Şəmkir Heydər Əliyev Mərkəzi

Şəmkir Heydər Əliyev Mərkəzi Contact information, map and directions, contact form, opening hours, services, ratings, photos, videos and announcements from Şəmkir Heydər Əliyev Mərkəzi, Government Organization, Şəmkir. Heydər Əliyev. Pr 5, Shamkhor.

1 iyun - Uşaqların Beynəlxalq Müdafiəsi Günü ilə əlaqədar Şəmkir rayon Heydər Əliyev Mərkəzinin təşkilatçılığı ilə Şəmki...
01/06/2026

1 iyun - Uşaqların Beynəlxalq Müdafiəsi Günü ilə əlaqədar Şəmkir rayon Heydər Əliyev Mərkəzinin təşkilatçılığı ilə Şəmkir şəhər 4 saylı körpələr evi–uşaq bağçasında tədbir keçirilib.

Tədbirdə bağçanın balaca fidanları maraqlı səhnəciklər, şeirlər, mahnılar və rəqs nömrələri ilə çıxış edərək öz bacarıqlarını nümayiş etdiriblər. Uşaqların ifasında təqdim olunan səhnəciklər dostluq, vətənpərvərlik, ailə dəyərləri və uşaqlıq sevincini əks etdirən mövzulara həsr olunub.

Tədbirdə valideynlər, pedaqoji kollektiv və qonaqlar iştirak ediblər. Balacaların rəngarəng çıxışları iştirakçılar tərəfindən böyük maraq və alqışlarla qarşılanıb.

Qeyd olunub ki, uşaqların hərtərəfli inkişafı, onların yaradıcılıq potensialının üzə çıxarılması və asudə vaxtlarının səmərəli təşkili məktəbəqədər təhsil müəssisələrinin əsas prioritetlərindəndir.

Sonda tədbir iştirakçıları uşaqları bayram münasibətilə təbrik edib, onlara sağlam, xoşbəxt və uğurlu gələcək arzulayıblar.

1 İyun – Uşaqların Beynəlxalq Müdafiəsi Günü münasibətilə tədbir keçirilib1 İyun – Uşaqların Beynəlxalq Müdafiəsi Günü m...
01/06/2026

1 İyun – Uşaqların Beynəlxalq Müdafiəsi Günü münasibətilə tədbir keçirilib

1 İyun – Uşaqların Beynəlxalq Müdafiəsi Günü münasibətilə Şəmkir rayon mədəniyyət müəssisələrinin birgə təşkilatçiliği ilə Şəmkir Uşaq Reabilitasiya Mərkəzində bayram tədbiri keçirilib.

Tədbirin açılışında Şəmkir Uşaq Reabilitasiya Mərkəzinin direktoru çıxış edərək uşaqları əlamətdar gün münasibətilə təbrik edib, onların sağlam, xoşbəxt və qayğıkeş mühitdə böyüməsinin vacibliyini vurğulayıb. O, uşaqlara göstərilən diqqət və qayğının cəmiyyətin gələcəyinə qoyulan ən dəyərli sərmayə olduğunu qeyd edib.

Bayram proqramı çərçivəsində Şəmkir rayon Mədəniyyət Mərkəzinin solistləri və Şəmkir rayon Musiqi Məktəbinin şagirdləri tərəfindən müxtəlif musiqi nömrələri təqdim olunub. İfa edilən rəngarəng musiqilər tədbir iştirakçıları tərəfindən maraqla qarşılanıb və uşaqlara xoş ovqat bəxş edib. Həmçinin Şəmkir Uşaq Reabilitasiya mərkəzinin uşaqları tərəfindən hazırlanan çıxışlar da tədbirə ayrıca rəng qatmışdır.

Tədbir zamanı uşaqların sevincini artırmaq məqsədilə Şəmkir rayon Mədəniyyət Mərkəzinin rəsm dərnəyinin müəllim və şagirdlərindən ibarət face art fəaliyyəti də təşkil olunub. Balacalar üzərində çəkilən rəngarəng və maraqlı təsvirlərə böyük maraq göstərərək əyləncəli anlar yaşayıblar.

01/06/2026

1 İyun - Uşaqların Beynəlxalq Müdafiəsi Günüdür

28/05/2026

28 May - Azərbaycanın Müstəqillik Günü

25.05.2026-cı il tarixdə Şəmkir rayon mədəniyyət müəssisələrinin birgə təşkilatçılığı ilə Şəmkir rayon Mədəniyyət Mərkəz...
28/05/2026

25.05.2026-cı il tarixdə Şəmkir rayon mədəniyyət müəssisələrinin birgə təşkilatçılığı ilə Şəmkir rayon Mədəniyyət Mərkəzində 28 May – Müstəqillik Günü münasibətilə geniş konsert proqramı təşkil olunub. Tədbirdə solistlərin ifasında vətənpərvərlik ruhunda ifalar səsləndirilib, Həmçinin konsert proqramı ilə yanaşı təşkil olunmuş kitab sərgisində Azərbaycanın müstəqillik tarixini və milli-mənəvi dəyərlərimizi əks etdirən nəşrlər nümayiş olunub.

Qurban bayramınız mübarək!
27/05/2026

Qurban bayramınız mübarək!

27/05/2026

Hörmətli həmvətənlər!

Sizi və Azərbaycanın hüdudlarından kənarda yaşayan bütün soydaşlarımızı müqəddəs Qurban bayramı münasibətilə ürəkdən təbrik edir, hər birinizə ən səmimi arzularımı yetirirəm.

İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır.

Hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Əziz bacı və qardaşlarım!

Bu mübarək günlərdə şəhidlərimizin ölməz xatirəsini bir daha minnətdarlıqla yad edir, xalqımızın və dövlətimizin əmin-amanlığı naminə etdiyiniz duaların Tanrı dərgahında qəbul olunması diləyi ilə ailələrinizə xoşbəxtlik, süfrələrinizə bol ruzi və bərəkət arzulayıram.

Qurban bayramınız mübarək olsun!

Şəmkir Uşaq Reabilitasiya Mərkəzinin uşaqları Şəmkir rayon Heydər Əliyev Mərkəzində yerləşən muzey kompleksini ziyarət e...
25/05/2026

Şəmkir Uşaq Reabilitasiya Mərkəzinin uşaqları Şəmkir rayon Heydər Əliyev Mərkəzində yerləşən muzey kompleksini ziyarət ediblər.

Ziyarət zamanı iştirakçılara Ümummilli Lider Heydər Əliyevin həyat və fəaliyyəti, həmçinin Azərbaycanın tarixi və dövlətçilik ənənələri haqqında ətraflı məlumat verilib. Uşaqlar muzeydə nümayiş olunan eksponatlarla yaxından tanış olub, onların böyük marağına səbəb olan guşələri izləyiblər.

Ziyarətin əsas məqsədi uşaqların dünyagörüşünün artırılması, onların tarixi-mədəni irsə marağının formalaşdırılması və asudə vaxtlarının səmərəli təşkili olub.

Şəmkir rayon Heydər Əliyev Mərkəzinin təşkilatçılığı ilə Şəmkir şəhər, N.Nərimanov adına tam orta məktəbdə “Heydər Əliye...
25/05/2026

Şəmkir rayon Heydər Əliyev Mərkəzinin təşkilatçılığı ilə Şəmkir şəhər, N.Nərimanov adına tam orta məktəbdə “Heydər Əliyev və Azərbaycan müstəqilliyinin möhkəmləndirilməsi” mövzusunda tədbir keçirilib.

Tədbirdə məktəbin pedaqoji kollektivi və şagirdlər iştirak ediblər. Çıxış edənlər Ümummilli Lider Heydər Əliyevin Azərbaycanın dövlət müstəqilliyinin qorunması, möhkəmləndirilməsi və inkişafı istiqamətində həyata keçirdiyi tarixi xidmətlərdən bəhs ediblər. Bildirilib ki, müasir müstəqil Azərbaycan dövlətinin formalaşması və inkişafı məhz Heydər Əliyevin uzaqgörən siyasətinin nəticəsidir.

Tədbir çərçivəsində Ulu Öndərin həyat və fəaliyyətini əks etdirən film nümayiş olunub. Həmçinin iştirakçılar üçün foto və kitab sərgisi təşkil edilib. Sərgidə Heydər Əliyevin zəngin siyasi irsini, dövlətçilik fəaliyyətini və Azərbaycan tarixindəki rolunu əks etdirən nəşrlər və fotomateriallar nümayiş etdirilib.

Sonda şagirdlərə tədbirin gənclərin vətənpərvərlik ruhunda formalaşmasına və dövlətçilik ənənələrinin təbliğinə mühüm töhfə verdiyi vurğulanıb.

21.05.2026-cı il tarixdə Şəmkir rayon Heydər Əliyev Mərkəzinin təşkilatçılığı ilə Şəmkir rayon Dəllər qəsəbə tam orta mə...
21/05/2026

21.05.2026-cı il tarixdə Şəmkir rayon Heydər Əliyev Mərkəzinin təşkilatçılığı ilə Şəmkir rayon Dəllər qəsəbə tam orta məktəbində “Şəhərsalma və Memarlıq İli” çərçivəsində tədbir keçirilib.

Tədbirdə məktəbin müəllim və şagird kollektivi iştirak edib. Çıxış edənlər Ümummilli Lider Heydər Əliyevin Azərbaycanda şəhərsalma və memarlıq sahələrinin inkişafı istiqamətində həyata keçirdiyi mühüm layihələrdən, ölkənin infrastrukturunun yenilənməsi və milli memarlıq ənənələrinin qorunması sahəsində gördüyü işlərdən bəhs ediblər.

Bildirilib ki, Ulu Öndərin rəhbərliyi dövründə respublikanın bir çox şəhər və rayonlarında geniş quruculuq işləri aparılıb, müasir yaşayış və inzibati binalar, mədəniyyət ocaqları istifadəyə verilib. Qeyd olunub ki, bu siyasət hazırda da uğurla davam etdirilir.

Tədbir çərçivəsində Ulu Öndərin fəaliyyətini və ölkəmizdə aparılan quruculuq işlərini əks etdirən kitab və fotosərgi nümayiş olunub. Sərgi iştirakçılar tərəfindən maraqla qarşılanıb.

Sonda tədbirin maarifləndirici əhəmiyyəti vurğulanaraq, bu cür təşəbbüslərin gənc nəslin milli-mənəvi dəyərlərə bağlı ruhda yetişməsində mühüm rol oynadığı qeyd edilib.

Address

Şəmkir. Heydər Əliyev. Pr 5
Shamkhor
AZ5700

Telephone

+994223052491

Website

Alerts

Be the first to know and let us send you an email when Şəmkir Heydər Əliyev Mərkəzi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Şəmkir Heydər Əliyev Mərkəzi:

Shortcuts

Share

Category