26/05/2026
28 May – Müstəqillik Günü münasibətilə "İstiqlalın sədası" adlı tədbir keçirilib
Mayın 26-da Qəbələ rayon Heydər Əliyev Mərkəzi, Qəbələ Dövlət Rəsm Qalereyası, Mərkəzləşdirilmiş Kitabxana Sisteminin şəhər 2 saylı filialı, Qəbələ rayon Mədəniyyət Mərkəzi, Qəbələ regional "ASAN xidmət" mərkəzi və Cığatelli kənd Mədəniyyət evinin birgə təşkilatçılığı ilə 28 May – Müstəqillik Günü münasibətilə "İstiqlalın sədası" adlı tədbir keçirilib.
Tədbirdə təşkilatçı qurumların əməkdaşları, Qəbələ Dövlət Peşə Təhsil Mərkəzinin tələbələri iştirak edib. Əvvəlcə Azərbaycan Respublikasının Dövlət Himni səsləndirilib, ulu öndər Heydər Əliyevin və ölkəmizin müstəqilliyi və ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.
Çıxışlarda Azərbaycan Xalq Cümhuriyyətinin yaranma tarixi, xalqımızın müstəqillik uğrunda apardığı mübarizə, dövlətçilik ənənələrinin qorunub saxlanılması və müstəqil Azərbaycanın inkişaf yolu barədə ətraflı məlumat verilib. Eyni zamanda, ümummilli lider Heydər Əliyev tərəfindən müstəqil dövlətçiliyin möhkəmləndirilməsi istiqamətində həyata keçirilən mühüm tədbirlərdən, bu siyasi kursun İlham Əliyev tərəfindən uğurla davam etdirilməsindən bəhs olunub.
Tədbir çərçivəsində vətənə, müstəqilliyə və dövlətçiliyə həsr olunmuş şeirlər səsləndirilib, videoçarx nümayiş olunub, müstəqillik tariximizi, dövlət rəmzlərimizi və Azərbaycanın inkişaf yolunu əks etdirən sərgi nümayiş olunub.
