31/08/2026
Hacıqabul rayon Heydər Əliyev Mərkəzi "Tarixdə bu gün" layihəsini təqdim edir:
31 avqust 1994-cü il
Düz 32 il əvvəl — 1994-cü ilin 31 avqust tarixində Ümummilli Lider Heydər Əliyev Bakı şəhərinin təhsil işçiləri ilə görüşərək müəllim əməyinə, təhsilin roluna və Ana dilimizin zənginliyinə dair zamansız tövsiyələrini dilə gətirmişdir.
Ulu Öndərin həmin tarixi görüşdəki çıxışından dəyərli fikirləri təqdim edirik:
"Müəllimə hörmət, ehtiram həmişə olub, bu gün də olmalıdır, gələcəkdə də olmalıdır. Onu da bilmək lazımdır ki, bizim hər birimiz elmi dərəcəmizdən, biliyimizdən, təhsil səviyyəmizdən, tutduğumuz vəzifədən asılı olmayaraq bütün nailiyyətlərimizə görə birinci növbədə məktəbə, müəllimə borcluyuq."
"Azərbaycan dili söz ehtiyatına görə, fikri ifadə etmək imkanlarına görə çox zəngindir. Ancaq lazımdır ki, Azərbaycan dilinin bu zənginliyi, bu böyük imkanları orta məktəbdə ilk təhsilə başlayan hər bir gənc tərəfindən mənimsənilə bilsin və gənclərimiz artıq orta məktəbdə öz dilini — ədəbi dilini, mədəni dilini yaxşı mənimsəsin, öz dilində yaxşı danışa bilsin, öz dilində fikrini ifadə edə bilsin."
“Vətənpərvərlik çox geniş məna daşıyır. Vətənpərvərlik təkcə o deyil ki, gedib Vətəni silahla müdafiə edəsən. İnsan gərək həyatının hər dövründə, fəaliyyətinin bütün sahələrində öz Vətəninin, ölkəsinin qayğısı ilə yaşasın, onun həm iqtisadiyyatının, həm siyasətinin, həm də mədəniyyətinin qayğısı ilə yaşasın.”
