Xafiiska maamulka Dagmada Jarati Ee Gobolka Afdheer

Xafiiska maamulka Dagmada Jarati Ee Gobolka Afdheer Contact information, map and directions, contact form, opening hours, services, ratings, photos, videos and announcements from Xafiiska maamulka Dagmada Jarati Ee Gobolka Afdheer, Government Official, Dayn ka Guur Oo Barwaqo Uguur, Charati.
(1)

Ciid Mubaarak 🌙✨Degmada Jarati oo maanta si heer sare ah looga ciiday munaasabadda Ciidul-Adxaa, islamarkaana ay ka soo ...
27/05/2026

Ciid Mubaarak 🌙✨

Degmada Jarati oo maanta si heer sare ah looga ciiday munaasabadda Ciidul-Adxaa, islamarkaana ay ka soo qayb galeen kumannaan shacabka reer Jarati ah, ayaa waxaa munaasabaddaasi khudbad qiimo badan ka jeediyay guddoomiyaha degmada mudane Shucayb Cabdullaahi Diiriye.

Guddoomiyuhu wuxuu shacabka ugu hambalyeeyay munaasabadda barakaysan ee Ciidda, isagoo ku booriyay bulshada inay xoojiyaan midnimada, wadajirka, iscaawinta iyo ilaalinta nabadgalyada degmada. Sidoo kale wuxuu shacabka uga mahadceliyay sida wanaagsan ee ay uga qayb qaateen diyaar-garowga ciidda iyo ilaalinta xasiloonida deegaanka.

Waxaa maanta si rasmi ah degmada Jarati uga furmay tartanka league-ka kubadda cagta ee 14-ka kooxood, kaas oo ay soo qab...
09/05/2026

Waxaa maanta si rasmi ah degmada Jarati uga furmay tartanka league-ka kubadda cagta ee 14-ka kooxood, kaas oo ay soo qabanqaabiyeen musharaxiinta xisbiga Barwaaqo ee degmada Jarati.

Munaasabadda daahfurka waxaa kasoo qaybgalay hoggaanka nabadgalyada gobolka, guddoomiyaha degmada Jarati, masuuliyiin kala duwan iyo qaybaha bulshada degmada.

Tartankan ayaa muhiim u ah dhiirigelinta dhalinyarada, xoojinta midnimada bulshada, horumarinta ciyaaraha, iyo kobcinta isdhexgalka bulshada degmada Jarati.

Maamulka degmada Jarati waxa uu bogaadinayaa dadaalka lagu hirgeliyey tartankan, isaga oo u rajaynaya dhammaan kooxaha ka qaybgalaya guul, tartan hufan iyo ciyaar wanaag.

09/05/2026

Xafiiska maamulka Dagmada Jarati Ee Gobolka Afdheer bilicda iyo quruxda dhirta

Waxaa maanta booqday Santarka Booco ee degmada Jarati xubno ka mid ah hoggaaminta degmada Jarati oo uu hormuud u ahaa gu...
07/05/2026

Waxaa maanta booqday Santarka Booco ee degmada Jarati xubno ka mid ah hoggaaminta degmada Jarati oo uu hormuud u ahaa guddoomiyaha degmada, Mudane Shucayb Cabdullaahi, kadib markii raxmadii Eebbe ee roobka gu’ga ay waxyeello soo gaadhsiisay qoysas ka mid ah bulshada ku nool santarka. Roobkaas oo watay dabaylo xooggan ayaa guryo badan waxyeello gaadhsiiyay.

Hoggaaminta ayaa gaadhsiisay agabkii loogu talagalay qoysaskii waxyeelladu gaadhay.

Waxaa maanta ka qabsoomay xafiiska caddaaladda degmada Jarati kulan qiimayn ah oo lagu eegayay waxqabadka xeer-ilaaliyey...
23/04/2026

Waxaa maanta ka qabsoomay xafiiska caddaaladda degmada Jarati kulan qiimayn ah oo lagu eegayay waxqabadka xeer-ilaaliyeyaasha.

Qiimayntan ayaa diiradda lagu saaray:

Habsami u socodka shaqada xeer-ilaalinta

Sida loo ilaaliyo saraynta sharciga

Dardar-gelinta adeegyada caddaaladda

Isla xisaabtanka iyo kor u qaadista tayada shaqo

Kulankan ayaa muhiim u ah hubinta in adeegyada caddaaladdu ay si hufan oo cadaalad ah ugu adeegaan bulshada,

isla markaana la xoojiyo doorka xeer-ilaaliyeyaasha ee ilaalinta sharciga iyo amniga guud.

Waxaa si guul leh loo soo gabagabeeyay shir hawleedkii muhiimka ahaa ee ka socday degmada Jarati, kaas oo socday muddo s...
18/04/2026

Waxaa si guul leh loo soo gabagabeeyay shir hawleedkii muhiimka ahaa ee ka socday degmada Jarati, kaas oo socday muddo saddex maalmood ah, laguna diyaarinayay qorshe saddex sano ah (An Integrated Evidence-Based PHC Optimization Operational Planning).

Shirkan ayaa intii uu socday si qoto dheer loogu falanqeeyay natiijooyinka ka soo baxay daraasaadkii dhawaan laga sameeyay degmada, iyadoo si gaar ah diiradda loo saaray horumarinta adeegyada bulshada—gaar ahaan kuwa saameynta tooska ah ku leh caafimaadka bulshada.

Sidoo kale, ka qeybgalayaashu waxay si wadajir ah u diyaariyeen qorshe cad oo ku saleysan xog iyo cilmi, kaas oo la filayo in uu horseedo isbeddel muuqda oo wax-ku-ool ah, isla markaana xoojiya tayada iyo helitaanka adeegyada bulshada.

Ugu dambayn, waxaa la isla qaatay in degmada Jarati ay noqoto tusaale iyo muraayad laga arko hirgelinta barnaamijkan.

Jarati | Miyaziya 9, 2018 T.IMas’uuliyiin heer gobol ah oo uu hoggaaminayo Madaxa Xarunta Dhexe ee Xisbiga Barwaaqo ee G...
17/04/2026

Jarati | Miyaziya 9, 2018 T.I

Mas’uuliyiin heer gobol ah oo uu hoggaaminayo Madaxa Xarunta Dhexe ee Xisbiga Barwaaqo ee Gobolka Afdheer, Mudane Dr. Maxamed Faarax, ayaa kormeer iyo taakulayn shaqo ku yimid Degmada Jarati.

Mas’uuliyiinta heer gobol oo ay weheliyaan masuuliyiinta heer degmo, ayaa kormeer ku tagey adeegyada degmada, gaar ahaan dugsiyada waxbarashada iyo Xarunta Caafimaadka Jarati, si loo xoojiyo tayada adeegyada loo hayo bulshada.

Ciyaaraha kubadda cagta waxay door weyn ka ciyaaraan horumarinta dhalinyarada iyo nolosha bulshada. Waxay kobciyaan caaf...
17/04/2026

Ciyaaraha kubadda cagta waxay door weyn ka ciyaaraan horumarinta dhalinyarada iyo nolosha bulshada. Waxay kobciyaan caafimaadka jirka iyo maskaxda, waxayna dhalinyarada baraan isku-duubni, anshax, iyo tartan caafimaad qaba. Sidoo kale, ciyaaruhu waxay ka ilaaliyaan dhalinyarada dhaqamada xun, iyagoo u abuura jawi ay ku muujiyaan hibadooda iyo kartidooda.

Waxaa soo gabagaboobay wareegii ciyaaraha kubadda cagta ee ay ku tartamayeen 7 kooxood oo ka kala socday xaafadaha magaalada Jarati. Ciyaartii k**a dambaysta ahayd ayaa dhex martay kooxda Shool iyo kooxda 4G, iyadoo ugu dambayn guushu raacday kooxda Shool.

Waxaa maanta ka furmay degmada Jarati shir hawleed muhiim ah oo lagu diyaarinayo qorshe saddex sano ah (An Integrated Ev...
16/04/2026

Waxaa maanta ka furmay degmada Jarati shir hawleed muhiim ah oo lagu diyaarinayo qorshe saddex sano ah (An Integrated Evidence-Based PHC Optimization Operational Planning).

Qorshahan ayaa laga duulayaa natiijooyin ka soo baxay daraasaad qoto dheer oo dhawaan laga sameeyay degmada, kaas oo si gaar ah diiradda u saaray fahamka xaaladaha dhabta ah ee adeegyada bulshada—gaar ahaan kuwa saameynta tooska ah ku leh caafimaadka bulshada.

Barnaamijkan oo ah mid cilmiyeysan, laguna tijaabiyay wadamo kala duwan, ayaa Dowladda Ethiopia go’aamisay in marka h**e laga hirgeliyo 14 degmo oo dalka ah, deegaan kastana hal degmo laga xusho.

Waxa sharaf iyo fursad weyn u ah degmada Jarati in ay noqoto degmada matalaysa deegaankeena, isla markaana noqota muraayadda laga arko horumarka, lagana barto hababka ugu habboon ee lagu horumarin karo adeegyada bulshada.

Waxaa la rajaynayaa in qorshahan uu horseedo isbeddel muuqda oo wax-ku-ool ah, isla markaana si dhab ah u xoojiyo tayada iyo helitaanka adeegyada bulshada.

Maanta waxaa degmada Hargeele ee xarunta gobolka Afdheer ka bilaabatay soo bandhigga warbixinta waxqabadka 9-ka bilood e...
08/04/2026

Maanta waxaa degmada Hargeele ee xarunta gobolka Afdheer ka bilaabatay soo bandhigga warbixinta waxqabadka 9-ka bilood ee sanad miisaaniyadeedka 2018 T.I.

Guddoomiyaha degmada Jarati mudane shucayb cabdulahi diriye ayaa soo jeediyay warbixinta, isagoo faahfaahin ka bixiyay howlaha muhiimka ah ee la qabtay muddadaas. Intii ay socotay soo bandhigga, waxaa la weydiiyay su’aalo kala duwan oo la xiriira waxqabadka, waxaana sidoo kale la bixiyay talooyin wax ku ool ah oo ku saabsan meelaha ay ka jiraan gaabisyada, si loo xoojiyo loona dardargeliyo howlaha horumarineed.

Dhanka kale, waxaa si weyn loo bogaadiyay shaqooyinkii wanaagsanaa ee la qabtay .

Ugu dambeyn, kulankan ayaa ahaa mid dhiirrigelin u ah sii ambaqaadidda horumarka iyo tayeynta adeegyada loo hayo bulshada.

Address

Dayn Ka Guur Oo Barwaqo Uguur
Charati
AFDER

Website

Alerts

Be the first to know and let us send you an email when Xafiiska maamulka Dagmada Jarati Ee Gobolka Afdheer posts news and promotions. Your email address will not be used for any other purpose, and you can unsubscribe at any time.

Shortcuts

Share

Category