Salyan Tarix Diyarşünaslıq Muzeyi

01/06/2026

01.06. 2026-cı il tarixində Salyan Tarix-Diyarşünaslıq Muzeyində 1 İyun – Uşaqların Beynəlxalq Müdafiəsi Gününə həsr olunmuş “Uşaqların Sevinc Dünyası” adlı əyləncəli tədbir keçirilib.
Tədbirdə məktəblilər və muzeyin fəal ziyarətçiləri iştirak edib. Uşaqlar üçün maraqlı yarışlar, intellektual oyunlar və əyləncəli müsabiqələr təşkil olunub.. Yarışların qalibləri həvəsləndirici hədiyyələrlə mükafatlanıb.
Bayram proqramı çərçivəsində uşaqların ifasında mahnılar səsləndirilib və uşaq mövzusunda şeirlər söylənib.
Sonda uşaqlara müxtəlif hədiyyələr təqdim olunub,xatirə şəkilləri çəkilin və onlara xoş arzular çatdırılıb.

28/05/2026

Salyan Tarix-Diyarşünaslıq Muzeyində 28 May – Müstəqillik Günü münasibətilə açıq dərs keçirilib
Açıq dərsdə şagirdlərə Azərbaycan Xalq Cümhuriyyətinin yaradılmasınin tarixi əhəmiyyəti, xalqımızın azadlıq uğrunda mübarizəsi və müstəqil dövlətçilik ənənələri haqqında məlumat verilib. Bildirilib ki, 28 May Azərbaycan xalqının milli yaddaşında mühüm yer tutur və bu tarix dövlətçilik salnaməmizin şanlı səhifəsidir.
Tədbir çərçivəsində şagirdlər tərəfindən vətənə, müstəqilliyə həsr olunmuş şeirlər səsləndirilib, mövzu ətrafında fikir mübadiləsi aparılıb.
Açıq dərsin keçirilməsində məqsəd gənc nəslin milli-mənəvi dəyərlərə bağlılığını artırmaq, onlarda vətənpərvərlik ruhunu gücləndirmək və müstəqilliyimizin əhəmiyyətini təbliğ etmək olub.

27/05/2026

Qurban Bayramınız mübarək!

21/05/2026

20/05/2026

https://azertag.az/xeber/45_illik_tarixi_bir_mekanda_salyan_tarix_diyarsunasliq_muzeyinde_yubiley_tedbiri-4206251https://azertag.az/xeber/45_illik_tarixi_bir_mekanda_salyan_tarix_diyarsunasliq_muzeyinde_yubiley_tedbiri-4206251

Şirvan-Salyan Regional Mədəniyyət İdarəsindən AZƏRTAC-ın bölgə müxbirinə verilən məlumata görə, tədbirdə idarənin əməkdaşları, rayon ictimaiyyətinin nümayəndələri, idarə, müəssisə və təşkilat rəhbərləri, mədəniyyət və təhsil işçiləri iştirak ediblər. ...

18/05/2026

18 may 2026-cı il tarixində MİHİ-nin Salyan rayon Komitəsinin dəstəyi ilə Salyan Tarix-Diyarşünaslıq Muzeyində Beynəlxalq Muzeylər Günü və muzeyin yaranmasının 45 illik yubileyi münasibətilə tədbir keçirilib.
Tədbirdə rayon İcra Hakimiyyətinin nümayəndəsi, Yeni Azərbaycan Partiyasının Salyan rayon təşkilatının sədr və nümayəndələri, rayon ictimaiyyəti, mədəniyyət işçiləri, ziyalılar, gənclər, təhsil müəssisələrinin nümayəndələri və muzeysevərlər iştirak edib.
Əvvəlcə tədbir iştirakçıları muzeydə təşkil olunmuş sərgi ilə tanış oldular. Sərgidə muzeyin fondlarında qorunub saxlanılan qədim arxeoloji tapıntılar, etnoqrafik nümunələr, qədim məişət əşyaları, xalçalar, sənədlər, fotoşəkillər, Salyanın zəngin tarixi-mədəni irsini əks etdirən eksponatlar və Salyan 4 saylı məktəbin müəllimi,oyma üzrə sənətkar Rauf İbrahimovun əl işləri nümayiş olundu.
Tədbir zamanı muzeyin 45 illik fəaliyyəti, milli-mədəni irsin qorunması və gələcək nəsillərə çatdırılması istiqamətində görülən işlər barədə ətraflı məlumat verildi.
Qonaqlar çıxış edərək muzey kollektivini 45 illik yubiley münasibətilə təbrik etdilər, muzeyin bölgənin tarixinin qorunması və təbliği istiqamətində həyata keçirdiyi fəaliyyətləri yüksək qiymətləndiriblər.
Rəsmi hissədən sonra Salyan rayon Mədəniyyət Mərkəzinin solistlərinin ifasında qonaqlar üçün konsert proqramı təqdim olunub. Proqram çərçivəsində vətənpərvərlik ruhunda musiqilər səsləndirildi, milli rəqslər və müxtəlif bədii kompozisiyalar nümayiş etdirilib.
Tədbirin əsas məqsədi muzeylərin cəmiyyət həyatındakı rolunu təbliğ etmək, tariximizə və milli-mədəni dəyərlərimizə marağı artırmaq, eləcə də Salyan Tarix-Diyarşünaslıq Muzeyinin 45 illik fəaliyyətinə ictimai diqqəti yönəltmək oldu.

15/05/2026

18 MAY – BEYNƏLXALQ MUZEYLƏR GÜNÜ
SALYAN TARİX-DİYARŞÜNASLIQ MUZEYİ – 45
18 may 2026-cı il
Saat 11:00
Salyan Tarix-Diyarşünaslıq Muzeyi
Sizi Beynəlxalq Muzeylər Günü və muzeyin yaranmasının 45 illik yubileyi münasibətilə keçiriləcək təntənəli tədbirə dəvət edirik.
Tədbir proqramı:
☆Muzeydə təşkil olunacaq sərgiyə baxış
☆Qədim arxeoloji tapıntılar və etnoqrafik nümunələrin nümayişi
☆Muzeyin 45 illik fəaliyyəti haqqında təqdimat
☆Tarixi-mədəni irsin qorunmasına həsr olunmuş çıxışlar
☆Konsert proqramı
☆ Milli musiqilər, rəqslər və bədii kompozisiyalar
✨ Tariximizi yaşadan dəyərlərlə birgə olmaq üçün siz də tədbirimizə qatılın!

10/05/2026

10 may müasir Azərbaycanın qurucusu, Ümummilli Lider Heydər Əliyevin anadan olmasının 103-cü ildönümüdür.

Azərbaycan dövlətçiliyinin möhkəmləndirilməsi, milli-mənəvi dəyərlərimizin qorunması və milli mədəniyyətimizin inkişafı istiqamətində misilsiz xidmətlər göstərən Ulu Öndər Heydər Əliyevin əziz xatirəsini dərin hörmət və minnətdarlıqla yad edirik.

Onun müəyyən etdiyi mədəniyyət siyasəti bu gün də Azərbaycanın mədəni inkişaf strategiyasının əsas ideoloji sütunlarından biri olaraq yaşayır və ölkəmizin zəngin irsinin gələcək nəsillərə çatdırılmasına xidmət edir.

09/05/2026

08.05.2026-cı il tarixində Salyan Tarix-Diyarşünaslıq Muzeyinin əməkdaşları tərəfindən Ümummilli Lider Heydər Əliyevin anadan olmasının ildönümü münasibətilə Salyan şəhər 12 saylı uşaq bağçasında maarifləndirici və əyləncəli tədbir keçirilib.
Tədbirdə Ulu Öndərin həyat və fəaliyyəti haqqında uşaqlara sadə və maraqlı formada məlumat verilib. Qeyd olunub ki, Ümummilli Lider Heydər Əliyev dövlət siyasətində uşaqların hərtərəfli inkişafına xüsusi önəm verib, onların savadlı, vətənpərvər və milli dəyərlərə bağlı şəxsiyyət kimi formalaşmasını daim diqqət mərkəzində saxlayıb.
Daha sonra uşaqların iştirakı ilə müxtəlif maraqlı oyunlar, intellektual yarışlar və əyləncəli tapşırıqlar təşkil olunub. Balacalar vətənpərvərlik mövzusunda şeirlər səsləndirib, mahnılar ifa edib və böyük həvəslə oyunlarda iştirak ediblər. Tədbir uşaqlarda həm birlik hissinin, həm də milli dəyərlərə marağın formalaşdırılmasına xidmət edib.

09/05/2026

Salyan Tarix-Diyarşünaslıq Muzeyində 9 May – Qələbə Günü münasibətilə maarifləndirici tədbir keçirilib.
Tədbirdə məktəblilər və muzey əməkdaşları iştirak ediblər. Əvvəlcə İkinci Dünya müharibəsində həlak olanların əziz xatirəsi bir dəqiqəlik sükutla yad olunub. Daha sonra çıxış edənlər 9 May tarixinin əhəmiyyəti, Azərbaycan xalqının faşizm üzərində qələbədə göstərdiyi qəhrəmanlıq və Bakı neftinin müharibədə mühüm rolu haqqında şagirdlərə ətraflı məlumat veriblər.
Tədbir zamanı şagirdlərə vətənpərvərlik, tariximizin öyrənilməsi və sülhün qorunmasının vacibliyi barədə maarifləndirici söhbətlər aparılıb. Həmçinin müharibə illərini əks etdirən fotoşəkillər və eksponatlardan ibarət sərgiyə baxış keçirilib.