Hacıqabul Heydər Əliyev Mərkəzi

04/06/2026

“Təhlükəsiz informasiya və sağlam uşaq düşüncəsi” mövzusunda video-çarx

04/06/2026

“Təhlükəsiz informasiya və sağlam uşaq düşüncəsi” mövzusunda təqdimat keçirilib

Hacıqabul rayon Heydər Əliyev Mərkəzi və Hacıqabul şəhəri Vidadi Quliyev adına 6 nömrəli tam orta ümumtəhsil məktəbinin birgə təşkilatçılığı ilə “Təhlükəsiz informasiya və sağlam uşaq düşüncəsi” mövzusunda təqdimat keçirilib.
Tədbirdə məktəbin 9-cu sinif şagirdləri iştirak ediblər. Mərkəzin bələdçisinin hazırladığı təqdimatda müasir informasiya məkanında uşaqların qarşılaşa biləcəyi risklər, internetdən təhlükəsiz istifadə qaydaları, kibertəhlükəsizlik, sosial şəbəkələrin yeniyetmələrin psixologiyasına təsiri və düzgün informasiya seçiminin əhəmiyyəti barədə ətraflı məlumat verilib.
Təqdimatdan sonra məktəbin psixoloqu mövzu ətrafında çıxış edərək uşaqların informasiya təhlükəsizliyinin qorunması, internet asılılığının qarşısının alınması və sağlam psixoloji mühitin yaradılması ilə bağlı fikirlərini bölüşüb. Daha sonra məktəblilər gündəlik həyatda və sosial şəbəkələrdə qarşılaşdıqları təhlükələrdən danışaraq öz təcrübələrini tədbir iştirakçıları ilə bölüşüblər.
Sonda şagirdləri maraqlandıran suallar cavablandırılıb, onlara təhlükəsiz informasiya mühitinin formalaşdırılması və sağlam düşüncə tərzinin inkişaf etdirilməsi istiqamətində tövsiyələr verilib. Tədbir iştirakçılar tərəfindən maraqla qarşılanıb və mövzu ətrafında faydalı fikir mübadiləsi aparılıb.

28/05/2026

28 May – Müstəqillik Günü münasibətilə Hacıqabul rayon Heydər Əliyev Mərkəzi və Gənclərin İnkişaf və Karyera Mərkəzinin Hacıqabul rayon nümayəndəliyinin birgə təşkilatçılığı ilə gənclər arasında “Xəmsə” intellektual yarışı keçirilib.
Tədbirdə əvvəlcə Azərbaycan Xalq Cümhuriyyətinin yaranmasının tarixi əhəmiyyətindən, dövlət müstəqilliyimizin qorunub saxlanılmasında Ümummilli Lider Heydər Əliyevin misilsiz xidmətlərindən və bu siyasətin bu gün Prezident İlham Əliyev tərəfindən uğurla davam etdirilməsindən danışılıb. Bildirilib ki, bu cür intellektual yarışların keçirilməsi gənclərin bilik və dünyagörüşünün artırılması, onların vətənpərvərlik ruhunda formalaşdırılması baxımından mühüm əhəmiyyət daşıyır.
Daha sonra iştirakçılar arasında maraqlı və gərgin mübarizə şəraitində “Xəmsə” yarışı təşkil olunub. Yarış zamanı komandalar tarix, ədəbiyyat, mədəniyyət, məntiq və ümumi dünyagörüşünü əhatə edən sualları cavablandırıblar.
Yekun nəticələrə əsasən: I yerə “Xarıbülbül” komandası,
II yerə “Zəkalar” komandası,
III yerə isə “Mübarizlər” komandası layiq görülüb.
Qalib komandalar təşkilatçılar tərəfindən diplomlarla təltif ediliblər.
Tədbir iştirakçılar tərəfindən böyük maraq və yüksək əhval-ruhiyyə ilə qarşılanıb.

26/05/2026

Hacıqabul rayon Heydər Əliyev Mərkəzində Hacıqabul rayon Mərkəzləşdirilmiş Kitabxana Sisteminin şəhər kitabxana filiallarının əməkdaşları üçün ekskursiya təşkil olunub. Ekskursiya zamanı iştirakçılar Ümummilli Lider Heydər Əliyevin həyat və fəaliyyətini əks etdirən eksponatlar, fotoşəkillər və tarixi materiallarla yaxından tanış olublar.
Mərkəzdə nümayiş olunan eksponatlar vasitəsilə Heydər Əliyevin Azərbaycanın dövlətçilik tarixindəki mühüm xidmətləri, milli-mənəvi dəyərlərin qorunması və ölkənin inkişafı istiqamətində həyata keçirdiyi siyasət barədə ətraflı məlumat verilib.
Ekskursiya çərçivəsində kitabxana əməkdaşları mərkəzdə təşkil olunan müxtəlif sərgilərə də tamaşa ediblər. Sərgilərdə nümayiş etdirilən əl işləri, rəsm nümunələri və digər eksponatlar iştirakçılar tərəfindən maraqla qarşılanıb. Görüş zamanı mədəniyyət müəssisələri arasında əməkdaşlığın əhəmiyyəti vurğulanıb, belə ekskursiyaların maarifləndirici və mədəni baxımdan faydalı olduğu qeyd edilib.
Sonda iştirakçılar ekskursiyanın yüksək səviyyədə təşkilinə görə təşəkkürlərini bildirərək, mərkəzdə nümayiş olunan zəngin materialların onlarda xoş təəssürat yaratdığını qeyd ediblər.

25/05/2026

Hacıqabul rayon Heydər Əliyev Mərkəzinin əməkdaşları tərəfindən Hacıqabul şəhər Fariz Cəbrayılov adına 2 nömrəli tam orta ümumtəhsil məktəbində “Azərbaycan Xalq Cümhuriyyəti: Dövlətçilik ənənələrinin davamı və Heydər Əliyev” adlı tarix dərsi keçirilib.

Tarix dərsində Azərbaycan Xalq Cümhuriyyətinin yaranma tarixi, dövlətçilik ənənələrimizin formalaşmasında oynadığı mühüm rol, milli azadlıq və istiqlal ideyalarının əhəmiyyəti barədə şagirdlərə ətraflı məlumat verilib. Bildirilib ki, 1918-ci ildə yaradılmış Azərbaycan Xalq Cümhuriyyəti Şərqdə ilk demokratik respublika kimi xalqımızın dövlətçilik tarixində mühüm mərhələ təşkil edir.

Dərs zamanı Ulu Öndər Heydər Əliyev tərəfindən Azərbaycan Xalq Cümhuriyyətinin siyasi irsinə verilən yüksək qiymətdən, müstəqil Azərbaycanın dövlətçilik ənənələrinin qorunması və inkişaf etdirilməsi istiqamətində həyata keçirilən siyasətdən bəhs olunub. Qeyd edilib ki, məhz Heydər Əliyevin rəhbərliyi dövründə Azərbaycan dövlətçiliyi daha da möhkəmlənib, milli-mənəvi dəyərlərimizə bağlılıq gücləndirilib.

Tarix dərsində şagirdlərin mövzu ilə bağlı sualları cavablandırılıb, onların Azərbaycan tarixinin bu mühüm dövrünə marağı xüsusi vurğulanıb. Tədbirin keçirilməsində məqsəd gənc nəsildə vətənpərvərlik hisslərinin gücləndirilməsi, dövlətçilik tariximizin öyrənilməsi və milli dəyərlərimizin təbliği olub.

22/05/2026

Hacıqabul rayon Heydər Əliyev Mərkəzində həftə ərzində məktəblilər, rayon sakinləri və idmançılar üçün ekskursiyalar təşkil olunub. Ekskursiya iştirakçıları Ümummilli Lider Heydər Əliyevin həyat və fəaliyyətini əks etdirən eksponatlar, fotoşəkillər və sərgilərlə yaxından tanış olublar. Ziyarətçilərə mərkəzdə nümayiş olunan guşələr barədə ətraflı məlumat verilib, Ulu Öndərin Azərbaycan dövlətçiliyinin inkişafındakı xidmətlərindən bəhs olunub.

22/05/2026

20/05/2026

Hacıqabul rayon Heydər Əliyev Mərkəzinin əməkdaşları tərəfindən 10 nömrəli tam orta ümumtəhsil məktəbində “Ümummilli Lider Heydər Əliyevin memarlıq siyasəti: tarix və müasirlik” adlı mühazirə keçirilib.
Mühazirədə Ümummilli Lider Heydər Əliyevin ölkəmizdə memarlıq və şəhərsalma sahəsinin inkişafına göstərdiyi diqqət və qayğıdan bəhs olunub. Bildirilib ki, Ulu Öndərin rəhbərliyi dövründə Azərbaycanın milli memarlıq ənənələrinin qorunması, yeni yaşayış məntəqələrinin salınması, mədəniyyət və inzibati binaların tikintisi istiqamətində mühüm işlər görülüb. Eyni zamanda qeyd olunub ki, bu siyasət bu gün də uğurla davam etdirilir, ölkəmizin şəhər və rayonlarında geniş abadlıq-quruculuq işləri aparılır.
Çıxışlarda Azərbaycanın memarlıq irsinin qorunmasının vacibliyi, müasir memarlıq nümunələrinin milli dəyərlərlə uzlaşdırılması və gənclərin bu sahədə maarifləndirilməsinin əhəmiyyəti xüsusi vurğulanıb.
Mühazirənin sonunda məktəblilərlə sual-cavab təşkil olunub, iştirakçıları maraqlandıran suallar cavablandırılıb. Tədbir şagirdlər tərəfindən maraqla qarşılanıb və onların mövzu ilə bağlı biliklərinin artırılmasına töhfə verib.

19/05/2026

18 may Beynəlxalq Muzeylər günü ilə əlaqədar keçirilən tədbirdən görüntülər.

18/05/2026