Şabran rayonu Uşaq - Gənclər İnkişaf Mərkəzi

01/06/2026

Mərkəzimiz tərəfindən təşkil olunan bütün tədbirlərdə fəallığı ilə seçilən gənc ifaçımız Elvin Cəfərov.

01/06/2026

Mərkəzimizin istedadlı dərnək üzvü Zeynəbin ifasında "Xarı bülbül" rəqsi.

01/06/2026

"Bədii qiraət" dərnəyinin üzvlərinin ifasında "Azərbaycan" mahnısı. 1 İyun - Uşaqların Beynəlxalq Müdafiəsi Gününə həsr olunmuş tədbir.
Dərnək rəhbəri : Xəlilova Nuranə.

01/06/2026

1 iyun 2026-cı il tarixində Şabran rayon Heydər Əliyev Mərkəzində Şabran Rayon İcra Hakimiyyətinin dəstəyi, Quba-Xaçmaz Regional Təhsil İdarəsi Şabran rayonu üzrə təhsil sektorunun tabeliyində fəaliyyət göstərən uşaq - gənclər inkişaf mərkəzi və Şabran rayon Heydər Əliyev Mərkəzinin birgə təşkilatçılığı ilə “1 İyun – Uşaqların Beynəlxalq Müdafiəsi Günü”nə həsr olunmuş rəsm və əl işlərindən ibarət sərgi keçirilmişdir.

“1 İyun – Uşaqların Beynəlxalq Müdafiəsi Günü” nün qeyd olunması, istedadlı və yaradıcı gənclərin aşkar edilməsi, onların yaradıcılıq potensialının təbliği məqsədilə təşkil edilən tədbirdə Şabran Rayon İcra Hakimiyyətinin başçısı Asif Hüseynov, Şabran rayon Bələdiyyəsinin sədri Fidan Fərzəliyeva, Şabran rayon Heydər Əliyev Mərkəzinin direktoru Təvəkgül Əliyev, eləcə də rayonun idarə, müəssisə və təşkilat rəhbərləri, əməkdaşları, gənclər və uşaqlar iştirak etmişlər.

Tədbirdə çıxış edənlər əlamətdar gün münasibətilə uşaqları və gəncləri təbrik etmiş, sərgidə nümayiş olunan əsərlər haqqında xoş təəssüratlarını bölüşmüş, şagirdlərə gələcək fəaliyyətlərində uğurlar arzulamışlar.

Sərgi iştirakçılar tərəfindən böyük maraqla qarşılanmış, nümayiş etdirilən rəsm əsərləri yüksək qiymətləndirilmişdir.

28/05/2026

26 may 2026-cı il tarixində Şabran rayon Heydər Əliyev Mərkəzində Şabran rayon uşaq - gənclər inkişaf mərkəzi və Şabran rayon Heydər Əliyev Mərkəzinin birgə təşkilatçılığı ilə 28 may Müstəqillik günü ilə əlaqədar “Müstəqillikdən Qurtuluşa gedən yol” adlı tədbir keçirilib.
İlk öncə tədbiri giriş sözü ilə açan Şabran rayon Heydər Əliyev Mərkəzinin direktoru Təvəkgül Əliyev açaraq bildirdi ki, 1918-ci il mayın 28-də Azərbaycan Xalq Cümhuriyyətinin Milli Şurası İstiqlal Bəyannaməsini imzalamaqla Azərbaycanın müstəqilliyini dünyaya bəyan etmiş, xalqımızın çoxəsrlik dövlətçilik ənənələrini davam etdirmişdir. Qısa dövr ərzində Azərbaycanın ilk parlamenti, hökuməti yaradılmış, dövlət atributları təsis olunmuş, sərhədləri müəyyən edilmiş, dövlət quruculuğu sahəsində mühüm tədbirlər həyata keçirilmiş, Cümhuriyyətin beynəlxalq münasibətlər sisteminin subyekti kimi tanınması, diplomatik müstəvidə milli maraqların qorunması istiqamətində mühüm addımlar atılmışdır.
Daha sonra çıxış edən digər qonaqlar qeyd etdilər ki, 1991-ci il oktyabrın 18-də “Azərbaycan Respublikasının dövlət müstəqilliyi haqqında” Konstitusiya Aktı qəbul olunmuşdur. Konstitusiya Aktında 1918-ci il 28 may tarixli İstiqlal Bəyannaməsinə və “Azərbaycan Respublikasının dövlət müstəqilliyini bərpa etmək haqqında” Azərbaycan Respublikası Ali Sovetinin 1991-ci il 30 avqust tarixli Bəyannaməsinə istinad olunmuş, Azərbaycan Respublikasının Azərbaycan Xalq Cümhuriyyətinin varisi olduğu təsbit edilmişdir. Beləliklə, “Azərbaycan Respublikasının dövlət müstəqilliyi haqqında” Konstitusiya Aktına əsasən Azərbaycan xalqı 1991-ci il oktyabrın 18-də öz müstəqilliyini bərpa etmişdir.

28/05/2026

Azərbaycanın dövlətçilik tarixinin mühüm səhifələrindən biri olan 28 May – Müstəqillik Günü xalqımızın milli birliyinin və suverenliyinin rəmzidir.

Müstəqilliyimiz daim möhkəm, dövlətimiz güclü olsun!

Müstəqillik Gününüz mübarək!

27/05/2026

Hörmətli həmvətənlər!

Sizi və Azərbaycanın hüdudlarından kənarda yaşayan bütün soydaşlarımızı müqəddəs Qurban bayramı münasibətilə ürəkdən təbrik edir, hər birinizə ən səmimi arzularımı yetirirəm.

İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır.

Hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Əziz bacı və qardaşlarım!

Bu mübarək günlərdə şəhidlərimizin ölməz xatirəsini bir daha minnətdarlıqla yad edir, xalqımızın və dövlətimizin əmin-amanlığı naminə etdiyiniz duaların Tanrı dərgahında qəbul olunması diləyi ilə ailələrinizə xoşbəxtlik, süfrələrinizə bol ruzi və bərəkət arzulayıram.

Qurban bayramınız mübarək olsun!

27/05/2026

Qurban bayramınız mübarək!

23/05/2026