Salyan Dövlət Rəsm Qalereyası

Salyan Dövlət Rəsm Qalereyası Salyan Dövlət Rəsm Qalereyasının rəsmi facebook səhifəsi

Bayram günlərində bir qrup şəxs Salyan Dövlət Rəsm Qalereyasını ziyarət edib.Ziyarətçilər 28 May - Müstəqillik Günü müna...
29/05/2026

Bayram günlərində bir qrup şəxs Salyan Dövlət Rəsm Qalereyasını ziyarət edib.

Ziyarətçilər 28 May - Müstəqillik Günü münasibətilə təşkil edilən "Üçrəngli bayrağın işığı" adlı sərgini və qalereyanın ekpozisiya zalında nümayiş olunan tabloları izləyiblər.

Salyan Dövlət Rəsm Qalereyasının əsas ekspozisiya zalında "Üçrəngli bayrağın işığı" adlı sərgi açılıb. 28 May - Müstəqil...
26/05/2026

Salyan Dövlət Rəsm Qalereyasının əsas ekspozisiya zalında "Üçrəngli bayrağın işığı" adlı sərgi açılıb.

28 May - Müstəqillik Gününə həsr olunan sərgini 30 may tarixinə qədər ziyarət edə bilərsiniz.

24/05/2026

Salyan Dövlət Rəsm Qalereyasında Azərbaycan Rəssamlar İttifaqının üzvü, rəssam, heykəltaraş İmanverdi Mustafayevlə vida mərasimi keçirilib.

Görkəmli rəssam, heykəltaraş İmanverdi Mustafayevlə vida mərasimi keçirilibMayın 23-də Salyan Dövlət Rəsm Qalereyasında ...
23/05/2026

Görkəmli rəssam, heykəltaraş İmanverdi Mustafayevlə vida mərasimi keçirilib

Mayın 23-də Salyan Dövlət Rəsm Qalereyasında Azərbaycan Rəssamlar İttifaqının üzvü, rəssam, heykəltaraş İmanverdi Mustafayevlə vida mərasimi keçirilib. Mərasimdə rəsmilər, rəssamlar, sənət adamları, ziyalılar, mərhum sənətkarın tələbələri, ailə üzvləri və ictimaiyyət nümayəndələri iştirak edib.

Çıxış edən Salyan Rayon İcra Hakimiyyəti başçısının müavini Rəşad Cəbrayılov, Salyan Dövlət Rəsm Qalereyasının direktoru Kürçaylı Məmmədov, rəssam İqdam Xanmirzəyev, veteran mədəniyyət işçisi Lətif Zərbəliyev, Əməkdar artist Rafiq Mirzə, şair-publisist Zabil Pərviz, veteran dövlət qulluqçusu Etibar Hüseynov, Salyan rayon Ziyalılar Birliyinin sədri Allahverdi Piriyev, tədqiqatçı Nadir Rüstəmov, mərhum sənətkarın tələbələri, rəssamlar Coşğun Məmmədov, Seymur Gözəlov, tarixçi-tədqiqatçı Sahib Həsənov, Azərbaycan Yazıçılar Birliyi Muğan bölməsinin sədri Nəbi İbrahimov və digərləri rəssam İmanverdi Mustafayevin çoxşaxəli sənət dünyasından söhbət açıblar. Bildirilib ki, o, zəngin yaradıcılığı, rəng dünyası ilə yanaşı, həm də yüksək insani keyfiyyətlərə sahib idi. İmanverdi Mustafayev çəkdiyi tablolara, süjetli kompozisiyalara xüsusi yanaşardı. Onun yaratdığı rəsm əsərlərində Vətənə, torpağa, xalqa bağlılıq, fırça ustasının tükənməz vətənpərvərliyindən xəbər verir. O da vurğulanıb ki, 90-cı illərin əvvəllərində ölkədə yaranan xaos dövründə İmanverdi Mustafayev Salyan Dövlət Rəsm Qalereyasına aid olan fondu qorumağa nail olub. Ölkəmiz müstəqillik əldə etdikdən sonra məhz onun qoruyub saxladığı əsərlərlə Salyan Dövlət Rəsm Qalereyası yenidən formalaşıb. Sonda mərhum rəssamın ailəsi adından çıxış edən Mirməmməd Mustafayev mərasim iştirakçılarına minnətdarlığını ifadə edib. Vida mərasimindən sonra mərhumun cənazəsi alqışlarla son mənzilə yola salınıb. O, Salyan şəhər qəbiristanlığında dəfn olunub.

Qeyd edək ki, rəssam, heykəltaraş İmanverdi Mustafayev 13 noyabr 1955-ci ildə Salyan şəhərində dünyaya göz açıb. Uzun sürən xəstəlikdən sonra 22 may 2026-cı il tarixində 71 yaşında dünyasını dəyişib.

Allah rəhmət eləsin!

Rəssam, heykəltəraş İmanverdi Mustafayevlə vida mərasimi 23 may 2026-cı il tarixdə saat 11:00-da Salyan Dövlət Rəsm Qale...
22/05/2026

Rəssam, heykəltəraş İmanverdi Mustafayevlə vida mərasimi 23 may 2026-cı il tarixdə saat 11:00-da Salyan Dövlət Rəsm Qalereyasında baş tutacaq.

Azərbaycan mədəniyyətinə ağır itki üz veribAzərbaycan Rəssamlar İttifaqının üzvü, rəssam, heykəltəraş İmanverdi Mustafay...
22/05/2026

Azərbaycan mədəniyyətinə ağır itki üz verib

Azərbaycan Rəssamlar İttifaqının üzvü, rəssam, heykəltəraş İmanverdi Mustafayev uzun sürən xəstəlikdən sonra 71 yaşında dünyasını dəyişib.

İmanverdi Mustafayev 13 noyabr 1955-ci ildə Salyanda dünyaya göz açıb. Neftçala rəssamlıq məktəbinin uğurlu simalarından biri olan sənətkar ilk rəssamlıq dərslərini bu məktəbin yaradıcısı Adil Hacıyevdən alıb. O, sonralar təhsilini Əzim Əzimzadə adına Azərbaycan Dövlət Rəssamlıq Məktəbində davam etdirərək, rəngkarlıq-heykəltəraşlıq ixtisasını bitirib. Müntəzəm olaraq dövlət sərgilərində iştirak edən İmanverdi Mustafayevin müxtəlif illərdə fərdi sərgiləri açılıb. O, həmçinin Türkiyə, Rusiya, Qazaxıstan, Belarus, Estoniya və digər ölkələrdə keçirilən sərgilərin iştirakçısı olub. Əsasən realizm üslubunda əsərlər yaradan fırça ustası mənzərə və portret janrlarına daha çox müraciət edib. Rəssam tablolarında daha çox milli ruha üstünlük verib. Bu tablolar öz koloriti ilə həmişə tamaşaçı diqqətini çəkib. Bunlara "Ulu öndər Heydər Əliyev", "Xəlil Rza Ulutürk", "Oqtay Rza", "Həsən Məmmədov", "Qara çənlər", "Köhnə şəhər", "Uğurlu ov", "Vətəgədə", "Kür mənzərəsi", "Aynalı körpü" və digər əsərlərini aid etmək olar. İmanverdi Mustafayev həm də heykəltəraş kimi "Akademik", "Atamın büstü", "Milli Qəhrəman Nazim Babayev", "Şəhid Ziyad Əhmədov" və digər abidə və büstlərin müəllifidir. Onun yaratdığı rəsm əsərləri və büstlər ölkəmizdə və xaricdə müxtəlif qalereyalar, muzeylər və şəxsi kolleksiyalarda qorunub saxlanılır. Qeyd edək ki, İmanverdi Mustafayev həm də Salyan Dövlət Rəsm Qalereyasının qurucusu olub və 36 il bu sənət ocağına rəhbərlik edib.

Salyan Dövlət Rəsm Qalereyasının yaradıcı kollektivi rəssam, heykəltəraş İmanverdi Mustafayevin vəfatından kədərləndiyini bildirir, ailəsinə səbr diləyir. Allah rəhmət eləsin!

18 May - Beynəlxalq Muzeylər Günü münasibətilə Salyan Dövlət Rəsm Qalereyasına ziyarətçi axını davam edir.Ziyalılar, hər...
19/05/2026

18 May - Beynəlxalq Muzeylər Günü münasibətilə Salyan Dövlət Rəsm Qalereyasına ziyarətçi axını davam edir.

Ziyalılar, hərbiçilər, media nümayəndələri, təhsil işçiləri, məktəblilər, məktəbəqədər təhsil müəssisələrinin balaca fidanları, müxtəlif sferalarda çalışan şəxslər sərgi salonlarında nümayiş olunan rəsm əsərlərinə tamaşa ediblər.

Qalereyanın tərtibatçı rəssamı Coşğun Məmmədov, ekskursiyaçı Lalə Cəfərova, kiçik elmi işçi Gülşən Məmmədova, muzey baxıcısı Zülfiyyə Abbasova qonaqlara fond, eləcə də rəsm əsərləri barədə geniş məlumat veriblər. Qonaqlar rəy kitabına ürək sözlərini yazıblar.

Salyan Dövlət Rəsm Qalereyasında "Şəhər nağılları" adlı etüd günü təşkil olunub."Şəhərsalma və Memarlıq İli" çərçivəsind...
15/05/2026

Salyan Dövlət Rəsm Qalereyasında "Şəhər nağılları" adlı etüd günü təşkil olunub.

"Şəhərsalma və Memarlıq İli" çərçivəsində keçirilən etüd günündə iştirakçılar müxtəlif texnikalarda rəsmlər çəkiblər. Şəhər, memarlıq və digər mövzularda çəkilən rəsmlərdə hər bir balaca həvəskar rəssamın təxəyyülü, onların şəhərlərə münasibəti təsvir vasitəsilə çatdırılıb.

Bu gün rəssam İlham İsayevin doğum günüdür.İlham İsayev Salyan şəhərində sənətkar ailəsində dünyaya göz açıb. Onun əsərl...
06/05/2026

Bu gün rəssam İlham İsayevin doğum günüdür.

İlham İsayev Salyan şəhərində sənətkar ailəsində dünyaya göz açıb. Onun əsərləri respublikamızın müxtəlif şəhər və rayonlarından başqa, Türkiyə, İtaliya, Rusiya və digər xarici ölkələrdə keçirilən böyük sərgilərdə nümayiş olunub, dəfələrlə mükafatlar, fəxri fərmanlar və diplomlarla təltif edilib.

İ.İsayev rəsmlərdən başqa şüşə üzərində əl işi, oymaçılıq, zərgərlik və digər texnikalarda da maraqlı sənət nümunələri yaradır. Rəsm əsərlərində ən çox portret, peyzaj və abstrakt janrlarından istifadə edən rəssamın "Ulu öndər Heydər Əliyev", "Şəhid Sultan İbrahimov", "Xalq artisti Mircavad Cəfərov", "Əməkdar artist Həsənağa Sadıqov", "Mənim gördüyüm yuxu", "Sultanlar zirvəsi", "Bakı motivləri", "Kür çayının yuxusu", "Sərsəngçay-Lahıc", "London parkı" və digər tabloları tamaşaçılar tərəfindən maraqla qarşılanır. İ.İsayev rəssamlıqdan başqa bəstəkar, nəfəs, klaviş və zərb alətləri ifaçısı, həmçinin rok müğənnisi kimi də məşhurluq qazanıb.

Salyan Dövlət Rəsm Qalereyasının yaradıcı kollektivi rəssam İlham İsayevi doğum günü münasibətilə təbrik edir, yaradıcılıq zirvələri diləyir.

Salyan Dövlət Rəsm Qalereyasının birinci ekspozisiya salonunda "Şərəfli ömrün rəngləri" adlı sərgi təşkil edilib.Dahi şə...
06/05/2026

Salyan Dövlət Rəsm Qalereyasının birinci ekspozisiya salonunda "Şərəfli ömrün rəngləri" adlı sərgi təşkil edilib.

Dahi şəxsiyyət Heydər Əliyevin anadan olmasının 103 illiyinə həsr olunan sərgi may ayının 12-dək tamaşaçılar üçün açıqdır. Giriş sərbəstdir.

Address

Heydər Əliyev 125
Ssaljany

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 10:00 - 16:00

Website

Alerts

Be the first to know and let us send you an email when Salyan Dövlət Rəsm Qalereyası posts news and promotions. Your email address will not be used for any other purpose, and you can unsubscribe at any time.

Shortcuts

Share