İmişli Rayon Ə.Əliyev adına Telişli kənd tam orta məktəbi

01/06/2026

1 İyun-Uşaqların Beynəlxalq Müdafiəsi Günüdür.

27/05/2026

Bu gün məktəbimizdə 28 May – Müstəqillik Gününə həsr olunmuş tədbir keçirildi. Tədbirdə şagirdlərə Azərbaycan Xalq Cümhuriyyətinin yaranma tarixi və müstəqilliyimizin əhəmiyyəti haqqında məlumat verildi. Şagirdlərin hazırladıqları şeirlər, çıxışlar və təqdimatlar tədbirə xüsusi rəng qatdı. Sonda vətənpərvərlik ruhunda videoçarxlar nümayiş olundu. 🇦🇿

27/05/2026

26.05.2026-cı il tarixdə məktəbimizdə görkəmli Azərbaycan bəstəkarı Fikrət Əmirovun həyat və yaradıcılığına həsr olunmuş tədbir keçirildi. Tədbirdə şagirdlərə bəstəkarın zəngin həyat yolu və Azərbaycan musiqi mədəniyyətinə verdiyi töhfələr haqqında ətraflı məlumat verildi.
Şagirdlər tərəfindən Fikrət Əmirovun əsərləri üzərində müzakirələr aparıldı, onun musiqi irsinin əhəmiyyəti vurğulandı. Tədbirin sonunda bəstəkarın həyat və fəaliyyətini əks etdirən videoçarxlar nümayiş olundu.
Belə maarifləndirici tədbirlərin keçirilməsi şagirdlərin milli musiqimizə və mədəni irsimizə marağının artırılmasına xidmət edir.

21/05/2026

Prezident İlham Əliyevin WUF13-də çıxışı: şəhərsalma, ekologiya və beynəlxalq əməkdaşlıq

2026-cı il mayın 18-də Bakıda keçirilən Ümumdünya Şəhərsalma Forumunun (WUF13) açılış mərasimində Prezident İlham Əliyev geniş məzmunlu çıxış edərək Azərbaycanın şəhərsalma, memarlıq, tarixi irsin qorunması və müasir inkişaf sahəsində həyata keçirdiyi siyasət barədə ətraflı məlumat verdi. Dövlət başçısı qeyd etdi ki, Forumda 182 ölkədən 45 mindən artıq iştirakçının qeydiyyatdan keçməsi tədbirin beynəlxalq əhəmiyyətini göstərir və bu göstərici rekord səviyyə hesab oluna bilər. Prezident vurğuladı ki, WUF13 COP29-dan sonra Azərbaycanda keçirilən ikinci ən böyük beynəlxalq tədbirdir.
Çıxışında Azərbaycanı Şərqlə Qərbin qovuşduğu məkan kimi xarakterizə edən Prezident İlham Əliyev Bakının qədimliklə müasirliyin vəhdətini əks etdirdiyini bildirdi. İçərişəhər, Bakı Bulvarı və Avropa memarlıq üslubunda tikilmiş tarixi binalar ölkənin zəngin memarlıq ənənələrinin nümunəsi kimi təqdim olundu. Dövlət başçısı qeyd etdi ki, 2026-cı ilin Azərbaycanda “Şəhərsalma və Memarlıq İli” elan edilməsi bu sahəyə verilən önəmin göstəricisidir. Prezident Azərbaycanın qədim şəhərlərinin tarixi-mədəni irsindən də bəhs etdi. Şamaxı, Naxçıvan, Gəncə, Qəbələ, Şəki, Lahıc və Şuşa kimi şəhərlərin zəngin memarlıq ənənələrinə malik olduğunu vurğuladı. Bildirildi ki, Qarabağ və Şərqi Zəngəzurda aparılan yenidənqurma işləri çərçivəsində şəhər və kəndlərin baş planları hazırlanır, müasir infrastruktur yaradılır, tarixi abidələr bərpa olunur. Dövlət başçısı işğaldan azad edilmiş ərazilərdə həyata keçirilən Böyük Qayıdış Proqramı barədə də danışdı. Qısa müddət ərzində tunellərin, körpülərin, hava limanlarının, yolların, məktəblərin, xəstəxanaların və yaşayış məntəqələrinin inşa olunduğunu diqqətə çatdırdı. Hazırda 85 mindən artıq vətəndaşın doğma torpaqlarında yaşadığı bildirildi. Çıxışda ekoloji məsələlərə də xüsusi yer ayrıldı. Prezident İlham Əliyev Bakının vaxtilə ciddi ekoloji problemlərlə üzləşdiyini, lakin son illərdə geniş abadlıq və yaşıllaşdırma işlərinin aparıldığını qeyd etdi. Vaxtilə “Qara şəhər” adlanan ərazinin bu gün müasir “Ağ şəhər” layihəsinə çevrilməsi uğurlu şəhərsalma nümunəsi kimi təqdim olundu.
Sonda Prezident İlham Əliyev beynəlxalq əməkdaşlığın şəhərsalma sahəsində böyük əhəmiyyət daşıdığını vurğulayaraq, forumun ölkələr arasında təcrübə mübadiləsinə və yeni yanaşmaların formalaşmasına mühüm töhfə verəcəyini bildirdi.

Məhəmmədəli Sarıyev- İmişli RİH başçısı aparatının, İctimai-siyasi və humanitar məsələlər sektorunun baş məsləhətçisi

20/05/2026

Bu gün məktəbimizdə “Şagird davranış qaydalar”ı mövzusunda məktəbin şagirdləri ilə marifləndirici söhbətlər aparıldı.

08/05/2026

Bu gün İmişli rayonu Ə.Əliyev adına Telişli kənd tam orta məktəbdə Ümmumilli Lider Heydər Əliyevin anadan olmasının 103-cü ildönümü ilə əlaqədar tədbir keçirilmişdir.

01/05/2026

Azərbaycan güləşçilərinin Avropa çempionatındakı böyük uğuru yüksək qiymətləndirildi

Prezident İlham Əliyevin Avropa çempionatında tarixi uğura imza ataraq komanda hesabında çempion olan Azərbaycan güləşçilərini qəbul etməsi ölkəmizdə idmana, xüsusilə də güləş ənənələrinə verilən yüksək dəyərin daha bir bariz nümunəsi oldu. Dövlət başçısının milli komandamızın Tiranada keçirilən Avropa çempionatındakı möhtəşəm çıxışını yüksək qiymətləndirməsi Azərbaycan idmanının beynəlxalq arenadakı gücünü və nüfuzunu bir daha nümayiş etdirdi. Prezident İlham Əliyev çıxışında vurğuladı ki, Azərbaycan güləşçiləri bir daha sübut etdilər ki, onlar Avropanın ən güclüləridir. Həm sərbəst, həm yunan-Roma, həm də qadın güləşi üzrə əldə olunan uğurlar göstərir ki, ölkəmizdə idmanın bu sahəsi sistemli şəkildə inkişaf edir, peşəkar hazırlıq prosesi düzgün qurulub və gənc nəslin yetişdirilməsi istiqamətində mühüm nəticələr əldə olunur. Bu qələbə yalnız idman nailiyyəti deyil, həm də Azərbaycan xalqının milli qürurunun təntənəsidir.
Azərbaycan bayrağının beynəlxalq arenalarda ucaldılması, Dövlət Himnimizin səsləndirilməsi hər bir vətəndaşda böyük sevinc və qürur hissi yaradır. Məhz bu uğurlar gənc nəslin vətənpərvərlik ruhunda formalaşmasına, idmana marağın daha da artmasına mühüm töhfə verir. Prezidentin də qeyd etdiyi kimi, idman cəmiyyətin ayrılmaz hissəsidir və dövlət siyasətinin mühüm istiqamətlərindən biridir. Bu gün Azərbaycanda idmanın inkişafı üçün yaradılmış geniş infrastruktur — bölgələrdə fəaliyyət göstərən Olimpiya İdman kompleksləri, güləş zalları, beynəlxalq səviyyəli yarışların təşkili — ölkəmizin idman potensialını daha da gücləndirir. Avropa Oyunları, İslam Həmrəyliyi Oyunları, MDB Oyunları kimi mötəbər yarışlara ev sahibliyi edən Azərbaycan artıq dünyada idman ölkəsi kimi tanınır. Prezident İlham Əliyevin xüsusi olaraq vurğuladığı mühüm məqamlardan biri də idmançıların yalnız yarış meydanında deyil, gündəlik həyatda da nümunəvi davranış nümayiş etdirmələrinin vacibliyi oldu. Azərbaycan idmançılarının yüksək mənəvi keyfiyyətləri, vətənə layiqli xidmətləri və cəmiyyət içində nümunə olmaları onların qazandıqları medallar qədər dəyərlidir.
Bu tarixi qələbə bir daha göstərdi ki, Azərbaycan idmanı güclü ənənələrə, peşəkar məktəbə və dövlət qayğısına əsaslanır. Nəsillər dəyişsə də, Azərbaycan idmanının zəfər yolu dəyişmir. Qarşıdakı illərdə də Azərbaycan güləşçilərinin dünya və Avropa arenalarında yeni qələbələr qazanacağına, üçrəngli bayrağımızı zirvələrdə dalğalandıracağına inam böyükdür. Bu uğurlar qalib xalqın, güclü dövlətin və milli iradənin parlaq təcəssümüdür.

İlkin Quluzadə, İmişli RİH başçısı aparatı, Müharibə iştirakçıları və şəhid ailələri ilə işin təşkili sektorunun böyük məsləhətçisi

01/05/2026

https://www.facebook.com/share/p/1LFszPuxfK/

Azərbaycan güləşçilərinin Avropa çempionatındakı böyük uğuru yüksək qiymətləndirildi

Prezident İlham Əliyevin Avropa çempionatında tarixi uğura imza ataraq komanda hesabında çempion olan Azərbaycan güləşçilərini qəbul etməsi ölkəmizdə idmana, xüsusilə də güləş ənənələrinə verilən yüksək dəyərin daha bir bariz nümunəsi oldu. Dövlət başçısının milli komandamızın Tiranada keçirilən Avropa çempionatındakı möhtəşəm çıxışını yüksək qiymətləndirməsi Azərbaycan idmanının beynəlxalq arenadakı gücünü və nüfuzunu bir daha nümayiş etdirdi. Prezident İlham Əliyev çıxışında vurğuladı ki, Azərbaycan güləşçiləri bir daha sübut etdilər ki, onlar Avropanın ən güclüləridir. Həm sərbəst, həm yunan-Roma, həm də qadın güləşi üzrə əldə olunan uğurlar göstərir ki, ölkəmizdə idmanın bu sahəsi sistemli şəkildə inkişaf edir, peşəkar hazırlıq prosesi düzgün qurulub və gənc nəslin yetişdirilməsi istiqamətində mühüm nəticələr əldə olunur. Bu qələbə yalnız idman nailiyyəti deyil, həm də Azərbaycan xalqının milli qürurunun təntənəsidir.
Azərbaycan bayrağının beynəlxalq arenalarda ucaldılması, Dövlət Himnimizin səsləndirilməsi hər bir vətəndaşda böyük sevinc və qürur hissi yaradır. Məhz bu uğurlar gənc nəslin vətənpərvərlik ruhunda formalaşmasına, idmana marağın daha da artmasına mühüm töhfə verir. Prezidentin də qeyd etdiyi kimi, idman cəmiyyətin ayrılmaz hissəsidir və dövlət siyasətinin mühüm istiqamətlərindən biridir. Bu gün Azərbaycanda idmanın inkişafı üçün yaradılmış geniş infrastruktur — bölgələrdə fəaliyyət göstərən Olimpiya İdman kompleksləri, güləş zalları, beynəlxalq səviyyəli yarışların təşkili — ölkəmizin idman potensialını daha da gücləndirir. Avropa Oyunları, İslam Həmrəyliyi Oyunları, MDB Oyunları kimi mötəbər yarışlara ev sahibliyi edən Azərbaycan artıq dünyada idman ölkəsi kimi tanınır. Prezident İlham Əliyevin xüsusi olaraq vurğuladığı mühüm məqamlardan biri də idmançıların yalnız yarış meydanında deyil, gündəlik həyatda da nümunəvi davranış nümayiş etdirmələrinin vacibliyi oldu. Azərbaycan idmançılarının yüksək mənəvi keyfiyyətləri, vətənə layiqli xidmətləri və cəmiyyət içində nümunə olmaları onların qazandıqları medallar qədər dəyərlidir.
Bu tarixi qələbə bir daha göstərdi ki, Azərbaycan idmanı güclü ənənələrə, peşəkar məktəbə və dövlət qayğısına əsaslanır. Nəsillər dəyişsə də, Azərbaycan idmanının zəfər yolu dəyişmir. Qarşıdakı illərdə də Azərbaycan güləşçilərinin dünya və Avropa arenalarında yeni qələbələr qazanacağına, üçrəngli bayrağımızı zirvələrdə dalğalandıracağına inam böyükdür. Bu uğurlar qalib xalqın, güclü dövlətin və milli iradənin parlaq təcəssümüdür.

İlkin Quluzadə, İmişli RİH başçısı aparatı, Müharibə iştirakçıları və şəhid ailələri ilə işin təşkili sektorunun böyük məsləhətçisi

29/04/2026

“Təlişli kəndinin şəhidi
CAVADZADƏ ANAR TAHİR OĞLU

29 aprel 1990-cı ildə İmişli rayonunda dünyaya göz açıb. 0,1997-ci ildə İmişli şəhər 2 saylı tam orta məktəbinə daxil olmuşdur. 9-cu sinfə qədər bu məktəbdə təhsil alan Anar, ailəsi ilə Bakıya köçdükdən sonra şəhərin məktəblərindən birində orta təhsilini davam etdirmişdir. Orta məktəbi bitirdikdən sonra topçu vəzifəsi ilə hərbi xidmətə yollanan şəhidimiz hərbi xidmət müddəti qurtardıqdan sonra Bakıya qayıdaraq burada bir çox sahələrdə çalışıb. Anar, 2018-ci ildə çəkilmiş şəhid İlham Cəfərovun 50 illik yubileyinə həsr olunan sənədli filmdə aparıcı rollardan birini səsləndirmişdir. Bu səslandırma xidmətinə və həmçinin, xüsusi səs tembrinə görə “İlin səsi” fəxri adına layiq görülmüşdür.

Azərbaycan Ordusunun əsgəri olan Anar Cavadzadə 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycan ərazi bütövlüyünün bərpa olunması üçün başlanan Vətən müharibəsində könüllü olaraq cəbhəyə yollanır. Topçu kimi hərbi əməliyyatlarda vuruşaraq, Hadrutun işğaldan azad edilməsi uğrunda gedən döyüşlər gedişatında 17 oktyabr 2020-ci ildə şəhid olub.

Anar Cavadzadə 18.10.2020-ci ildə İmişli rayonunun Təlişli kənd qəbiristanlığında torpağa tapşırılmışdır.

Ruhun Qarşısında Baş Əyirik!”

28/04/2026

https://www.facebook.com/share/p/188DJpGis6/

Azərbaycan–Ukrayna tərəfdaşlığı: enerji, iqtisadiyyat və təhlükəsizlik müstəvisində inkişaf

2026-cı il aprelin 25-də İlham Əliyev ilə Volodimir Zelenski arasında Bakıda keçirilmiş görüş və mətbuata verilən bəyanatlar Azərbaycan–Ukrayna münasibətlərinin mövcud vəziyyətini və inkişaf perspektivlərini əhatə edən mühüm siyasi hadisə kimi qiymətləndirilə bilər. Bu səfər iki ölkə arasında dostluq və strateji tərəfdaşlığın daha da möhkəmləndirilməsi baxımından xüsusi əhəmiyyət daşıyır.
Prezident İlham Əliyev çıxışında dövlət başçıları arasında görüşlərin müntəzəm xarakter daşıdığını vurğulayaraq son dörd il ərzində yeddi dəfə görüş keçirdiklərini qeyd etmişdir. Bu dinamika iki ölkə arasında yüksək səviyyəli siyasi dialoqun davamlı olduğunu göstərir. Prezident Zelenskinin Azərbaycana ilk səfərinin 2019-cu ildə baş tutduğunu xatırladan dövlət başçısı həmin dövrdən etibarən formalaşan şəxsi münasibətlərin bu gün də uğurla inkişaf etdiyini bildirmişdir. Eyni zamanda, 2022-ci ilin yanvarında Kiyevə etdiyi səfərin də əlaqələrin inkişafında mühüm rol oynadığı xüsusi qeyd olunmuşdur.
Bəyanatda vurğulandığı kimi, Azərbaycan və Ukrayna arasında əməkdaşlığın möhkəm siyasi təməli mövcuddur. 2008-ci ildə Kiyevdə və 2011-ci ildə Bakıda imzalanmış strateji tərəfdaşlığa dair sənədlər bu münasibətlərin əsasını təşkil edir. Həmin sənədlərdə hər iki ölkənin suverenliyi, ərazi bütövlüyü və sərhədlərin toxunulmazlığı prinsipləri öz əksini tapmışdır. Bu prinsipial mövqe Azərbaycan və Ukraynanın beynəlxalq təşkilatlar çərçivəsində də bir-birinə qarşılıqlı dəstəyində aydın şəkildə özünü göstərir. İki ölkə arasında əməkdaşlığın mühüm istiqamətlərindən biri iqtisadi və enerji sahəsidir. Xüsusilə SOCAR-ın Ukraynada uzun illərdir uğurla fəaliyyət göstərməsi bu sahədə mövcud əməkdaşlığın real nəticələrindən biridir. Bununla yanaşı, yeni birgə layihələr, sərmayə qoyuluşları və təşəbbüslər də gündəmdədir. Ticarət dövriyyəsinin artıq yarım milyard dolları ötməsi və gələcəkdə daha da artırılması üçün geniş imkanların mövcudluğu qeyd edilmişdir.
Hərbi-texniki sahədə əməkdaşlıq da müzakirə olunan əsas istiqamətlərdən biri olmuşdur. Həm Azərbaycanda, həm də Ukraynada hərbi sənaye kompleksinin inkişafı birgə istehsal və sənaye əməkdaşlığı üçün geniş perspektivlər yaradır. Bu sahədə qarşılıqlı təcrübə mübadiləsi və yeni layihələrin həyata keçirilməsi iki ölkənin müdafiə qabiliyyətinin gücləndirilməsinə xidmət edə bilər.
Ümumilikdə, Prezident İlham Əliyevin bəyanatı Azərbaycan–Ukrayna münasibətlərinin yüksək səviyyədə olduğunu və çoxşaxəli əməkdaşlıq platformasına əsaslandığını göstərir. Müntəzəm siyasi dialoq, qarşılıqlı hörmət və ortaq maraqlar üzərində qurulan bu əlaqələr gələcəkdə daha da dərinləşəcəkdir. Aprelin 25-də baş tutmuş səfər isə bu prosesə yeni təkan verərək iki dost ölkə arasında əməkdaşlığın inkişafına mühüm töhfə kimi tarixə düşmüşdür.

Məhəmmədəli Sarıyev- İmişli RİH başçısı aparatının, İctimai-siyasi və humanitar məsələlər sektorunun baş məsləhətçisi