Naxçıvan Muxtar Respublikasının Qida Təhlükəsizliyi Agentliyi

02/06/2026

"Qida təhlükəsizliyi sahəsində məhsulların izlənilməsi qaydası" və “Qida sahəsində gigiyena tələbləri“ mövzularında keçirilən təlimdə Agentlik və İnstitut əməkdaşları tərəfindən qida təhlükəsizliyi sahəsində fəaliyyət göstərən subyektlərə məhsulların izlənilməsinə, qida subyektlərinin izləmə sistemlərinə və prosedurlarına dair həmçinin sanitar-gigiyenik tələblər barəsində məlumat verilmiş, suallar cavablandırılmışdır. Bu kimi təlimlərin növbəti aylarda da keçirilməsi nəzərdə tutulur.

01/06/2026

27/05/2026

Qurban bayramı günlərində muxtar respublika üzrə 9 ünvanda satış və kəsim xidmətləri göstərilir

Qurban bayramı günlərində əhalinin təhlükəsiz ət və ət məhsulları ilə təmin olunması, həmçinin qurbanlıq heyvanların satışı və kəsiminin müvafiq norma və qaydalara uyğun şəkildə təşkili məqsədilə Qida Təhlükəsizliyi Agentliyi və aidiyyəti dövlət qurumları tərəfindən bütün zəruri tədbirlər görülüb.

Qurbanlıq heyvan kəsimi və satışının müvafiq norma və qaydalara uyğun və rahat şəraitdə həyata keçirilməsi məqsədilə muxtar respublika üzrə 9 ünvanda qurbanlıq heyvanların satışı və kəsimi xidmətləri təşkil olunur ki, ondan 4-ü müasir tələblərə cavab verən, bütün zəruri avadanlıqlarla təchiz olunmuş səyyar heyvan kəsimi çadırlarıdır. Bunlardan 7-də həm kəsim, həm satış, 2-də isə yalnız diri heyvanların satışı təklif olunur. Həmin məntəqələrdə baytarlıq nəzarətindən keçmiş və sanitar-gigiyenik tələblər gözlənilməklə kəsilmiş qurbanlıq heyvanlar əhaliyə təqdim olunur.

Vətəndaşlardan bayram günlərində heyvan satışı və kəsimi ilə bağlı hər hansı xoşagəlməz hallarla qarşılaşdıqları təqdirdə aidiyyəti dövlət qurumlarına və ya Agentliyin “1003 - Çağrı Mərkəzi”nə məlumat vermələri xahiş olunur.

26/05/2026

🌙 Qurban bayramı mərhəmətin, birlik olmağın, paylaşdıqca artan dəyərlərin gözəl simvoludur.

Bu mübarək gündə kəsdiyiniz qurbanlarınızın, etdiyiniz dualarınızın və xoş niyyətlərinizin qəbul olunmasını diləyirik. ✨

Qurban Bayramınız mübarək olsun! 🕌

21/05/2026

Qurban bayramı ilə bağlı hazırlıq işləri davam edir

18/05/2026

Agentlik tərəfindən Babək rayon Yarımca kəndində fəaliyyət göstərən Ələkbərov Səbuhi Cabbar oğluna məxsus çörək emalı sexində aparılan planlı yoxlama zamanı bir sıra nöqsanlar aşkar edilmişdir. Belə ki, sexdə dezinfeksiya işlərinin aparılmadığı, divarların hamar və dezinfeksiyaedici maddələrin təsirinə davamlı səthə malik olmadığı, qida ilə təmasda olan alət və avadanlıqların təmiz saxlanılmadığı, tavan səthinin tamlığının pozulduğu, xammalın xarab olma və çirklənmədən mühafizə ediləcək tərzdə və şəraitdə saxlanması üçün xüsusi anbarın olmadığı aşkarlanmışdır.

Aşkarlanmış nöqsanların aradan qaldırılması üçün müvafiq göstərişlər verilmiş, sahibkar barəsində inzibati protokol tərtib olunmuşdur. Bu kimi halların baş verməməsi məqsədilə Agentlik tərəfindən mütəmadi olaraq bütün qida obyektləri dəfələrlə maarifləndirilmiş və müvafiq göstərişlər verilmişdir. Verilmiş tapşırıqların yerinə yetirilməsi və istehlakçı hüquqlarının müdafiəsi istiqamətində nəzarət tədbirləri davam etdirilir və aşkarlanmış nöqsanlarla bağlı zəruri tədbirlər görüləcəkdir.

18/05/2026

Küçələrdə kəsim, nəzarətsiz satış və gigiyenaya uyğun olmayan şərait – bunlar hər birimizin sağlamlığı üçün təhlükədir! 🚫 Unutmayaq ki, kəsim yalnız heyvanın deyil, həm də ətraf mühitin, insan sağlamlığının qorunmasına yönəlməlidir.

Paylaşılan bu videoda vacib qaydalar və tövsiyələrlə sizi məlumatlandırırıq. İzləyin, paylaşın, xəbərdar olun! 💡

18/05/2026

Qurban bayramında heyvan kəsimi qaydaları və tələbləri