25/07/2026
Əgər sizə qarşı oğurluq cinayəti baş veribsə hərəkətləriniz aşağıdakı ardıcıllıqla olmalıdır.📃
1. Hadisə yerini mümkün qədər olduğu kimi saxlamaq. Oğrunun toxunduğu əşyalara ehtiyac olmadıqca toxunmamaq, izlərin itməsinin qarşısını almaq.☝️
2. Dərhal polisə (102 xidmətinə) məlumat vermək.☎️
3. Hadisə yerinə gələn polis əməkdaşlarına məlumat vermək. Oğurlanan əşyaları, hadisənin baş vermə vaxtını, şübhəli şəxslər barədə bildiklərini ətraflı izah etmək.🕵️
4. Rəsmi ərizə ilə müraciət etmək. Ərizədə oğurlanan əmlak, onun dəyəri və hadisənin halları göstərilir.📝
5. İstintaq hərəkətlərində iştirak etmək. Zərərçəkmiş qismində ifadə vermək, tanınma, baxış və digər prosessual hərəkətlərdə iştirak etmək.🙋
6. Oğurlanmış əmlakın dəyərini təsdiq edən sənədləri təqdim etmək. Çeklər, müqavilələr, fotoşəkillər və digər sübutlar təqdim edilə bilər.🧾
7. Zərərin ödənilməsi ilə bağlı tələb irəli sürmək. Cinayət işi çərçivəsində mülki iddia vermək və ya sonradan mülki qaydada ziyanın əvəzinin ödənilməsini tələb etmək mümkündür.⚖️
8. İstintaqın gedişi barədə məlumat almaq və qərarlardan şikayət vermək hüququndan istifadə etmək. Zərərçəkmiş CPM-də nəzərdə tutulmuş digər prosessual hüquqlara da malikdir.📕
