https://www.facebook.com/102237252269845/

Mədəniyyət İşçiləri Həmkarlar İttifaqının Masallı Rayon Komitəsi, M. Talışxanov/48, Masallı (2026)

05/05/2026

Masallıda fortepiano müəllimi Ellada Rzayevanın 65 illik yubileyi qeyd olunub

Masallı şəhər Onbirillik İncəsənət Məktəbində uzun illər pedaqoji fəaliyyət göstərən təcrübəli fortepiano müəllimi Ellada Rzayevanın 65 illik yubileyi münasibətilə tədbir keçirilib.

Mayın 5-də baş tutan tədbirdə Mədəniyyət İşçiləri Həmkarlar İttifaqının Masallı rayon Komitəsinin nümayəndələri, məktəbin müəllim və şagird kollektivi iştirak ediblər.

Tədbiri giriş sözü ilə açan məktəbin direktoru Fərhad Qurbanov Ellada Rzayevanın uzun illər ərzində incəsənətin inkişafına verdiyi töhfələrdən danışıb. O, yubilyarın peşəkarlığını, zəhmətkeşliyini və yetişdirdiyi çoxsaylı şagirdləri xüsusi vurğulayaraq ona xoş arzularını çatdırıb və hədiyyə təqdim edib.

Mədəniyyət İşçiləri Həmkarlar İttifaqının Masallı rayon Komitəsinin sədri Vəkil İsmailov çıxış edərək Ellada Rzayevanı yubileyi münasibətilə təbrik edib. O, müəllimənin məsuliyyətli, intizamlı və öz işinə bağlı bir pedaqoq olduğunu qeyd edib, ona gələcək illərdə sağlamlıq və uğur diləyərək komitə adından hədiyyə təqdim edib.

Tədbir zamanı məktəbin kollektivi də yubilyarı səmimi təbrik edib, ona müxtəlif hədiyyələr təqdim ediblər.

Sonda Ellada Rzayeva göstərilən diqqət və qayğıya görə təşəkkürünü bildirib.

04/05/2026

Masallıda “Mədəniyyətin etibar qalası” – Vəkil İsmayılovun 70 illik yubileyi təntənə ilə qeyd olundu
Martın 4-də Masallı Rayon Mədəniyyət Mərkəzində tanınmış mədəniyyət xadimi, Mədəniyyət İşçiləri Həmkarlar İttifaqı Masallı Rayon Komitəsinin sədri Vəkil İsmailovun 70 illik yubileyi münasibətilə “Mədəniyyətin etibar qalası” adlı tədbir keçirilib.
Yubiley tədbiri Vəkil İsmailovun həyat və fəaliyyətindən bəhs edən sənədli filmin nümayişi ilə başlayıb. Filmdə onun mədəniyyət sahəsinə həsr olunmuş ömür yolu, həyata keçirdiyi layihələr və Masallının ictimai-mədəni həyatına verdiyi töhfələr əks olunub.
Tədbirdə Lənkəran-Astara Regional Mədəniyyət İdarəsinin rəhbərliyi və əməkdaşları, Masallı Rayon İcra Hakimiyyətinin nümayəndələri, rayon ictimaiyyətinin üzvləri, yubilyarın yaxınları, dostları, məktəb və tələbə yoldaşları iştirak ediblər.
Çıxış edən Lənkəran-Astara Regional Mədəniyyət İdarəsinin rəisi Bəxtiyar Qılıncov yubilyarı ürəkdən təbrik edərək onun uzun illər ərzində mədəniyyətin inkişafı yolunda verdiyi əməyi yüksək qiymətləndirib. Qeyd olunub ki, Vəkil İsmayılov Masallıda mədəniyyət deyəndə ilk yada düşən simalardan biridir. Daha sonra yubilyara fəxri fərman və hədiyyə təqdim edilib.
Digər çıxış edənlər də onun zəngin həyat yolundan, yüksək insani keyfiyyətlərindən, sadəliyindən və mədəniyyətə sonsuz bağlılığından söz açaraq xoş arzularını çatdırıblar.
Bildirilib ki, Vəkil İsmailov 1956-cı ildə Masallının Ərkivan kəndində anadan olub. Uzun illər Nizami Gəncəvi adına Masallı Rayon Mədəniyyət Mərkəzinə rəhbərlik edib, hazırda isə Mədəniyyət İşçiləri Həmkarlar İttifaqının Masallı Rayon Komitəsinin sədri kimi fəaliyyətini davam etdirir. Onun rəhbərliyi dövründə həyata keçirilən çoxsaylı mədəni layihələr bu gün də minnətdarlıqla xatırlanır.
Diqqətə çatdırılıb ki, Vəkil İsmailov öz fəaliyyəti ilə yalnız bir rəhbər kimi deyil, həm də milli-mənəvi dəyərlərin qoruyucusu, gənc nəslə örnək olan ziyalı kimi tanınır. O, müxtəlif mükafatlara, o cümlədən “Tərəqqi” medalına layiq görülüb.
Tədbir zəngin konsert proqramı ilə davam edib və iştirakçılara xoş ovqat bəxş edib.
Sonda yubilyar ona göstərilən diqqət və ehtirama görə öz dərin təşəkkürünü bildirib.

02/05/2026

04 may 2026-cı il saat 11:00-da N.Gəncəvi adına Masallı rayon Mədəniyyət Mərkəzində Mədəniyyət sahəsində uzunmüddətli peşəkar fəaliyyəti və mühüm xidmətləri ilə tanınan Azərbaycan Mədəniyyət İşçiləri Həmkarlar İttifaqının Masallı rayon Komitəsinin sədri Vəkil Əli oğlu İsmailovun 70 illik yubileyi keçiriləcəkdir.

28/04/2026

Masallı rayonunda Ümumdünya Əməyin Mühafizəsi Gününə həsr olunmuş tədbir keçirilib
Aprelin 28-də Masallı rayon Mərkəzi Kitabxanasında MİHİ Masallı rayon Komitəsinin təşkilatçılığı və rayonda fəaliyyət göstərən mədəniyyət müəssisələrinin iştirakı ilə 28 Aprel – Ümumdünya Əməyin Mühafizəsi Gününə həsr olunmuş tədbir keçirilib.
Tədbiri giriş sözü ilə Mərkəzi Kitabxananın direktoru Zamin Məmmədov açaraq tədbirin mahiyyəti və əhəmiyyəti barədə geniş məlumat verib. O, əməyin mühafizəsinin hər bir iş yerində prioritet məsələlərdən biri olduğunu vurğulayıb.
MİHİ Masallı rayon Komitəsinin sədri Vəkil İsmailov çıxışında bu günün əhəmiyyətini xüsusi qeyd edib. O, iş yerlərində təhlükəsizlik qaydalarına ciddi riayət olunmasının vacibliyindən, maarifləndirmə işinin davamlı aparılmasının əhəmiyyətindən, eləcə də qabaqlayıcı tədbirlərin gücləndirilməsinin zəruriliyindən bəhs edib. Bildirib ki, Həmkarlar ittifaqları tərəfindən əməyin mühafizəsinə daim xüsusi önəm verilir və bu istiqamətdə müvafiq tədbirlər həyata keçirilir.
Tədbirdə çıxış edən digər iştirakçılar da mövzu ətrafında fikirlərini bölüşərək əməyin mühafizəsinin insan sağlamlığının qorunmasında mühüm rol oynadığını qeyd ediblər.
Sonda iştirakçılar arasında mövzu ətrafında fikir mübadiləsi aparılıb və əməyin mühafizəsi qaydalarına riayət olunmasının vacibliyi bir daha diqqətə çatdırılıb.

28/04/2026

Aprelin 28-də Masallı rayon Heydər Əliyev Mərkəzində Mədəniyyət müəssisələrinin birgə təşkilatçılığı,Mədəniyyət İşçiləri Həmkarlar İttifaqının Masallı rayon Komitəsinin dəstəyi ilə “Dövlət quruculuğu və insan amili: iki böyük şəxsiyyətin həyat fəlsəfəsi” mövzusunda dəyirmi masa keçirilib.Dəyirmi masa Ümummilli lider Heydər Əliyevin və görkəmli alim, akademik Zərifə Əliyevanın anadan olmasının 103-cü ildönümünə həsr edilib.
Tədbirdə çıxış edənlər hər iki böyük şəxsiyyətin Azərbaycan dövlətçiliyinin möhkəmləndirilməsində, milli-mənəvi dəyərlərin qorunmasında və insan amilinə verilən yüksək dəyərin formalaşmasında göstərdikləri misilsiz xidmətlərdən bəhs ediblər. Qeyd olunub ki, Heydər Əliyevin uzaqgörən siyasi kursu və dövlətçilik fəlsəfəsi müasir Azərbaycanın inkişafının əsasını təşkil edir.
Eyni zamanda, Zərifə Əliyevanın tibb elminə verdiyi töhfələr, insanlara göstərdiyi yüksək qayğı və humanist fəaliyyəti xüsusi vurğulanıb. Bildirilib ki, onun zəngin elmi irsi və mənəvi dəyərləri bu gün də cəmiyyət üçün örnəkdir.
Dəyirmi masa çərçivəsində iştirakçılar mövzu ətrafında fikir mübadiləsi aparıb, hər iki şəxsiyyətin həyat və fəaliyyətinin gənc nəslə təbliğinin vacibliyini qeyd ediblər.
Sonda tədbir iştirakçıları Mərkəzdə təşkil olunan “Ümummilli Lider Heydər Əliyev və Azərbaycan mədəniyyətinin inkişaf strategiyası” mövzusunda sərgiyə baxış keçiriblər. ‎

27/04/2026

Masallıda asudə vaxtın səmərəli təşkili məqsədilə növbəti idman tədbiri təşkil olunub.
Mədəniyyət İşçiləri Həmkarlar İttifaqı Masallı rayon Komitəsinin dəstəyi və Gənclər və İdman İdarəsinin Masallı rayon sektorunun təşkilatçılığı ilə mədəniyyət işçilərindən və idmançı müəllimlərdən ibarət komandalar arasında futbol yarışı keçirilib.
Tədbirin əsas məqsədi asudə vaxtın səmərəli təşkili, sağlam həyat tərzinin təşviqi və kollektivlər arasında dostluq münasibətlərinin möhkəmləndirilməsi olub. Yarışda iştirak edən komandalar yüksək əhval-ruhiyyə ilə mübarizə apararaq idmana olan maraqlarını nümayiş etdiriblər.
Qeyd edək ki, bu kimi tədbirlər mütəmadi olaraq təşkil olunur və gənclərin idmana cəlb edilməsində, həmçinin sağlam həyat tərzinin təbliğində mühüm rol oynayır. Mədəniyyət İşçiləri Həmkarlar İttifaqı Masallı rayon Komitəsi, həmçinin Gənclər və İdman İdarəsinin Masallı rayon sektoru tərəfindən həyata keçirilən belə təşəbbüslər idmanın və sağlamlığın inkişafına əhəmiyyətli töhfə verir.
Sonda qalib komandalar mükafatlandırılıb və iştirakçılara gələcək yarışlarda uğurlar arzulanıb.

21/04/2026

"Şəhid qardaşlar"-Ev muzeyində

21/04/2026

Lənkəran-Astara Regional Mədəniyyət İdarəsinin rəisi Bəxtiyar Qılıncov başda olmaqla, Mədəniyyət İşçiləri Həmkarlar İttifaqının Masallı rayon komitəsi və mədəniyyət nümayəndələri Masallı rayonunun Viləş kəndində yerləşən “Şəhid qardaşlar” ev muzeyini ziyarət ediblər.
Ev muzeyi Aprel döyüşləri şəhidi Nurlan Əsgərli və Vətən Müharibəsi Qəhrəmanı İntiqam Əsgərlinin xatirəsinə yaradılıb. Muzeydə şəhid qardaşlara aid şəxsi əşyalar, fotoşəkillər və digər eksponatlar nümayiş olunur.
Ziyarət zamanı nümayəndələr muzeylə yaxından tanış olub, burada sərgilənən eksponatların hər biri qonaqlarda dərin təəssürat yaradıb. Qeyd olunub ki, bu cür muzeylər gənc nəslin vətənpərvərlik ruhunda tərbiyəsində mühüm rol oynayır.
Tədbir çərçivəsində şəhid qardaşların valideynlərinin xatirələri dinlənilib. Səmimi söhbət zamanı şəhidlərin keçdiyi şərəfli həyat yolundan bəhs olunub, onların xatirəsinin daim uca tutulacağı vurğulanıb. İdarə rəisi xatirə dəftərinə ürək sözlərini qeyd edərək şəhidlərin əziz xatirəsinə dərin ehtiramını ifadə edib.

15/04/2026

📢 ELAN!

Masallı Rayon Heydər Əliyev Mərkəzində “Heydər Əliyev və müasir memarlıq irsi” mövzusunda rəsm sərgisi təşkil olunacaq.

Sərgi Masallı Rayon Heydər Əliyev Mərkəzi, Masallı Dövlət Rəsm Qalereyası, Masallı şəhər Onbirillik İncəsənət Məktəbi və N. Gəncəvi adına Masallı Rayon Mədəniyyət Mərkəzinin birgə təşkilatçılığı, Gənclərin İnkişaf və Karyera Mərkəzinin Masallı bölməsinin tərəfdaşlığı ilə keçiriləcək.

Sərgidə Ümummilli Lider Heydər Əliyevin memarlıq siyasəti, Azərbaycanın müasir memarlıq irsi və bu mövzunun rəssamların baxışında əks olunması təqdim ediləcək. Müxtəlif üslub və texnikalarda hazırlanmış rəsm əsərləri nümayiş olunacaq.

📍 Məkan: Masallı Rayon Heydər Əliyev Mərkəzi
📅 Tarix: 16–18 aprel 2026-cı il

14/04/2026

Aprelin 14-də Masallı rayon Heydər Əliyev Mərkəzində “Azərbaycan dili: milli kimliyin və mədəni irsin daşıyıcısı” mövzusunda elmi-praktik konfrans keçirilib.

Konfrans Masallı rayon Heydər Əliyev Mərkəzi,Gənclərin İnkişaf və Karyera Mərkəzinin Masallı bölməsinin birgə təşkilatçılığı,Lənkəran Dövlət Universiteti, Azərbaycan Pedoqoji Universitetinin Cəlilabad filialı, Masallı Dövlət Regional Kolleci və Lənkəran-Astara Regional Təhsil İdarəsinin Masallı rayonu üzrə təhsil sektorunun tərəfdaşlığı,Mədəniyyət İşçiləri Həmkarlar İttifaqının Masallı rayon Komitəsinin dəstəyi ilə baş tutub.

Əvvəlcə Azərbaycan Respublikasının Dövlət Himni səsləndirilib.Daha sonra Ulu öndər Heydər Əliyevin və Azərbaycan Respublikasının ərazi bütövlüyü uğrunda canlarını fəda etmiş şəhidlərin əziz xatirəsi bir dəqiqəlik sükutla yad edilib.

Konfrans elm, təhsil və ictimaiyyət nümayəndələrini bir araya gətirərək Azərbaycan dilinin müasir dövrdə qorunması, inkişafı və təbliği istiqamətində aktual məsələlərin müzakirəsi üçün mühüm platforma rolunu oynayıb.

Tədbir çərçivəsində panel müzakirələri və TEDx formatında çıxışlar təşkil olunub. Panel sessiyalarında sahə üzrə mütəxəssislər tərəfindən dil mədəniyyəti, ana dilinin qorunması, qloballaşma şəraitində milli kimliyin saxlanılması kimi mövzular ətrafında geniş fikir mübadiləsi aparılıb, müxtəlif yanaşmalar səsləndirilib.

TEDx formatlı çıxışlarda isə gənc natiqlər və ekspertlər öz ideyalarını, şəxsi təcrübələrini və innovativ baxışlarını iştirakçılarla bölüşərək auditoriyaya motivasiyaedici mesajlar veriblər.

Sonda qeyd olunub ki, bu kimi tədbirlərin təşkili Azərbaycan dilinin zənginliyinin qorunması, gənc nəslə aşılanması və milli-mədəni dəyərlərin təbliği baxımından xüsusi əhəmiyyət daşıyır.

03/04/2026

Mədəniyyət işçisi Qızbəs Cavadovanın 65 illik yubileyi münasibətilə mərasim keçirilib
Aprelin 3-də N.Gəncəvi adına Masallı rayon Mədəniyyət Mərkəzində Hacıtəpə kənd Yaradıcılıq klubunun müdiri Qızbəs Ağagül qızı Cavadovanın 65 illik yubileyi münasibətilə mərasim keçirilib. Mədəniyyət İşçiləri Həmkarlar İttifaqının Masallı rayon komitəsinin birgə təşkilatçılığı ilə keçirilmiş tədbirdə mədəniyyət müəssisələrinin rəhbərləri iştirak ediblər.
Tədbirdə yerli həmkarlar komitəsinin sədri Vəkil İsmailov səbəbkarı 65 illik yubileyi münasibətilə səmimi-qəlbdən təbrik edərək, ona möhkəm cansağlığı və gələcək həyatında uğurlar arzulayıb. Sədr çıxışında Qızbəs Cavadovanı təcrübəli və nümunəvi mədəniyyət işçisi kimi xarakterizə edib, mənəvi keyfiyyətlərindən geniş söz açıb.
N.Gəncəvi adına Masallı rayon Mədəniyyət Mərkəzinin direktoru vəzifəsini müvəqqəti icra edən Aqşin Quliyev təbrik çıxışında Qızbəs Cavadovanın gənc mədəniyyət işçiləri üçün örnək olduğunu vurğulayıb, onun mədəniyyət sahəsindəki uzunmüddətli əmək fəaliyyətini yüksək qiymətləndirib.
Mərasimin sonunda həmkarlar təşkilatının sədri Vəkil İsmailov tərəfindən Qızbəs Cavadovaya xatirə hədiyyələri təqdim edilib. Aqşin Quliyev isə yubilyarı Masallı rayon Mədəniyyət Mərkəzinin "Fəxri Fərman"ı ilə təltif edərək, göstərdiyi xidmətlərə görə ona təşəkkürünü bildirib.

19/03/2026

Masallıda Novruz bayramına həsr olunmuş konsert keçirilib

Martın 19-da Masallı şəhər Onbirillik İncəsənət Məktəbində Novruz bayramı münasibətilə bayram konserti təşkil olunub.

Tədbirdə mədəniyyət müəssisələrinin rəhbər işçiləri, MİHİ Masallı Rayon komitəsinin sədri, məktəbin kollektivi və əməkdaşları iştirak ediblər.

Əvvəlcə Vətən uğrunda canından keçmiş şəhidlərimizinn əziz xatirəsi bir dəqiqəlik sükutla yad edilib, dövlət himni səsləndirilib.
İncəsənət Məktəbinin direktoru Fərhad Qurbanov giriş sözü ilə çıxış edərək tədbir iştirakçılarını Novruz bayramı münasibətilə təbrik edib, onlara xoş arzularını çatdırıb.

Novruz mövzusunda rəsm müsabiqəsində fəal iştiraklarına görə məktəbin rəssamlıq sinfinin bir sıra şagirdləri sertifikatlarla təltif olunublar.

Konsert proqramı məktəbin müəllim və şagird kollektivinin ifasında təqdim olunub. Musiqi nömrələri və səhnə çıxışları tamaşaçılar tərəfindən maraqla qarşılanıb.

Tədbirin sonunda məktəbin həyətində Novruz tonqalı qalanıb, iştirakçılar tonqal ətrafında yallı rəqsi edərək bayram əhval-ruhiyyəsini bölüşüblər.

Mədəniyyət İşçiləri Həmkarlar İttifaqının Masallı Rayon Komitəsi

05/05/2026

04/05/2026

02/05/2026

28/04/2026

28/04/2026

27/04/2026

21/04/2026

21/04/2026

15/04/2026

14/04/2026

03/04/2026

19/03/2026

Address

Website

Alerts

Shortcuts

Share

Category