https://www.facebook.com/116531121369576/

Yardımlı rayonu Dəlləkli kənd ümumi orta ümumtəhsil məktəbi, Yardımlı (2026)

14/03/2026

Azərbaycan–Avropa İttifaqı münasibətlərində yeni mərhələ: strateji tərəfdaşlıq və regional sülh gündəliyi. 2026-cı il martın 11-də Azərbaycan Respublikasına səfər edən Antonio Koşta ilə keçirilən görüş və verilən bəyanatlar Azərbaycan–Avropa İttifaqı münasibətlərinin yeni mərhələyə daxil olduğunu bir daha nümayiş etdirdi. Avropa İttifaqı Şurasının Prezidenti statusunda Azərbaycana səfər edən Antonio Koştanın Bakıda keçirdiyi görüşlər iki tərəf arasında siyasi dialoqun intensivliyini və strateji əməkdaşlığın genişləndiyini göstərən mühüm diplomatik hadisə kimi qiymətləndirilir. Səfər çərçivəsində Azərbaycan Respublikasının Prezidenti İlham Əliyev tərəfindən verilən bəyanat isə ikitərəfli münasibətlərin hazırkı vəziyyətini və gələcək inkişaf istiqamətlərini aydın şəkildə ortaya qoydu.
Prezident İlham Əliyev çıxışında vurğuladı ki, Azərbaycan ilə Avropa İttifaqı arasında əlaqələr hazırda müxtəlif səviyyələrdə fəal tərəfdaşlıq mərhələsindədir. Son illərdə qarşılıqlı səfərlərin intensivləşməsi və Avropa Komissiyası nümayəndələrinin Azərbaycana mütəmadi səfərləri tərəflər arasında siyasi dialoqun dərinləşdiyini göstərir. Dövlət başçısının qeyd etdiyi kimi, iqtisadi göstəricilər də bu əməkdaşlığın real nəticələrini ortaya qoyur. Belə ki, cari ilin yanvar ayında Azərbaycanın xarici ticarət dövriyyəsinin təxminən yarısı Avropa İttifaqı ölkələrinin payına düşüb. Bu fakt Avropa İttifaqının Azərbaycan üçün ən mühüm iqtisadi tərəfdaşlardan biri olduğunu bir daha təsdiqləyir.
İkitərəfli münasibətlərin əsas sütunlarından biri enerji əməkdaşlığıdır. Prezident İlham Əliyev çıxışında bildirdi ki, Azərbaycan ilə Avropa İttifaqı arasında enerji sahəsində əməkdaşlıq uzun illərdir davam edir və bu əməkdaşlıq strateji xarakter daşıyır. Xüsusilə 2022-ci ildə Azərbaycan ilə Avropa Komissiyası arasında imzalanmış enerji sahəsində strateji tərəfdaşlıq sənədi bu münasibətlərin inkişafına yeni dinamika gətirib. Həmin sənəd Avropanın enerji təhlükəsizliyinin təmin olunmasında Azərbaycanın rolunu daha da artırıb və enerji əməkdaşlığını daha geniş miqyasda inkişaf etdirmək üçün yeni imkanlar yaradıb.
Prezident İlham Əliyev vurğuladı ki, hazırda Avropa İttifaqının on üzv dövləti Azərbaycandan təbii qaz alır və ümumilikdə Azərbaycan qazının ixrac edildiyi ölkələrin sayı on altıya çatıb. Bu göstərici Azərbaycanın qlobal enerji bazarında strateji rolunu daha da gücləndirir. Azərbaycan boru kəmərləri vasitəsilə qaz ixrac edən ölkələr arasında coğrafi əhatə baxımından aparıcı mövqedə dayanır və bu, ölkəmizin enerji təhlükəsizliyinin təmin olunmasında etibarlı tərəfdaş kimi qəbul olunduğunu nümayiş etdirir. Prezidentin sözlərinə görə, yaxın illərdə yeni yataqlardan hasilatın başlanması nəticəsində qaz ixracı daha da artacaq və bu da Avropa bazarının enerji tələbatının ödənilməsində Azərbaycanın rolunu daha da genişləndirəcək.
Dövlət başçısının çıxışında enerji əməkdaşlığının digər mühüm istiqaməti kimi bərpaolunan enerji sahəsi xüsusi vurğulandı. Azərbaycanın təbii-coğrafi şəraiti Günəş və külək enerjisi sahəsində böyük potensiala malikdir. Ölkədə ilin böyük hissəsinin günəşli keçməsi və geniş külək resurslarının mövcudluğu bu sahəyə böyük investisiyalar yatırılmasına şərait yaradır.

13/03/2026

Prezident çıxışında xüsusi olaraq Azərbaycan və Ermənistan arasında əldə olunan sülh prosesinə də toxundu. Ölkə başçısı bildirdi ki, 2023-cü ilin sentyabrında baş verən son toqquşmalardan sonra 2025-ci ilin avqustunda sülh sazişi paraflanıb. Bu müddətin iki ildən az olması isə beynəlxalq praktika üçün çox sürətli normallaşma nümunəsi hesab olunur. Hazırda sərhəddə sakitlik hökm sürür, atəşkəs pozuntuları və insan itkiləri müşahidə olunmur. Azərbaycan Ermənistanla ticarəti bərpa edib, hətta bu ölkəyə enerji məhsullarının ixracına da başlayıb. Bu isə Azərbaycanın uzunmüddətli və davamlı sülhə sadiqliyini göstərən mühüm addım kimi qiymətləndirilir.
Prezident İlham Əliyevin çıxışında diqqət çəkən digər məqamlardan biri də sülh prosesində vasitəçilərin roluna münasibətdir. Ölkə başçısı bildirdi ki, ATƏT-in Minsk qrupu kimi vasitəçi mexanizmlər uzun illər ərzində münaqişənin həllinə real töhfə verə bilmədi. Yalnız Azərbaycan və Ermənistan birbaşa ikitərəfli danışıqlara başladıqdan sonra sülh prosesində real nəticələr əldə olundu. Bu yanaşma digər münaqişələrin həlli üçün də alternativ model kimi təqdim olunur.
Çıxışın mühüm hissələrindən biri enerji təhlükəsizliyi ilə bağlı oldu. Prezident vurğuladı ki, müasir dünyada enerji təhlükəsizliyi artıq milli təhlükəsizliyin ayrılmaz hissəsinə çevrilib. Azərbaycan hazırda neft, qaz, neft-kimya məhsulları və elektrik enerjisi istehsal edən və ixrac edən mühüm ölkələrdən biridir. Son bir il ərzində Azərbaycan qazını alan ölkələrin sayı 12-dən 16-ya yüksəlib. Ölkəmiz təkcə enerji sahəsində deyil, həm də beynəlxalq nəqliyyat və logistika sahəsində mühüm mövqeyə malikdir. Ölkə Şərq-Qərb və Şimal-Cənub nəqliyyat dəhlizlərinin əsas iştirakçılarından biridir. Sülh və təhlükəsizlik tam təmin edildikdən sonra Ermənistan ərazisindən keçəcək yeni nəqliyyat marşrutlarının yaradılması planlaşdırılır. Bu marşrutlar Azərbaycanın əsas hissəsi ilə Naxçıvan Muxtar Respublikasını birləşdirəcək və regionda yeni iqtisadi imkanlar yaradacaq.
Prezident İlham Əliyevin çıxışı Azərbaycanın son onilliklərdə keçdiyi mürəkkəb yol və əldə etdiyi təcrübənin nəticəsidir. Bu nəticədən aydın görünür ki, əsas istiqamətlər suverenliyin bərpası və təhlükəsizlik siyasəti, sülh quruculuğu və regional əməkdaşlıq, həmçinin enerji və nəqliyyat sahəsində beynəlxalq tərəfdaşlıqdır. Yalnız bu strateji planlama sayəsində münaqişədən çıxaraq sabit və inkişaf edən regional əməkdaşlıq modeli qurmaq mümkündür.
Builki Forumun gündəliyi çox genişdir. Forum bir çox məsələləri əhatə edir, lakin əminəm ki, müzakirələr zamanı xüsusi diqqət bölgəmizdəki və dünyadakı mövcud vəziyyətə yönələcək. Bu sözləri Prezident İlham Əliyev XIII Qlobal Bakı Forumunun açılış mərasimindəki çıxışında deyib. “Zənnimcə, indi heç vaxt olmadığı qədər aydındır ki, təhlükəsizlik, sabitlik və müdafiə məsələləri hər bir ölkənin gündəliyində bir nömrəli prioritet olmalıdır. Çünki bunlar olmadan qalan bütün məsələlər tamamilə mənasızdır. Öz inkişafı uğrunda illər, onilliklər ərzində səy göstərmiş ölkələr indi ciddi risklərlə üzləşir. Təhlükəsizlik və sabitlik əsas amillərdir və biz səylərimizi məhz bu istiqamətdə birləşdirməliyik”, – deyə Azərbaycan lideri bildirib.

05/03/2026

Dövlət müstəqilliyimizin bərpasından sonra Azərbaycan qadını milli dövlət quruculuğu prosesinin fəal iştirakçısına çevrilmiş, ölkəmizin sosial-iqtisadi və mədəni potensialının artırılması üçün dəyərli töhfələr vermişdir. Elm və təhsil, səhiyyə və mədəniyyət, eləcə də digər sahələrdə qazandığı uğurları ilə o öz nüfuzunu ilbəil artırmağa müvəffəq olmuşdur. Vətəndaş cəmiyyəti quruculuğu istiqamətində qadınlarımızın nailiyyətləri məmnunluq hissi doğurur. Azərbaycan qadını tarix boyu müqəddəs ana şərəfini uca tutaraq öz mübarizliyi ilə tanınmış, qadınlarımız ölkənin ictimai-siyasi, mədəni həyatında fəal iştirak etmiş, dövlətin idarə olunmasında daim fədakarlıq nümayiş etdirməklə yanaşı döyüş meydanlarında da şücaət göstərmişdir. Beynəlxalq Qadınlar Günü hər il 8 mart tarixində qeyd olunur və qadınların cəmiyyətdəki rolunu, hüquqlarını və nailiyyətlərini vurğulayan əhəmiyyətli bir gündür. Bu bayram qadınların iqtisadi, siyasi və sosial sahələrdə iştirakını dəstəkləmək və onların hüquqlarını qorumaq məqsədi daşıyır.
8 Martın Beynəlxalq Qadınlar Günü kimi qeyd olunmasının əsası 1908-ci ildə Nyu-Yorkda çalışan qadınların daha yaxşı əmək şəraiti, bərabər hüquqlar və səsvermə hüququ tələbi ilə keçirdikləri nümayişlə qoyulub. 1910-cu ildə Kopenhagendə keçirilən sosialist qadınlar konfransında Klara Setkin bu günün beynəlxalq səviyyədə qeyd olunmasını təklif etdi. 1977-ci ildə BMT 8 Martı rəsmi olaraq Beynəlxalq Qadınlar Günü elan etdi.
Tarixin bütün dövrlərində Azərbaycan qadını öz doğma Vətəninin müdafiəsində yaxından iştirak etmiş, siyasi və dövlət quruculuğu sahəsində əsl vətənpərvərlik nümunələri göstərmişdir. Tarixə nəzər saldıqda Şərqdə ilk dəfə qadına səsvermə hüququnun 1918-ci ildə Azərbaycan Xalq Cümhuriyyətində verildiyinin şahidi oluruq. Bu mütərəqqi addımın atılması həmin dövrdə Şərqin ilk müstəqil respublikasının hüquqi dövlət quruculuğu yolunda əzmlə irəlilədiyinin, həm də ölkədə gender bərabərliyinin təmin olunmasının parlaq göstəricisi idi.
Ölkəmizdə dövlət qadın siyasətinin əsas prinsiplərinin müəyyən edilməsinin və dövlət səviyyəsinə qaldırılmasının Ümummili Lider Heydər Əliyevin adı ilə bağlı olması tarixi faktdır. O, qadınların idarəetmə, qərar qəbuletmə və sosial həyatın bütün sahələrində irəli çəkilməsini vacib amil kimi hər zaman irəli sürmüşdür. Azərbaycanda qadın hüquqlarının qorunması, təbliğ olunması, qadınların dövlət siyasətinin həyata keçirilməsində və qanunların qəbul edilməsində iştirakının artırılması dövlət siyasətinin ayrılmaz tərkib hissəsidir. Qadınlarla bağlı məsələlərin həlli üçün bir çox qanunların qəbul olunması, fərman və sərəncamların imzalanması, beynəlxalq təşkilatlara üzv olaraq mühüm sənədlərin ölkəmizdə tətbiq olunması qadın hüquqlarının reallaşması və təminatı istiqamətində inkişafın əldə olunmasına təkan vermişdir.

05/03/2026

27.02.2026-cı il
"Tanınmış şəxsiyyətlər təqvimi" barədə tədbir keçirildi.
Tədbirdə tanınmış şəxsiyyətlərdən H.Cavid və Ş.İ.Xətai haqqında məlumat verildi.

05/03/2026

05.03.2026-cı il Dəlləkli kənd ümumi orta ümumtəhsil məktəbində Məktəbəqədər və Ümumi Təhsil üzrə Dövlət Agentliyinin müvafiq əmrinə əsasən “5 mart – Bədən Tərbiyəsi və İdman Günü”ylə əlaqədar tərtib olunmuş Tədbirlər Planına uyğun olaraq idman həftəsinin IV günündə məktəbin yuxarı sinif şagirdləri arasıda qol güləşi idman növü üzrə yarış keçirildi.

05/03/2026

04.03.2026-cı il
Yol hərəkəti qaydaları ilə bağlı ibtidai siniflərdə geniş söhbət aparıldı.

04/03/2026

Bir gün əvvəl Bakıda keçirilmiş Cənub Qaz Dəhlizi üzrə Məşvərət Şurası çərçivəsində nazirlərin 12-ci iclası son iki ildə danışdıqlarımızı qəti şəkildə təsdiqlədi. Azərbaycan artıq adi etibarlı təchizatçı deyil. Bu gün Bakı köhnə enerji marşrutlarının dünyanın müxtəlif yerlərində sarsıldığı bir vaxtda Avrasiyanın enerji xəritəsini faktiki olaraq yenidən formalaşdıran geosiyasi memardır. Xəritəyə baxsaq görərik ki, Şərqi Avropada ənənəvi marşrutlar müharibə alovunun içindədir, Qırmızı dənizdən keçən dəniz yolları isə raket hücumlarının hədəfinə çevrilib. Belə bir şəraitdə Azərbaycan etibarlılıq təklif edir.
Ukraynada və Yaxın Şərqdə baş verən münaqişələr riskləri kəskin artırıb. “Əgər əvvəllər Cənub Qaz Dəhlizi Brüsseldə əlavə variant kimi qəbul olunurdusa, bu gün Cənub-Şərqi Avropa üçün alternativi olmayan sığorta rolunu oynayır. Söhbət yalnız qazdan getmir. BƏƏ-nin ADNOC kimi iri şirkətinin Məşvərət Şurasında iştirakı Cənub Qaz Dəhlizini qlobal investisiya mərkəzinə çevirir. Burada körfəz ölkələrinin maraqları Avropa İttifaqının Xəzər sahillərindəki enerji tələbatları ilə üst-üstə düşür. Cənub Qaz Dəhlizini Balkanlar və Mərkəzi Avropa üçün yeganə sabit marşrut hesab etmək olarmı? Rəqəmlər və faktlar bu sualın cavabının müsbət olduğunu göstərir.
Azərbaycanı Bolqarıstan, Macarıstan və Slovakiya ilə birləşdirən “Şaquli dəhliz” bu ölkələri faktiki olaraq sənaye böhranından qoruyur. “Tarixən qitənin əsas enerji arteriyası sayılan qaz nəqli sistemi olan Ukrayna da indi Cənub Qaz Dəhlizinə qaz anbarlarını doldurmaq və revers tədarükləri vasitəsilə tranzit ölkə statusunu qorumaq imkanı kimi baxır. Bakı iqtisadi faydanın çoxvektorlu diplomatiya ilə qorunduğu unikal ekosistem formalaşdırmağa nail olub. Onun sözlərinə görə, Cənub Qaz Dəhlizi artıq təkcə yeraltı boru kəmərləri deyil, həm də təhlükəsizlik kəməridir. Dünən səslənən ən mühüm mesajlardan biri budur ki, Cənub Qaz Dəhlizi yeni mərhələyə qədəm qoyur. Biz “Yaşıl Cənub dəhlizi” dövrünə daxil oluruq. Qara dənizin dibi ilə elektrik kabelinin çəkilməsi layihəsi fantastika deyil. Bu, Prezident İlham Əliyevin Azərbaycanı bərpa olunan enerji ixracatçısına çevirmək strategiyasının məntiqi davamıdır.
Nəticədə dünya güclərinin sərhədlər üzərində mübahisə etdiyi bir vaxtda Bakı yeni enerji körpüləri qurur. Cənub Qaz Dəhlizi ən azı əsrin ortalarınadək Avropanın enerji təhlükəsizliyinin arxayın olduğu həmin “onurğa sütunu” olaraq qalacaq. Biz Qazaxıstan, Türkmənistan üçün neftin mühüm tranzitini təmin edirik və bizim sistemimiz vasitəsilə nəql olunan neftin həcmi ildən-ilə artır. Biz Xəzərin şərq sahillərindən daha çox neft qəbul etmək iqtidarındayıq və bunun üçün infrastruktura malikik.
Avropa enerji bazarında səylərimizlə bağlı məsələlərə gəlincə, düşünürəm auditoriyanın bilməyi vacib olardı ki, biz bu yaxınlarda Türkiyədə ən böyük elektrik stansiyalarından birini əldə etmişik - 870 meqavat gücündə. Ötən ay Serbiya ilə 500 meqavatlıq elektrik stansiyasının inşasına dair müqavilə imzalandı. Beləliklə, bizim enerji təhlükəsizliyinə töhfəmiz yalnız öz sərhədlərimizlə, Cənub Qaz Dəhlizi ilə məhdudlaşmır.

03/03/2026

"5 mart - Bədən Tərbiyəsi və İdman Günü" ilə əlaqədar məktəbdə müxtəlif idman yarışları keçirildi.

03/03/2026

03.03.2026
Məktəbin fiziki tərbiyə müəllimi
Normativlər üzrə aşağı nəticələrin aradan qaldırılması üçün şagirdlərlə söhbət aparmışdır

02/03/2026

Dəlləkli kənd ümumi orta ümumtəhsil məktəbində 1 Mart – Ümumdünya Mülki Müdafiə Gününə həsr olunmuş “Dayanıqlı və sabit gələcək naminə ekoloji risklərin idarə edilməsi” mövzusunda maarifləndirici tədbir keçirilmişdir.

Tədbirin əsas məqsədi şagirdlərə mülki müdafiənin əhəmiyyəti, fövqəladə hallarda düzgün davranış qaydaları, eləcə də ekoloji risklərin qarşısının alınması və idarə olunması barədə ətraflı məlumat vermək olmuşdur.Belə maarifləndirici tədbirlərin təşkili gənc nəslin ekoloji şüurunun formalaşdırılması və fövqəladə hallara hazırlıq səviyyəsinin artırılması baxımından mühüm əhəmiyyət daşıyır.

26/02/2026

Prezident İlham Əliyevin Xocalı Soyqırımı Memorialının açılışında çıxışı zamanı qeyd etdi ki, iki il bundan əvvəl Xocalı Soyqırımı Memorial Kompleksinin təməli mənim iştirakımla qoyulmuşdur. Bu gün isə bu Memorial Kompleksin açılışına toplaşmışıq. Xocalı soyqırımı Ermənistan dövləti tərəfindən, erməni faşistləri tərəfindən azərbaycanlılara, insanlığa, bəşəriyyətə qarşı törədilmiş qanlı cinayətdir. Bunun məsuliyyətini Ermənistan dövləti daşıyır. Bir gecə içində 600-dən çox günahsız mülki şəxs, onlardan 106-sı qadın, 63-ü uşaq erməni faşistləri tərəfindən qəddarcasına qətlə yetirilmişdir, 150 nəfər itkin düşmüş və aydın məsələdir ki, onlar da ermənilər tərəfindən öldürülmüşdür. Onların bəzilərinin işğaldan sonra qalıqları tapıldı və torpağa tapşırıldı. Hələ 1991-ci ilin oktyabr ayından şəhər tamamilə Ermənistan silahlı qüvvələri tərəfindən mühasirəyə alındı. 1992-ci ilin fevralın 25-dən 26-na keçən gecə kütləvi artilleriya zərbələrinin ardınca Ermənistan silahlı qüvvələri keçmiş SSRİ-nin 366-cı motoatıcı alayının köməyi ilə Xocalının işğal etdilər. İşğalçılar Xocalını darmadağın edərək xüsusi amansızlıqla onun dinc əhalisinin soyqırımını törətdilər. Xocalı soyqırımı zamanı şəhərin 5379 nəfər əhalisi deportasiya olundu, 1275 insan əsir və girov götürülərək işgəncələrə məruz qaldı (onlardan 150 nəfərin, o cümlədən 68 qadın və 26 uşağın taleyi bu günədək məlum deyil), 487 nəfər müxtəlif dərəcəli bədən xəsarətləri aldı, 1000 nəfər müxtəlif yaşlı dinc sakin aldığı güllə yarasından əlil oldu, 8 ailə tamamilə məhv edildi, 130 uşaq valideynlərdən birini, 25 uşaq isə valideynlərdən hər ikisini itirdi, 613 nəfər, o cümlədən 63 uşaq, 70 qoca, 106 qadın işgəncə verilməklə vəhşicəsinə öldürüldü.
Ermənistan tərəfindən Azərbaycana qarşı başlanan müharibənin səbəbləri və nəticələrinin ümumi qiymətləndirilməsi və Xocalıdakı faciəvi hadisələrin bütün mövcud faktları qəti şəkildə sübut edir ki, Azərbaycanın bu şəhərində törədilmiş cinayətlər sıradan və təsadüfi hərəkət deyil, Ermənistanın sistemli zorakılıq siyasətinin tərkib hissəsi olub. Xocalıdakı mülki insanların məqsədyönlü qırğını sadəcə azərbaycanlı olduqları üçün onların kütləvi məhvinə yönəlmişdi. Azərbaycana qarşı davam edən təcavüz fonunda Ermənistan tərəfindən törədilmiş müharibə, insanlıq əleyhinə cinayətlər və Xocalı soyqırımı insan hüquqları və beynəlxalq humanitar hüququn, xüsusilə 1949-cu il Cenevrə Konvensiyaları, Soyqırım Cinayətinin Qarşısının alınması və Cəzalandırılması haqqında Konvensiya, Mülki və Siyasi Hüquqlar haqqında Beynəlxalq Pakt, İqtisadi, Sosial və Mədəni Hüquqlar haqqında Beynəlxalq Pakt, İşgəncələrə və Digər Qəddar, Qeyri-insani, yaxud Ləyaqəti Alçaldan Davranış və Cəza növlərinə qarşı Konvensiya, İrqi ayrı-seçkiliyin bütün formalarının ləğv edilməsi haqqında beynəlxalq Konvensiya, Uşaq Hüquqları haqqında Konvensiya və İnsan Hüquqlarının və Əsas Azadlıqların müdafiəsi haqqında Konvensiyanın ciddi şəkildə pozulmasıdır.

25/02/2026

25 fevral 2026-cı Dəlləkli kənd ümumi orta ümumtəhsil məktəbində "Xocalı soyqırımı"na həsr edilmiş tədbir keçirildi.

Yardımlı rayonu Dəlləkli kənd ümumi orta ümumtəhsil məktəbi

14/03/2026

13/03/2026

05/03/2026

05/03/2026

05/03/2026

05/03/2026

04/03/2026

03/03/2026

03/03/2026

02/03/2026

26/02/2026

25/02/2026

Address

Telephone

Website

Alerts

Contact The Organization

Shortcuts

Share

Category