10/05/2026
Bu gün Azərbaycan xalqının Ümummilli Lideri, müasir və müstəqil Azərbaycan dövlətinin memarı və qurucusu Heydər Əlirza oğlu Əliyevin anadan olmasının 103-cü il dönümüdür. Ümummilli Lider Heydər Əliyev — parçalanma və böhran içində olan bir xalqı birləşdirən, dövlət müstəqilliyini qoruyan, iqtisadi inkişafın təməlini qoyan və Azərbaycanı beynəlxalq arenada layiqli şəkildə təmsil edən tarixi şəxsiyyətdir. Onun həyatı xalqına xidmətin, dövlətçiliyə sədaqətin və Vətən sevgisinin ən parlaq nümunəsidir.
Ümummilli Lider Heydər Əliyevin 100 illik yubileyinə həsr olunmuş 2 günlük Naxçıvan turu çərçivəsində dahi liderin həyat yolu, zəngin siyasi irsi və Naxçıvandakı fəaliyyəti ilə bağlı tarixi məkanlar ziyarət olunur. Bu səfərin əsas məqsədi Ümummilli Liderin dövlətçilik fəlsəfəsini, Vətənə bağlılığını və Azərbaycan tarixində silinməz iz qoyan irsini daha dərindən tanıtmaq, milli yaddaşın yaşadılmasına və gələcək nəsillərə ötürülməsinə töhfə verməkdir. Bu tur yalnız bir səyahət deyil, həm də tarixə, dövlətçiliyə və milli dəyərlərə mənəvi bağlılığı əks etdirən xüsusi bir ziyarətdir.
