22/10/2024
Respublikamızın paytaxtı Bakı şəhərinin yaxın günlərdə COP-29-a ev sahibliyi edəcəyi hərkəsə məlumdur.
Yarıtmaz şəhərsalma fəaliyyəti nəticəsində baş verən "Subasma" olayı bir daha sübut edir ki, vəzifə və kreslosundan yapışan bütün iqtidar nümayəndələri bu illər ərzində pul yığmaqla, büdcəni talamaqla məşğul olub.
Hakim rejimin illərdir xalqa sırıdğı " Təmiz Bakı " layihəsi, dünən və bu gün yağan yağışın yaratdığı gölməçələrə yəni , suya düşdü.
Bakı şəhərinin kanalizasiya problemləri illərdir ki, kosmetik təmir olunur.Səbəbi isə monopolist tikinti şirkətlərinin, rejimə bağlı biznes adamlarının hər tində bina, obyekt, profaktoriya ucaltmasıdır.
Nə qədər ki, korrupsioner idarəetmə sistemi hökm sürəcək, dəyişən heçnə olmayacaq.
Qanun da , cərimə də kasıb xalq üçün nəzərdə tutulub.
Sabunçu rayon ərazisində yerləşən yol ötürücüsünün yağış suları ilə dolması nəticəsində iki nəfər boğularaq(müxtəlif xəbər mənbələrində tirajlanıb) dünyasını dəyişib.Bu hadisə həm ölkəmiz, həm də idarəçilik adına utanc verici olaydır.
Məsuliyyət daşıyan şəxslərin isə cəzalandırılması utopiyadan başqa birşey deyil.
Yəni, müxtəlif bəhanələr gətiriləcək, qurbanlıq günahkarlar seçiləcək.
Həyatını itirən şəxslərin ailələrinə və yaxınlarına hərəkatımızın İdarə Heyəti adından başsağlığı diləyirik.
Allah rəhmət eləsin !
