfet për votim me postë për Zgjedhjet e Parakohshme për Kuvendin e Kosovës në Zvicër, është:

KQZ-ZGJEDHJET
POSTFACH
3024 Bern

Pra të gjithë Ju që keni zgjedhur opsionin e votimit me postë në Zvicër, Ju lutemi, MOS i dërgoni zarfet me fletëvotime në adresën e Ambasadës së Republikës së Kosovës në Bernë apo në Konsullatat në Gjenevë dhe Cyrih, por në adresën e lartcekur.

20/05/2026